رأيكم في روضة أنوار الغدير

وبالنسبة للكراسي اتفق معاش خيو انا اول ما شفت الروضة ما عجبتني من هالناحية واستغربت العد في الصف وكانت عندي ملاحظات اسجلها واقول في بالي بكتبها لهم وبقول لهم عنها .. بس لما شفت نتايج التدريس هالشي غطى على هالشي .. وياما روضات كشخو وهاي وكراسي وطاولات لكن تدريسهم اخرطي وانا بنت اخوي كانت في روضة جدي وامها بنفسها تعترف ان الروضة هاي وكشخة ولما قعدت سنة كاملة غير احرف الهجاء ما عرفت وياريت كلهم بعد .

الشكل مو مهم وحتى ان جيتين للمعاملة ما في شي كامل كل شي في عيوب يعني مستحيل بنحصل شي كامل .. وعلى ما قلتين في بيوت تاخذ 10 دينار وما عندهم طاولات ولا وسائل ترفيه ولا شي قاعدين على الارض ويهال وايد بس التدريس قوي وهذا البيت صوبنا والكل يمدح تدريسهم وهم لا كراسي ولا شي على الارض .. بس اهمشي المدرسة قادرة اتوصل فكرة طفولية الى الطفل يقدر يستوعب منها ..

انا كلش ما لي علاقة خاصة بالروضة ولااسوي لها دعاية بس الحق ينقال ... ويمكن من فرع لفرع تختلف بس انا بنت حماتي في فرع توبلي ونفس الشي تمدح فيها حتى لما بنتها اتغيب المديرة بنفسها تتصل وتسأل عنها ! مع ان فرع البديع ما قط مرة شفت منهم هالشي لما ولدي يغيب .

وحتى لما اتكون عندي مشكلة مع ولدي كنت الجأ الى الروضة والحمد لله ساعدوني في مشاكل كثيرة مع ولدي .. :)

ام علاوووي;11715449:
يمه خوفتووني عدل ..

شلون فرع لبديع الا قريب من مستشفى الدولي !!!!!!

اي هذه هي الروضة في وحدة اسمها الغدير والثانية انوار الغدير .. وبالنسبة للغدير ما ادري عنهم .. وانوار الغدير اللي هالصوب هي اللي تكلمت عنها :03:

نور الورد;11715951:
السلام عليكم

صح كل واحد ورايه واحترم كل رأي :ok:

بس عن تجرة أهلي وتجربتين روضة لا يعلى عليها .. روضة ممتازة وكلمة ممتازة بصراحة اشوي في حقها اعتبرها

ولدي سنة ثانية في روضة انوار الغدير فرع البديع ممتازة من ناحية التدريس ومن ناحية المبنى والنظافة والاشراف من قبل المديرة ومساعدتها .. طبيبن لردجة كبيرة

التدريس ممتاز مستوى اول وثاني وثالث وبصراحة منهجهم قوي حتى ان عندي احد بالعايلة مدرسين عربي يقولون وايد قوي تدريسهم ويختارون الحروف اللي الطفل يقدر ينطقها نطق صحيح بعدين الاحرف الأصعب ..

الحمد لله الصلاة على النبي ولدي في مستوى ثالث يعرف يقرا جمل وحاليا يعطونهم يعبرون ويعطونش بداية كل شهر شنو بيدرسونهم وانتي عليش بعد اتابعين معاهم اول بأول يعني الاعتماد مو على الروضة بس ! اكيد على الأم ..

من ناحية الاناشيد ممتزة .. ادعية دعاء الحفظ وادعيه قصيرة وسور قرآنية قصير يتم تحفيظهم غير الاحتفالات بكل المناسبات والتحاريم يعلمون الطفل ويسون لهم تمثيل ويشاركونهم في كل شي حتى ولدي يرجع البيت ويقول لي شنو عطوهم وعن شنو كانت الوفاة والمولد .

وبالنسبة لطلباتهم ما اشوف قط مرة طلبوا شي فوق المستحيل ولا يطلبون اساسا شي كل شي في الحد المعقول وبالنسبة لباقي الروضات وايد اسعارهم في متناول الجميع

10 دينار تسجيل 33 دينار قسط شهري و10 دينار بداية الكورس للقرطاسية اللي بيعطونها الطفل وخلااااص ..

واذا طلبوا الى رحلات ما يتعدى الدينار وعلى حسب المكان ..

واحيانا يعطون الطفل صور قامو بتصويرها للطفل اثناء المناسبات ويكون سعر الصورة الوحدة 200 فلس لا غير .

وحتى لما يكون في اعياد ميلاد الادارة اطرش ورقة في دفتر المراسلات وتكتب الرجاء عدم احضار هدية وهذا تأكيد على انهم قاعدين يتعاون مع اولياء الأمور ,,

وبالنسبة للدفع السنة كاملة كل الروضات اطبق هذا الشي حاليا .. وانتي اول ما اتسجلين يعطونش ورقة تعهد اقريها قبل ما اتوقعينها واذا حسيتين ببند مو عاجبنش لازم ما اتوقعين وبما انش وقعتين معناتها موافقة على كل البنود وانا لما رحت سجلت ولدي قريت هالبند واستفسرت منه ووافقت عليه ووقعت وكنت ادري بهالشي وهالشي على فكرة تشجيع لأولياء الأمور انهم ما يتعاطفون مع الطفل ويطلعونه

وانا في البداية كان ولدي مستانس بالروضة وبعدها باسبوع شفته يترجاني ما اوديه ويصيح من قمة راسه كنت احمله واوديه الروضة وادخل ابه الصف واني حاملتنه بس ما عمري خليته يمشي كلامه علي لان هو طفل وما يعرف مصلحته ..

واللحين ولدي بيتخرج من الروضة وطلبوا علينا 4 دينار قيمة صور التخرج وتكاليف حفلة التخرج بصراحة وايد ارخص من باقي الروضات

باقي الروضات على 20 و30 دينار للتخرج !!

انا انصحش واقول لش قوي عزيمتش وارادتش وسجلي فيها !! والمديرة بصراحة صارمة في تصرفاتها مع المدرسات ومن جدي المدرسات يدرسون زين .. وان شا ء الله بنتي بعد بوديها من دون اي تردد !! وانا مغمضة بودي بنتي لان روضة ممتازة وانصح كل أم فيها .

واتمنى افدتش خيوو !:072:

مشكوووره خيوو :f: ,

اثلجتين صدري بتجربت اطفالج فيهاا ,

لاني حاطه عيوني عليهاا حق علاووي لسنه القادمه بأذن الله ,

وخفت من الكلام الانذكر وصادني احباط :057: ,

علشان جذي سألت عن (فرع البديع ) خصووصا لانه اقرب شي لنا ,

والحمد لله تطمنت كثيير من ردك وتجربتكم :095: ,

مشكوووره من اعماقي , والله يخلي لج الحلووات ياارب ..!!

أني ما جربت الروضه بس لها سمعتها بس اليي أقد رأنصح فيه روضة الإمام الرضا (ع) في بوري ولدي فيها أول سنه الحمدلله رب العالمين مرتاحه وياهم والكاد رالتعليمي مالهم وحتى روضتهم مهيآة للطفل ... من كل النواحي المبنى والطاقم والمنهج والرحلات والفعاليات ويهتمون بالطفل ...

عني ما أفكر أبدل ولدي مرتاحه وياهم

حبيبتي نور الورد مايصير قيمة الحفلة بس 4 دينار كلش مايصير اول مرة اشوف رسوم الاشتراك للحفلة 4 دينار حبيبتي بعد يعتمد على المكان وين بسوونه بسونه في صالة مدرسة او صالة حلوة يختلف سعر هاذي عن هاذي انا الي اعرفه ان روضة بنتي توهم امصورينهم اسبوع الي طاف صورة جماعية و4 صورمثل الجواز صغيرة وصورة عليهم لباس النخرج وشهادة اذا سنة ثالثة واذا سنة ثانية واولي بس وشاح وشهادة وهاي كله ب2ينارين ونص ويبرزون قبل الحفلة يعني نهاية مايو بداية يونيو لان الحفلة نص يونيو ورسوم الاشتراك 10 دينار واذا تبين سي دس قيمته 5 دينار ويسونه في قاعة طيران الخليج وبوفيه للاولياء الامور غداء ودايما يكون يوم سبت ويسون الحفلة لكل المستويات وليس مستوى ثالث فقط وهاي الي اعرفه من روضتنا
واختي باقولج ليش رسوم الشهرية 33 دينار احنا روضتنا 30 دينار شهريا بدون مواصلات ويعلمونهم تيكواندو سنو كاملة 10 دينار تندفع مرة وحدة والقرطاسية 25 دينار والتسجيل 10 دينار وخدمة اس ام اس دينار واحد لسنة كاملة ومايصير قيمة الرحلات دينار واحد فقط اذا كانت الرحلة العاب +مطعم مستحيل دينار واحد ياخذون دينارين ونص هاي اكثر مبلغ روضتنا ياخذونا بس اذا كانت الرحلة مثل محمية العرين خذوا دينار واذا تعليمية بس 500 فلس واذا كانوا عندهم عربات الدونت او الو او الذرة بعد 500 فلس واياستفسار حاضرة لكم روضة بنتي زينة الحياة مدينة حمد دوار 15

نور الورد;11716090:
وبالنسبة للكراسي اتفق معاش خيو انا اول ما شفت الروضة ما عجبتني من هالناحية واستغربت العد في الصف وكانت عندي ملاحظات اسجلها واقول في بالي بكتبها لهم وبقول لهم عنها .. بس لما شفت نتايج التدريس هالشي غطى على هالشي .. وياما روضات كشخو وهاي وكراسي وطاولات لكن تدريسهم اخرطي وانا بنت اخوي كانت في روضة جدي وامها بنفسها تعترف ان الروضة هاي وكشخة ولما قعدت سنة كاملة غير احرف الهجاء ما عرفت وياريت كلهم بعد .

الشكل مو مهم وحتى ان جيتين للمعاملة ما في شي كامل كل شي في عيوب يعني مستحيل بنحصل شي كامل .. وعلى ما قلتين في بيوت تاخذ 10 دينار وما عندهم طاولات ولا وسائل ترفيه ولا شي قاعدين على الارض ويهال وايد بس التدريس قوي وهذا البيت صوبنا والكل يمدح تدريسهم وهم لا كراسي ولا شي على الارض .. بس اهمشي المدرسة قادرة اتوصل فكرة طفولية الى الطفل يقدر يستوعب منها ..

انا كلش ما لي علاقة خاصة بالروضة ولااسوي لها دعاية بس الحق ينقال ... ويمكن من فرع لفرع تختلف بس انا بنت حماتي في فرع توبلي ونفس الشي تمدح فيها حتى لما بنتها اتغيب المديرة بنفسها تتصل وتسأل عنها ! مع ان فرع البديع ما قط مرة شفت منهم هالشي لما ولدي يغيب .

وحتى لما اتكون عندي مشكلة مع ولدي كنت الجأ الى الروضة والحمد لله ساعدوني في مشاكل كثيرة مع ولدي .. :)

ما شفت هذا الرد امس :057: !!!!

ما كان ظاهر لي ,

عموما الشكل مو مهم بس الكراسي مهمه والاهل يدفعون فلوس ,

علشان يتعلم الطفل ويكون المكان مؤهل حق هذا الشي ,

واهم قاعدين يتوسعون ويفتحون فروع بكل مكان ,

يوفورن كراسي على الاقل على عدد الطلبه :057: ترى مصدوومه ,

شكلي قبل لا اسجل ولدي يبي لي اروح اشوف بيعيني الروضه ,

والصف ,

وياريت الكل يتشاركون بالموضوع بسلبيات وايجابيات روضاتهم ,

ومكانها والاسعار علشان كلنا نستفييد ..!!

[QUOTE=hayawa;11720551]حبيبتي نور الورد مايصير قيمة الحفلة بس 4 دينار كلش مايصير اول مرة اشوف رسوم الاشتراك للحفلة 4 دينار حبيبتي بعد يعتمد على المكان وين بسوونه بسونه في صالة مدرسة او صالة حلوة يختلف سعر هاذي عن هاذي انا الي اعرفه ان روضة بنتي توهم امصورينهم اسبوع الي طاف صورة جماعية و4 صورمثل الجواز صغيرة وصورة عليهم لباس النخرج وشهادة اذا سنة ثالثة واذا سنة ثانية واولي بس وشاح وشهادة وهاي كله ب2ينارين ونص ويبرزون قبل الحفلة يعني نهاية مايو بداية يونيو لان الحفلة نص يونيو ورسوم الاشتراك 10 دينار واذا تبين سي دس قيمته 5 دينار ويسونه في قاعة طيران الخليج وبوفيه للاولياء الامور غداء ودايما يكون يوم سبت ويسون الحفلة لكل المستويات وليس مستوى ثالث فقط وهاي الي اعرفه من روضتنا


واختي باقولج ليش رسوم الشهرية 33 دينار احنا روضتنا 30 دينار شهريا بدون مواصلات ويعلمونهم تيكواندو سنو كاملة 10 دينار تندفع مرة وحدة والقرطاسية 25 دينار والتسجيل 10 دينار وخدمة اس ام اس دينار واحد لسنة كاملة ومايصير قيمة الرحلات دينار واحد فقط اذا كانت الرحلة العاب +مطعم مستحيل دينار واحد ياخذون دينارين ونص هاي اكثر مبلغ روضتنا ياخذونا بس اذا كانت الرحلة مثل محمية العرين خذوا دينار واذا تعليمية بس 500 فلس واذا كانوا عندهم عربات الدونت او الو او الذرة بعد 500 فلس واياستفسار حاضرة لكم روضة بنتي زينة الحياة مدينة حمد دوار 15
[/QUOTE


اختي من كثر كلامش عن روضتكم عجبتني وايد بس ما ليي قلب اخلي بنتي تطق هذا المشوار تعب:087: عليها

at_three;11717966:
أني ما جربت الروضه بس لها سمعتها بس اليي أقد رأنصح فيه روضة الإمام الرضا (ع) في بوري ولدي فيها أول سنه الحمدلله رب العالمين مرتاحه وياهم والكاد رالتعليمي مالهم وحتى روضتهم مهيآة للطفل ... من كل النواحي المبنى والطاقم والمنهج والرحلات والفعاليات ويهتمون بالطفل ...

عني ما أفكر أبدل ولدي مرتاحه وياهم

مشكورة خيو على الرد وان شاء الله نخلي روضة الرضا في الحسبان ونفكر فيها بعد :065:

شهووود1;11712964:
هلا خيه لا ولدي الحين بعد فيها مستوى ثاني أحسه أفضل من قبل تدريس الحين أفضل بكثير ودائما يحاول يقرأ كلمات حتى الا فيها مدود

اني خلااص اخذت خيرة وبخلي ولدي ولو لا سمح الله ما ارتاح عندي سنة الياية بغير الروضة لو احتاج

وبحاول اني اتابعه اول باول هالسنة :) لاني كل الروضات القريبة خلص التسجيل فبتم معاه في هالروضة وبشوف

ويمكن سالفة الصف ما فيه كراسي انه الروضة كانت جديدة :01::01: او للحين ما خلصوا اغراضها لانه ما صار لها فترة من فتحت

والله كريم ان شاء الله


انتي ولدش اي فرع ؟؟؟؟؟؟؟؟؟؟
وعندهم متطلبات ؟؟؟؟؟ طوال السنة ؟؟؟؟؟ يعني يطلبون اشياء ؟؟؟؟

روضة انوار الغدير حسب الي سمعته انها مو بس زينة الا ممتازة


بتكلم عن روضة ولدي ....
اني ولدي في روضة القمر في سترة وبصراحة خووش روضة وهي صغيرة وااجد لكنها بصراحة زينة عدل ويهتمون في الجهال ما شاء الله عليهم
اني ولدي اللعام كان اول سنة روضة وكان مستانس لكن يوم راح صار يصيح ما يبي يروح يقول يخلونه وااجد في الروضة يبي يروح اشوي ويجي وبصراحة هم ما قصررو مدرسته ومشرفة الباص ما قصررو وياه كلشش وفي خلال اسبوع بس صار من يجي الباص يروح يركض ويركب غير اول اسبوع اركبه بصيااحه وهذا دليل على معاملتهم وانه ارتاح عندهم صدق

واقساط الروضة 30 دينار بالمواصلات والتسجيل والقرطاسية بداية السنة 20
والرحلات ياخذون عليهم دينارين ونص وكل شهر تكون رحلة اما اذا مكان تعليمي ومافيه العاب ياخذون 500 فلس بس للمواصلات فقط
وما عندهم طلبات كلشش كل شي من عندهم ما عدا اذا بيسوون اليهم اعمال يدوية يطلبون عليهم اشوية اغراضة ومو بكثررة بعد
وتدريسهم وااجد زين اشوف مستوى ولدي زين الحمد لله

والسنة طلبو عليهم مبلغ للصور ولحفلة التخرج 18 ديناار وقالو ان الحفلة بتصير في صالة مدرسة

واني اللعام والسنة اسوي الى ولدي عيد ميلاد في الروضة و هم ما يجبرون الاهل على الهدية يكتبون لهم دعوة ويقولون اليهم الي حاب يجيب هدية
والتصوير بكاميرتهم وما شاء الله ما يفوتون ولا لقطة وبعدين اودي اليهم فلاش ويحطون لي الصور
ومعاملتهم لا تعلى عليها واني مو مقصرة في الاتصالات اليهم ولا مرة اتصلت وما شالوه وتلفون الروضة بعد اذا محد رد يتحول على تلفون صاحبة الروضة واني اوردي عندي نقالهاا بعد

نور الورد 4 دينار لحفل التخرج وبالصور بعد؟؟؟؟؟ هااي جيفة حفلتهم !!
غريبة بصرراحة المبلغ ما يسوي شي مووول

مشكلة انو الروضات الزينة وايد بعيدة وتعب على بنتي

3bm;11714314:
ولدش في فرع جدحفص صح


وهالفرع يختلف عدل عن فرع جدعلي وتوبلي وعالي كلش مافيهم فايده

والكلام موبس عن التدريس والتفوق لأنه هالشي قدرات موشرط تكون الروضه ليها فضل على احد

في ناس ماشاء الله مايودونهم روضات ويطلعون من الأوائل وبتفوق امتياز وفي ناس ولادهم تمرمر في احسن الروضات من عمر 2 و3 سنوات ومامنها رجى بعدين

واهم شي في الروضه قبل التدريس التربيه العدله والأهتمام بالطفل

ابسط شي تضايقت منه اخر يوم يوم تصير الدنيا كلها غبره مخلين الجهال يتريقون برا في عز الغبار والشمس :047:<< هذا يعتبر اهتمام في الطفل ؟ والي فيه ربو ولا حساسيه ويش حاله بعدين اكيد امه بتستانس وياه في المستشفيات وبيستانس الجاهل بالأدويه

ياريت المديرة تدخل وتشوف الكلام الي ينكتب هني

وتخاف الله في الأطفال الي في ذمتها

ياما وياما تضايقت منهم علشان اشياء مآساوية في الروضه وكل يوم احط لهم عذر نفس مانقول أحمل أخاك المؤمن على سبعين محملا من الخير

بس الظاهر انه طفح الكيل وخصوصا لما اشوف احد يمدح فيهم وهم موقد المديح
بدل هالمدح تكلموا عن الي ناقص في هالروضات عشان يتعدل الوضع
لو كنت مكانها واستلم هالفلوس الله يهنيها فيهم بدل ما افتح لي فروع وازيد الفلوس اشتري طاولات وكراسي للأطفال بدل قعدتهم على الزوالي الي صار لها سنين ماتغيرت
واجيب احد ينظف عقب الساعه 8 ودي اضحك لما قالوا لي الأطفال مايصير ياكلون عقب الساعه 8 لأنه مافي احد ينظف بعدين :03:

لحد يقول جم طفل في الصف والمعلمه تشوف من وتحط بالها على من وتخلي من هذا كلش كلش موعذر لأنه لو بنفكر شوي بنقول لهم ليش في الأساس تخلون هالقدر من الأطفال في صف واحد مع معلمه وحده ماتقدر عليهم كلهم


واذا منتكلم موبس على روضة الغدير نتكلم عن كل الروضات الي عندها مثل هالأسلوب

ومثل حب وعبادة الفلوس على حساب اي شي ثاني


ياريت يكون عندنا مصداقيه في كلامنا شوي

كلام وايد عندي بس لو بتكلم مابخلص

حبيبة جيمي;11723931:
نور الورد 4 دينار لحفل التخرج وبالصور بعد؟؟؟؟؟ هااي جيفة حفلتهم !!
غريبة بصرراحة المبلغ ما يسوي شي مووول

معظم الروضات تاخذ من 15 فما فوق :)
وغريبة بس ياخذون 4 دينار

بس مو مهم موضوع الحفلة بالنسبة الى مستوى ومنهج الروضة

وعلى فكرة انا حضرت اكثر من حفل لاكثر من روضة
وكااان عادي على الرغم من المبلغ اللي اخذوه .:01:

ريح الياسمين;11728325:

اني اليو ماتصلت الروضة :)

وقلت لهم في موضوع عنكم وبالخصوص فرع عالي واكثر شيء يضر بالسمعه ان هالروضة ما فيها كراسي

وكان الجواب

انهم اول ما فتحوا في عالي كان المبنى روا مدرسة البنات والحين توهم السنة منتقلين في المبنى اللي قبل المدرسة هذي الفلة الجديدة :) وقالت لي يصير ندرس اليهال بدون كراسي وطاولات ؟؟؟ وين قاعدين تقول لو حبيتين تعالي شوفي الكراسي والطاولات

واللي يكتب يمكن وقت اللي جا يسجل كانوا في بداية انتقالهم وما كانت كل الاغراض موجودة

ارتحت نفسيا من اتصلت وقلت خلاااااص بخلي ولدي ...

وان شاااااء الله تكون الروضة عند حسن الظن :) ومثل ما سمعنا عنها

شرووووووووووووق سجلي وتوكلي على الله

وعن مملكة النحل مرة وحدة بس شفت لها اعلاااان ولا اشوف لها اي اعلااااااااان وما اعرف عنها اي معلومة
اذا تبغين دشي موقع منتدى منطقه عالي وحطي موضوع واساليهم عن الروضة :)

ما ادري آخذ بكلامش واسجل فيها و وبس لكن اول شي يبى لي اروح وأتأكد بنفسي واذا ارتحت ليهم أسجل

ريح الياسمين;11728335:
معظم الروضات تاخذ من 15 فما فوق :)
وغريبة بس ياخذون 4 دينار

بس مو مهم موضوع الحفلة بالنسبة الى مستوى ومنهج الروضة

وعلى فكرة انا حضرت اكثر من حفل لاكثر من روضة
وكااان عادي على الرغم من المبلغ اللي اخذوه .:01:

اي والله قليل 4في روضات ياخذون 20 وفي منهم 15

ايه احسن حل تروحين الروضة وتشوفين ويفضل تروحين عقب ما يدشون الاطفال الصفوف يعني فوق الثمان حتى تشوفين عددد الاطفال في الصفوف وتنظيمهم وكل شيء :)

عندش رقم الروضة لو تبغين برسل الرقم على الخاص

اني اليوم سالت حماتي وبناتها في الروضه ,

وتقول الصف في كراسي وطاولات , وفي جلسه عربيه ,

كل صف جذي ,

وتقول في الصف مؤهل وكفايه التدريس ,

تقوول روعه وبناتها مستفيدين من روضه عدل ..

ومدرسات زنين بعد ..

وانا اقول توكلو على الله وروضه من ناحية التعليم معرووف مستواها انها ممتازه

ريح الياسمين;11731808:
ايه احسن حل تروحين الروضة وتشوفين ويفضل تروحين عقب ما يدشون الاطفال الصفوف يعني فوق الثمان حتى تشوفين عددد الاطفال في الصفوف وتنظيمهم وكل شيء :)

عندش رقم الروضة لو تبغين برسل الرقم على الخاص

مشكورة اختي بس كأنه عندي بس مو متأكدة وذ1 بتطرشه اوكي حبيبتي