لمة الليبيات لشهر جمادي الاول 1431 ه ....

هنو


بعيد الشر عن خاطرك وقلبك ياربي ما يكتب عليك سؤ


اسمعي اني محتاره


نبي نروح طبعا باذن الله 15 6 بنكون روحت


محتاره شن ندير


لشعري هوا اكحل هلبا خفيف وطويلللللل كان قصيته ف عرسي قصير

توة طوله تحت الكتوف يعني ف نص الظهر


وووو نبي نمشي من هني منسفره روحي ههه

جو حلاوة وبخار وحنه ناعمه وكلو


فا محتاره


لو الموضوع مش عاجبك نحكو فيه وقت تاني


المهم يا وديييييييييييي غير الجو تروق


عندي صاحبه نحبها موت اسمها جولي


تقولي اشتدي يا ازمه تنفرجي

ووبما معني هالجمله اني نقولك


تفرج حبيبتي وولو تعرفي صاحبه مقربه كلميهاا فضفضي ليها


براحتك ولا شوفي حاجه تحبيها ديريها

كل الي واسوني دايموند وعروسة وهيوله وغولتي وطرابلسيه لي سرتاوي كلكم ربي يخليكم ليا
والحمد لله عندي صديقات قلبهم كبير وأنتو منهم
أهو نحكيلكم القصه الي صايرتلي بس نبي مشاركه وردود
ياحبيباتي طبعا أنتو عارفين أني نخدم وفي وحده عاملة نظافه اني نحبها هلبه لأنها اول مانجي الصبح نلقا ضحكتها البشوشه والوجهه الحسن والصباح الحلو
وكلامها كله ذوق وعسل ونفرررررررررح لما نشبحها تستنا فيا قدام المكتب يعني لو مانشبحهاش نحس يومي ناقص ومش حلو
المهم اني عارفه من قبل أنها ماتجيبش صغار وانها حاولت (طفل الانابيب) لكن للأسف ماصار شئ لأنه زي ماتعرفو عاملة نظافه (لانه ظروفها صعبه ماقدرتش ترتاح وأنتو تعرفو انه التلقيح الصناعي يبي راحه تامه ) المهم فقداته من الخدمه
والاسبوع الي فات جتني وجايبه معاها وراقيها علي اساس دور في تلقيح بالمجان وتبي الدكاتره يشوفو حالتها هنا كانت صدمتي (قالتلي انه كان عندها ورم ليفي في الرحم وأستاصلاته ) طبعا لما خديت الأوراق قريت انه مدايره عمليه وقتلها الحمد لله أنك أرتحتي منه وووووووووووووووواك يابنات دموعها قعدو ينزلو زي الماس ودمعتها حاااااااااره وحسيتها طفله صغيره ودمعتها زي دمعة اليتيم (مع العلم انه عمرها 37 سنه) وقالتلي وهيا تبكي لا ياهنو رجع من جديد واني خاطري نجيب حتى بنوته لما تكبر تقعد زيك حنوووووونه وقويه مانخافش عليها (والله يابنات حسيت روحي أضعف الخلق وتمنيت أنها ماقلتليش وقعدت ماسكه دموعي بالسيف )
وقعدت تفضفض اولا قصة راجلها :
قالت من سنين طاح وتكسر وتكسح وقعدت تعاني فيه فوق 5 سنين ممرضه في الحوش وعاملة نظافه في الصبح عشان تصرف عليه وقالتلي واول ماوقف قعد مع أهله ضدي مع انه هو مايخدمش حتى بعد ماشفا وقعد يمشي انا الي نخدم لأنه هو مايقدرش وتوه قالتلي وقف مع اهله ضدي وبيزوجه عشان الصغار (وتخيلو الحوش الي طلعها منه راجلها هيا الي تدفع في أيجاره )قالت روحت لي حوش خوي (لأنها يتميه ومربينها خوالها وماعندها حد ) وطبعا مرت الخو نااااااااااااااااااااار تصدقو قالت تجي الصبح من غير فطور ومرت خوها قريب دير قفل على الثلاجه وكل يوم تقوللها نفس المقوله الي هي ( أمشي أشقي بحالك حتى الكلاب في الشوارع يجروا وأنتي قاعده زي قلتك ) حشاكم يابنات
والله يابنات مجرد ماطلعت سكرت مكتبي وقعدت نبكي بالعبره ونعيط لوين قلبي وجعني لأني بجد نحبها هلبه هلبه وخايفه عليها من المرض ولأني عارفه ضروفها صعبه ومسكينه
وليا كام يوم على نفس الحاله ومانرقدش الليل وكل صبح نجري خايفه مانلقهاش تستنا فيا
وخيااااااااااااااااااااتي أني نكتب ونبكي ياريت ماتهملوش موضوعي وتشاركوني وتقولولي كيف نتصرف