تسرعت بزواجي ولي نصيحه للي ماتزوجت

دلوعة حنونة;11702195:
وربي نفس وضعك وانا عروس بعد لي اسبوع انوع المعير وسب والكلام ياشيخة الرجل الي مثل كذا مو كفو الواحدة تصبر وانا ما قالت الا الشي الصح والي موعاجبة ينتف حواجبة صح الرجل بدلة رجل لكن العقل لطار كيف يرجع :047:

صحيح يعني ماكنت سعيده معه بااول ايامي انحرمت من هالشي كله بس ابكي واندم
كان ينام وانا اروح ابكي ويقهرني اذا زعلني ماااااااااااااااياراضيني يعني احيانا نتهاوش واطلع نفسي يجي عندي ويعتذر نفسي ياخذني بحظنه ويقول اسف حبيتي ماعمري والله سمعته يقول كلمه حبيبتي ابد :091:
يعني يزعلني ولايجي واذا رجعت لقيته نايم ولاهمه ولاكأن صار شي تعبت

men_gady;11702367:
الله يصبرج ان شاء الله ويوفقج في حياتج

وياك حبيتي

الله يوفقك يارب ويرزقك بزوج صالح يعرف قدرك والله لايوريك شي من اللي شفته

فهدونه;11702403:
شوفي الحياة الزوجية تفاهم و أحترام و أذا فقدت قواعد الزواج فقدت هذة الشراكة يعني محد يقدر أيقرر هل تلجأين للطلاق كحل أو تستمرين معاه و تحاولين تصلحينة و الباين من كلامج أنج أنسانة فاهمة وواعية و بعدين الحين زمن النت و العلم و أكيد تقرين عن حقوق الزوج و الزوجة و لخصي حياتج في ورقة و أكتبي محاسن زوجك (أذا عندة محاسن) و مساوءة و بعدين أستشيري أختك أو أمك و شوفي شيقولون لأن يمكن هم كونهم قريبين منج يقدرون يعطونج النصيحة المضبوطة و راح ترتاحين لأحساسج أن أهلج معاج و خلصي عمرج ( أما أمساك بمعروف أو تسريح بأحسان)

مااكذب اقول مافيه محاسن لكن صفاته تتعبني مااتحملها لانها غلبت الشي الزين اللي فيه
كان يقولي كلمه ماكنت انساها يقول اهم شي الاحترام يعني شقصده بس انا احترمه وهو لا ليش صدقيني كنت احترمه مره ولااقدر اقوله كلمه مو زينه واذا هاوشني وصرخ علي سكت ولااتكلم الى متى والله العظيم انه هزئني مره عند امه عششششششان شي سخيف تخيلي عند امه قسم بالله ماقدرت رحت المطبخ جلست ابكي وبعدها سويت الشاهي ومسحت دموعي ولاكأن شي صار اشياء كثيره قلت يمكن تتعدل ماادري ليش خايفه اتطلق يمكن خايفه اخذ اسوء منه ويكون هو اهون صح ماااعرف وش كاتب لي الله لكن صرت اخاف احس شخصيتي امسحت مره كان يقول يعني يتكلم عن حرمه هي تمشي رجلها كان يقول اصلا هي ولاشي وجايه تسوي نفسها قويه قلت يعني وش معنى ولاشي انا مااحب ينزل من قدرنا ابد :091:
انا مااقدر اقول لاختي لانها صغيره وماااراح تتفهم لانها تجهل هالاشياء ودي اقول لامي بس اخاف تقول اصبري تحملي تعرفين الامها ت مايبون يخربون لكن انا حطيت موضوعي هنا عشان اشوف ارائكم بتكون منطقيه

زوجي حبيب قلبي;11702413:
الله يعوض عليك

الله يجزاك خير ياااارب ويسعدك

نون والقلم;11702691:
وععععععععع قطع على الاشكال من الريايل على بالهم رييايل بس اهم خرطي
بس نصيحتى لج اجلي موضوع الاطفال ولاتحملين منه اذا مو مرتاحه منه لاتسرعين بالاطفال حتى ماتندمين بعدين ، انه كنت مثلج زوجي مريض نفسيا وملىء بالعقد لوووووع جبدي صبرت عليه وايد سنوات قلت يمكن يتعدل ويتغير بس ابدا مع الوقت صار اخس من قبل . الى ان انفصلت عنه والحين الحمد الله مرتاحة ومو قاصرني شي غير رضاء رب العالمين ..

اختى على فكرة اللي جذي الريال صعب يتغير ولو تغير بطلعة الروح عقب مايصيدج قهر وامراض وتكونين بعد فترة سكراب وهو يدرو غيرج ... انه زوجي من اول سنة ضربنى وعلى طول عصبي وهواش على اتفه الاسباب وحتى مايصرف علي ولو سوى لي شي بسيط يتمنن علي ويذكرني فيه على طول كانه مخترع الذرة ، ولا حتى في الجنس كنت مرتاحة معاه ولايعطينى حقوقي كأمراة وصبرت وصبرت وقصة معاناة طويلة كنت ابي احافظ على بيتى وماكنت ابي اتطلق بس انحرمت من اشياء وايد وكنت ادعي ربي ليل ونهار ان يسخر لي زوجي ويتعدل وضعنا بس الله ماكتب لي هالشي عشان جذي قررت اني انفصل بس خذيت قرار الانفصال عن اقتناع وانه مرتاحة الحين وايد وعايشة حياتي احسن مايكون في بيت اهلي والحمد الله على كل حال

الله يعووضك ياررب باللي يعرفك قدرك ويخاف عليك من الهوا
ماادري ليش العقد مع اني اشوف اللي حولي اللهم لاحسد عادي رجالهم لان عندهم ثقه
معقد مره صادقه انا الحين وبنهبل من حركاته يعني مافيني حيل الحين عشان اعدل فيه وكذا لاني تعبانه من داخلي وساكته وماكله تبن واللي يسئلني كيف حياتك اقول الحمد الله وابين لهم اني مبسوطه راح استخير اول ويارب ياااااااارب يريحني من اللي انا فيه

اه ياحبيبتى كل هاده وصابره الله يعوضك خير حبيبتى لاتبكى قدامه لو زعلك وكلى امرك لله واما على الطلاق استخيرى والله يصبرك

أهلا بك أختي الغالية!!
وحياك الله وبياك بين أخواتك وحبيباتك,ويامرحبا بك.

حبيبتي قرأت قصتك أو مأساتك بأكملها,وتألمت في الحقيقة من اللي صار لك.
والأخوات الله يجزاهن خير ما قصروا معك,وأنا برد باللي الله ييسره.

حبيبتي:
فيه أمور خاطئة مترسبة في عقول الكثير من الناس,اللي هم عامة الناس.
ومن ضمنها:خوف المرأة من الطلاق,حتى وإن كانت المرأة تعيش في جهنم!!
بل وأطلقوا مقولة في ذلك (نار زوجي ولا جنة أهلي)!!
أي ظلم هذا؟؟وأي تخلف هذا؟؟
الله جل جلاله اللي هو خلق الخلق,شرع الطلاق في كتابه,وبين أن الطلاق يكون إذا ساءت العشرة بين الزوجين للغاية,ولم يعد باستطاعة أحدهما تحمل الآخر.

فإذا كان اللي ذكرتيه ياحبيبتي صحيح100% لا تترددي في الإصلاح بينك وبين زوجك,ولو بتدخل أحد من أهلك أو أهله,هذا طبعا بعد ما تستنفذي كل قواك في الإصلاح بينك وبينه.
إذا باءت كل محاولاتك بالفشل,استخيري الله ولا تترددي في اللي ارتحتي له,إن ارتحتِ لطلب الطلاق اطلبيه,ولا تخافي من المجتمع,ولا من كلامهم,ماعليك إلا من ربك اللي خلقك,هو اللي متكفل برزقك,والزواج من الرزق,لا تشيلي هم الناس أبداً,ومن راقب الناس مات هماً.
الناس لازم تتكلم,في الزين والشين,ولو كان أ حد بيسلم منهم كان سلم رب الناس!!الله جل جلاله تكلموا عليه (وقالوا اتخذ الله ولدا),(وقالت اليهود عزير ابن الله) (وقالت النصارى المسيح ابن الله).
فهل تتوقعي إنك بتسلمين من الناس؟!!
حبيبتي إذا إنتِ متأكدة ومتيقنة من اللي قلتيه,لا تخافي الله ما يظلم أحد ولا يجبر أحد على تحمل ما يطيق,إذا كان الله اللي طلبنا بعبادته لم يكلفنا ما نطيق في العبادة(لا يكلف الله نفسا إلا وسعها) فكيف نرضى للناس يكلفونا بما لا نطيق؟؟

حبيبتي:إن اخترتِ الطلاق إياك أن تخاطبي نفسك بسوء الظن في ربك!!
كوني واثقة من ربك,واثقة برحمته وعطاءه وكرمه وجوده.
ولا تأملي في أي مخلوق,علقي قلبك في الله واطرحي قلبك عند أبواب الله,الله سبحانه وتعالى عنده خزائن السماوات والأرض,لا يعجزه شيء في الأرض ولا في السماء,قادر على أن يرزقك بزوج أفضل من زوجك بمئات المرات,بل قادر على أن يرزقك بزوج لم يسبق له الزواج..
المهم الثقة بالله وحسن الظن فيه,وتقوى الله!!

تقوى الله هي مفتاح النجاح في الدارين.

وفقك الله لما يحب ويرضى,ويسر الله أمرك,وفرج همك ونفس كربك.

أم فطووومه;11702734:
وعليكم السلام ورحمه الله وبركاته
اختي عورتي قلبي والله ، صدقتي يا بنت الناس كل وحده لا تستعجل بزواجهآ ، انا عمري كان 17 سنة تقدمي لي واحد عمره 35 سنة ، وافقت عليه بس امي وابوي ما رضوآ والحمدلله ، الحمدلله أنا الحين احس براحه لإني ما وافقت وايد كبير علي ربي يسر اموره يعني لو بجيب له بيبي عمره بكون بالــ40 ، الله المستعان الله ما ينسى عباده الله كريم ، الله يرزقني بزوج الصالح ويفك كربك يا رب

صحيح الزواج المتسرع بدون تفكير هذا اكبر غلط انا استخرت طبعا ولكن ماحسيت بشي يعني ضيقه ولاشي لكن بعد الزواج سبحانه الله كل شي تغيرر
وهذا انا الحين نادمه وش عقبه :091:
امين يارب ويرزقك بزوج صالح يعرف قدرك

رٍوٍـــآنٍ;11703749:
الله بكون بعونج

جزاك الله خير ياررب
ويسعدك دنيا واااخره على ردك

هلاآ ومرآأحب غاليتي....
أسلوبج واضح عليه الأدب والاحترام والذوق..لوغير كذا كان سبيتي زوجج...حبيبتي اول شي لاتتحسرين على الزواج لانه كان مكتوب عليج من ولدتي...أنتي صبرتي واااااجد مع زوجج ربي يعينج انا مااقول تطلقي او لا بيدج هالشي..لكن زوجج لو انا بدالج كان من دون تردد رجعت لاهلي..لايهمج كلام الناس مايرضيهم شي...ماراح يعانون معاج خليهم يتكلمون لاتخااااااافين الحياة كذا الواحد مايسلم منها...حبيت ارد عليج حسيت انج زي اختي..ولو اني صغيرةبالسن بس حبيت مااطلع دون رد...
ادعي لبنتي تطلع بالسلامة...

ربي يحميج ويوفقج لما فيه الخير...
خاآآآالص ودي واحترامي

ملاحظة لاحظتها في أكثر من رد,وهي الاستشهاد بحديث(أبغض الحلال عند الله الطلاق) فحبيت أنبه الأخوات انهم لازم يعرفون حكم الحديث.

سئل فضيلة الشيخ محمد بن صالح العثيمين:
ما صحة حديث أبغض الحلال عند الله الطلاق ؟

الاجابة:
الحديث هذا ضعيف ، لأنه لا يصح أن نقول حتى بالمعنى "أبغض الحلال إلى الله " لأن ما كان مبغوضاً عند اله . فلا يمكن أن يكون حلالاً . لكن لاشك أن اله سبحانه وتعالى لا يحب من الرجل أن يطلق زوجته ، ولهذا كان الأصل في الطلاق الكراهة ، ويدل على أن الله لا يحب الطلاق لقوله تعالى في الذين يؤلون من نسائهم قال : -(لِلَّذِينَ يُؤْلُونَ مِنْ نِسَائِهِمْ تَرَبُّصُ أَرْبَعَةِ أَشْهُرٍ فَإِنْ فَاءُوا فَإِنَّ اللَّهَ غَفُورٌ رَحِيمٌ(226) وَإِنْ عَزَمُوا الطَّلاقَ فَإِنَّ اللَّهَ سَمِيعٌ عَلِيمٌ)- (البقرة:226،227) ، ففي رجعوهم قال : -( فَإِنَّ اللَّهَ غَفُورٌ رَحِيمٌ)-(البقرة: من الآية192) ، يعني الله يغفر لهم ويرحمهم ، وفي عزمهم الطلاق قال : -( فَإِنَّ اللَّهَ سَمِيعٌ عَلِيمٌ)-(البقرة: من الآية227)، وهذا يدل على أن الله لا يحب منهم أن يعزموا الطلاق . وكما نعلم جميعاً ما في الطلاق من كسر قلب المرأة ، وإذا كان هناك أولاد تشتت الأسرة . وتفويت المصالح بالنكاح ، ولهذا كان الطلاق مكروهاً في الأصل (1) .

(1) دروس وفتاوى الحرم المكي ، للشيخ ابن عثيمين جـ3/ص260.

moon_bride;11704508:
غاليتي،

و الله أحزنتني بكلامك، احس أنكي تتألمين من كل أعماقك.. و أحس أن العروس التي بداخلك نفسها تتمتع بزوجها و تدله، و تعتني به و يعتني بها.. و الله أختي في الحقيقة لا أدري ماذا أقول لك في هذه الحالة.. أختي أنصحك باستشارة شخص له خبرة في الشؤون الأسرية.. إعرضي عليه ما تعانين منه.. أو استشيري أحدا من العائلة، لأنك إذا استمريتي في كتمان معاناتك ستكتإبين أختي الحبيبة..

و حاجة أخرى أختي، أشغلي نفسك بشئ مفيد (تعلمي خياطة، الرسم على الزجاج...)، اقري كتب في التنمية البشرية و الزوجية.. لا تتركين نفسك عرضة للشيطان، فأكثر بيئة يرعى فيها الشيطان هي الفراغ..

نمي نفسك و طوري منها و أظهري لزوجك قوة شخصيتك، فالرجل يعشق الزوجة القوية.. تفنني في حديثك و كلامك و طريقة عيشك.. أظهري له مدى اهتمامك بنفسك.. و اهتمي به أيضا، لكن ليس بإفراط كي لا يملك.. أظهلري له أن لك اهتمامات و أن الدنيا لا تتوقف في غيابه.

و أهم شئ أختي، اوصيك بالدعاء .. قومي الليل ثم قومي الليل ثم قومي الليل أختي و ادعي رب العالمين إنه يفرج همك و يجيب لك اللي فيه الخير و يعينك و يصبرك..

قلبي معك ربنا يعينك و يسهل لك أمورك.

هلا اختي العزيزه انا نفسي اكون لي شخصيه قويه مو متسلطه لا قويه حلوه تجذب بس مو عندي ماعررف نفسي يكون لي يعني وشلون اشرح لك ابي يكوون اسلوبي في الحديث حلو انا ضعيفه شخصيتي قدامه ولايعتبرني شي يعني مادري وشلون اشرح لك مره قال انتم ناقصين عقل ودين حمد الله والشكر بس :091:
نفسي والله اتغير احس مسح شخصيتي صدقيني انا من ناحيه اهتمام بنفسي مهتمه بس هو مايلاحظ هالشي او مايهمه ماادري ليش انا اعرف الازواج يحبون الوحده تهتم بنفسها تكشخ له وكذا لكن هذا بس يمكن اهتمامه اكل واشباع نفسه وخلاص مو حياه هذي ابد
واذا فيه شر واتشكخت لااهله مثلا او طالعه مناسبه قاااااااال بس التكشيخ للغير وانا قلت له انا كذا بس انت مو شايف اصلا طنشته ولاعلي منه وصرت في اخرشي ماهتم مره بس اللهم لبس مرتب ونظيفه وبس هو قال هالكلام عشان يبي مشكله والله ويدوور علي اي شي عشان يسبب مشكله الله يعين ياررب ماتوقعت كذا بتصير حياتي تووقعت حلوه كنت احلم ببدايه زواجنا وش تكون كلها دلع وانبسط لكن !! قدر الله وماشاء فعل
راح اشغل نفسي بشي لاني في البيت اطفش ولاعندي شي اسوويه يعطيك العافيه فكره حلووه وراح اشتري لك كتب هذا اذا قدرت بعد اخاف يقول وش له وخساير :091:
راح اطبق بااذن الله قيام الليل وايضا الاستخاره وبصبر واشوف وش يطلع معي بالنهايه
الله يوفقك دنيا واخره شاكره لك ومقدره على هالكلام
عسى ربي يسعدك

بسم الله
سبحان الله و أنا أقرأ كلامك فكرت انه طليقي أتزوجك؟؟؟؟؟؟
الواضح أختي انه في فيروس أخلاقي و نفسي انتشر بين الرجال و أصبح مفهوم الزوجة عندهم اهانة؟؟؟؟
من خبرة أقولك انه شخصية زوجك لو طلبتي الطلاق حيطلقك؟؟؟؟ أنا طلقني بس عشان طلبات بسيطة مني؟؟؟
استخيري الله كثيرا و حاولي تكتبي محاسنه و عيوبة بصدق و قارنيها بغيره من "واقعنا"
اذا لم تجدي من عيوبة مايغضب الله أو يخل بالأخلاق فأحمدي الله غلى زوجك و عسى أن تكرهوا شيئا و هو خير لكم
واذا ققرتي الاستمرار أعطيه و أعطي نفسك فرصة من الاسترخاء و حتى لو استمر في اهانته و عصبيته عليكي بتغيير ردة فعلك و أجعليها باردة جدا تمتص نار عصبيته و حاولي أن تستمتعي بحياتك بالطريقة التي تريدين و أمتعيه معك
الحب يجي بالعشرة للزوجان فاصبري و أعطيه فرصة ليستقر نفسيا معكي و تزداد محبته في قلبك و أعتقد أن هذا يحتاج غلى الأقل سنة الله يوفقك و يهنيكي يارب و كل مسلمة و مسلم

على فكرة أنا أستشرت شخص مختص في الشئون الزوجية و كان رأيه أن زوجي يعاني من اكتئاب و لابد أن يتعالج بس كان هذا بعد ما أنا في بيت أهلي و كان نوى الطلاق جديا؟؟؟
يمكن زوجك ماحيتقبل فكرة العلاج فحاولي تدخلي في طعامه أطعمة تخفف من أعراض الاكتئاب "أبحثي" و احتسبي الأجر عند الله.

الحمد لله والشكر
ماقول الا الله يعينك لو عندي حل كان حطيته
بس ماقول الا الله يسعدك ويوفقك هذا اللي اقدر عليه

السلام عليكم..

ما حبيت ادخل وما اقول لك شيء.

الله يسهل امورك ويريح بالك ويعطيكِ على قد نيتك ..

كلامك ريحني صراحة لإني كنت جداا زعلانه وكئيبه ونفسيتي زفت

بس من قريت كلامك حسيت إني في نعمة كبيره والحمد لله إني ما تسرعت

في إتمام خطوبتي لأن اعتقد خطيبي السابق الى حد كبير نسخه اخرى عن زوجك...

الله يفرج همك ويسعدك يا رب..

الله يعينج ويسهل لج امورج اختي~

اول شي حيااج حبيبتي بمنتدى عرووس:032:

ثاني شي بدخل بمشكلتك حبيبتي انتي ماصارلك كثير متزوجة

وانحسبت عليج زواجة يعني لازم تصبريييين شوي

ولا تفكررين ابدا ان الطلاق شي سهل انا مطلقة وماوصلنا للطلاق الا لمن شفنا الطريق مسكر بعد سنين زواج واللي سواه فيني مايرضي لا شرع ولا عرف

انا اقول غيري من اسلوبج معاه طنشيه لا تخلينه اول اهتماماتج حاولي تطلعين تغيرين جو

كسبيه بكلامج الحلو حتى لو شفتي اسلوبه معاج خايس ميخالف

خليج دائما كاشخه قدامه لمن تطلعون انتي روحي مسكي ايده خليه يعصب اول مره بعدين راح هو يطلب منج هالشي قوليله لمن امشي بروحي الناس تفكرني مو متزوجه ويطالعوني

فخليك يمي علشان محد يتجرأ ويطالع :014:

بالنسبة للشك واجهيه قوليله ماخذني وتعرف منو اهلي وشنو اخلاقي ليش بعد هالحركات

ومثل ماقالوا الاخوات داااااااااائما ادعي الله يسخره الج وكثري استغفار والصدقه مفعولها عجييييييب سبحان الله

وخلينا نشووفج معانا دائما حبيبتي بالمنتدى .... :016:

سبحان الله جنج قااعده تتكلمين عني انا

انا مطلقه للمره الثانيه حياتي للاسف تسرعت بسرعه نفسج بالضبط بسرعه ووافقت مافكرت عدل والله والنتيجه خسراانه والله


ااااااااااااااااااااه يا ندم

غلطه عمري زوااجي الثاني عصبي ويمد ايده ومعقد وشكاااك ووقذر وكل صفات الشينه فيه