كل وحده اتقولنا كيف انخطبت واتزوجت

لاتذكروني بذاك اليييييييوم والله كان ربشة وكنت على اعصابي ووووووووووايد وهو يوم ملجتي ...

بس أحلى شي انه صب المطر من المغرب لأخر اليل وجي تفألت بالخيررررررررررر

أخت FoOoFa صدق قصتج عجججججججججججيبة وحلوة واعتبرها ضربة حظ لانه بزمن النت وعلاقات النت من الصعب جي اتحصلين شخص صادق .............


الله يوفقج ويسسسسسسسعدج يارب ويرزقج بالذرية الصالحة

تمت خطوبتي مثل اي خطوبه تانيه

ما فيها لف ودوران اتصلت خالتي على الوالده وقالت لها بكره انشاء الله بنجي ونخطب البنيه

طبعا ما في بنيه غيري بالبيت:shy:

وبس:up:

ادعولي يا بنات

[CENTER]بسم الله الرحمن الرحيم

السلام عليكم ورحمة الله وبركاته

الحمدلله والصلاة والسلام على رسول الله وعلى آله وصحبه أجمعين

حلو انك تسمعين تجارب الغير وقصصهم التاريخية ( احب التاريخ وايد ) .... انا عاد قصتي مع زوجي تضحك شوي على الاقل في نظري ... موظف معي بنفس الدائرة وكنت بدون مبالغة محط انظار الجميع مو بالشكل بس والله اني والحمدلله اخلاق وذوق بشهادة الجميع .... المهم ان الحبيب كان يموت في وانا مطنشتنه وكنت اشوفه دايما يزور زميلتي اللي معاي بالمكتب ويسولف معها وانا اتجاهله واثريه يقول الكلام ليك يا جارة ... وانا دايما اتخانق مع زميلتي واقولها ها الاشكال لا تعطينهم وجه ... وكنت اكرهه حيييييييييييييييل وما احبه ابد ودايما اتجاهله حتى السلام مرات ما ارده عليه .. والله هذي الحقيقة .. مرة سافرت مصر ولحقني هناك وبغيت اموت يوم شفته قلت هذا وش له لاحقني هنا ... وسنتين والمسكين يتعذب وانا لاهية ساهية عنه ولا معبرتنه .. الين مرة ما اعرف كيف صدمني وقال انه يبي يتزوجني ما صدقت وظنيت انه يمزح وقلت له العمل مو مكان لها الكلام والله ما زاد على كلامي باي كلمة وبعد اسبوع بعث اهله لبيتنا بدون موعد ولا رد مني عليه بالموافقه جاءوا اهله وخطبوني ... وما عرفت ايش اقول .. اخواني وابوي تولوا المهمة عني وسألوا عنه وعن اخلاقه واهله ووافقوا وتركوا لي الرد الاخير واقنعتني امي بالموافقة ... سبحان الله كأنه ربي يبي لي الخير ووافقت على اثر كلامهم ومديحهم له ... ملكنا 5 شهور وتزوجنا وعندي منه ثلاثة اولاد حلوين ويجننون ... زميلتي يوم عرسي جتني على الكوشة تعرفون ايش قالت لي " ما محبة الا من بعد عداوة " وذكرتني با لايام اللي كنت اكرهه فيها ... سبحان الله تدرون الحين امووووووووووووووووووووت فيه واخاف عليه من النسمة الطايرة .. والله مرات في سجودي اشكر الله على هذا الانسان الرائع ،،، واتذكر معاه ايام العمل ويقولي ما كنتي تحسين بي ولا بغيرتي كنت اموت واتقطع من داخلي وانت تسولفين مع هذا وتضحكين مع ذاك وانا متجاهلتني ... الدمعة تفر من عيني واستحي من نفسي بس ما اقدر اقول شي غير اني اقبله على راسه وايديه ..... الحمدلله رب العالمين على الحياة اللي انا عيشتنها ... واتمنى انكم تدعون لي بالتوفيق والسعادة ،،،،

والله الشاهد على ما اقول :shy:

الله يوفقج حبيبتي



حلاته يوم تسمع كل وحده كيف انخطبت اختها اللي في المنتدى ^_^

اما انا حليلي توني انخطبت

:shy:

السالفه وما فيها ان اعرف وحده من ربيعاتي وربيعتي هاي عرفتني ع وحده من دبي
وتميت وياها تقريبا 3 سنين ربيعات

مره حضرت عرس اختها الكبيره وكلهم جافوني هناكي
في دبي

وبالصدفه طلعت اختها الكبيره ( العروس) ربيعة بنت عمة امي :think: الروح بالروح ( يمكن هالشي اللي سهل العميله (r)

وتمو 3 اسابيع يوون بيتنا وتعرفو ع اهلي :salam:
وتمت الخطبه .. مع انه اهلي كانو وايد مترديين :think: لأن هو :shy: اصغر عني بسنه
واستخرت انا ولله الحمد وانا مرتاحه وااايد
وان شاءالله عرسي السنه اليايه اذا الله اراد



والله يوفق كل البنوتات ويرزقهن الزوج الصاااااااالح

[CENTER]مرحبا خواتي راح اقول لكم كيف انخطبت قصتي رومانسيه وحلوه وايد مثل الافلام العربية:D2

في البداية كان خطيبي معاي في الجامعة وفي نفس التخصص ونفس المحاضرة،،، بس انا كنت اكرهه اقول لربعي من اليوم ورايح بسميه الذيب ليش مادري؟

مع ان الولد والله مأدب وماعنده سوالف ومحترم بس انا كنت اكرهه من غير سبب...وعلى فكره بعد الخطوبه قلت له هالشي واستغرب مني.

عموما الولد حط عينه علي والكل قام يقولي تره الولد يبيج (الذيب)

هني عصبت من تصرفاته انا افتكرت انه يبي يخرب سمعتي علشان جذي قام يتكلم عني،،بس العكس صحيح الريال كان يسأل عني لأن يبي يتاكد اذا ما كنت مرتبطه بيتقدم لي:o

وماكثر عليكم شفته واقف بروحه في الجامعه ورحت وعطيته من الكلام اللي ماتوقع انه يطلع من وحده هادئه مثلي وماعطيته فرصه يتكلم على طول مشيت.

بعد فتره بسيطه بس كنت معاه في عمل ميداني والقدر حاطني معاه في مكتب واحد انا واهوه بس
طبعا ابوالشباب خذها فرصه ووضح لي الموضوع وانا انحرجت واااااااااااااااااااااايد ومارديت علي،،
تخيلو معاي الوضع انا بروحي معاه ومحد معانا كلمني في الموضوع وبعدين شاسوي ماقدر اسوي اي شي؟؟؟؟

احس ودي اركض واطلع من الوزارة مو بس المكتب، وطبيعة العمل لازم يكون عنده رقم موبايلي وانا عندي رقمه دز لي مسج طلب فيه رقم ابوي.طبعا دزيت المسج بس بعد يومين اتعزز عليه شوي وانا في داخلي ودي اقدمه على طبق من ذهب.

واتصل واتفق مع الوالد على يوم الخطوبه :salam:

وبعد اسبوعين تمت الخطوبه والحمدالله والحين عايشين الحمدالله احلى عيشه
واتمنى ان كل البنات يتزوجون تره الزواج حلوووووووووووووو:shy:

:) :) :) :)
الله يسعد الجميييييييييع انشالله

:clap::D2:clap::D2

ربنا يكرمك يا بنت البحرين ويسعد كل بنات المنتدى

اين باقي المتزوجات عشان يقولوا لنا ازاي اتخطبوا واتجوزوا

ازيك يا ميكو؟؟؟اقدع ناس:shy:

مشكوره الغاليه على المشاركه

ياحلاتها هالمواضيع.. :)
اول شي بقولكم الصراحة تراني ما لحقت اقرأ كل الردود..
بس الله يهني كل المتزوجات..
ويرزق البنات الما مخطوبات...


انا بحكيلكم قصتي:)
خطيبي يقربلي من بعيد..
بس ابدا ما اجا في بالي انه يفكر
فيني او يخطبني.. لانه اكبر مني 7 سنوات!!
بس اتاري الاخ حاط عينه علي...
ومرة اجو هو و امه عندنا..
طبعا انا هنا بديت اشك في الموضوع..
بس بعد اسبوع تبينلتي صحة شكوكي :)
واجو خطبوني من اهلي..

صارلنا 10 شهور مخطوبين
وزواجنا بيكون في الصيف..
ادعوولي يا بنااااات

زهرة خريف صلاله: ان شاء الله ايامج اتكون كلها ربيع:bigsmile:

والله يهنيكم يا رب

[CENTER]








مبروك لكل اللي سبقوني...

والله يوفقهم..

ياقلبوو لازم الاحراج

..

انا بصراحه بعد تخرجي السنه الماضيه

تقدم لخطبتي 6 عرسان من خارج القبليه ومو من معارفنا


اللي يعرفوا امي .. واللي يعرفوني في الكليه واللي يسعموا في ابويه.. وكذا


وماسار نصيب...

وقبل شهر بالضبط في ذي الحجه


تقدم ولد عمي لخطبتي... بالرغم كان والدي ووالدهـ متخاصمين

خطبتة لاختي اللي اكبر ني واخلتفو على البيت وامور كثيرهـ


ودارت السنين وسار للقصه 4 سنوات


ودوام الحال من المحال والحين تقدم لي بعد الك مدحني له

ورغم انه كان يفكر يخطب من خارج القبيله برضواا

وسار النصيب وتصالحوا ابوي وعمي والحمدلله وهذى احس شئ سار


ورجعت صلة الرحم...

واحمدربي اني ما ارتبطت بواحد غيرهــ

ياربي لك الحمدوهو اكبر مني بـ 5 سنوات


نونه

صدق اللي قالوا الظفر ما يطلع من اللحم

الحمدلله انه رجعت صلة الرحم والله لا ييب الزعل بينكم ان شاء الله

والف مبروك والفال لباقي البنات:flower::shy:

ماشاءالله تبارك الله..

الله يهني الجميع ان شاءالله... والله يكثر من ذول القصص الحلوه.. :bigsmile:

وعن نفسي ماني مخطوية ولا حاجة.. الله يكتب إلي فيه الخير للجميع ان شاءالله..

lost soul:الفال لج ان شاء الله وانشوفج عروس على الكوشه يا رب

موضوع روعة انا وخطيبي كنا زمالة في تدريب صيفي هو كان المشرف وبعد 3 شهور من التدريب اتصلت بيه لاسئله على كام حاجة في الشغل وبعدين كام اسبوع واتقدم يخطبني بس بصراحةحبيانا بعض من اخر اسبوع في التدريب الصيفي وكنا احنا الاثنين مخبين على بعض بس وبقالنا دلوقتي سنة مخطوبين ادعولنا يكملنا على خير

poosy cat: الف مبروك على الخطوبه حبيبتي وانشوفج عروس في اقرب وقت ان شاء الله(r)

والله موضوعكم ونااااااااااااااااااااااااسه

مبروك
والله يسعد الجميع

سلاااااااااااااااام لأحلى بنااااااااااات عرووووووس ......
أنا طبعاً من اسمي بعدني أستنى :sad:النصيييب ويارب قريب قريب قريب قولن آآميين ... وعقبال البنوتات الحلوات ياارب ويهني المتزوجات ....
بحكيلكن قصة زواااج رفيقتي وأختها .... والله وناسه ...

هذه سلمكن الله رفيقة عمري وعندها أخت تكبرها بسنتين ... وكان أبوهن في السرطان (الله يرحمه) ويعالج في لندن والي كان يروح معاه كمرافق ولد أخته ... (فتحن مخكن علشان تفهمن القصه هههههه شو لغز؟؟؟!!!) المهم أخت ربيعتي تحب ولد عمتها واااااايد بس هو مايعرف لأنه عندهم عيييب ومووووت إذا طلعتله وسلمت عليه سلام والقبر هههههه ، الأخت شو كانت اتسوي تتصل لبوها في لندن وتظرب عصفورين بحجر تتطمن على أبوها وتسمع صوت ولد عمتها لكن الحبيب ماااشاء الله عليه لااتكيت ولاشي ويقولها اااااااف شو تبين ؟؟؟ تقوله ابي اطمن على أبوي ؟؟؟؟ ااااااااااااف بعدين دقي الحين هو نايم ويقعد يتذمر ؟؟؟!!!! وهي الفقيرة تقعد تبكي ... وبعد فتره حدث اتصال هاتفي بين أخت ربيعتي ولد عمتها الثاني والي كان قدها في السن ويصير أخو الي في لندن (عاد انتن رتبنها وافهمنها) المهم كان ايدقلها ولد عمتها كل يوم ويقعد يسولف معاها سوالف بريئه وفي يوم من الأيام قالها بكره بقولك شي مهم ....... وانتظرت الين بكره ....... ورفيقتي تقولها بيخطبك يمكن وكل خواتها نفس الكلام .... ويا بكره ..... وأول مادقلها تيلفون شووووووو تتوقعن الشي المهم الي يريد يحكيلها اياه ....... قالها : فلانه أنا أحب اختك وأريد أخطبها(الي صديقتي) تخيلوا منظرها كيف صااار :pain:وردت عليه في المقابل : أنا بعد أحب أخوك .... وطلعوا الثنينه شياطين وكل واحد أقنع الثاني علشان الخطبه وربيعتي كيف حبها شافها ماره في العيد وكانت في الحوش وذاب في دباديبها والقهر الأخت مش راضيه وتقول أنا مش موافقه وأختها تقنع فيها الي ماوافقت والأخو الأكبر خطب اختها الكبيره ويوم الملكه الخت الكبيره قعدت تصيح :cry:من الفرحه وتقولهم المستحييييييييييييل الي كنتوا تقولولي مابيصير صار والحمدلله الحين اتزوجوا كلهم والتم شمل الأحبه ويابوا كتاكيت حلويين .... وسلاااامتكم ......

ياااااارب عقبالي وعقبال البنات ان شااااء الله ....