تجمع بنات الجزائر لشهر جمادى الاول 2010/1431

علاه مكانش
ساهل الحال
اتعلمي بشوية الطريقة ساهلة بزااف بصاح يليق تصبري

ان شاء الله

شاتحكي؟

السلام عليكم ورحمة الله وبركاته..

اهلا بيكم كامل..

ان شاء الله تكونو بالف خير..

Marseille;12028112:
مساء الخير بنات واش راكم توحشتكم و شكرا كامل لسقسيتو عليا و فرحتوا بالمجيء نتاع راجلي لعقوبة ليكم كامل كل واحدة انشاء الله يلاقيها ربي بخطيبها عاجلا غير آجلا يا رب. المهم انا دخلت نسلم عليكم و نعطيكم الجديد نتاعي و نروح و اذا لقيت لعشية وقت انشاء الله ندخل نشوفكم.
مساء الخير أختي لونا و شكرا ليك و نقولك حاجة ولفي روحك من ضرك في اذالزعاف نتاع الراجل نورمال لوكان نحكيلك انا واش بكيت ملي عرفتوا لوكان نهار كامل ما يكفينيش باش نحكيلك عادي حبيبتي راهو كي الملح في الطعام لازم يامات يكون فيهم الزعاف سي نو متحلاش المهم انشاء الله ضرك يكون راح الغش و انشاء الله ربي يهنيكم و نصيحتي ليك اذا شفتيه مغشش و مقلق متعنديهش كوني ثقيلة حتان تفوت القلقة و كلميه هكذا تبعدي على المشاكل معاه صدقيني هذه هي طريقتي مع زوجي و نزيد نقلك حاجة مكانش واحد مقلق كيفو بصح و الله غير قدرت عليه بهاذ الطريقة حتى هو ولا يقولي و ليت نحشم نعيط عليك رديتيني عاقل هــــــــــه ربي يهنيك أختي.

Marseille;12028171:
مساء الخير أختي ماريمار ربي يهنيك انشاء الله و يجمعك بزوجك في أقرب وقت شوفي حنونة لكلام لقلتو لختي لونا نقولولك روحي اقرايه مليح و طبقيه واديها نصيحة من عند أختك لكبيرة صاحبت أكبر خبرة بيناتكم هــهههه ومظنيتش كاين كوبل معندهمش مشاكل و زعاف و قلقة لازم هذه هي الدنيا المهم ربي انشاء الله يخلي كل ياماتك فرح على فرح. و انا منطلب والو ادعيو برك ربي يخليلي زوجي و يبعد عني الحسد راه قتلني.

Marseille;12028284:
مساء الخير أختي حلم و أمل يعطيك الصحة على القاطو راكي شاطرة منخافش عليك ربي يهنيك يا أختي و انشاء الله كيما اليوم اديريلنا البروك نتاع النجاح في الامتحانات و نتاع الزواج ربي يهنيك أختي.
أختي الهاشمية راني منسيتكش و راني شوفت جهازك هايل ربي انشاء الله يكملك على خير و انشاء الله تنجحي في الإمتحانات هكذا يولي عندك الوقت ونوليو نشوفوك كل يوم.
المهم أنا نخليكم ضرك على خير انشاء الله واش نقولكم انا جوزت ويكاند شباب مع زوجي و البارح كي جا يخدم شويا في الارديناتور نتاعي حبس بهدل بيا تقول كان يستنى فيه واليوم صبح مسكين في السيبار و الله حشمت قلقني قريب هزيتو وخبطتو بصح وليت تفكرتكم قلت لا لا سينو منلقاش كيفاه نحكي معاهم اذا وليت خدمتو وغظتني شريتو جديد كان عندي واحد قديم جامي يحبس حتان بدلتو وهذا يا لطيف ملي شريتو و هو هكذا المهم هذي القلقة نتاعو لراهي تهدر فيا. و الله نسيت نصورلكم الحلوى و الشوكولا لجاب راجلي متاخافوش راني خبيتلكم سهمكم ههههه و الله لكان جيتو قراب لوكان جبتلكم ماشي خسارة فيكم ومن باعد ثاني نصورلكم كل حاجة جابهالي ربي يخليهولي انشاء الله ادعيو معايا انشاء الله نكملو هاذ اليامات على خير و نتهناو ويقدرني ربي و نتهلى فيه مليح و نتوما متخموش راني كل خطرة نعطيكم الجديد بصح شاركو كل يوم متخليوش التجمع نتاعنا يموت باي.

عندك حق حبيبتي مرساي..

الرجل لازم كييكون مقلق تخليه ما تدوريش بيه حتى يهدا وهو وحدو يولي نورمال..

مرسي على الحلوة والشوكولا..

وان شاء الله تتهناي مع زوجك وتعديو ايامات ملاح مع بعض..

ونستني باقي الاشياء الي شراهملك..


باااي عليكم الكل..

قصه واقعيه فيها العضه والعبره لمن تصدق في سبيل الله

http://forums.3roos.com/showthread.php?t=517874

ويييييييييين راكم ):

مساء الخير بنات وراكم توحشتكم علاه راكم غايبين انشاء الله ما يكون غير الخير ولا خلاص غبت انا غاب كلش معايا انشاء الله المرة القادمة كي ندخل نلقاكم كامل أهنايا ربي يهنيكم.

أحلى تحية وأرق سلام للغائبات
أم آيــــــــــــــــــــة في أطهر أرض
عمرة مباركة مقبولة و ان شاء الله عودة ميمونة لأرض الوطن


بلا ما ننسى ميسون الجزائرية
هذي غيبة كبيرة توحشتك ان شاء الله تكوني بخير

لبنات التجمع تاع جمادى الأولى كان انشط من اللي قبلو و لمتنا راهي رايحة تكبار بالشوي بالشوي تبارك الله
و tant que جمادى الأولى راهو قريب يخلاص ماذا بينا نديرو اليد في اليد ويكون التجمع الجاي خير و أنشط من هذا و ماتنساوش اللي دير موضوع جديد دير الرابط تاعو هنا باش نقراوه ونديرولها الردود و التقييمات si c possible

مساء الخير أختي أنا راني معاك في التجمع الجاي انشاء الله

ان شاء الله مارساي
و نتمنى من اي اخت هنا تفيق بعضوة جزائرية جديدة ولا قديمة وماشي فايقة بالشات تاعنا تقلها عليه

http://forums.3roos.com/showthread.php?t=534391

لبنات شاركو في التصويت في مسابقة عيشوش على اجمل تلوين صورة بالفوطوشوب
هذا رابط التصويت وفيه الصور قبل وبعد التلوين
http://forums.3roos.com/showthread.php?t=534071

خواتاتي توحشتكم بزااااااااااااااف انا اختي رها حاجزه الكمبيوتر عندها تخرج هاد السنه ادعولها باتوفيق ياسمين صوره شابه راكي حاطتها لمن

ربي يخليك يسمين ياعمري وانت اخبارك

اسمحيلي سوسو كي رديتي علي كنت ديجا دكونكتي
انا بخير الحمد لله
راني في حملة زيادة الوزن بصح بلا نتيجة لحد الآن:(

معليش حبوبتي بغيت انقولك ماتستسلميش انا راني زدت غير 2 كيلو بصح راني نجاهد غير صبري وواصلي