العفراء;12035910:
صباح الخير انا من متابعين ووايد استفتد منكم وامس كتبت تقرير طويل ما ادري وين راح المهم بكتب تقريري للحفله هي ملجه وخطوبه في ماتم في بدايه حجزت صابرين الذواذي وكان ثنتين بعد معا بس كنسلوا وكنت وايد متردده:(وخايفه وانظر تقرير انا شوق ووايد تاخرت فطرشت رساله لحصاصي والله كل كلام يلي في دنيا قليل عليها بنيه ذهب وذوق وايد طمنتني وشجعتني ورتحت لكلامها اتصلت لصابرين واكدت حجز بتيني ساعه4 و6 بارزه قبل حفله بيوم ساعه 3 رحت صالون هواجر للحنه في رفاع مقابل يشمك وتحنيت حنه هندي يدي 6 دينار ورجل 6 دينار ورجعت بيت ساعه 10 شلت حنه وحطيت فازلين ولبست قفاز وجوراب ونمت 3ونص غسلته وما شاء الله صار غامج وحلو :) ساعه 2 اتصلت صابرين تاكد انه بجيني 4 وتاخرت لاربع وربع اتصلت فيها قالت انا في طريج خمس دقايق بس مهم وصلت وتوقعتها اكبر يعني في 30 طلعت صغيره في عشرينات وانا اكبر منها :lol: وانا من نوع ما اتكلم وايد بس وايد ارتحت لها وهي وايد طيوبه وحلوه وذوق وسولفنا وايد اول مره اسولف مع احد جديه واقرحت عليها ان تحط صور في منتدي قالت ان شاء الله بس الحين ما عندها الا صور زباين ما تقدر تحطهم وشرحت لها شنو ابي للشعر ويفي من جدام بف فيه حشوه وكان مرتب ومكياج اتفقنا علي سموكي فستاني احمر وحطت لي اسود وذهبي وماروني علي احمر وانا خاطري في روج بعد احمر واول ما شفت وجه تذكرت شوقوه اعتقد نفس يلي سوته لج وطلعت حلوه ومرتبه :thumbs_up: شعر 15 دينار ومكياج 15 دينار بدون رموش حاولت معا تحط رموش ما بغيت لان ما قدر عليهم عيني تدمع وتصير كاني بنام اخر شي قالت بحطلج برموش بصير احلي ما بحسبهم بعد ما وافقت قالت اول مره اقول احد بحطله مجان ما يرضي :D خلصنا ساعه 7 بضبط وزوجي وايد عجباه ورحت اصور و9 وصلت ماتم وفرحت وايد لان انا كنت مرتبه وحلوه:) وان شاء الله اذا صار عندي مناسبه ثانيه بعد بخليها هي بس بجرب مكياج طريقه ثانيه وهي تسالج شنو تبين قبل انصحكم فيها وحصاصي مشكوره F:والله يزقج ذريه صالحه
كمايو;12036434:
سلااااام
اليوم بكتب لكم تقرير عن تسوقي يوم السبت خخخخ توني فاضية :) وطبعن التسوق كان كل داخل الستي سنتر ( وطبعن تسوقي كان كل اجهز من الحين لزواجي شهر 7 كل سبوع اشتري جم شي عن خاطري )وكنت مع اخواتي الثنتين وخالتي كلنا متقاربين في العمر وهذا احلى شي يعني ذوقنا واحد بس يختلف شوي) اما خواتي وخالاتي بس هلون تسوق عادي :worn_out:
اول شي طبعن طلعنا من البيت 11 ونص الضهر في عز الشمس وصلنا الستي 12 بالضبط بعدها رحنا نصلي على طول عشان نبدي تسوق واحنا مرتاحين .
واول محل ندخلة كان محل كبرى القصير لان كنت ادور لي جلابية على شكل فستان وطبعن ما عجبني ولاشي . وبعدها رحنا انمار انمار صج روعة جلابياتة بس المشكلة واااايد غالي وانا ما ابي شي غالي للحنة حدة حدة 50 دينار اوردي يمكن يتلعوز من الحنة فبخسرها .
بعدين رحنا محل تبع ملابس داخلية ( نسي اسمة ) طبعن يوم عجبونا واخترنا كان مخطوط عليهم خصم 57% ورحنا ندفع طلع الخصم شلخ ههههههههه وخذناهم بالسعرهم الاصلي .
وبعدها رحنا بيكوكس وفرينا المحل فر ماكان فيه شي عدل وكان مسوي تخفيض 50 % وكل التخفيض كان على اشياء قديمة قضى عليها الدهر .
وبعدين رحنا هوم سنتر وكان هم مسوي تخفيض في اشياء وااايد عجبتنا بس اطرينا ان انخليها لي آخر شي لان بنحملهم ثقال وبتكسر اايادينا هههه بس ترى فيه اشياء وايد حلوة وخصوصن المواعين .
وبعدين ابطونا قامت اتخروش متنا جوع ورحنا جليز وبعد ما طلبنا طلبيتنا قعدة يمكن ساعة الاربع ننطر الاكل لان كان يوم سبت وزحمة وكل ماطلعو لستاف من المطبخ قلنا وصل الاوردر ويطلع مو لنا ستك رايح وستيك ياي :adore: وراسنا يلتف يمين ويسار وخصوصن مع الريحة متنا جوع واخر شي وصل الطلب وتغدينا وبعدها رحنا البنديرة وطلبت ام علي وااااااو اموت فيها وطلبنا بعد ابريق قهوة عربية واااااااااو وكان خاطرهم بعدد بالعقيلي بس قلت لهم يلايلا قومو ياين نتسوق لو نبلع .
بعدها رحنا برومود وعجبني جاكيت حلو ينلبس على جينز ب 13 ونص وكان في تنانير حلوة زاهية بس ما كان لهم قميص او فانيلة فخفت اشتريهم واتوهق بهم والوحيد برومود الي عجبوني تنانيرة فالي يعرف محلات فيها تنانير حلوة يقولي .
وبعدها رحت نيولوك وكانت مسوي تخفيض وكانت جينزاتة حدها حدها عجيبة اخذت لي واحد وصار خاطري اروح اخذ لي بعد لان بحتاجهم خصوصن لي بنسافر شهر العل بتكون السفرة كلها رحلات فلازم جينزات .
وبعدين رحنا كمايو ماعجبني ولاشي .
وبعدين ذبودي شوب وشريت عطور جسم احب عطوراتهم مال الجسم وبالاخص كلاسس روز بس للاسف ما حصلة :'( فأخذت وايت مسك . وكنت قبل رايحة السعودية وخذيت المفاريك ايل على شكل قفافيز عندهم ارخص ب دينار ونص وهني دينارين 600 كأن .
بعدها رحنا فور ايفر وشفت فانيلات سادة حلوين كان سعرهم ب 1.900 شريت لي 4 وحدات بعد يصلحون للسفر .
وبعدين رحنا اج اند ام وشفت فستان قصير حلو يصلح للبيت ب 5 دينار بعد اخذتة ههههه ولا اخلي بخاطري .
وبعدين رحنا لاسننز وكان مسوي تخفيض 25% واغراضة وايد حلوين يخلون الجسم مرتب وطخينا جم شي .
ودخلنا بعد جم محل بس مافتكرت في اساميهم لان ما عجبني شي من عندهم وراسي قام يفتر .
وبعدين رحنا نتعشى جعنا صارت الساعة 9.30 اخذنا اطباق من الابراج وباستا
وبعدها دخلنا سنتر بوينت اخذت لي قلتر بودرة ذهبي من قوش وكان خاطري بفوشي بس ماحصلت .
وبعدين رحنا هوم سنتر الي قلت لكم عنة انه بنرجع له آخر شي وخذنا الاغراض الي نبيهم وخلاص رحنا السيارة وقعدت اهمز بريولي تشلخت
حلمـ .,;12036464:
رجعت لكم بـ تقرير خفيف وع السريع جذي :p
..*..
عبايات مرمريتـا ( سوق واقف ) / بـ القرب من إستديوهات صحاري
مسويه تخفيضات إلى نهاية هـ الأسبوع
العبايات عندها شيلة & بالطو .. من 15 إلى 35 دينار فقط
وعبايات محلها كشوخية ونعومية جداً
وحتى عندها قطعة حرير مطفي جداً ناايس
أنصح العرايس بهـ المحل
يسوى تسوين لج بـ 3 أو 4 عبايات ولا بيطقون الـ 100 دينار !!!.. فلة :lol:
..*..
محل أسمه ( سر حواء .. أو أسرار حواء ) - سوق واقف / الطابق الثاني
وهو متخصص بمستحضرات ومستلزمات الصالونات
يبيع البضاعة بأسعار مخفضـة
بـ مثل أسعار الجملة وأقل من أسعار الجملة بعد
كل شي تحتاجينه ( سبراي شعر , سيروم , حمام زيت , شامبواهات .. إلخ )
كل الأشياءات إلي أشوفها في الصالونات
ومحتاجتها أستخدمها
لقيتها عنده بأسعار خيالية ههههههههه
خذيت لي وايد أشياءات طلعت لي بـ 9 دينار بس
يا بلاش !!..
وأنا كنت بشتريها من الصالونات .. وكانت بكلفني فوق الـ 20 دينار
خذيت لي حمام زيت مشهور أهو , ناسيه أسمه ( لونه سماوي )
2 بـ 2 دينار , وخفضني فيه
وسبراي للشعر ..
وسيروم 2 .. وعطاني واحد مجاناً
وليفة مغربيـة بـ 1 دينار
ههههههه واي ونسيت وشنهو بعد ؟!..
واليوم شكلي بعد بـ روح أخذ لي .. بـ أغتنم الفرصة يعني
..*..
وخبر عن الماكيرات ( شريفة فولاذ & صابرين كمال )
أعتقد أن أهما داشين في دوامة تنافس كبيرة هههههههههههههههههه :-#
كا كل وحدة فتحت لها صالون بأسمها في منطقة ( الرفاع )
- مركز شريفة فولاذ
- مركز صابرين كمال
عموماً ,
شريفة أسعارها ثابتة وما تغيرت من 25 وما فوق ( شاملة رموش & بودرة جسم )
والعروس بـ 100
|||
أما صابرين مصخها شويه
لأنها رفعت من أسعارها مرة وحدة وبـ شكل مبالغ فيه
مكياجها للعادي يبتدي من 30 وما فوق .. مع رموش بس ,
وإذا بـ بودرة الجسم جارج 5 دينار !!..
والعروس وصل سعرها للمكياج أعتقد 70 أو 80 دينـار
أهي أسعارها حالها من حال الماكيرات البقية .. بس يعني رفعتها مرة وحدة جذي :|
|||
يعطيكم العافيه عالتقارير :thumbs_up:
