العرائس الجزائريات..هنا سيكون ملتقانا..

ḆŌ₦Ťầầ ĚĽЗ§ẩŁŁ;12276627:
مارساي
وسامواااا
اغراضكم حلوه ربنا يهنيكم يا رب

بنات ممكن تقولولي وش كاين مبالغة بش نعرف كيفاش نشري حتى انا خلعتني لالست بصح جارتي قاعدة تنسيستي عليا قالتلي لازم تدي كسوة تع عام رجلك ميشريلك والو هي جابت 20 فاليزة غير حواجها بلا الشورة والاشياء الباقية نوروني يرحم والديكم

بنات أنا جديدة معاكم أنا زواجي اذا كتب ربي قريب في الشهر الجاي ولا جانفي راني نوجد في الجهاز حبيت منكم مساعدة لازم ندير لحوف شابين تاع صوف اذا وحدة فيكم عندها مودال توريني باش نعطيه للخياطة تخدمولي تاع عرايس مذابيكم على خاطر كاين لي قالولي يديرو فيهم العقيق و قلوبة........الله يجازيكم الجنة

طمطومة اسمك خفيف...و مرحبا بيك معانا ربي يسهلك ان شاء الله و يكملك على خير ....مافهمتش لحوف تاع الصوف ...قصدك تاع كروشي ...بيسك مانيش شايفتهم تاعع الصوف كيفاش دايرين

خديجة 2009;12281137:
السلام عليكم ورحمة الله وبركاته
اليوم يا بنت جبتلكم قائمة فيها كل تجهيزات اللي ممكن نحتاجوها وصفتهالي وحدة جارتي متزوجة جديد اذا نقص اي شيء قولولي او يمكن اضيفوه
اولا الفرش
درا برودي
درا كروشي
درا ديكوراسون فلوغال
2 كوفغولي
10 درا تع كل يوم
2 كوات
2 كوفيرتات
2 مطارح
1 صالون ماروكان
1 تبديلة تع صالون عادية
1 زربية + ديسون دولي
مسند+10 مخايد منوعين
لي ستور


الملابس
4 او 6 جبب تع مناسبات مع سبابطهم
2 ربات سواغي
4او 6 انسومبل تع مناسبات + سبابط والاكسيسوارات دياولهم
10 او 15جبب دار شتاء
10 او 15 جبب دار صيف
20 نويزات كل الالوان والطويل والقصير نوعو
5 ديزابيي
20 اونسونبل سوتيان + كيلوت
20 سليب وحدهم
10 سوتيان وحدهم
10 بوستي
2 سورتي دو بان
2 بينوار
10 بيجامات شتوي
10 بيجامات صيفي
5 صيكان تع كل يوم
5 صبابط مع الصيكان
2 ملاية
4 حجابات + شال او خمار
4 جيب+ فيستات+تريكو
10 ديودوغان
10 عطر
5 شامبوان
5 جال دوش

وزيد وزيد وزيد القائمة مازالت طويلة راني من بعد نكملهالكم راني شوية مشغولة وماتنساوش الا عندكم ملاحظة قولولي عليها يعني في العدد او اذا كانو هناك نقائص نسيتهوم فكروني فيهم

خديجة مش شرط لي قاتلك عليه جارتك ديريه ديري مقدورك زيدي ديري في بالك ملي رايحا تزيدي تشري .......انا شفت لاليست لقيت المبالغة في 10 عطر ....علاه 10 ادي 2-3 ملاح و لامارك تكون ريحتهم مليحة و يكفوك انا عندي ريحة شدتلي عام تالمون قاوية و ندير منها شوي تبقا لازقة في لحمي و في قشي و زيد روايح لمارك تلقايهم مركزين و ريحتهم تشد خير من تشري 10 و حاطتهم انا من راي اشري حاجة امارك تشدلك و مبعد كي تخلاص اشري حاجة جديدة .....زيدي تاني 6 جبب تع مناسبات مع سبابطهم
2 ربات سواغي
4او 6 انسومبل تع مناسبات + سبابط والاكسيسوارات دياولهم


هادو انتي مدايرتهم للمناسبات شحال من مناسبة تجيك في العام مدامك قلتي لازم الراجل مايشريلكش لمدة عام نقولو عيد صغير و كبير و نقولو عرس و لا 2 راح تلبسي فيهم من تصديرتك .....يعني وش راح ديري بيهم كامل و زيد كل خطرا تخرج حاجة جديدة يعني تشري هادو للمتاسبات و زيد عندك قش تصديرتك .....بزاف انا من راي ادي 3 نقولو للمناسبات و عندك ديجا حوايج تصديرتك و كاش ما جاتك مناسبة و حابة تشري حاجة جديدة راكي تشري حاجة ليتكون خرجت جديدة و مش شرط ياسيدي راجلك ليشريلك اشري وحدك و لا كلفي ختك تشريلك

و مانعرف هادا راي ادي مقدورك جامي لا تتقيدي بليست تاع وحد اخرى لخاطر الناس مش كيف كيف كل واحد و الي يقدر عليه

سلام عليكم بنات ان شاء الله تكونو كامل ملاح
عندى استفسار لاختى مارساى مدام انك متزوجة نحبك تنصحينى انا رايحة عروسة ونسافر ان شاء الله وزيد المنطقة لى رايحتها قالى راجلى مفيهاش قش شباب بزاف يعنى اذا حبيت نزيد نشرى لازم نصبر
حبيتك تقوليلى على الضروريات شحال ندى منهم كيما لى سوتيا لى زونسوبل النويزات نتاع الصتان وتاع لقطن بيجمامات الصيف دي زابيي لى بيستى وحدهم ولى مع لى شورت لى بونت تاكور والسراول لى وحدهم واكيد هدو كامل نتاع الصيف لانى منيش معولة نزيد نشرى منهم كى نروح وهما خفاف ميدوش الميزان بزاف كيما حوايج الشتا ، وعندى بعض الاسئلة حبيتك تجاوبينى عليهم والله رانى حايرة وسمحيلى اذا كثرت عليك

ssamou19;12282038:
:lol: و رومركيت تاني مام الدرا تاع لمطرح تاعكم و تاعنا كيف كيف ......مارساي ربي ان شاء الله يهنيك و ان شاء الله ياربي تفرج عليك و يتحلولك كامل البيبان المغلوقين و يسهلك ربي في زواجك و في دارك الجديدة ان شاء الله هاد رمضات تكوني عند راجلك و ترمضنو كيف كيف ان شاء الله ....كل يوم صلي ركعتين لوجه الله و ادعي فيهم ربي يسهلك امورك ان شاء الله و انا ننصحك اشري 2 مصاحف و لا 3 و حطيهم في الجامع و انوي في قلبك ربي يسرلك امورك و راح تدي فيهم اجر كبير انا و الله كان عندي دي بروبلام و مالقيت حل قعدت نمشي في الطريق و نبكي و لقيت جامع يبنو فيه جديد قدام 300 طريق لينعودو رايحين منها لعين موس و الهضاب ايلا تعرفيها قلت جامع جديد خلي نشري مصاحف نحطهم منها اجر و منها اني عاونت بحاجة و نويت في قلبي قلت ربي فرجها عليا و الله والله والله غير ماكمل الشهر الحمد لله تحلتلي مشكلتي و راح عليا هم كبير ....


لاجلك سوف اتغير ..ووووووووووووووووووووووووووووواو روعة يهبل بصحتك حنونة تلبسيه بالصحة و لهنا ماشاء الله ذوقك هايل

الل يسلميك سامو وبارك الله فيك وانتي تاني انشاء الله كامل حوايجك تلبسيهم بالصحة وتفرحي بيهم

مي مي بارك الله فيك انتي هي الشابة وعينيك الشابين ربي يحفضك وينورلك طريقك

طمطومة واش تقصدي باللحوف حنا عنا اللحوف هما لي كانو يستعملوهم بكري في الصلات مع مخايدهم
والان رانا نستعملوهم تفرشيهم كي يجيوك ضياف بايتتن تعمليهملهم من التحت
قوليلي هادا واش راكي تقصدي

أنا أقصد مثل هذه اللي في الصورة لكن تكون صوف و سامبل و شكرا على الاهتمام

http://go.3roos.com/ZD4akQdycQO

اه طمطوم حنا نقولولهم بساطات تاع الصوف انا مازال مادرتش درك كشما نصيبلك مودال نحطهولك انا شفتهم يديرو دي فلور كبار بكولار وحد اخرى مخالفة للون لبساط و هايلين مي ماشفتش تاع لعقيق ......بصع لعقيق ماتديرونجايش كي تقعدي عليه

لقيتلك هادو بالاك يعجبوك

قولولي كاش مودال تاع جبات فساتين صيف نخيطهم

شكرا حبيبتي سامو ربي يحفظك و يخليك و يسهلك وش تتمناي شكرا

بلا مزية طمطومة ان شاء الله ربي يسهلنا كامل ياربي انا عجبوني هادو و صح فيهم لعقيق اول خطرا شفت المودال





و هادو ليفيهم لعقيق

سامو : هادو لى حطيتيهم تخيطوهم ولايتباعو هكدا ؟؟؟؟؟؟

ربي يحفظك يا سامو الله ينور طريقك ان شاء الله راكي فرحتيني بزاااااااف الله يعطيك وش تتمناي

Marseille;12281836:
مساء الخير عرايس انشاء الله تكونو كامل بخير.
لبيبة شكرا كثيرا و ربي يهنيك حنونة و متخميش أي سؤال حابه تطرحيه راني جاهزه و انشاء الله نفيدك و نفيد جميع العرايس.

خديجة بالنسبة للقائمة لطرحتها كاين حوايج أكي و كاين حوايج مبالغ فيهم بزاف. و عندي ملاحظة ليكم عرائس شوفو كل واحده اتجهز على مقدورها مكان لاه تشوفو قوائم و تعاندو صح ركزو على الأساسيات بصح الباقي كامل زايد الي قادره تدي كل حاجة وتكثر ربي يزيدها و لي معندهاش متكسرش راسها تدي غير الشيء لكتبولها ربي و من بعد ازواج انشاء الله يعطيها ربي و تشري واش تحب و أدعيو ربي يعطيكم لهنا هذا مكان و أنا عندي قريبتي مخلات ما تدي 5 كاميونات و ماكفاوهاش الذهب برك بالتبديله كل لبسه و الذهب انتاعها بصح مسكينه متهناج بيه خلاص اطلقت بعد 20 يوم أقسم بالله غير أطلقت باعت ىكلش و ذرك راهي حالفه لوكان يجيها مكتوب تدي غير فريزة برك و أنا نقلكم كيفكيف بعدو العين على رواحكم أديو مقدوركم و من بعد العرس كي تكوني في دارك أشري واش تحبي و ربي يوفق كل واحدة انشاء الله.

مرساي ختي بارك الله فيك كلامك كلوا عين الصوااب


فكل وحدة تدي الي تقدر عليه

ومكلاه بلاليست و الخ ........


صح هناك اولويات لازم كل وحدة تديهم و عادي لو تستشير صديقاتها و تقوللها اعطيني انت واش درتي

لكن كاين اشياء مبالغ فيها

حبيبتي خديجة
اسفة ان كان كلامي ازعجك لكن حبيبتي درت اشياء بزاف عاللزوم لكن خلاص معلش دوف فات الوقت

المهم حاجة وحدة ندعي ربي يبعد عليك العين و الحسد و يسترك و يسعدك و قاع لبنات لعزاز

صفا الحنونة تلقاي لخياطات يخيطو و يمدو لحوانت يبيعو هادو خدمت ليد مام الطراحة ليبيعو لمطارح الصوف يخدموهم و كي تحبي حتا بمخادهم و تصيبي عندهم الواجد مخيطين و لا تحبي تخيري لاكولار و لمودال و يخدملك

طمطومة ربي يحفضك حنونة على الدعوة لحلوة كيفك و ان شاء الله ربي يدومها فرحة قوليلي جبات صيف حابة حاجة تاع دار صيافي