كل وحده اتقولنا كيف انخطبت واتزوجت

قصص حلوة فيها المفرحة و فيها المحزنة بس فالنهاية
كلها عبر و دروس فالحياة :up:

الاخت الغالية"زهرة الحب"....
اياك ان تزعلي...صحيح اي حد مكانك هتلاقي جوة قلبه كدة غصة......
لكن صدقيني ربنا دايما بيبعت لنا الخير..وايا كان سبب الانفصال.....فلا تحزني ولا تبتأسي.... الله كريييييييييييييييييم الي ابعد الحدود.....و قادر انه يعوضك خير باذن الله

واعرفي ان كل لحظة ضيق وهم مرت عليكي كانت بتكفر عن زنوبك..

فنصيحتي لكي.....
تقربيييييييييييييييييييي من الله بقدر المستطاع وادعيه يعوضك خير في الدنيا والاخرة

وانشالله.....ربنا يبعتلك الانسان اللي يحبك ويرعاك ويصونك جوة رموش عينيه.....بس انت تفائلي وقولي
"ياااااااااااااااااااااااااااااااااااااااااااااااااااارب" :smile:

غاليتي زهرة الحب
وعسى ان تكرهوا شيئا وهو خير لكم

والله يوفق الجميع وربنا بيعوضك باذن الله ابن الحلال اللي يحطك تاج على راسه وتكون مشاعرك هي كل شي واول شي يفكر فيه.

تحياتي واحترامي :)

اني قصته عاديه لا كن حلوه

كنت زايره احدى السيدات لما كانت ذاهبه الى الحج
واكنت مع بناتنها يودعونها
بناتا كبااار ومتزوجااات وفي منطقه غير منطقتنا
وبصراحه رغم معرفتي بهذه السيده لم اكن اعرف بناتها
وأول مره اشوفهم
المهم ان اكبر بناتها كانت تنظرلي طول الوقت
وثاني يوم جائت بيتنا وخطبتني لقريب لزوجها
وبعد فتره تمت الخطبه
والحين اني معرسه صار لي سنتين وعندي ولد
مثل القمر
زي ابيه

فصص رووووووووووعة تستاهلون بنات كل خير

آنه بصراحة ليلحين ما آنخطبت بس إنشاء الله جريب:clap:

بآخذ ولد عمي الصراحة كنت آشوفة في المناسبات بس وكان يعجبني :oبس أهو ما كان مهتم كلش ولا آنه بينت له شي ..

كان عندنا عرس وأمه كانت موجودة راحت قالت لك شرايك في بنت عمك قال لها وصلتي خير لأنه يقول كان معجب فيني من ثلاث سنوات بس خايف يتقدم ونرفضة لأنه أكبر مني ب 15 سنة:cool2: وتقدمو لي بس ليلحين ما آنخطبنا رسمي

..........

مبروك للمخطوبات والمتزوجات الله يوفقكن وانشاء عقبالنا


:o

مبروك لكل الي انخطبوا وتزوجوا ..
والفال للي ما انخطبوا أنشالله ..


بختصار شديد قصتي ..


.. ألي يبينا عيت النفس تبيغيه .. وألي نبيه عيا البخت لا يجيبه ..



أمل مقتول

السلام عليكم والرحمة

أنا عضوة يديدة وياكم في المنتدى .. وان شاء الله افيدكم بردودي ومواضيعي:smile:

بصراحة جذبتني مواضيعكم الحلوة

انا عن نفسي قصتي قصة .. انا كنت مشاركة في منتدى .. وكانت مواضيعي محترمة وطيبة .. في مرة من الايام حطيت موضوع وكان قصيدة .. وها القصيدة واصلتني بالايميل من ربيعتي .. وانا ما كنت اعرف منو صاحبها .. و الاعضاء كانو يتحسبوني انا اللي كاتبة القصيدة .. المهم انا كنت ارد عليهم واقولهم اني مب انا صاحبة القصيدة .. مرة دخلت الموضوع وجفت تعليق مشرف في المنتدى يقول وقال تبي تعرفي صاحب القصيدةاضغطي عالرابط .. انزين ضغطنا وجفت انه القصيدة من انشائه .. انا انصدمت سبحان الله .. القصيدة لهذا الشخص .. وطلع اخو ربيعتي يعرف ها المشرف وهو اللي مطرشها لاخو ربيعتي .. واخو ربيعتي طرشها لربيعتي .. وربيعتي طرشتها لي :D2

انزين من ذيج السالفة .. واحس انه دوم مهتم فيني .. ودوم يعلق عمواضيعي .. خاصة انه احنا الاثنين من نفس الامارة ونفس العمر وهو كان وايد معجب بالنك نيم مالي .. وكان وايد محترم ودايم يناديني اختي .. مع انه كان يحبني و وده يناديني حبيبتي .. بس مستحي .. وفيه يوم من الايام قال لي انه يبي يضيفني عالمسن .. انا رديت عليه وقلت اني ما ارمس شباب .. عيبته اكثر .. كان مجرد اختبار ونجحت فيه الحمدلله .. وعقب طرش لي اهداء قصيدة يلمح لي انه يحبني .. وانا استهبل جني ما اعرف ..بعداصلا ماكنت متاكدة .. وعقب قالي انه الناس اللي نعتبرهم شرات خواتنا هم الناس اللي نحبهم .. وعقب خلاص بانت المشاعر والحب اللي في قلوبنا .. وكلم اهله عني وطلعو يعرفونا والحين هو في بريطانيا يدرس .. وعقب اسبوعين بيرجع البلاد .. وبيخطبني رسمي ان شاء الله :shy:

ادعولي بالتوفيق .. وعقبال البقية

أول مشاركه لي في المنتدى راح أقولكم كيف كانت خطبتي..
صدق تصلح تكون فيلم عربي..
طبعا في صيفية من الصيفيات رحت انا وأمي وأختي وأخوي لمكه وسكنا بالفندق طبعا كان على الريسبشن هناك واحد من الشباب يدرس بالجامعه بس تعرفون عندنا في السعوديه في الصيف الشباب الجامعيين يقدمون على وظايف صيفية المهم أول ما قام اخوي يحجز الولد قرا اسم العائلة بالصدفة طلع من العائلة بس مو من قرايبنا المهم صار هو وأخوي أصحاب طول قعدتنا هناك..
المهم انه اصلا كنا رايحين مكه عشان اختي نفسيتها كانت مره تعبانه تبي تتطلق من زوجها (مملك عليها بس) وهو رافض وصارت سوالف وشغلات مره صعبه..
فيوم من الأيام اختي كانت تبي تكلم زوجها وتتفاهم معاه بس مو من جوالها لأنها غيرت رقمها عشان ما يوصلها فكانت تبي احد يشتري لها كرت اتصال مدفوع وتتصل من الفندق قامت كلمت الريسبشن وطلبت منهم يجيبون لها واحد منهم جابلها وخلاص المفروض انتهت السالفه..
اتصلت على زوجها كان جواله مسكر يوم جا اليوم الثاني دقت عليه لقت رصيد الكرت صفر ريال يعني فيه احد مستخدم البطاقة ؟ مين تتوقعون أكيد الي جايبها من الفندق طبعا هي عصبت من الحركة الوقحه الي صاحبها أصلا سواها يبي يتعرف على أختي قمت أنا اتصلت عليهم وطلبت الشخص الي جابلنا الكرت عشان أهزئه حظه انه ما كان موجود مين الي كان وقتها كان خطيبي المصون طبعا انا ما اعرف المهم انا قلتله السالفه وانا معصبه ومتنرفزة وصوتي عالي وهو يهديني ويوقولي حصل خير وانا أجيبلك بدالها وأتفاهم وياه وانا أقوله انا ماهمني انك تجيبلي انا ابي الوقح يتأدب وأنا ناويه اشتكي عليه ومن ذا الكلام طبعا اخونا في الله عارف رقم الغرفه الي احنا فيها فكان عارف اني بنت جماعتهم ، وفي نص الكلام قال هدي اعصابك يا بنت( ) وقال اسم اهلي انا انبلهت وتفشلت لأني عرفت انه هو خلاص تلخبطت ولا عرفت اتكلم هو حس بالوضع قام يضحك علي ما ادري وش صار بعدها المهم صار بينا علاقه بصراحه فترة ما كنت هناك..
وأول ما رجعنا الخبر اتصل على اخوي وقاله ابي اخطب اختك مع اني ما خلصت دراستي باقيلي سنه أخوي رحب فيه وقال ماعندي مانع بس خلي ابوك يكلم الوالد وفعلا كلموهم وجوا وخطبني رسمي وظلينا سنه مخطوبين والحين بعد 20 يوم بالضبط ملكتي والزواج في العيد انشاء الله..
وش رايكم في القصه؟؟
تدرون ايش الحركة السينمائية الخطيرة في الفيلم ( طليق اختي يطلع واحد من قرايب خطيبي)..

بس أنا عندي سؤال في شغله من جد مشغلتني تحسون انه عادي ماراح يصير اشكال بعد الزواج تعرفون انه في السعوديه ما فيه علاقات قبل الزواج لكن الوضع مختلف معاي ومن جد أنا حبيته كثير وهو يموت علي لكني خايفه موت ينقلب علي بعد الزواج وش رايكم عادي الوضع؟

والله اختي سديم .. حتى انا اخاف من ها الشي .. يعايرني انه كان يعرفني قبل الزواج .. بس انا ما بادلته المشاعر الا لما حسيت انه يحبني صج .. و اتاكدت انه انسان محترم ومب مال بنات

احنا عندنا في الامارت عيب الوحدة تحب زوجها قبل الزواج .. الله يستر :o

أخواتي سديم و الهنوف ..

آسفه التدخل بس أحبيت أبدي رأيي لكم ..

الحب مو عيب ولا حرام ..

وأنت ما كنت ناويه تلعبين عليه أنت تبين أتعرفينه فترة وجيزه عشان أتقررين (هذا اللي بتكملين معاه حياتج ولا لا)

وأنت ما سويتوا شي الي يسي لي كرامتج ..

ألف مبرووووووووووووووك لكم ..
ألفال للجميع أنشالله ..


تحياتي
أمل مقتول

تسلمون خواتي الهنوف وأمل مقتول..
من جد والله حاطه ايدي على قلبي وخااايفة سمعت عن زواجات كثير عن سابق علاقة وفشلت بس بالمقابل زواجات ثانية نجحت 100%..
تدرين انا تفاهمت وياه حول الموضوع ذا أكثر من مره وهو يطمني ويوقولي أنا لو ما اعرف انك بنت ناس ومحترمه ما خطبتك..
مو عيب انا نحب ونعرف بعض..
بصراحه كلامه طمني بس امي دايم تخوفني وتقولي الرجال طلع ولا نزل بيطلع سعودي سعودي يعني نظرته مهما تغيرت لابد يرجع..
شفتوا ليه انا خايفه؟؟
:o

الحب بحد ذاته مو عيب ولا حرام ولكن التمادي فيه لدرجه المساس

بالشرف او الدين او الكرامه هو العيب والحرام

واخواتي الهنوف وسديم ما أظن سويتوا شي غلط عشان تخافون

والحمدلله انه جو من الباب مثل ما يقولون ولو كان يشكون فيكم ما كان

تقدم لخطبتكم والله يوفق الجميع :)

السلام عليكم ورحمته الله وبركاته

مني مخطوبة حتى افيدكم ولو اني مخطوبة كنت ماقصر
واتمنى من المخطوبات ان يشاركوا حتى نتجنب اخطائهن

جزااااااكم الله خير.

(a)(a)

بصراحه انا حبيت خطيبي وهو حبني مثل ما ذكرت لكم بالقصة :)
بس ما كان في اتصالات وكذا بينا قبل الخطبه
ونحن فلسطينيين وكمان عنا عيب وحرام الوحده تسوي علاقة تلفون وحب قبل
بس عادي انها تحبه من بعيد لبعيد بدون اي علاقات او امور خارجه عن الشرع والعادات

وهو سعودي وانا فلسطينيه واهله عارفين واهلي عارفين وكل واحد منا ببلد

بس ما احس ابدا انه يوم من الايام بيعايرني
بعدين اذا الرجال يبغي يعاير الحرمه على هالشي بعد الزواج طيب هو سوا نفس هالشيء يعني هو بعد مثلا حرام لما كلمها وهي مو خاطبها يعني ماله حق يتكلم

اعتقد النظره هالايام تغيرت عن قبل

خاصه انه العلاقة كانت عادية مو شي ينزل الراس

لما يكون الحب بريء وطاهر احلى ما يكون وما اعتقد فيها شيء ابدا

:)

توكلي على الله يا بنت الحلال وربنا يوفقكم يا رب ويوفق الجميع

السلام عليكم ورحمة الله وبركاته

انا بقى كان الموضوع بالنسبة لي عادي جدا

اتقدم لي ناس كثير وما يحصل نصيب ،ن عمري ما رفضت حد مباشرة الا واحد :o كنت صغيرة جدا وقتها

دايما كنت أعمل استخارة لأني كنت باستحرم أرفض أى حد من قبل الاستخارة حتى لو مش مرتاحة له وعمري ما عرفت حد برة اطار العيلة أو العمل يعني عمري ما خرجت مع حد رغم ان ده حاجة ناس كثير بتعملها في مصر بس أنا كنت باستحرم

المهم انه بعد فترة طويلة وعرسان كتير يأست اني موضوع يتم كل مرة يحصل حاجة والحمد لله ان المواضيع كلها بتبوظ لأني عمري ما اقتنعت بحد ابدا والاستخارة كانت بتخلي الموضوع ينتهي لوحده :smile:

كنت خلاص بطلت تفكير في الزواج واعتبرت اني مستحيل ألاقي اللي يناسبني وسبت كل حاجة على الله

وفي يوم واحدة معرفتي بها ضئيلة جدا يدوبك يتقال معرفة لاقيتها مرشحالي زوجي اللي هو كمان معرفته بها نفس الشئ يدوبك

وقالت لي اسألوا عليه واطمنوا كويس قبل ما يجيلكوا بس ناس كثير شكرت فيه

المهم شافني مرة واحدة في قعدة تعارف وانا كنت ماشية من الموضوع زى اللي قبله كنت عملت استخارة ويعني مترددة وقلت خلاص ما فيش نصيب

بس قبل ما أقوم لاقيته بيقولي فيه سؤال وهو مكسوف جدااااااااا

ايه الحكاية سألني ايه رأي فيه :smile: انا ساعتها كنت مكسوفة جدا ورغم رأي اللي قلت لكم عليه وطيت في الأرض وسكت

بعدها كان معاه الايميل بتاعي وما فيش تليفونات ولا أى حاجة خالص وفضل يبعت لي كل شوية ميلات يتحايل عليا أعمل شاتنج أو اعطيله التليفون وأنا أرفض لأن وقتها كانت عيلتي مسافرة

لحد ما في مرة تعبت جدا وما قدرتش أرد على الايميل بتاعه فصعب عليا جدا من قلقه وخليته يكلم والدي في السعودية وأهلي وطلب ايدي منهم وعطيته التليفون

واتخطبنا يوم 30 أغسطس 2003 وكتبنا يوم 1 سبتمبر 2003 وهنتزوج ان شاء الله يوم 12 أغسطس 2004

واكتشفت انه زى ما أنا كنت عاوزة وباتمنى واكثر ربنا يخليه ليا ويتمم لنا بخير ادعولي

كل بنت فعلا ثقي ان ربنا شايلك الخير أيا كان خلوا عندكم ثقة في الله :smile:

الله يبارك لكم جميع
بالفعل مواقف وطرق رهيبه شفتو النصيب يالله يابنات تشطروا واعرسوا يا احلى بنات العرب :clap:

يعطيكم العافيه خواتي..
والله يريح قلوبكم مثل ما ريحتوا قلبي..
بس ادعولي الله يتمم بينا بالخير..

:confused::eek2:الموضوع اهبل