تسرعت بزواجي ولي نصيحه للي ماتزوجت

الفتاة الطاهرة;11705428:
الحمد لله والشكر
ماقول الا الله يعينك لو عندي حل كان حطيته
بس ماقول الا الله يسعدك ويوفقك هذا اللي اقدر عليه

انوار الحب;11705595:
اول شي حيااج حبيبتي بمنتدى عرووس:032:

ثاني شي بدخل بمشكلتك حبيبتي انتي ماصارلك كثير متزوجة

وانحسبت عليج زواجة يعني لازم تصبريييين شوي

ولا تفكررين ابدا ان الطلاق شي سهل انا مطلقة وماوصلنا للطلاق الا لمن شفنا الطريق مسكر بعد سنين زواج واللي سواه فيني مايرضي لا شرع ولا عرف

انا اقول غيري من اسلوبج معاه طنشيه لا تخلينه اول اهتماماتج حاولي تطلعين تغيرين جو
ودي انا اطلع ودي لو يخصص لو مره اني اطلع تتجدد النفسيه لكن مثل ماقلت بس اهلي اهله يعني اقرب ناس لي

كسبيه بكلامج الحلو حتى لو شفتي اسلوبه معاج خايس ميخالف
مع اني اعامله ومااناديه الا بقلبي او شي من هذا يعني مثل اقومه من النوم للدوام احيانا اكون تعبانه ولانمت ززين اغصب نفسي واجلس جمبه واقوله يلا قلبي قوم لاتتأخر طبعا مايرد الا بعد معاناه وبعد الرد القى صراخ علي واحيانا يقول ماعليك مني انا يجيني شي الله لايوريك
يعني مع اني احاول اكسبه لكن مااحس اني القى قبول مره

خليج دائما كاشخه قدامه لمن تطلعون انتي روحي مسكي ايده خليه يعصب اول مره بعدين راح هو يطلب منج هالشي قوليله لمن امشي بروحي الناس تفكرني مو متزوجه ويطالعوني

فخليك يمي علشان محد يتجرأ ويطالع :014:
فكره حلوه بس خايفه انه يبعد يده بطريقه تخرب علي هالطلعه واخر طلعه طلعتها كانت ببدايه زواجي

بالنسبة للشك واجهيه قوليله ماخذني وتعرف منو اهلي وشنو اخلاقي ليش بعد هالحركات
يمكن اخاف من المواجهه مادري ودي اجي واقوله كذا لكن شي يمنعني مدري ليش

ومثل ماقالوا الاخوات داااااااااائما ادعي الله يسخره الج وكثري استغفار والصدقه مفعولها عجييييييب سبحان الله

انا للحين مااستخرت لان فيني الدوره انتظر بس متى تروح مني والاستغفار ولله الحمد على الساني كل ماحس اني انفردت اجلس استغفر او وانا اشتغل
وخلينا نشووفج معانا دائما حبيبتي بالمنتدى .... :016:

Lmne BshoG;11705524:
الله يعينج ويسهل لج امورج اختي~

الكاسكو;11705665:
سبحان الله جنج قااعده تتكلمين عني انا


انا مطلقه للمره الثانيه حياتي للاسف تسرعت بسرعه نفسج بالضبط بسرعه ووافقت مافكرت عدل والله والنتيجه خسراانه والله

الله كاتب علينا كذا بس التسرع وهذا اللي حبيت اوصي البنات تاااااااااخذ راحتها في فكره الزواج ماستعجلين كررري الاستخاره اذا شفتيه وراتحتي من اول مره الاقتناع الكامل من كل ناحيه لازم السؤال عنه لكن على كل هذا ماراح تعرفينه الا لما تعيشين معه:091:


ااااااااااااااااااااه يا ندم

ماتدرين الله قادر يعوضك بزوج ماتتخيلينه من طيبه وحب ومعامله زينه وراح تنسين كل اللي صار لك

غلطه عمري زوااجي الثاني عصبي ويمد ايده ومعقد وشكاااك ووقذر وكل صفات الشينه فيه

مُزون;11705440:
السلام عليكم..

ما حبيت ادخل وما اقول لك شيء.

الله يسهل امورك ويريح بالك ويعطيكِ على قد نيتك ..
وياك ياررب ويرزقك باللي تتمنين

كلامك ريحني صراحة لإني كنت جداا زعلانه وكئيبه ونفسيتي زفت

بس من قريت كلامك حسيت إني في نعمة كبيره والحمد لله إني ما تسرعت

في إتمام خطوبتي لأن اعتقد خطيبي السابق الى حد كبير نسخه اخرى عن زوجك...

الله يفرج همك ويسعدك يا رب..

شوق الدروب;11705666:
والله مشكلة صعبه بس انا ماراح افتي لك بس بقولك حاجه اختي زوجها مثل زوجك ويمكن ازود اعوذ بالله مو انسان قضت معاه 3سنوات ولا تغير ولاشي والى الان معلقه مو راضي يطلقها من كثر ماهو حقود بس الحمد لله ماجابت عيال منه فكري عدل قبل لاتتخذين اي قرار

حنونةا;11706101:
حبيبتي اول شي الله يعينك تاني شي لازم قبل كل شي انك تحبيه من كل قلبك لازم تقنعي نفسك بانك تحبيه يعني اذا حبتيه من كل قلبك تهون المشاكل التانية عودي نفسك عليه وخليه يتعود عليكي وارجع اقول مرة تانيه لازم تحبيه ولي رجعة ان شاء الله

maiooona;11706241:
ما اعتقد انج تسرعتي بشي .. طبع الريال الحقيقي ما بين اللا بعد الزواج و العشرة و هذا شي طبيعي .. و المرا كذلك


لااازم يصير بينكم حوار ... كلمي مرة و مرتين و 3 .. خصوصًا عن علاقتكم بالفراش
والله كلمته كم مره لكن ماتغير ولاقال من واجبي اعطيها حقها وتوي مكلتمه ماطولت بعد عن هالسالفه لكن لاحياه لمن تنادي


لو انتي قصرتي بأي شي اهو راح يقوللج بدون تردد .. انتي بعد من حقج تكلمينه و من حقه تعطينه فرصة عشان يتعدل


اكيد هو في هذي الاشياء جااااااااهز يقولها ولايترردد


الله يسخره لج كما يسخر الامه لسيدها .. و يصب محبتكم في قلوبكم صبا صبا
:)

بحرينيه عز;11744046:
الله يعينج ويصبررج

دلوعة حنونة;11706690:
حبيبتي انا ما انصحك تخربين بيتك بس انتي اعرف هذا حياتك واللة لو بيدي ما اخليك تتضيقين بس حبيبتي نصيحة لك استخير وقولي لمك اواختك قبل علشان يكون عندهم خبر وانتبهي تطلبين انتي الطلاق لو طلبتي

بيقولك ادفعي لي المهر الي عطيتك مثلي انا عطيتة المهر فكر ي زين بطريقة تنجيك منة واخير ا اللة يفكك من اليوم قبل بكرة اذ انتي تبغين الشي هذا واخير هذي لك:087: المهم لاتزعلين ولاتتضيقين وانتبهي علي صحتك ونفسك طمنيني عنك

شمعة محبة;11707334:

حبيبتي قلبي معاج ...

حسيت ان عيوني بتدمع يوم قريت مشكلتج ....
حبيبتي أنا بصراحه ما راح أقولج سوي جذيه أو سوي جذيه لان هذي حياتج وما نقدر نقرر عنج اذا الطلاق حل أو لا ...
بس أول شي مثل ما قالوا البنات ...
رقم 1 تستخيرين على أي فعل تسوينه ....
راح اسويه ان شا ءالله لكن جتني هالدوره :091:
ورقم 2 القياااااااام في الثلث الاخير من الليل ... والله له عجااايب ...
رقم 3 قراءة سورة البقره يوميا بنية تفريج الهم ...
رقم 4 الاستغفااار ...
ان شاء الله هذي راح تكون بشكل مستمر
حبيبتي انتي مستحيييل يتغير تفكيرج عنه ... وانا ما بقولج اصبري عليه وحاولي .. لا ... أكيد انتي حاولتي بما فيه الكفايه و وصلتي حدج ...
بس أقولج سوي الاشياء اللي قلتلج عنها وقالولج عنها البنات ...
لان الله قادر انه يلين الصخر ... يمكن بدعائج واستغفارج وقربج من الله يتغير هالانسان وتحسين انج متزوجه انسان ثاني غيره .... وتعيشين وياه مرتاحه ... ويمكن لا ... الله أكيد كاتب لج خيييييييير في كل هذا الموضوع .. سواء استمريتي معاه أو لا ....
استخيري على ان الطلاق هو الحل ... وبتشوفين الامور يا انها تتيسر لهالشي اللي هو الطلاق ... او انها تتيسر من جانب ثاني ويتغير زوجج للأفضل ... انا مادري .. لكن الله العالم ...
راح استخير بس اعد الايام اللي اخلص منها وبعدها الاستخاره

بس بقولج شي سمعته مره من الداعيه عمرو خالد ..
في برنامجه باسمك نحيا ... رووووعه البرنامج .. كل حلقة عن اسم من اسماء الله الحسنى ..
المهم في شي من الحلقات بصراحه ما أذكر عن أي اسم من اسماء الله كان يتكلم أعتقد اسم العزيز ... واللي أذكره انه قال ليش الحرمه تذل نفسها لزوجها وهو يهينها ويهينها وينزلها الارض !!!! اذا الله هو خالقنا ما يرضى لنا المهانه والمذله إلا له لوجهه الكريم ... ليش نرضى ان نهين نفسنا لانسان حاله من حالنا .. وفي النهايه كلنا بشر !!!!
كلام جميل
فكري بهالكلام حبيبتي ...
وعن الاستغفار والبقره وقيام الليل بقولج تجربتي الشخصيه .. عشان تتشجعين ...
أنا متزوجه عن حب .. وبعد الزواج الله عطانا بنت مريضه .. ومعاااانااااه من مستشفى لين مستشفى .. والحمدلله رب العالمين الله ما كتب لها عمر وماتت ... والاطبه قالوا لنا ان احتماااال كبيييير من أي طفل نيبه انه يكون مريض بنفس المريض .. لان أنا و زوجي أهل ..
وما تتخيلين الهم والحزن اللي عشنا فيه .. وبعد ما بنتي الاولى ماتت حملت ببنتي الثانيه ... وكنت ميييته من الخوف ...
اكتشفت بعدها ان زوجي يكلم بنت !!! وخاطبنها وبيتزوجها بس ينتظر موافقة ابوها .... يعني ما تتخيلين الصدمه اللي عشتها ... سمعت الخبر من أمه مسكينه قلبها معاي ... وكنت حامل في الشهر الثالث ...
من الصدمه اعتمييييت ... دقايق الحمدلله مب فتره طويييله ...
لكن عشت أيااااام والله ما أتمنى اني أعيشها مره ثانيه أو تعيشها أي بنت .. ويوم أقول لزوجي ليش سويت جذيه .. يقولي كله منج !!!
والله هالكلمه كانت تذبحني ... لاني والله والله شاهد على كلامي .. كنت أبذل كل ذرة طاقة فيني لزوجي ولبنتي اللي ماتت ...
ومنها داومت على الاستغفار وقراءة البقره والقيااام يوميا لحد ما ربيت ...
طبعا بنية ان الله يرزقنا أطفال سليمين ..و انه يسخر لي زوجي ويغض بصره عن أي وحده في هالدنيا غيري .... والحمدلله ايماني كان قوي بالله وما عمري شكيت في قدرته و عطاني بنت فديتها الله يحفظها عمرها الحين سنه و8 شهور .... و زوجي ما تغير 180 درجه .. لا لكن الحمدلله تصيرلي أشياء ما عمري حلمت انها بتصيرلي ... وأهم شي انه عرف غلطته وقالي أنا اسف لاني ظلمتج وبين الحق ....
سبحان الله والله تستاهلين بعد الصبر اللي صبرتيه
الله ماينسى عباده وهذا شي خلاني اوقف شوي
ماادري انا مااعرف شعوري له لاتستغربين بس ابي افهم شعوري اتجاهه ولاقدر ت بس اقدر اجلس كم يوم بعيده عنه اقدر اجلس كم يوم بدون مااسمع صوته يعني مااظن احبه مره :091:

حبيبتي خلي ايمانج قوي بالله .. كلميه كأنج تكلمينا هو خالقج وهو أرحم عليج حتى من أمج .... وصدقيني بتتيسر أمورج للي فيه الخير لج حبيبتي سواء كان بالطلاق أو شي ثاني ...
و ياااااااااااااااارب ياااااااااااااكريم تفرج على اختي وتيسر أمرها وتجبر خاطرها وتنولها اللي في بالها وتجازيها خير ياااااارب أنت أرحم الراحمين ..
يازين دعواتك قسم بالله تسعدني الله لايوريك مكروه لافيك ولافي اقرب الناس لك الله يسعدك ويخليك ويخلي من تحبين لك
ووييسر لك امرك ويفرج همك
واهديها لما تحب وترضى ياااا كرييييييييييييييم ...
وادعيلي الله أيسر أموري ويشفي زوجي ..
وطمنينا عنج ...
واسمحييييييلي على الاطاااااله ...

أختج أم مريم ...

نور مجان;11706495:

حبيبتي

غلطه عمر

اتمنى انك تفكرين مليون مره قبل لا تفكري بالطلاق

هذا الي اقدر اقوله

آحاسيس مبعثره;11707443:
أسال الله في هذا الوقت الفضيل ان يفرج همك وينفس كربك

وياك يارررب الله يسعدك بكل لحظه
عليك بالإستغفار بهذه الصيغه استغفر الله الذي لاإله إلا هو الحي القيوم واتوب اليه
جالسه الحين اكررها حتى احفظها الله يوفقك ويحقق لك اللي تتمنين
في اليوم عالاقل خمسين مره وتشوفين الفرج بإذن الله والاستخاره استخيري دايما ان الله ييسر
لك مافيه الخير.

اميره بقلبي;11707509:
حبيبتي الله يعينك بس قبل كل شي استخيري ولازم تقولين لااهلك عشان ماحد يلومك بكره ولاتسكتين عن حقك

الكادي77;11707706:
ماقصروا البنات بس أجلي فكرة الحمل لاتتوهقين لين تشوفين حاله بينصلح ولا لا؟

јǿđ;11708954:
الطلاق مو حل

شي طبيعي اول سنه .. ثاني سنه مشاكل
وبعدها تتعودون على بعض وتعيشيون حياتكم بشكل طبيعي
فـ لا تستعجلين عن الطلاق
استحمليه بعيوبه
هو يمكن ما يعرف يتعامل مع الجنس الناعم
فـ يبي لك تعلمينه .. الرجال زي الطفل صغير
يبي له حد يداريه ويدلعه
ااتخذي نصيحتي ان شاء الله زوجك بيتغير الى الاحسن

راااحتي ب سجودي;11709073:
الله يفك ضيقك.. ويسعدك ف الداارين

كيكه قطرية;11709636:
يا ربي يفرج كربتج يا حبيبتي..