رأيكم في روضة أنوار الغدير

اني كان ولدي الكبير او سنة وديته روضة جدحفص النموذجية وظل شهر ونصف فقط ما عجبتني وطلعته وقالوا لي ادفع السنة كاملة لان حاجز مقعد لان قالوا لي في ذمش دفعت ما ابغى يصير في ذمتي شئ ولا اخلي ولدي مو مرتاح فيها يوم
صدق كل واحد وكيفه وهذا مجرد ابداء راى خيو كل واحد وتجربته في الروضة

انوار الغدير مستحيل و الف مستحيل
احنا اولادنا كلهم هناك لو بنشوف اي شي من الا تقولينهم مستحيل راح نتواصل معاهم و نسجل كل اولادنا عندي بنت اخت الحين في ثالث اعدادي وما شاء الله عليها كل ممتاز و الفضل راجع لله ومن ثم للروضة
الصراحة المدرسات كفى ما عليهم اي كلام و كل الفروع نفس الاسلوب في التدريس و المديرة وحدة ما تتغير ، المديرة ما شاء الله عليها قمة الاحترام و اخلاقها عالية
و ما اعتقد المديرة تشوف التدريس مثل ما انتي تقولين و راح تسكت
اني صديقتي ودت بنتها روووضة شهر و طلعتها تقول كلش ما استفادت و اخذوا فلوس السنة كاملة وهذا حقهم ، ومرة كانت جايه عندي و شافت بنت اخوي شلون مستواها و سالتني عنها بأي روووضة و راحت سجلتها

هو كل شي يجوز ..

اذا في البيت الواحد في الشين والزين ,

بس طلعتينها من الروضه بعالي وديتها لمحرق مو بعيد !!

وان شاء الله تكون افضل روضتها هناك ..

مشكورة اختي على الرجوع وتوضيح رايش والله يحفظ بنتك ويخليها

نور المدينة;11706322:
بسم الله

السلام عليكم،،،

لا مو معقوله في حد يذم أنوار الغدير،،

سمعت الروضة عال العال..

توكلي على الله وسجلي ولدش، والحقي قبل لا يخلص التسجيل وانتين في الحيرة..

والاخت الا تقول طلعت بنتها منها خلال شهر ، اتوقع الشهر مدة غير كافية للحكم على الروضة..

وشي طبيعي لمن اتطلعين منها بنتش راح يطلبون مبلغ سنة كاملة لأن بنتش كانت ماخذة مكان طفل .

والحين هذا المكان صار شاغر..


موفقة شروووق..

انا كنت حابة الروضة بس الحين شككت وبعد سالفة فلوس السنة كلها مو مقتنعة فيها ابدا

يعني في كل الروضات بنحجز كرسي بس ما ياخذوا فلوس السنة كلها والله هذه حرااام واحنا ما ندري شنو بيصير خلال السنة :096:

ملكةالزهر;11706794:

هلا عزيزتي.. حبيت أمر أقرا موضوعج.. تقبلي مروري وتحياتي..


بنت الإمارات..

هلا وغلا حبيبتي نورتي الصفحة واخذي راحتك حياتي:025:

[د QUOTE=ام علاوووي;11707457]هو كل شي يجوز ..

اذا في البيت الواحد في الشين والزين ,

بس طلعتينها من الروضه بعالي وديتها لمحرق مو بعيد !!

وان شاء الله تكون افضل روضتها هناك ..[/QUOTE]



اي والله مو بعيد على بنتك:047:

Om Maryia;11709214:

هلا اختي ما عندي احد في هالروضة بس حبيت افيد :094:

سمعت انه روضة واجد زين خصوصا من ناحية تدريس التربية الاسلامية على منهج اهل البيت:ok:

والله يوفق الكتكوتة :072:

مشكورة حبيبتي وما قصرتي

انا بعد هذا اللي سمعته بس الحين

احترت :01::01::01::01:

ريح الياسمين;11710462:

:091::091::091: انحبطت لاني بعد مسجلة ولدي على حسب الكل يمدح روضة الغدير
وبالنسبة للرسوم الحين كل الروضات تسوي جديه وطبعا ظلم في حق ولي الامر
بس يقولون انه هالشيء من حق الروضة لانش حجزتي مقعد للطفل وهم يخسرون لو طلع الطفل والله يطيح فيها ولي الامر :(

انا دفعت حاليا 33 رسوم و10 دينار تسجيل
بس شنو الاشياء اللي كانوا يطالبون الطفل فيها او يطلبون من الطفل احضارها ؟؟؟؟؟
مثل شنو ؟؟؟؟

ولو داوم ولدي وما عجبتني المدرسة بسوي لهم سالفة خخخ ما بسكت وبما انه الروضة قريبة من البيت كل فرت ةبرو حاطل اشوها خخخخخ

:091::091::091: الله يستر عيل :(
انا بعد سجلت على المدح اللي كنت اسمعه

وبالنسبة الى رايي الروضة كانت مشهوووورة من زمان الكل يمدح فيها حتى الواحد كان صعب يسجل او يحصل عندهم مكان للطفل ومو شرط ابدا انه كل فروع الروضة نفس مستوى الفرع الرئيسي ومو لازم ان هالروضة تكون طوال سنين تدريسها لا يعلى عليه لانه سمعه الروضة اوكيه و مو معاناته انه كل المدرسات بيكونون توب لانه اكيد بيتغيرو ن كل فترة بتجي مدرسة غير وطاقاتها ومواهبها غير :01::01:

انا سجلت وخايفة لانه ما سمعت احد يمدح فرع عالي بالضبط بس بحاول اني اسوي كل طاقتي علشان اخلي وولدي يرتاح فيها واذا ما ارتاح بوديه روضة الامام الرضا في بوري والكل يمدح فيها وحماتي قبل 3 سنين كانت فيها

وان شاء الله تكون الروضة تمام وما اضطر اني اغيرها الى ولدي :060::060:

خية لا تخافين والله اني مجربتنها ماشاء الله ممتازة وديه واطمئني من خلال تجربتي معاهم لان بنتي الان في اعدادي درست هناك اولادي كلهم هناك والحين ولدي فيها مستوى ثاني معاملتهم وتعليهم واااااااااااااااااااااااااجد ممتاز

وطبعا اسمحي لي اختي شرووووووووق لاني دشيت في الموضوع وعلى الخط لاني نفس الحاله :)

ريح الياسمين;11711684:
وطبعا اسمحي لي اختي شرووووووووق لاني دشيت في الموضوع وعلى الخط لاني نفس الحاله :)

لا عاادي اختي المهم نستفيد من خبرات بعض حق اولادنا فلذات اكبادنا
والله الرد اللي جبتيه يخليني اكنسل التسجيل عندهم بعد خبرش اهم شي الراحة النفسية لاطفالنا بعدين تقدرين تقولين اذا الطفل بيستفيد من التعليم او لا :096::096:

ريح الياسمين;11711651:

هلا شهووووووووووودة

مشكوووةر خيو على الرد بس تقولين بنتش الحين في الاعدادي يعني مرحلة طويلة او زمن بعيد عن خبرتش في الروضة :)
يمكن الحين تغيرت مناهج الروضة او قوة التعليم فيها لانها اعتمدت على السمعه القوية اللي لها ولانه الحين لها اكثر من فرع فاكيد السيطرة والخدمات اللي تقدمها الروضة اقل لانها بتكو مشغولة في اكثر من فرع

بالنسبة لي اكثر الذم يكون في فرع عالي وانتي يمكن ما جربتينه لاني رحت وشفت بعيني انه المكان ما عجبني او على الاقل اللمحه اللي اخذتها وخصوصا انه الفلة تقدرين صغيرة ما فيها حوش يلعب فيه الطفل وهذا اهم شيء بالنسبة للطفل

وبالنسبة للتعليم اني ما اقدر احكم لاني ما جربت منهجهم في ولدي والسنة للحين ما بدت علشان اشوف مدى قوة التدريس

وهذا رد وحدة في منتدى ثاني تتكلم عن روضة الغدير في عالي وصدمني لدرجة اني الغي التسجيل واروح اسجل ولدي في روضة الامام الرضا في بوري :( الرد صدمني عدل بروح هالاسبوع وبشوف واذا اللي مكتوب صح خلاص بسحب ولدي وبروح روضة ثانية

وهذا الرد

هلا خيه لا ولدي الحين بعد فيها مستوى ثاني أحسه أفضل من قبل تدريس الحين أفضل بكثير ودائما يحاول يقرأ كلمات حتى الا فيها مدود

انزين بغيت اسال عن
روضة مملكة النحل بعد في عالي شلون عنها في احد يعرفها زينة

شهووود1;11712964:
هلا خيه لا ولدي الحين بعد فيها مستوى ثاني أحسه أفضل من قبل تدريس الحين أفضل بكثير ودائما يحاول يقرأ كلمات حتى الا فيها مدود

ولدش في فرع جدحفص صح


وهالفرع يختلف عدل عن فرع جدعلي وتوبلي وعالي كلش مافيهم فايده

والكلام موبس عن التدريس والتفوق لأنه هالشي قدرات موشرط تكون الروضه ليها فضل على احد

في ناس ماشاء الله مايودونهم روضات ويطلعون من الأوائل وبتفوق امتياز وفي ناس ولادهم تمرمر في احسن الروضات من عمر 2 و3 سنوات ومامنها رجى بعدين

واهم شي في الروضه قبل التدريس التربيه العدله والأهتمام بالطفل

ابسط شي تضايقت منه اخر يوم يوم تصير الدنيا كلها غبره مخلين الجهال يتريقون برا في عز الغبار والشمس :047:<< هذا يعتبر اهتمام في الطفل ؟ والي فيه ربو ولا حساسيه ويش حاله بعدين اكيد امه بتستانس وياه في المستشفيات وبيستانس الجاهل بالأدويه

ياريت المديرة تدخل وتشوف الكلام الي ينكتب هني

وتخاف الله في الأطفال الي في ذمتها

ياما وياما تضايقت منهم علشان اشياء مآساوية في الروضه وكل يوم احط لهم عذر نفس مانقول أحمل أخاك المؤمن على سبعين محملا من الخير

بس الظاهر انه طفح الكيل وخصوصا لما اشوف احد يمدح فيهم وهم موقد المديح
بدل هالمدح تكلموا عن الي ناقص في هالروضات عشان يتعدل الوضع
لو كنت مكانها واستلم هالفلوس الله يهنيها فيهم بدل ما افتح لي فروع وازيد الفلوس اشتري طاولات وكراسي للأطفال بدل قعدتهم على الزوالي الي صار لها سنين ماتغيرت
واجيب احد ينظف عقب الساعه 8 ودي اضحك لما قالوا لي الأطفال مايصير ياكلون عقب الساعه 8 لأنه مافي احد ينظف بعدين :03:

لحد يقول جم طفل في الصف والمعلمه تشوف من وتحط بالها على من وتخلي من هذا كلش كلش موعذر لأنه لو بنفكر شوي بنقول لهم ليش في الأساس تخلون هالقدر من الأطفال في صف واحد مع معلمه وحده ماتقدر عليهم كلهم


واذا منتكلم موبس على روضة الغدير نتكلم عن كل الروضات الي عندها مثل هالأسلوب

ومثل حب وعبادة الفلوس على حساب اي شي ثاني


ياريت يكون عندنا مصداقيه في كلامنا شوي

كلام وايد عندي بس لو بتكلم مابخلص

يمه خوفتووني عدل ..

شلون فرع لبديع الا قريب من مستشفى الدولي !!!!!!

السلام عليكم

صح كل واحد ورايه واحترم كل رأي :ok:

بس عن تجرة أهلي وتجربتين روضة لا يعلى عليها .. روضة ممتازة وكلمة ممتازة بصراحة اشوي في حقها اعتبرها

ولدي سنة ثانية في روضة انوار الغدير فرع البديع ممتازة من ناحية التدريس ومن ناحية المبنى والنظافة والاشراف من قبل المديرة ومساعدتها .. طبيبن لردجة كبيرة

التدريس ممتاز مستوى اول وثاني وثالث وبصراحة منهجهم قوي حتى ان عندي احد بالعايلة مدرسين عربي يقولون وايد قوي تدريسهم ويختارون الحروف اللي الطفل يقدر ينطقها نطق صحيح بعدين الاحرف الأصعب ..

الحمد لله الصلاة على النبي ولدي في مستوى ثالث يعرف يقرا جمل وحاليا يعطونهم يعبرون ويعطونش بداية كل شهر شنو بيدرسونهم وانتي عليش بعد اتابعين معاهم اول بأول يعني الاعتماد مو على الروضة بس ! اكيد على الأم ..

من ناحية الاناشيد ممتزة .. ادعية دعاء الحفظ وادعيه قصيرة وسور قرآنية قصير يتم تحفيظهم غير الاحتفالات بكل المناسبات والتحاريم يعلمون الطفل ويسون لهم تمثيل ويشاركونهم في كل شي حتى ولدي يرجع البيت ويقول لي شنو عطوهم وعن شنو كانت الوفاة والمولد .

وبالنسبة لطلباتهم ما اشوف قط مرة طلبوا شي فوق المستحيل ولا يطلبون اساسا شي كل شي في الحد المعقول وبالنسبة لباقي الروضات وايد اسعارهم في متناول الجميع

10 دينار تسجيل 33 دينار قسط شهري و10 دينار بداية الكورس للقرطاسية اللي بيعطونها الطفل وخلااااص ..

واذا طلبوا الى رحلات ما يتعدى الدينار وعلى حسب المكان ..

واحيانا يعطون الطفل صور قامو بتصويرها للطفل اثناء المناسبات ويكون سعر الصورة الوحدة 200 فلس لا غير .

وحتى لما يكون في اعياد ميلاد الادارة اطرش ورقة في دفتر المراسلات وتكتب الرجاء عدم احضار هدية وهذا تأكيد على انهم قاعدين يتعاون مع اولياء الأمور ,,

وبالنسبة للدفع السنة كاملة كل الروضات اطبق هذا الشي حاليا .. وانتي اول ما اتسجلين يعطونش ورقة تعهد اقريها قبل ما اتوقعينها واذا حسيتين ببند مو عاجبنش لازم ما اتوقعين وبما انش وقعتين معناتها موافقة على كل البنود وانا لما رحت سجلت ولدي قريت هالبند واستفسرت منه ووافقت عليه ووقعت وكنت ادري بهالشي وهالشي على فكرة تشجيع لأولياء الأمور انهم ما يتعاطفون مع الطفل ويطلعونه

وانا في البداية كان ولدي مستانس بالروضة وبعدها باسبوع شفته يترجاني ما اوديه ويصيح من قمة راسه كنت احمله واوديه الروضة وادخل ابه الصف واني حاملتنه بس ما عمري خليته يمشي كلامه علي لان هو طفل وما يعرف مصلحته ..

واللحين ولدي بيتخرج من الروضة وطلبوا علينا 4 دينار قيمة صور التخرج وتكاليف حفلة التخرج بصراحة وايد ارخص من باقي الروضات

باقي الروضات على 20 و30 دينار للتخرج !!

انا انصحش واقول لش قوي عزيمتش وارادتش وسجلي فيها !! والمديرة بصراحة صارمة في تصرفاتها مع المدرسات ومن جدي المدرسات يدرسون زين .. وان شا ء الله بنتي بعد بوديها من دون اي تردد !! وانا مغمضة بودي بنتي لان روضة ممتازة وانصح كل أم فيها .

واتمنى افدتش خيوو !:072: