نرجس حبيبتي
بنات قررت شن اندير في عرسي ان شاءالله انا طبعا كيف منكن عارفات ليلة مشتركة فبيجوا كيف العادة بيرموا يوم الحنة الصغير انا شن بندير ما نبيهمش ايجوا يرموا لا ايدزولي كل حاجة مع المصروف و البدلة العربية و الجو كلها الا الدبش بنشيله في التفريش يعني منبيش انوري دبش المهم يوم الحنة الصغيرة بنلبس بدلتي العربية و يجوا هله و يشوفوني بيها ما نبيش انتغطي شن رايكن عادي او عيب العروس ما تغطش في الحنة الصغيرة علي فكرة بنات ان شاءالله بنتحزم تحزيمة طرابلسية نبي افكاركن يا طرابلسيات خاصة عروسة ليبيا لانها تعرفنا نحنا البنغازيات كيف تحزيمتنا في العربي نبي الفرق بينهن
حاجة تانية هل في تقلة و قلة ادب لما انقول فكرتي لعمتي لاني حسيتها مصرة ع رمي الدبش و التوراي و العرض و انا ما نبيش الجو القديم ..
انتي يا قلبي محيره روحك واجد علا جيت الرمي راهي عااااديه وحلوة
من حق امه ادير جو بتاع الرمي كلللهم يحبن هالجو
بنقولك حويجه راهو اااااام العريس تحب ديما تجيب كسوة ولدها مهما كان دبش حلو او عادي مش مهم الشكليات
بس الناس هك اسبارهم ومش حاجه شنيه فيها جوها
لييييييييش تلبسي العربي الجديد هظك تلبسيها بعد الدخله او بعد تبدي مرته
العرايس يوم الرمي يلبسسسسسن ف ردا البودري حللللو راهو صورة الي حطتها هونيده من قوقل ف الواقع هنا احلا للاسف مش كل الحاجات متوفره ف قوقل
الردا بودري مع محرمته وتحزيمته طربلسي خفيف ومحرمه والعروس ادير شويه بورده خفيفه ولمعه بودريه ومن جوا العين كحل عربي زي بتاع زمان
والله تنور يا نرجسسسسسس بشكل ررهيب وما يلبوسش عليها ذهب كبير العربي لالالا
هوا رمي مش حنه يعني تلبسي خواتم وخلال ذهب يحطوه علا عقدة الردا ونبيله ولا حدايد ف اليد فقططططططططط
لا عقد لا تاج لا شي من هذكا علا البودري
او تاخذي اى بدله عربيه من المحيط يحزموك فيها تحزيمه المفتوحه وتلبسي عليها عقد وتاج و كله زي ما يحنو ف العريس فيهم مرات يوم الحنه
يعني شوفي انتي حسب الجو كان عمتك بتحنيك ف صاله والحوش بيرمو بس رمي حسب سبرنا
البسي الوردي وتغطي غطا خفيف يعني عميمه او صبياتك ممكن يشوفنك من تحت الجرد هكي يديرو غالبا
اما لو تبي يحنوك ف حوشكم بالمره وتفتكي من هرجت ركبتهم ف صاله
او حتي بتحني ف صاله بس ف الحوش ماتبيش اتغطي
عندك خيارات او افكار مني
تلبسي عربي بدله عربيه غير بتاعك تطلبي عادي من اى عروس ف العيله او من صحابتك او صبايا المجوزات او خوت صحابتك او جيرانكم المهم بديله جديده مش ملبوسه واجد وتكويها ف مغسله بتاع ردوات ف نغاسل يديرو فيهن وتلبسيهااااااااا مع ذهب كامل وميك اب خفيف
او تاجري بدله الجلوة الحمرا ف بنغازي يحنو بيها ف العروسات كا نوع من التغير وهيا لونها نبيتي احمر تنور حتي بلا ميكاج و اهو تغير لو تحبي وتاجري عليها ذهبها ووتلبسيها ويدرو من تحتها جمه سشوار وديري ميك اب خفيف
عارفه حضرت عرس 2 خوات جن سلفات درن حفل مشترك فخم بكل
اما يوم الرمي
دارنه ف جنان طاولات وكراسي عاديات جدا وو علا تركينه ف زوايه مفرشين سجاده لونها حمر وعليه حاطين كرسيين كنبه لونهم نبيتي وامخاد ذهبيات عليهم
لبسن عربي وحده بدلت مرت عمهاعروس لها شهور ولاخرا اجرت بدالي وحد خضرا وحدا موف ولبسن عليهم ذهب ومطلعات جمه من تحت المحرمه
وووو مكياج خفيف كحل وروج وبودره
لا ظلال لا شي زايد
ودرو كسكسي عشاهم وحلويات نوعين حلو وشكلاطه ونوع مالح مع شاهي وموز ومشروب
ومسجل شغال اغااني ومجاريد وطبله مصري
وجوووووو سمح وانبطسناااااااا فيه
يا حنه امهم حنتهم اليوم الي قبله التلات قالت دزيتهم لحوش خالتهم دران حلوة بروق بلا زحمه وجتهن حنايه حنتهم غادي ----- التلات يوم التفريش هالكلام
والاربعاء دراته ف جنان زي ما خبرتك كان عائلي وهي صحبه ماما واجد ف من الي عزمتهم سلفاتها وخواتها وصبايا خوتها ==يعني العيله فققققط و4 ابلات مدرسات بما فيهم ماما واني معزومه صحبه العرايس
ومعاي 2 او 3 بنات فقططططط
وزي ماقتلك جاي بسيط ومنظم
هل العرسان عاد هما خوت جووو مع ال 10 ونص قريب 8 او 10 صبايا قالو يوم رمي كان عزومه الرجاله بتاعهم عشاء
تحسي لبسهم جلابيات خليجي وو2 بس سلفات العرايس لبست عربي
ووياااحنه رقصن وزعرتن وووو زعميته وين جو حطولهم طشه حنه ف يدهم حنتهم عمتهم ف الحوش
ودرو شووط رقيص وغناء هنا وام العروس وخواتها وبان الانسجام وكلهم قالو مشاء الله وطلعو سفر حلويات ومشروب لرجاله بتاع العريس ومدولهم هما صبايا نوع بكلاوه وملفيه ومشروب وروحن
وبعد روحو ناظن العرايس بدلن ولبسن جلابيات خليجي لطيفااات وجن قمعزن ف جنان ويسلمن علا جارتهم وصحابتهم
عارفه جاااااااااا
خفيف ظريف -----تاني يوم كان زفاف مشترك كاتبين حنه وزفاف بس ما ركبتش حنتهم عادي خشن الخوات كل وحده علا حد مع خوهن
ووالباقي عادي زي اي حفل
