الرئيسية ركن العروس تجهيزات و استفسارات العروس {.ْ!●»«●.ْ!}

{.ْ!●»«●.ْ!}

حلمـ ., 14-04-2010 4,818 رد 163,555 مشاهدة
ع
عروس متفرغة
مشرفة سابقة
10-05-2010 | 11:40 AM
أنا الشوق;12032452:
عذبو

حق الجوكلت جيكي دلمون وايد لذيذ وسعره الكيلو ب8 آي ثنك
ومحمصة الجزيره بعد جوكلتهم حلووو

وعن الهديه
عطيه صوره لج في لقطه يعني هو ما جافها وكتبي عليها كلام حلو، وانتي عندج الكاميرا قعدي طلعي ينونج كله وصوري وجوفي اللقطات الحلوه وعدليها وجذي
واذا ماتعرفين تكتبين وتعبرين ترى النت متروس أشعار
دوري لج قصايد حق واحد من الشعراء الكبار: خالد الفيصل، بدر بن عبدالمحسن، طلال الرشيد، عبدالرحمن بن مساعد وغيرهم
واذا تبين شي ثاني حطي معاه مصحف أو اي شي انتي تبينه وبيتم معاه على طول، ومعاهم ورده
وحطيهم في بوكس حلو واذا انتي بترتبين شنطته او شي جذي دعسيهم بدون ماهو يدري كمفاجأه وبيتشقق حده بعدين خخخخخخ
وعادي ترى الهديه،، وحلاتها بدون مناسبه وخصوصا انه بيسافر يعني مابيروح بيتهم خخخخخخخ

تراجي

ايه والله صاجه عن مكياج صفاء
أنا ماقط جفت لها شخابيط الصراحه وأول مره جفت مكياجها كان صج ثقيل من ناحية الألوان لأن كانت غامجه وجم لون مع بعض ( برتقالي- أصفر- فوشي- بنفسجي) بس عجبتني طريقة الدمج وشلون قدرت تدخل الألوان مع بعض
وعقب جم سنه خذتها حق خطوبتي خخخخخخ حتى هي تسألني،، عند من كله تتمكيجين؟؟ قلت لها كله بروحي
الا تقول وليش ييتيني أنا قلت لها جايفه مكياجج من قبل
وسألتني وليش ماييتيني من قبل خخخخخخ قلت لها خاشتج حق خطوبتي هههههه وبما ان الخطوبه كانت في البيت فقلت لها تسوي لي شي ناعم وصج سوت لي شي نعوومي
وحق العرس بعد سوت لي لوك ثاني لأن قلت لها أبي سموكي وأبي غير

بس الخلاصه يعني أنا من جفت مكياجها أول مره عرفت انها فنانه وبتسوي اللي ابيه

ويلا تصبحون على خير




هلو الحب وانا اكمل على كلامج وهو

ان صفاء مكيجتني ليلة الجلوة وليلة الزواج وكل ليلة كان غير وعن جد شي حلو وراقي وبالاخص ليلة الزواج رسمت الكحل وااااااو وللحين متندمة بان ليلة ملجتي مارحت لها رحت الى غيرها وما احب اشوف اصور الملجة.

وحاليا انشاء الله راح اتكون مناسبتين عدنا واكيد راح اكون عدها راح استشيركم قريبا:lol:

بس السؤال يابت احد عندها الى الشعر لو للحين


وصــايــف;12032532:
أنا الشوق



بسألج عن مكياج صفاء كاني شفت او حسيت من كلامج يوم تقولين عن اخر عرس ان انتي في زواجج ويهج دهن ؟؟


فهل مكياج صفاء ما يصلح للي بشرتهم دهنية



هلللللللللللللللللللللللللللللللللللللللللللو وحشتيني موت
انا بعد شفت الرد من قبل الى انا الشوق يمكن اهي اتحركت وايد خبرج تعرفينها لينون ضاربنها ما تيلس بالنسبه لي ابدا ما ذهن ويهي والله يشهد للعلم انا ما يسلت ولا دقيقة على الكرسي تبع عرسي كل كنت اعور مو كان انا العروس
أ
أم الساادة
عروس مشرقة
10-05-2010 | 11:46 AM
حلآتى بعبآتى;12036162:
انه يلي طرحت الفكره مب حصاصي:worn_out:



شفتي الجلابيات الكويتية يلي انتشرت فترة يلي من قطعتين


القطعه يلي فووق تنلبس كأنها بشت هذي يلي اقصدها


وهذي صور للتوضيح








تسوين لج مثل هلقطعه وتلبسينها على فستانج الابيض حزة الجلوة


وعقب بس تفصخينها وتلبسين الطرحه وتدخلين مع ريلج



هاا بشري عسى وضحت الفكرة ؟؟؟





اوووووووووه سورس سوري خيو حلاتي هع هع

فديتش يالقمر متخربطه الف شغله في مخي لووووول

انزين مايصير تآجره صديقتي او شئ

كلش ماعندي وقت اسوي حقي واحد نفسه

لن دوام وجامعة وحد حدي اكمل اغراضي الباااقي

هع هع

اذا هذا خله نتواصل بالخاص :)
ع
عروس متفرغة
مشرفة سابقة
10-05-2010 | 11:49 AM
حصاصي;12036119:
حبيبة قلبي عليج بالعافيه
وترى انا ماسويت الا الواجب ولو مب مقتنعه بشغل صابرين جان مامدحتها
اذا اي احد خاطره يجوف شغلها يطرش لي ع الخاص بطرش صورة عيوني





انا ما عليج امر هههه
ك
كمايو
عروس مبدعة
10-05-2010 | 11:50 AM
سلااااام

اليوم بكتب لكم تقرير عن تسوقي يوم السبت خخخخ توني فاضية :) وطبعن التسوق كان كل داخل الستي سنتر ( وطبعن تسوقي كان كل اجهز من الحين لزواجي شهر 7 كل سبوع اشتري جم شي عن خاطري )وكنت مع اخواتي الثنتين وخالتي كلنا متقاربين في العمر وهذا احلى شي يعني ذوقنا واحد بس يختلف شوي) اما خواتي وخالاتي بس هلون تسوق عادي :worn_out:

اول شي طبعن طلعنا من البيت 11 ونص الضهر في عز الشمس وصلنا الستي 12 بالضبط بعدها رحنا نصلي على طول عشان نبدي تسوق واحنا مرتاحين .

واول محل ندخلة كان محل كبرى القصير لان كنت ادور لي جلابية على شكل فستان وطبعن ما عجبني ولاشي . وبعدها رحنا انمار انمار صج روعة جلابياتة بس المشكلة واااايد غالي وانا ما ابي شي غالي للحنة حدة حدة 50 دينار اوردي يمكن يتلعوز من الحنة فبخسرها .

بعدين رحنا محل تبع ملابس داخلية ( نسي اسمة ) طبعن يوم عجبونا واخترنا كان مخطوط عليهم خصم 57% ورحنا ندفع طلع الخصم شلخ ههههههههه وخذناهم بالسعرهم الاصلي .

وبعدها رحنا بيكوكس وفرينا المحل فر ماكان فيه شي عدل وكان مسوي تخفيض 50 % وكل التخفيض كان على اشياء قديمة قضى عليها الدهر .

وبعدين رحنا هوم سنتر وكان هم مسوي تخفيض في اشياء وااايد عجبتنا بس اطرينا ان انخليها لي آخر شي لان بنحملهم ثقال وبتكسر اايادينا هههه بس ترى فيه اشياء وايد حلوة وخصوصن المواعين .

وبعدين ابطونا قامت اتخروش متنا جوع ورحنا جليز وبعد ما طلبنا طلبيتنا قعدة يمكن ساعة الاربع ننطر الاكل لان كان يوم سبت وزحمة وكل ماطلعو لستاف من المطبخ قلنا وصل الاوردر ويطلع مو لنا ستك رايح وستيك ياي :adore: وراسنا يلتف يمين ويسار وخصوصن مع الريحة متنا جوع واخر شي وصل الطلب وتغدينا وبعدها رحنا البنديرة وطلبت ام علي وااااااو اموت فيها وطلبنا بعد ابريق قهوة عربية واااااااااو وكان خاطرهم بعدد بالعقيلي بس قلت لهم يلايلا قومو ياين نتسوق لو نبلع .

بعدها رحنا برومود وعجبني جاكيت حلو ينلبس على جينز ب 13 ونص وكان في تنانير حلوة زاهية بس ما كان لهم قميص او فانيلة فخفت اشتريهم واتوهق بهم والوحيد برومود الي عجبوني تنانيرة فالي يعرف محلات فيها تنانير حلوة يقولي .

وبعدها رحت نيولوك وكانت مسوي تخفيض وكانت جينزاتة حدها حدها عجيبة اخذت لي واحد وصار خاطري اروح اخذ لي بعد لان بحتاجهم خصوصن لي بنسافر شهر العل بتكون السفرة كلها رحلات فلازم جينزات .

وبعدين رحنا كمايو ماعجبني ولاشي .

وبعدين ذبودي شوب وشريت عطور جسم احب عطوراتهم مال الجسم وبالاخص كلاسس روز بس للاسف ما حصلة :'( فأخذت وايت مسك . وكنت قبل رايحة السعودية وخذيت المفاريك ايل على شكل قفافيز عندهم ارخص ب دينار ونص وهني دينارين 600 كأن .

بعدها رحنا فور ايفر وشفت فانيلات سادة حلوين كان سعرهم ب 1.900 شريت لي 4 وحدات بعد يصلحون للسفر .

وبعدين رحنا اج اند ام وشفت فستان قصير حلو يصلح للبيت ب 5 دينار بعد اخذتة ههههه ولا اخلي بخاطري .

وبعدين رحنا لاسننز وكان مسوي تخفيض 25% واغراضة وايد حلوين يخلون الجسم مرتب وطخينا جم شي .

ودخلنا بعد جم محل بس مافتكرت في اساميهم لان ما عجبني شي من عندهم وراسي قام يفتر .

وبعدين رحنا نتعشى جعنا صارت الساعة 9.30 اخذنا اطباق من الابراج وباستا

وبعدها دخلنا سنتر بوينت اخذت لي قلتر بودرة ذهبي من قوش وكان خاطري بفوشي بس ماحصلت .

وبعدين رحنا هوم سنتر الي قلت لكم عنة انه بنرجع له آخر شي وخذنا الاغراض الي نبيهم وخلاص رحنا السيارة وقعدت اهمز بريولي تشلخت

.
.: Um Dana :.
عروس مشرقة
10-05-2010 | 11:50 AM
حلآتى بعبآتى;12036277:
فديت قلبج احنا خوات ولازم نساعد بعض


وتطمني في هلشارع بتلاقين كل يلي تبينه

بخصوص بجامات النوم اذا كنتي تقصدين اقمصة النوم الحرير وهسوالف

تلاقينهم في الخبر مول في نفس الشارع

الاسبوع يلي طاف كنت رايحه مع بنت عمتي وشرت لها حق تجهيزات عرسها

اسعارهم من 10 الى 25 دينار .. هذيلين مال الليالي العادية


بس اقمصة نوم مال اول ليلة يلي فيهم تور وشك لاحظتهم ان في هلمجمع غالين

فأخذناهم من فنيسيا موول تحديدا محل اسمه واحة الجلابيات
عندهم فرع في مجمع الظهران بعد عند بوابة 6 انه شفت عنده احلى وانعم واسعاره احسن

اهناك اسعارهم خيالية على 50 و 40 دينار مايسوون صراحه

يلي اخذناه من واحة الجلابيات سعره 13 والروب ماله 10 يعني صار كله 23 على مااعتقد

اما اذا كنتي تقصدين بجامات نووم القطنية يعني اشتري من البحرين احسن

في محل في الرفاع اسمه البرهاني قريب المنتزه في بوكواره وعنده فرع في محرق مشاهد الكازينو وقرريب الاهالي


اسعار البجامات من 3 الى 6 دينار وكله اييونج جم قطعه

يعني بجامات برمودا او بنطلون او شورت وتيشرت ومعاهم شبشب
او بجامات على شكل فستان قصير ومعاهم روب

انه شريت حق زواجي من اهناك



انشالله افدتج واي سؤال انه حاضره :adore:



مشكووورة حبيبتي والله ماتقصرين على الاجابه الكافية والوافيه :087::087:
اي انا قصدي البجامات الي يجون حرير وجذي :014:
يعني الحين بحصل الجلابيه من سوق سويكت وبجامات النوم بعد من هناك :037:
بس قميص اول ليلة ... مكان غير !! :091::091:
انا المشكلة بالغصب حصلت احد بوديني السعودية وبس مكان واحد قال لي :058:
واذا مكانين كلش كلش صوب بعض :024:
انزين مجمع الظهران اي كثر يبعد عن سوق سويكت ؟؟ :042::042:
وبالنسبة للبجامات القطن .. انا بعد حاطه في بالي اخذهم من هني
بس زين والله قلتي لي عن هالمحل كش عجبتني فكرة الطقم بصراحه وبروح اجيكهم قريب :03::03:
مشكورة حبيبتيي وان شاء الله ااخدمج في الافراح يارب :025:
م
مها البحرين
مشرفة سابقة
10-05-2010 | 11:53 AM
صباح الخير ...
شلونكم شخباركم ..
شو الجديد ..؟؟

بس حبيت اقول :

اللي تبي ارقام محلات الحلويات
اللي في ملف حلويات الضيافة البحرينية ..

اطرش لي ايميلها لان سويت الملف بطريقة ثانية
ومرتبة الاسم والرقم والمكان والمنتج والمدح ......
ت
تراجي ام الزين كله
عروس ماسية
10-05-2010 | 11:55 AM
حصوص
اذا ماعليج امر ابي اشوف الصوره

بنات بس شوركم وهدايه الله
ان سوت جك وجبك قعدت لها بدفتي بروحها الميزانيه بتختل للسفر وبالنسبه لي السفر اهم من قطه بويوم هههه
ح
حلمـ .,
مشرفة سابقة
10-05-2010 | 11:56 AM


رجعت لكم بـ تقرير خفيف وع السريع جذي :p

..*..

عبايات مرمريتـا ( سوق واقف ) / بـ القرب من إستديوهات صحاري

مسويه تخفيضات إلى نهاية هـ الأسبوع

العبايات عندها شيلة & بالطو .. من 15 إلى 35 دينار فقط

وعبايات محلها كشوخية ونعومية جداً

وحتى عندها قطعة حرير مطفي جداً ناايس

أنصح العرايس بهـ المحل

يسوى تسوين لج بـ 3 أو 4 عبايات ولا بيطقون الـ 100 دينار !!!.. فلة :lol:

..*..

محل أسمه ( سر حواء .. أو أسرار حواء ) - سوق واقف / الطابق الثاني

وهو متخصص بمستحضرات ومستلزمات الصالونات

يبيع البضاعة بأسعار مخفضـة

بـ مثل أسعار الجملة وأقل من أسعار الجملة بعد

كل شي تحتاجينه ( سبراي شعر , سيروم , حمام زيت , شامبواهات .. إلخ )

كل الأشياءات إلي أشوفها في الصالونات

ومحتاجتها أستخدمها

لقيتها عنده بأسعار خيالية ههههههههه

خذيت لي وايد أشياءات طلعت لي بـ 9 دينار بس

يا بلاش !!..

وأنا كنت بشتريها من الصالونات .. وكانت بكلفني فوق الـ 20 دينار

خذيت لي حمام زيت مشهور أهو , ناسيه أسمه ( لونه سماوي )

2 بـ 2 دينار , وخفضني فيه

وسبراي للشعر ..

وسيروم 2 .. وعطاني واحد مجاناً

وليفة مغربيـة بـ 1 دينار

ههههههه واي ونسيت وشنهو بعد ؟!..

واليوم شكلي بعد بـ روح أخذ لي .. بـ أغتنم الفرصة يعني

..*..

وخبر عن الماكيرات ( شريفة فولاذ & صابرين كمال )

أعتقد أن أهما داشين في دوامة تنافس كبيرة هههههههههههههههههه :-#

كا كل وحدة فتحت لها صالون بأسمها في منطقة ( الرفاع )

- مركز شريفة فولاذ

- مركز صابرين كمال

عموماً ,

شريفة أسعارها ثابتة وما تغيرت من 25 وما فوق ( شاملة رموش & بودرة جسم )

والعروس بـ 100

|||

أما صابرين مصخها شويه

لأنها رفعت من أسعارها مرة وحدة وبـ شكل مبالغ فيه

مكياجها للعادي يبتدي من 30 وما فوق .. مع رموش بس ,

وإذا بـ بودرة الجسم جارج 5 دينار !!..

والعروس وصل سعرها للمكياج أعتقد 70 أو 80 دينـار

أهي أسعارها حالها من حال الماكيرات البقية .. بس يعني رفعتها مرة وحدة جذي :|

|||
ا
الحلــوه
عروس مبدعة
10-05-2010 | 12:02 PM
حلمـ .,;12036464:


رجعت لكم بـ تقرير خفيف وع السريع جذي :p


..*..


عبايات مرمريتـا ( سوق واقف ) / بـ القرب من إستديوهات صحاري


مسويه تخفيضات إلى نهاية هـ الأسبوع


العبايات عندها شيلة & بالطو .. من 15 إلى 35 دينار فقط


وعبايات محلها كشوخية ونعومية جداً


وحتى عندها قطعة حرير مطفي جداً ناايس


أنصح العرايس بهـ المحل


يسوى تسوين لج بـ 3 أو 4 عبايات ولا بيطقون الـ 100 دينار !!!.. فلة :lol:




اي صوب مكانه ؟ :)



حصاصي ما عليج أمر أبي اشوف الصورة :)
ح
حصاصي
عروس ماسية
10-05-2010 | 12:03 PM
عروس متفرغة;12036348:
هلو الحب وانا اكمل على كلامج وهو

ان صفاء مكيجتني ليلة الجلوة وليلة الزواج وكل ليلة كان غير وعن جد شي حلو وراقي وبالاخص ليلة الزواج رسمت الكحل وااااااو وللحين متندمة بان ليلة ملجتي مارحت لها رحت الى غيرها وما احب اشوف اصور الملجة.

وحاليا انشاء الله راح اتكون مناسبتين عدنا واكيد راح اكون عدها راح استشيركم قريبا:lol:

بس السؤال يابت احد عندها الى الشعر لو للحين




هلللللللللللللللللللللللللللللللللللللللللللو وحشتيني موت
انا بعد شفت الرد من قبل الى انا الشوق يمكن اهي اتحركت وايد خبرج تعرفينها لينون ضاربنها ما تيلس بالنسبه لي ابدا ما ذهن ويهي والله يشهد للعلم انا ما يسلت ولا دقيقة على الكرسي تبع عرسي كل كنت اعور مو كان انا العروس



عروسوو
يوزي عن شوقو اهي طولها عادي مسكينه
وبالنسبه حق الشعر
صفاء اهي تسوي الشعر بنفسها وتوها مسويه حق رفيجتي في عرسها كان حده روعه
وانا بعد سوت شعري وشعر خوات العروس
ح
حلمـ .,
مشرفة سابقة
10-05-2010 | 12:11 PM
الحلــوه;12036501:
اي صوب مكانه ؟ :)



حصاصي ما عليج أمر أبي اشوف الصورة :)


كا كتبت لكم حبيبتي ., :o

سوق واقف (م.حمد) - بـ القرب من ستيديوهات " صحاري "

..*..

حصاصي;12036517:
عروسوو
يوزي عن شوقو اهي طولها عادي مسكينه
وبالنسبه حق الشعر
صفاء اهي تسوي الشعر بنفسها وتوها مسويه حق رفيجتي في عرسها كان حده روعه
وانا بعد سوت شعري وشعر خوات العروس


أنا شفت شغل أختها (شمه) .,

وكانت التسريحة وايد مرتبة وحلوة .. وعجبتني عدل :D
ع
عروس متفرغة
مشرفة سابقة
10-05-2010 | 12:14 PM
حصاصي;12036517:
عروسوو
يوزي عن شوقو اهي طولها عادي مسكينه
وبالنسبه حق الشعر
صفاء اهي تسوي الشعر بنفسها وتوها مسويه حق رفيجتي في عرسها كان حده روعه
وانا بعد سوت شعري وشعر خوات العروس



ريحتيني الحب وبكم سوت لج الشعر

وبالنسبه عن شوقوا :lol::adore::p ما اقدر لان يدي تحرقني اذا ما تحرشت فيها ههههه

فديتها والله هل البنت
ع
عروس متفرغة
مشرفة سابقة
10-05-2010 | 12:15 PM
حلم


مبروك لخالتج والفال لج الحب وبالتوفيق
[
عروس نشيطة
10-05-2010 | 12:15 PM
المشاركة الأساسية كتبها عذبة المشاعر
يعني قولش اعطيه هديه مافيها شي :rolleyes: ؟
وعجبتني فكره القرآن .. ولو فكرت اخذ ساعه جم بتكلفني ومن وين اخذها ؟



اييي اعطيه نصيحة حليوة الحركة ،، بتظل ذكرى على مر الايام و الدهور ..
و اذا بتعطينها اياه اني حزة اللي احنا في البيت بنروح الاستديو خليت ولد خالي يحطها له في السيارة من ورا الكرسي و يوم خلصنا و طلعنا و تعشينا و رجعني قلت ليه في بوكس ورا لا تنساه ونزلت ,,

و الساعه على حسب ميزانيتش انتين روحي شوف المحلات روحي مجمع البحرين و الستي و بتشوفين اشياء واجد تعجبنش ..
[
عروس نشيطة
10-05-2010 | 12:17 PM
ما قلتوا لي وين صالون صفاء ؟؟

وكم اسعارها للعرايس ؟؟
ن
نيغار
عروس مبدعة
10-05-2010 | 12:17 PM
صباح الخير


بنوتات بسألكم اذا انا في الاستقبال جايبة كل شي ميني من النوع الي ينأكل في لقمة.. يحتاج صحون و شوك؟

فستاني المفروض يكون جاهز ذاك الاسبوع بس وااايد خذ وقت اشوه انا قايلة لها موعد حفلتي القديم الا هو 7- 5

و تصورا لين 7- 5 الساعة 10 ما جهز:-#


على العموم الفستان صار روووعة بس و انا واقفة حده مطلعني ضعيفة بس ما اقدر اقعد فيه .. لانه صاير قصة السمكة و كامل ضيق من فوق.. عاد رحت لها امس توسعه 2 انش انشالله يصير حلو عقب التوسيع
ما ابي اطلع دبدوبة:'(

بعد ابي اتحنى حنه عروس بس الايادي
عشان ابين اني عروس.. تحسون حلوو؟؟
انا بتحنى يوم الخميس و عندي عرس بنت عمي يوم الجمعة
تتوقعون اذا حطيت حنة جذي ما بتتضايق العروس؟

و بعد امممم
وايد اسئلة كانت في بالي و الحين نسيت :hysterical:
ع
عروس متفرغة
مشرفة سابقة
10-05-2010 | 12:21 PM
'[خفوق قلب:
;12036608']
ما قلتوا لي وين صالون صفاء ؟؟




وكم اسعارها للعرايس ؟؟





صالون صفاء في توبلي يم حلويات الخلود


وذكر من قبل للعروي بــ 70 دينار للمكياج


وبالتوفيق
ع
عروس متفرغة
مشرفة سابقة
10-05-2010 | 12:24 PM
نيغار;12036612:
صباح الخير


بنوتات بسألكم اذا انا في الاستقبال جايبة كل شي ميني من النوع الي ينأكل في لقمة.. يحتاج صحون و شوك؟

فستاني المفروض يكون جاهز ذاك الاسبوع بس وااايد خذ وقت اشوه انا قايلة لها موعد حفلتي القديم الا هو 7- 5

و تصورا لين 7- 5 الساعة 10 ما جهز:-#


على العموم الفستان صار روووعة بس و انا واقفة حده مطلعني ضعيفة بس ما اقدر اقعد فيه .. لانه صاير قصة السمكة و كامل ضيق من فوق.. عاد رحت لها امس توسعه 2 انش انشالله يصير حلو عقب التوسيع
ما ابي اطلع دبدوبة:'(

بعد ابي اتحنى حنه عروس بس الايادي
عشان ابين اني عروس.. تحسون حلوو؟؟
انا بتحنى يوم الخميس و عندي عرس بنت عمي يوم الجمعة
تتوقعون اذا حطيت حنة جذي ما بتتضايق العروس؟

و بعد امممم
وايد اسئلة كانت في بالي و الحين نسيت :hysterical:



اشلون نوعية العروس هل اهي اتخلي بالها على كل شي لو عادي اذا عادي تحني وبما انج عروس من حقج تتحنين بالايادي حنه عروس

وبالنسبة الى الميني لا ما يحتاج الى شوك وملاعق بس اصحون مع كنينس
ع
عروس متفرغة
مشرفة سابقة
10-05-2010 | 12:26 PM
تراجي ام الزين كله


سؤال محيرني انتي مثلها الترجية لو غير بس من باب الفضول


وبالنسبة الى طلبية السفر للحين تستقبلين لو وقفتي

وبس
ح
حلآتى بعبآتى
عروس مشرقة
10-05-2010 | 12:33 PM
miss designer;12036435:
مشكووورة حبيبتي والله ماتقصرين على الاجابه الكافية والوافيه :087::087:
اي انا قصدي البجامات الي يجون حرير وجذي :014:
يعني الحين بحصل الجلابيه من سوق سويكت وبجامات النوم بعد من هناك :037:
بس قميص اول ليلة ... مكان غير !! :091::091:
انا المشكلة بالغصب حصلت احد بوديني السعودية وبس مكان واحد قال لي :058:
واذا مكانين كلش كلش صوب بعض :024:
انزين مجمع الظهران اي كثر يبعد عن سوق سويكت ؟؟ :042::042:
وبالنسبة للبجامات القطن .. انا بعد حاطه في بالي اخذهم من هني
بس زين والله قلتي لي عن هالمحل كش عجبتني فكرة الطقم بصراحه وبروح اجيكهم قريب :03::03:
مشكورة حبيبتيي وان شاء الله ااخدمج في الافراح يارب :025:
[/CENTER]



يمكن تحصلين في نفس المكان يلي في الخبر بلازا لان احنا ماافتريناه كله
بس دشينا محلين مال اقمصة نوم وكان تركيزنا على الاقمصة العادية مب مالت اول ليله

اذا تبين تروحين فينيسيا ترى اقرب من الظهران
لأن هلمجمع يصير عقب الرااشد

اصلن وانتي يايه من الجسر اول ماتدخلين الخبر فينسيا مجابل الراشد وعقبه شارع سويكت

يعني تقدرين تشوفين فينسيا وعقب تروحين سويكت

او تستغنين عنه وتحاولين تشترين كل شي من سويكت

يمكن يعجبج شي وتشوفين اماكن انه ماشفتها

بالتوفيق يالغلا :D
X