البنية الي تسشورلي قالتلي استعملي رائحة كشخـة يبيعوا فيها في المهاري بخمسة دينار .. حسب ما قالتلي البنات كلهم بدوا يديروا فيها في شعرهم و ريحته تهبل
غوووووويده
ان شاء الله امورك بخير
حبيبتي راهو العطور الدهنيه
الرخيصه ممممممممممممزوجه بكحول واديرررررر شييييييب
انتي شكلك صبغه اشقر
ديري محلول البابونج مصمصيه بيه كل غسله اطبخيه مجموعه اكياس ف لتر ميه شرب
واشطفي بيه
بنقولك حويجه انتي والبنات البابونج زمان يدخل ف صبغ الشعر مع اعشاب تاني
منهم الحنه وغيرهااااااا
صح هو ريحته عشبيه بس لما يجف حلوة وهاديه
والاهم انه يحافظ علا الالون الاشقر
وراهو يتبت الالون مع طول الاستعمال
وعندك خيار تاني هو الشطف بمحلول الافندر
الخزامه تباع ف العطرين
سبق وعطيت البنات كيف يغسلو بيها المنطقه الحساسه وبنفس الطريقه متاع تغليه وتصفيه ويستعمل فرش ممكن يكون شطفت الشعر الاخيره
بعد الشامبو
ووورقم 2
لما شعرك ملبلول قابلي شمس ف جنان ولا ف البلكون قمعزي امشطي شعرك ف عين الشمس زي ما امهاتنا زمان يشطولنا فيه
اقلبي راسك بتجاه الارض وامشطي لي الامام كله بتجاه وجهك كله قدام
وبعدها ردي للخلف
ولو كررتي المشطه هاذي مرتين ف نفس الوقت مرتين قدام ومرتين للخلف
راهو مساااااااااااااااااااااج رهيب يديرو فيه هنا ف اكبر صالونات بفلوس
وهو ف بلادنا من قديم الازل امهاتنا وجداتنا يديرو فيه
عندي خالتي الكبيررررررررره مش متجوزة اكبر من ماما شعرها علا ركبتها مشاء الله
ديما تجي ف سطح نتفكرها
وتجلس ف شمس وتبدا تقلب فيه بالمشط لي الامام وللخلف وبعدها تنزله كله علا اليمين واليسررر
الحقققققققققققققققققققق شعرها مش طول بس طول ولمعان ونعمومه لي توة مره ف 50 شعرها مضرب امثال عند جيرانها والمعارف
لالالازم ياغدو من تنشيط الدورة الدمويه ومسجات الشعر راهو شعرنا صبغات
ووو مغطا ومرات ندوشو ونلفوه
ما فيهش هظك المتنفس له
شن شامبوات الممتازة والامور اهيا قداش بدير
لازم من الرجوع للحااجات الطبيعيه
=====================================================
بخصوص عطور الشعر
لو تحبي ايكون عندك معطر شعر قنين
عندك شانيل الالور
متوفر ف ليبيا ف مورينا
الالور مصنوع بروح شرقيه زي العطور العربيه تحسيه بذات لما يخف شوي يهبللللللللل
وفي معطر عطر تشانس متاع شعر
برضو من شانيل --------------عطر هيوله المفضل
وفي عطر بنك شوقر
الايطالي
في العطر العادي متاعه
وفي منه معطر شعر
ink sugar -sephora عطر لشعر روووووووعة
ووطبعا العطور ترتش من بعد 10 سم عن شعرر او 15 او تبخي هاله من العطر ف الهوا سحبه عطر وتجري تخشي تحتها ب شعرك
مممنوع تندار علا فروة الراس او من قريب حتي لو كانت مخصوص لشعررررر
====================
البخور الليبي
وفي اخر حاجه ندير فيها ف الحوش يعني لما نطلع من الدوش
عادي ومافي وراي مشوار يعني نبي ريحه نظافه
ومن حسسسسسسسن حظي راجلي حبها هلبا ف شعري لانها مريحه علا قوله
اول ما نطلع من الحمام
نمشي نحط سطيحه البخور الحديده متاع بخورنا ليبي ونخليها تسسسسسسسسسخن
نطلع لفه شعري بمنشف وعصارته نلبس ونشف جسمي ونكمل كل الي نبي ندير لبس او ميك اب خفيف لو ترطيب العادي بتاع اليومي
تكوني سطيحه البخور حااااميه نفتح شعري من المنشف ونمشطه و نجي علا السطحيه حاطه منشف علا وجههي وشعري
كانك بديري بخار وجه ونققققققققص نار شبه طافيه
لان البخاره سخنت
ونحط طشونه بخور ليبي
ونشد شعري بيدي قدام دخان البخور من الاجناب
وووونحاول نشد اكبر كميه بخار بدات اول دخان يطلع هذكا الي فيه ريحه العطره والزهر قبل ما ينحرق البخور وتولي صنته لوح
وووووووبس ترجعي تلفي ششعر بسرعه بالفوطه الي اصلا تعطرت وووتغميه شويييييي
وبعدها شوفي اول ما تنحي الفوطه بتشميييييي ريحه البخور الفايحه
والفوطه ماتحتاجشششش غسل صنته شامبو علا بخور انشريها بس وتو تجف بريحه حلوة
ووووراهو لما يخف البخور تحسي نظافه ومريحه لنفس
بس وصيت نار هااااااااديه وخوذن اول دخان طالع قبل ما ينسود البخور
=====================================
غدو ان شاء الله فدتك زي ما تفيدي فينا
ويارب حتي العرايس يستفادو بردي
ولو فادكم قيموني فضلا ليس امرا
