العرائس الجزائريات..هنا سيكون ملتقانا..

سامو مشكووووووووووورة بزاف على لحوف هايلين خلاوني بلا عقل في الحقيقة حنا معناش هاكا
سامو تنجمي تورينا المخايد
وتقولينا لسوام شعال اللحاف والمخايد

لاجلك سوف اتغير هاكا يجيو بمخادهم و لا تحبي ديريهم طوال و يحيو مام كولار مام ديسان و انا عجبوني لمخاد طوال خير من كاري و ااكيد تخيري المودال الي يعجبك و الكولار لي تعجبك ...زدت لقيتلكم هاد لي مودال

ميمي ...تصيبيهم عند الطراح ليخدم لمطارح الصوف و لا في لحوانت ليبيعو حوايج لعرايس تلقاي لخاططر هادي خدمة ليد النسا تخدم و تحط عند لحوانت تبيع و هادو كامل خدمة دزاير و زيد كي تحبي ادي لمودال و وريلو ايلا يقدر يخدم حنا في سطيف كاين حانوت حاطهم يهبلو و هو يخدمهم في اتولي و روعة


لاجلك سوف اتغير اني وريتلك كيفاه تجي مع مخادو مي ماعجبنيش الكولار مي وريتلك برك ابوبري و كان تكون كولار وحد اخرى يجي خير و انا شفتهم بمخاد طوال هايلين ....و لبري قالي 2 ب 500 مي مش تاع لمخاد لخرين ليفيهم 2 كولار

ايه يا سامو جبات تاع دار صيافي ربي يحفظك

ssamou19;12285789:
ميمي ...تصيبيهم عند الطراح ليخدم لمطارح الصوف و لا في لحوانت ليبيعو حوايج لعرايس تلقاي لخاططر هادي خدمة ليد النسا تخدم و تحط عند لحوانت تبيع و هادو كامل خدمة دزاير و زيد كي تحبي ادي لمودال و وريلو ايلا يقدر يخدم حنا في سطيف كاين حانوت حاطهم يهبلو و هو يخدمهم في اتولي و روعة


لاجلك سوف اتغير اني وريتلك كيفاه تجي مع مخادو مي ماعجبنيش الكولار مي وريتلك برك ابوبري و كان تكون كولار وحد اخرى يجي خير و انا شفتهم بمخاد طوال هايلين ....و لبري قالي 2 ب 500 مي مش تاع لمخاد لخرين ليفيهم 2 كولار

ربي يخليك بارك الله فيك

عجبوني خاطر دي غوب ماشي قنادر انا نكره نتحزم و نحب نلبس سبور و فرونسيس كيما نقولو فالدر كولون فيزو شورت ومعهم دي بودي دونك ما نيش حابا ندير لي غوب بزاف
بصح نخمم كي جوني لعباد ولا كي نروح معروضة دونك قولت ندير 3 شتاء و 3 صيف
قولولي الرجال يحبو لمرا تلبس لقناد و لي غوب DE MAISON
انا المستر ابارامون يشتي مي انا يبانولي ايكبرو و ماتبانيش اتيرونت و مغرية بيهم يبانولي يغمو الكور ههههههه

سامو لحوف اللى حطيتيهم ماشاء الله روعة يعطيك صحة وتاني ليغوب تاع دار بارك الله فيك

ميمي الله يحفظك على ليغوب ماشاء الله هايلين ان شاء الله ندي منهم لي مودال ونخيط جزاكم الله خيرا

صباح الخير عرايس ما شاء الله راكم منورين التجمع انتاعنا الله يدومها لمة يا رب. اليوم سافر زوجي أدعيو ربي يوصلو بالسلامة انشاء الله و يجمعني بيه عاجلا غير آجلا يا رب.

صفاء متحيريش روحك أختي تقدري تسأليني كيما تحبي ووقت ما تحبي انا راني جاهزه باه نجاوب عليك وعلى كامل لبنات و في أي موضوع كان. ثاني حاجة انا نقولك مهما كانت المنطقة لي رايحه ليها اكيد فيها حوانت و أكيد فيها حوايج شابين ثامي ما دريش على كلام راجلك الرجال ميعرفوش يحوسو ماشي كيما احنا النساء أكيد تروحي فما و تلقاي واش تحبي سينو كيفاش راهم يلبسو انسا ليساكنين فما هههه.
زايد متكثريش بزاق القش مهما كان مثلا لي انسومبل سليب و سوتيان أدي 15 متزيديش عليهم بدلي بيهم على الأقل يجيبولك عام ومن بعد زيدي أشري و بزايد يمكن يتبدل الجسم انتاعك بعد الزواج ويعودو يجيوك صغار و متقدريش تلبسيهم. بصح لي سليب وحدهم أدي واش قدرتي متندميش عليهم المرأة باش تحافظ على نظافتها لازم تغير على الأقل مرتين السليب نتاعها في النهار اذا لازم تدي 10 ولا 15 وحدهم و متنسايش ليسليب ليخاصين بالعادة الشهرية يكونو مقطنين و يشدو مليح باش متخصريش لي سليب لملاح.
أما لي نويزات أدي واش قدرتي و نوعي بين الجريء و الجريء جدا و الكلاسيك شوفي نتاوعي و حاولي تدي كيفهم و متخميش قد ما تدي قليل لأنك تسحقيهم بصح ركزي برك على لاتاي لي تشوفيهم يتلبسو سيري بزاف متكثريش منهم باش مترميهمش لو تسماني بالخف.
اللباس المنزلي نوعي بين شورت جبه لباس رياضي فستان قصير و ادي من كل نوع 3 يعني 3 شورب و جيب كورت 3 لباس رياضي 3 بيجامات 3 روب قصار 3 روب طوال و من بعد راكي تزيدي تشري حتى انتي تكرهي منهم و تحبي التنويع و الجديد و نفس الشيء للباس الشتاء.
ملاحظة عرايس كاين حاجه ركزو عليها بزاف و اديو منها بزاف حتى لوكان عشرة ما شي خساره فيهم تعرفو واشنو هي البشامق نتاع الدار رايحين تسحقوهم كل وقت و متخلطوش اديو نتاع الصيف وحدهم ونتاع الشتاء وحدهم ومام تكثرو ماشي مشكل بارسكو مايشدوش و يتقطعو و مام لازم تبدلي مع كل لباس. و أحصو ديما يكونو عندكم 3 نتاع بلاستيك واحد خليوه غير للميناج و التسياق و واحد غير للوضوء باش تصلي متخلطوش بيناتهم و واحد أكيد للحمام لي تحب تروح الحمام انا عندي تقريبا كل الألوان راني صورتهم يمكن المساء انشاء الله نحطهملكم و نتمنى انشاء الله راني عاونتكم حتى بلقليل.

مشكورة مارساي انا نوافقك الراي يعني كامل الصواح لي ذكرتيهم ضروريين للمراة باش تحافظ على نضافتها وجمالها في عينين راجلها خصوصا العام الاول اياكم يا بنات تستهزاو وتتهاونو لان الراجل في العام الاول يكون يكون فكرة على المراة لي داها حتى لو كان يعرفك قبل الزواج يبقاو صوالح لي يدقق فيهم وماشي غي اللباس والمظهر مام طريقة الكلام وطريقة الاكل وشطارتك في تدبر امور البيت يعني متخليش جانب ناقص ولازم تخلي الكل يشهد انك زوجة مثالية

بارك الله فيك اختى مارساى وربى يسخرلك زوجك ويجعلكم قرة عين لبعضاكم ويجمعكم دنيا واخرة

بارك الله فيكم

الجبب تاع الدار الله يبارك خير و ختار قاع شابين

ختي مرساي يعطيك الصحة ربي يجازيك

رانا نسناو في التصاور


شكرا لكم