تسرعت بزواجي ولي نصيحه للي ماتزوجت

االسلام عليكم ورحمه الله وبركاته

على كل اللي يصير بستمر اقول الحمد الله على كل حال

ودي ارد على كل وحده فيكم بس نفسيتي تعبانه تكفي ردودكم جعلهم في موازين اعمالكم
وشاكره لدعواتكم الطيبه

مشكلتي الان ودي احبه بس مو قادره ماادري وش الشي اللي يمنعني عشان اقدر اصبر عليه
ادري تقولون وش مصبرك عليه ودي بس يرجع فيني الزمن ودي اقوم ويصير كله حلم ولاللحين مو متزوجه

طبعا احب اقول اهم شي هذا الموضوع ماحطيته الاابي مساعدتكم ومو اكرهكم في الزواج لاوالله ويشهد علي ربي عسى الله يرزق كل بنت رجل يعرف قدرها ياحي ياقيوم والله اتمنى للكل الخير
وعسى الله يرزقكم ويرزق اخواتي بس احب اقول وافهم من هذاالموضوع حطيته ماابيكم تتسرعون انا لي اخوات ولو يجيهم زوج راح اكلمها واقول لازم قبل كل شي الراحه الاستخاره سوي كل شي والباقي على رب العالمين عشان مابيهم يغلطون غلطتي يفروحون انهم بيعرسون ثم يعانون مثل ماااعاني الان
انا فرحت اني بعرس بس سبحان الله ماكنت مهتمه يعني قبل الملكه كنت مخطوبه فتره كان عادي عندي نتفرق ماادري ليش كان كل همي اتزوج واسكت الناس عني غلطه ماتحملها الاانا وهذا اختياري واتحمله مو قادره اقول لاامي كل شي يصير بينا مو عارفه وش اللي يمنع
خوفي من بيت مايبي مطلقه او من ناس ماادري كيف جايه كأن المطلقه شي غريب هذا نصيبها من الدنيا اااااااااااه واللي يقهر المطلق اذا تزوج راح خذ له بنت الله يعين كل هذي فضفضه ونصيحه بنفس الوقت

اشكر كل وحده ردت علي وعطتني من وقتها الثمين
سالفه الحبوب انا تاركتها من زمان لانها بتضرني وقالت لي الطبيبه ماااقدر اوصف لك حبوب لان انتي من النوع اللي مايحمل بسرعه سالفه هرمونات اكيد يعني الكل عارفها ماادري وش اقول لكم والله وانا اتكلم خانقتني العبره انا ابي طفل بس الاب مااابيه وش اسوي نفسي بطفل اكيد هذا حلم كل وحده عسى الله يرزق كل محرومه الذريه الصالحه تدرون وش افكر قلت لو احمل واتطلق عادي بعيش مع طفلي وكل حياتي له بس مشكله لو يحصل حمل مع هذا الاب وش مصيره هو بيسوي له مثلي مو عارفه اااااااااااااااااه بس

تخيلو يقهرني بكلام انا ماااقول اني جميله لكن مقبوله والحمدالله والشكر نعمه من ربي
بس هو له قريب ماخذ من الدول العربيه وله طفله ماشاء الله حلوه بس مو معناه انها احلى وحده بالعالم هذا دايم يقول ياحظ اللي بياخذها ودايم يمدح فيها مو عارفه وش السبب هي الوحيده بين البنات يمدح فيها وانا كاتبه القهر يعني بيغيت اقول له اذا عاجبتك وتلمح ليش ماتزوجت اختها قبل ماتاخذني بس سكت وبينت ان ماهمني وواثقه في نفسي لكن كاتمه القهر اااااااااه بس
يقول والله فيها جمال يعني اللي يقهرني كأنه يقصد انه اذا هذي البنت كذا اجل الام كيف مع ان في اختلاف كبير بين الام والبنت سبحان الله مو عارفه وش المقصد مع اني قلت فلانه حلوه حلوه وهذي قال لابس هذي غيررر الحمد الله بس ماادري وش تفكيره
واحيانا اذاجلست لحالي بيني وبين نفسي قلت الحين تزوجت وبعدين وش صار والله ثم والله ان بيت اهلي ارحم من العيشه هذي ونادمه الى يومكم ابي انسى احاول اعيش احاول احبه مو قادره يمكن اني مااابي اقتنع اني احبه
طبعا الحين اسبوع عنده واسبوع عند اهلي وهالحال مستمر للحين ماتغير شي مره قلت وعصبت من هالشي وقلت لامي وانا في قمت القهر لو متزوجه مسيار استغفرالله اصرف
امي ماتدري وابوي نفسي الشي اكتفو بس بضحكه :( وانا احترق الفين مرررره بداخلي
بنات مو قادره اقول ابي اتطلق عجزت كل ماجيت اعزم وبقول شي يمنعني والله مافي شي اتحسف عليه لو اتطلق بس ماادري ليش ممكن افكر بقريباتي اللي بعمري لو اتطلق بيطالعوني بنظره غير ومن هالكلام يعني اكيد حتى الكلام ماراح يقولون لي انا ماابيها سوالفهم بالطقاق بس تغيير المعامله
انا اعرف قريبات في عمري يعني نقول 27 وفوق مابقى شي على الثلاثين تدورن احسدهم اي والله احسدهم اقول نعمه والله اكيد كل وحده مصيرها تتزوج مهما كان عمرها وش خلاني اخذ الامور باااستعجال اااااااااااااااه بس ااااااااااااااه فيني ندم وقهر وكل شي استغفر الله تخيلو كل مادقيت عليه وطبعا مايرد علي بسرعه هذي عادته مو عارفه ليش المهم اقول ان شاء الله حادث ومات ولااي شي والله ارمله اهون من مطلقه على الاقل محد متكلم مو عارفه اتمنى له الموت وشكلي بموت من القهر اللي عايشته انا وهو مو حاس فيني
اااااااااه بنات مو عارفه يقول لي اشياء انا ماسويتها ولاقلتها بين فتره وفتره مو عارفه ليش ؟
واذا قلت لاماقلت يعصب يقول اجل مين اللي قال انا ولاااكذب ولااايش بعدها اقول خلاص قلت ويمكن نسيت الى متى كل شي انا اللي سويته انا اللي غلطت شي يتعب النفسيه والله العظيم ...

احيانااجلس بيني وبين نفسي اقول وش مسووويه بدنيتي من غلطت عليه من ظلمت من ومن ومن بس اللهم لك الحمدد انا صحيح انسانه حساسه وهذا الشي يخليني مااقدر اغلط او اظلم احد لان مره صارت لي من قريبه وغلطت عليها بكلمه عاديه ومانمت طووول الليل يوم كلمتها واعتذرت لها قالت عن ايش قلت عن هالكلمه قالت بس احس تتحمد علي من داخل تقول مازعلت ولاجت بخاطري عاديه مره انا مااقول هالكلام امدح نفسي لاوالله بس انا وطبعا كل وحده فينا ماتحب تغلط على اي وحده او تظلمها
نقول ابتلاء من الله انا راضيه فيه وابي الاجر من الله
بس هذا زواج ونعيش سنين طويله وفيه عيال مو عارفه اقدر اتحمل ولالا
فكرت مره قلت لو الله سبحان الله وتعالى رزقني بااطفال مثلا ومعي هالزوج كيف بعيش معه يعني بخلي اهتمامي كله بااطفالي وهو وش فايدته ؟ انا عن نفسي اقول مو محتاجه له صدق ااقولها مو محتاجه له لاهو معطيني حقوقي ولاحتى حقي بالفراش ومحرومه من اتفه شي نفسي يصير لي مبلغ تافه لو ميتين ريال راضيه فيه اذا احتجت شي خذت من امي والله اكثر شي اتسلف من امي امي تستغرب تقول مايعطيك اقول لايمه يعطيني بس انساها مو عارفه ليش اتستر عليه مرااات اطلع عيوبه عند امي ومرااات لااامدحه مو عارفه ليش مو عارفه ليش :(
تدرون العطور والمكياج وغيرها حتى والله ملابس البيت ماغيرتها من تزوجت ؟ كل هذا صابره من اللي ماتبي تغير انا انسانه احب العطور واحب كل شي جديد بس بالمعقول طبعا دايم اخذه من اختي مره بمناسبه خذته منها ورحت البيت وحطيته على التسريحه قال وش هذا شاريته اقول في نفسي من وين ياحظي بغيت اكذب بس قلت اخاف ياخذه لان الصدق ينقال مايستحي عطور نسائيه ماعنده مشكله يستخدمه اقوله ماتصلح يقول ماعليك مني كله عطرين اشترهم لك وخلاص وش هذا الحركات ويتعطر فيه العطر باين من ريحته بارده المشكله اللي يقهرني اتعطر وانا اتعطر واروح اهله يشمون نفس الريحه تخيلو هالموقف والعطر ريحته واضحه واكيد البعض يعرفه من اهله
مره جلست عند اهلي اسبووع وبعدها جا خذاني جلست معه خمس ايام والله حسيت انها وش كثرها من ايام مو عارفه ليش يتعمد يضايقني حتى يتدخل في شغل البيت ليش مانظفتي ليش هالوساخه نفس الموال اللي قلته لكم ااااااااااااااه بس مافي الوسخ الاهو والله
يعني مو عارفه ليش تخيلو مره يجي عرقاااااااااااان وتقرفين منه تدورن هو مايبي يتروش *يستحم (الامره وحده ؟ تبون تعرفون وشلون طبعا في البدايه ماكنت عارفه الايوم تكرررت علي كم مره
جاي عرقان وحظرته عشان يتروش مره وحده يبي يريح نفسه؟ اكيد فهمتو والله اقوم وانا حايمه كبدي واجلس ساعه تحت الدش ابي اطفي القهر اللي فيني دموعي تنزل مع المويه مع انه مايصلح الله يحفظنا بس غصب عني مو قادر امسك نفسي واقول ليش يسوي كذا وش جالس يجامع مو انسانه انا ؟:( وياليته مع هذا يريحني مو حاسه بااي لذه معه ولامتعه اناني والله اقوله صدق في نفسي اناني بمعنى الكلمه مع العلم انه يعرف انه مو مريحني فتحت الموضوع كم مره وسكرته يوم ماشفت اي تفاعل !!!!!! :(

استحيت من اهله يوم قالو وجهك ناحف وانتي ناحفه قالو مسويه رجيم انا اختبصت والله مو حاسه بعمري ولابشكلي قلت ايه ابي انحف شوي قالو وش تسووين :( وش اقولهم شيلو هم واجلسو ابكو ولاتعرفون تضحكوون اقل من سنه وتشوفون النتيجه اااااااه بس
قلت لهم مااااكل شي يسمن طلعت لهم رجيم من راسي يعني قلت لهم ياكلون الفوايد ويتركون الدهون والحلويات مع ان لو يدرون اني اكلها قالو كذابه الاكل صار مهنه تنفيس صار اااااااه بس

شي واحد مو عارفه جوابه ليش مايبيني اجلس اسبوع كامل معه ؟ كم مره اقوله ماابي اروح لااهلي بغرض عندي شغل بعدين لاحقه بس هو يصير ثم شاف مافي نتيجه قال بسافر او معزوم يومين يعني اربعا وخميس اااااااااااه بس وكله كذا ادري عنه والله
انا انتظر اي احد من اهله يناديني والله مره كان فيني تعب من شغل البيت ويوم جا المغرب اتصلت خالتي قالت راح يكون فيه جمعه تصدقون على هالتعب اللي اني ابي اهرب من البيت عارفه اذا خلصت من شغلي بيطلع الف شغله وشغله بيقول وش هالتنظيف انا امسح التلفزيون بين كل ثلاث ايام يقول ليش مغبر اااااه تقريبا والله صرت مااتحمل الشغل اتعب مااادري من النفسيه مو عارفه ليش
ماتتخيلون وش كثر استانس اذا طلع لربعه برا البيت شعور غريب احس اني حره مو عارفه كيف اوصلكم الشعور
صرت انظف اذا طلع من البيت لان طلعته بعد المغرب او العشاء واذا نظفت قبل صار يقول نظفي هذا وشيلي هذا والله انقهر احد يتدخل بشغل البيت هذا بيتي انا حره انظفه مثل مااابي
ااااه صرت انبسط اذا طلع وانظف صحيح شغله عاديه لكن اشتغل وانا مرتاحه واذا رجع يخمد وبس لان بيصير مافيه حيل احيانا يناقش
مره اعترضت في شي ودايم هالكلمه هذا بيتي وهذا ماادري ايش اي بيت اللي مايقدر احد يفر فيه فره وحده ماادري والله على طول اذا قال هذا بيتي او شاري شي قال من فلووسي حسيت عقله صغير مع العلم ان عمره بالثلاثينات
سبحان الله كنت اقول اللي بالثلاثين عاقل وفاهم الحياه لكن اكتشفت انه مو شرط يمكن يصير عمره 20 سنه وهو عن عقل 40 سنه اه بس

السؤال هو اقدر احبه من مرور الايام ولا بتكووون كلها سدى وضيعت سنين احس بنهد وعقب ماانكسر ومايصير لي فايده يروح يعرس وهذي اخرتها مااحس انه وفي ويقدر يتخلى عني بكل سهوله استغفر الله العظيم من كل ذنب عظيم
الله يعطيكم الصحه والعافيه والرزق الحلال والذريه الصالحه لجميع اخواتي

عسى الله يفرج همي وهم كل وحده تعاني

جزاك الله كل خير كلامك كله صح
بس عندي طلب اذا ممكن قفلي موضوعي لاني باخذ قرار نهائي مع نفسي
لاني ادري مع ردود البنات باخذ قرار اخير مايقصرون
كل اللي اطلبه تمنو لي الخير مهما كانت النتيجه
انا راح اخذ قرار بس مو الحين شوي الين اثبت شي وبعدها راح افتح الموضوع مع امي
صدق نبهتيني بشي اني خاصه بالرد هذا صرت اقول كل عيووبه وصرت افضفض من قلب وطلعت كل مافيني جزاك الله خير
جزاكم الله كل خير
اتركم بحفظ الله ورعايته اتمنى لكم ولي السعاده يارب