تجمع بنات الجزائر لشهر جمادى الاول 2010/1431

الحمد لله لقيتكم..

انا تحيرت قلت كانو ناشطين وين راحو..


المهم تكونو بخير..


حلم تاكلي بالصحة والهنا..اتفكرينا بشوية جاتو..

وكيما قلتو مارساي اي متولهة مع حبيب القلب..

وهاشمية ربي يعاونها مع الامتحانات..

وماريمار ما نلقاش اون لين كي ندخل..

ان شاء الله نحاولو نتفاهمو على ساعة في الوكاند مثلا.. ندخلو فيها كامل ونحكيو مع بعض على كل حاجة..

اممممممممم..

درك اعادا شفت الجاتو..

اممممم

سخفتيني..

** سوسو جزائرية **;12024300:

ايه الحاله راها حاكمه كيراكم لبنات غايه

الحمد لله على كل حال و أنت سوسو، عاش من شافك؟

الله يسلمك حبوبه والله انا غير اختي رها مستعمره الكمبيوتر عندها تخرج هاد السنه

صباح الخير عليكم ..

واش راكم..

ان شاء الله تكونو كامل بخير..

راني ورا شغل الدار اليي ما يخلصش..هدا وانا في دارنا وماما واختي تعاونو..

ماعلاباليش كيفاش ندير نهار نعود في داري وحدي..

تكره شغل الدار ..

قلت نطل عليكم شوية..على خاطرش العشية راني خارجة..عندي شغل وما نقدرش ندخل..

ان شاء الل في الليل ندخل نلقاكم كامل..

بااااي..

marimare;12024564:

والله اسمحيلي كنت مع راجلي نحكي وراهو غششني وخلاني نبكي مزية لقيتك نفرغلك قلبي

ماتبكيش حبوبة..

ان شاء الله يعيطلك ويصالحك ويجيبلك F:F:F:F:F:..


انا اوسي قبل بيومين راجلي بكاني على بيها كنت حاطة المزاح :'(:'(

بصح مباعد خلاص..

اصلا هدو المشاكل يصراو بين كل اثنين..

وهما اللي يزيدو الحب..

مساء الخير بنات واش راكم توحشتكم و شكرا كامل لسقسيتو عليا و فرحتوا بالمجيء نتاع راجلي لعقوبة ليكم كامل كل واحدة انشاء الله يلاقيها ربي بخطيبها عاجلا غير آجلا يا رب. المهم انا دخلت نسلم عليكم و نعطيكم الجديد نتاعي و نروح و اذا لقيت لعشية وقت انشاء الله ندخل نشوفكم.
مساء الخير أختي لونا و شكرا ليك و نقولك حاجة ولفي روحك من ضرك في اذالزعاف نتاع الراجل نورمال لوكان نحكيلك انا واش بكيت ملي عرفتوا لوكان نهار كامل ما يكفينيش باش نحكيلك عادي حبيبتي راهو كي الملح في الطعام لازم يامات يكون فيهم الزعاف سي نو متحلاش المهم انشاء الله ضرك يكون راح الغش و انشاء الله ربي يهنيكم و نصيحتي ليك اذا شفتيه مغشش و مقلق متعنديهش كوني ثقيلة حتان تفوت القلقة و كلميه هكذا تبعدي على المشاكل معاه صدقيني هذه هي طريقتي مع زوجي و نزيد نقلك حاجة مكانش واحد مقلق كيفو بصح و الله غير قدرت عليه بهاذ الطريقة حتى هو ولا يقولي و ليت نحشم نعيط عليك رديتيني عاقل هــــــــــه ربي يهنيك أختي.

مساء الخير أختي ماريمار ربي يهنيك انشاء الله و يجمعك بزوجك في أقرب وقت شوفي حنونة لكلام لقلتو لختي لونا نقولولك روحي اقرايه مليح و طبقيه واديها نصيحة من عند أختك لكبيرة صاحبت أكبر خبرة بيناتكم هــهههه ومظنيتش كاين كوبل معندهمش مشاكل و زعاف و قلقة لازم هذه هي الدنيا المهم ربي انشاء الله يخلي كل ياماتك فرح على فرح. و انا منطلب والو ادعيو برك ربي يخليلي زوجي و يبعد عني الحسد راه قتلني.

مساء الخير أختي حلم و أمل يعطيك الصحة على القاطو راكي شاطرة منخافش عليك ربي يهنيك يا أختي و انشاء الله كيما اليوم اديريلنا البروك نتاع النجاح في الامتحانات و نتاع الزواج ربي يهنيك أختي.
أختي الهاشمية راني منسيتكش و راني شوفت جهازك هايل ربي انشاء الله يكملك على خير و انشاء الله تنجحي في الإمتحانات هكذا يولي عندك الوقت ونوليو نشوفوك كل يوم.
المهم أنا نخليكم ضرك على خير انشاء الله واش نقولكم انا جوزت ويكاند شباب مع زوجي و البارح كي جا يخدم شويا في الارديناتور نتاعي حبس بهدل بيا تقول كان يستنى فيه واليوم صبح مسكين في السيبار و الله حشمت قلقني قريب هزيتو وخبطتو بصح وليت تفكرتكم قلت لا لا سينو منلقاش كيفاه نحكي معاهم اذا وليت خدمتو وغظتني شريتو جديد كان عندي واحد قديم جامي يحبس حتان بدلتو وهذا يا لطيف ملي شريتو و هو هكذا المهم هذي القلقة نتاعو لراهي تهدر فيا. و الله نسيت نصورلكم الحلوى و الشوكولا لجاب راجلي متاخافوش راني خبيتلكم سهمكم ههههه و الله لكان جيتو قراب لوكان جبتلكم ماشي خسارة فيكم ومن باعد ثاني نصورلكم كل حاجة جابهالي ربي يخليهولي انشاء الله ادعيو معايا انشاء الله نكملو هاذ اليامات على خير و نتهناو ويقدرني ربي و نتهلى فيه مليح و نتوما متخموش راني كل خطرة نعطيكم الجديد بصح شاركو كل يوم متخليوش التجمع نتاعنا يموت باي.

السلام عليكم ابنات كراكم دايرين ؟
ان شاء الله بخير



خسارة فاتني الطبق
الله يعطيك الصحة باين بلي شباب
علاش محطيتيهش في ركن الحلويات مع الوصفة؟
راني نقارع فيها بالاك نسييها
الله يعطيك الصحة

مساء النور مارساي
ربي يدوم فرحتك مع الزوج تاعك ويكونو الايام الجايين احلى ان شاء الله
ومرسي على كلامك الحلو ودعواتك الطيبة بالنيابة على الجميع

مساء النور عيشوش واش راكي
وانتي وين هوم اطباقك
راكي ça fait longtemps ما زينيتش ركن الطبخ بطبق من عندك

مسان النور ياسمين
الاطباق راهم كاين الوقت لي ماكانشش
وانت كاش طياب ولا والو

الطياب ممممممم كاين
بصح التحكم في الصور ورفعها وتصغيرها هو اللي ماكانش