و السلام عليكـم حبيبـاتي، إن شاء الله تكونو كامل كيما راكم بخيــــر
ماتقدروش تعـرفو شحال توحـشتكم،
اسمحولي مادخلتـش ظروووفي ماسمحتليــش:sick:
كنت مريـضة و مالحقـتش على امتحاناتي ...
و آخر لحظـة سمحولي باش نجـوزهم ،
الحمد لله كملتـهم على خير، غير مزلت شوية عيانـة
المهم، قلولي عليكم، ماشاء الله ناشـطات،
هكذا نحب بنات بلادي يفـرحو القلب، بصح راني راطيت
حجات بزاف، قريت كاع وش كتبتو، وش حطيتو،
و الأفكار انتاوعـكم هايلة للي تخـص الهدايا و توريـة الجهاز،
حنا نعطـو الهدايا غير للعجوزة و الشيخ و الزوج،،،،
فكرتوني باش نسـقسي صحاباتي المغربيات إذا هوما ثاني
يديرو الهدايا و لمن؟؟؟ شكرا على الهدية حنونتي hachemia،
المغاربة نهار للي يديو جهازهم، النكافـة هي للي تستكلف بكل
المستلزمات، أنا إن شاء الله ندير عرس غير حفلة صغيرة عائلية
و مع صحاباتي في أواخر جويلية، رانا نستناو في أوراق عجوزتي،
غير يعطيوها الفيزا إن شاء الله نحـدو النهار، و نروح في شهر
ديسمـبر باش ندير العرس في المغرب إن شاء الله.
راني حايرة كامل، اليامات راهم يجـرو :018:ومابقاليش بزاف.
الهاشمية،ربي يحفظك لي سقسيتي عليا، إن شاء الله تكوني
بخير,قوليلي وينتا تروحي للبلاد، و شحال تقعـدي ثم إن شاء الله؟
لونا، شفت لاليست انتاع تجهيزاتك، ماشاء الله، ديري كيما قلتي
بحسابات ليكادو للي يجيـوك، أكيد يكثرولك من الفناجل و ليفاز
ههههه كيما دارولي، خليتهم كامل في الدزاير ماعاد وحد الكادر كبير
انتاع آية الكرسي و مصحف كبير ثاني،،، وفيزان صغار عجبوني
هدرتو على الحمام ههههه فكرتوني و الله غير ضحك، كيما دارولي
قلت لهم غير الحمام مانديروش، مادخلش راسي،
روحنا لليـدوش ههههه و كل وحدة غرفتها، مساكـن حصلو بيا....
بصح لا طاعة لمخلوق في معصية الله.:rolleyes:
جـارتيmarimare،،، يسـقسي عليك الخيـر، إن شاء الله تكوني
بخير،
وين راكي واصلة مع جهاز، ماشاء الله عجبتني فكرة العلب،
والهدايا، راني نستنى في تصاور الإنجـاز، الله يعاونك:thumbs_up:
مارساي، وش راكي أختي، و الخطيب إن شاء الله مرتاحيـن،
ماشاء الله، عجبوني الدوزان للي جابهملك، ربي يكثر من
خيرو و يخليهولك.:adore:
ميـمي،،، إن شاء الله تكوني مليـحة، كملتي امتحاناتك و لا مازال، ربي يـعاونك أختي،،،
راني نستنى فيك، ماتنسايـش وش تواعدنا ههههه ندير عطلة في الملتقى
coeur alger مرحبا بيك معانا، معرفت خير إن شاء الله، وربي يتـمملك
في الخطبة و الزواج،،، ركزي في امتحاناتك درك كي مابقالكش
بزاف، ربي معاك
سوسو، إن شاء الله تكوني بخير، مليـح مين الوحدة تبدا تجـهز من
قبل، خاصة الحاجات للي مايديموداوش، الله يعاونك و يرزقك الزوج
الصالح عاجلا غير آجل، و إذا عريس الغفله راهو يقرا وش نكتبـو،
نقولو غير تقدم و ماتخافـش، إذا حبيت الزين كاين و إذا حبيـت التربية
الحمد لله،،،، هههه إعلان على السريـع:cool:
حبيبتي سولاف(لأجلك سوف أتغير)، معرفت خير إن شاء الله،
عظم الله أجركم، رحم الله صديقتك وغفرلها و أسكنها فسيح
جناته... إن شاء الله نفسيتك تحـسنت شوية... خليك معانا،
باش تشاركينا.
ياربي نكون مانسيت حتى وحدة:027:، اسمحـولي راهي أفكاري
مشتة شوية:01:، بالتوفيـق للجميـع:051:
hachemia;12091614:
و هادو المغاربة يورو فيهم جهاز العروس للناس هدية لحلم و امل:)
