العرائس الجزائريات..هنا سيكون ملتقانا..

اهلا اخت سلام , يا محلى لمتنا راهي غير تزيد تكبر , ان شاء الله دايما عامرة ,
ربي يكملك في زواجك و يتتمملك بخير

الكل هنا وااااااااااااااااااو

marimare;12013425:

مرحبا بيك ميمي بيناتنا والله راني فرحانة كي ولات لمتنا تكبار يوم بعد يوم
ومبروك عليك الخطبة ربي يهنيك ويسعدك ويكملك زواجك نشالله ودرتي مليح كي خليتي حتى تكملي قرايتك وديري العرس surtout لكانت قرايتك صعيبة كيما انا كان مستحيل نتزوج وانا نقرى غير :010:les nuits blanches في قرايتي ونزيدلها الزواج:068: شوفي كل حاجة وعندها طعمها ووقتها تمتعي بايام الدراسة والله تتخرجي بحالي وتتمناي ترجعي لهادوك الايام :'(توحشت l'ambiance نتاع القراية:'(
وباالنسبة لجهازك غير ابداي ولازم اهم شيء التنظيم لازم تكوني منظمة كلشي وانتي عندك الوقت الكافي باش ما تحصليش كي يوصل عرسك وتبعينا رايحين نفيدوك انشالله واي استفسار انا والبنات هنا اسئلي في اي وقت

hachemia;12025069:
وشنو هادا الكسل غبت يومين لقيتكم رقدتو كامل , ؟؟؟؟؟؟؟؟؟؟؟
ان شاء الله تكونو كامل ملاح ماريمار مارساي حلم و امل و لونا اللي عندها مدة غايبة ؟؟؟؟؟؟ و اهلا بيك ميمي معانا في القروب , و ان شاء الله تفيدي و تسفادي معانا .
كيما وعدتكم الان مع جهازي , نبداو مع الصبابط , مانحبش التالو بزاف و مانيش موالفاتو على ديك ما كثرتش , موالفة غير بلي زاديداس مانش عارفة كيفاه راح نمشي نهار العرس :(
لازم نديير بروفا :D












و هادو لي صاك , ما كثرتش لاخاطش ما نيش راح نقعد في الدزاير و هنا ما عندي ما نستعمل فيهم , طول الوقت بساكودو تقول اطفاااال :D






و هاذي المينيكير و البديكير



يا الله ياالبنات ارجعو للنشاط انتاعكم
ان شاء الله المرة الجاية نصورلكم لي بارفان و اخواته

راني فرحانة لي كامل لعرايس راهم أهنا استناو راني راجعة بتصاور ok

السلام عليكـم حبيباتي،
وشـراكم يامزيانات السعـد <=الجدة وصلت هههههه
الهاشمية، اليوم جيتيـني على الوتر الحساس:biggrin:، العطورات و الكريمـات
خاصة Cacharel هذا عطـري المفـضل، و عطري nina ricci و Jean paul le gauthier لوكان نلقى نشربهم باش ريحتهم تسكن فيا ههههه<= صح راني مهبولة عطوووور
المهم، عجـبوني كلهـم، بالصحـة عليك، حتى أول عـطر يبان هـايل، ماجـربتوش، بصح لازم نجربو لأن الياسميـن و مشتقاته(كيما حليب و مشتقاته ههههه) نموت على ريحته:adore:
مارساي، إن شاء الله تكون بخير و مهنية ياربي مع خطيبك، راني نستنى في الصور، ماتنسايـش
لونا! طق طق طق، أين أنت أيتها الهرابـةُ(تاء مربوطة صح) لووول، إن شاء الله تكوني بخير
ماريمار، جارتي المستقبلية، عاش من شافك يالعزيزة، كاش جديد معاك؟ وجهازك وين وصلتي بيه؟
ميمي،،،، وين راكي، خلاص دخلتي الملتقى و سينـييييتي كونترا معانا حتى لزواجك إن شاء لله، رانا نستناو فيك.
المتجـسسات الجزائريات على الملتقى، راني حكـمتكم ههههه، سجلو و ادخلو معانا، والله مرحبا بكم تنورونا إن شاء الله.
:L::L::L::L:
:L::L::L:
:L::L:
:L:

سلام بنات بسم الله الأن صور الهادايا لجابهملي زوجي راكم واجدين قولو ما شاء الله
أولا camescope مليح هكذا نصورلكم عراسكم هههه




ثانيا الأحذية كاين صور أحذية وريتهلكم المرة لفاتت من الموقع ووعدتكم غير يوصلو عندي نصورهم و راني وفيت بوعدي











و هاذو نواظر ريبان بصح معلبليش علاش خرجو مغبرين

Marseille;12050551:
سلام بنات بسم الله الأن صور الهادايا لجابهملي زوجي راكم واجدين قولو ما شاء الله
أولا camescope مليح هكذا نصورلكم عراسكم هههه




ثانيا الأحذية كاين صور أحذية وريتهلكم المرة لفاتت من الموقع ووعدتكم غير يوصلو عندي نصورهم و راني وفيت بوعدي











و هاذو نواظر ريبان بصح معلبليش علاش خرجو مغبرين

يتبع

بصحتك مارساي تلبسي و تقطعي عجبني اكثر شيء الصباط الاول على plat تلبسيه و تروحي تجري لخرين حطة ثان بصح مانيش عارفة كيفاه تمشي بهداك الابيض , لوكان انا نطيح و نكسر رجلي منو :hysterical:
و الكاميرا ثان حطة صغيرة و شكلها خفيفة تعاون الللي يكون يكاميري , باه تصوري بيها الحنة و ما قبل العرس , عندي كاميرا انا ثان صغيرة صورت بيها عرس بنت عمي ( ما قبل العرس طبعا) عند الحفافة و كي كنا نديرو في الحلوى , هههه ايام شابين كنا نولولوو على اي حاجة نشروها حتى لوكان تكون ساشي ملح :lol: و اخدمتلها بيها فيلم تع الهبال و نقوللها تغلطي نوري لراجلك دليل الادانة ( الهبال ) بصح سوفنير روعة
العقوبة للي مزالو ان شاء الله

الازرق هادا وين بان رووووووووووووعة بصحتك

راح أكمل بصح هاذ الخطرة غير حوايج الشعر و الجسم والبشرة منكذبش عليكم زوجي يحب بزاف شعري و البشرة نتاعي ويهبل لوكان نقص منو يذبحني على بيها يحب يجيبلي كل حاجة من فرنسا يخاف لوكان ندير حوايج لاشين مع الكونتر فاسن متقدريش تفرقي امالا لوكان نقلو غير شريت حاجة لي جي على الجسم ولا البشرة ولا الشعر من لبلاد يديرلي حالة المهم نخليكم مع الصور قولو ماشاء الله بسم الله

Marseille;12050983:
راح أكمل بصح هاذ الخطرة غير حوايج الشعر و الجسم والبشرة منكذبش عليكم زوجي يحب بزاف شعري و البشرة نتاعي ويهبل لوكان نقص منو يذبحني على بيها يحب يجيبلي كل حاجة من فرنسا يخاف لوكان ندير حوايج لاشين مع الكونتر فاسن متقدريش تفرقي امالا لوكان نقلو غير شريت حاجة لي جي على الجسم ولا البشرة ولا الشعر من لبلاد يديرلي حالة المهم نخليكم مع الصور قولو ماشاء الله بسم الله

يتبع

عندو الحق حتى انا ما نضمنش الحاجة في الدزاير , ما تعرفيش منين جاية و زيد ما تعرفيش شحال عندها و في الحانوت بالاك تكون عندها سنين و هي في الكونتوار , لوريال ماركة فور و لي شامبوا انتاعها :thumbs_up::thumbs_up: بصح شكلك كثرتي ,انتي قلتي راح تروحي ان شاء الله لفرنسا و راح تلقاي هادا الشيء كامل ثم يعني لوكان وصيتيه يشريلك اللي يكفيك برك , انتي قلتي عرسك بعد رمضان ان شاء الله و هادا الشيء اللي وريتيه راح يكفيك 6 اشهر الا ادا كنتي من النوع اللي يغسل شعرو كل يوم , في هادي الحالة غير زيدي اشري لاخاطش ماهوش راح يكفيك . ;)
مع اني ننصحك ما تغسليش شعرك كي يوم لاخاطش الماء بزاف ( سورتو تع الدزاير غير كالكير ) يطيح الشعر و ينحيلو الزيوت الطبيعية انتاعو

&#4326; MiMi &#4326;;12049836:

درك دالتك هاشمية ;) ههههه

سلام حنونتي واشراكي و وش راكي مع les examens و القراية :study:

ربي يوفقك و يسهلك

حوايجك ما شاء الله عجبوني خاصة الصبابط ذوقك روووعة

والله يا عبقور هههه هايل بزاف

انا تاني عندي مشكل مع الطالون نلبسو غير في الخرجات

بصح كي نكون نقرا غير plat هذاك وش ينفع

شفتك مرة سقسيتي على نقش الحنة انا ننصحك تشري هذوك اللي يلصقو في اليد و تحطي فوقهم الحنة

و الله هايلين اختي دارتهم السمانة اللي فاتت و درك نصورلك كيفاش خرجت

اهلا ميمي , رانا في الهوى سوى على الطالون ,
و على نقش الحنة انا سييت اللي يلصقو بصح جامي خرجتلي سواسوة دايما تخرج معوجة و لا تسيح , و انا نحبها كحلة و لا بني حامق ما نحبهاش حمرا لاخاطش تروح بلخف و تولي صفرا تقول جاني بوصفاير , :sick: بصح جامي تخرجلي في يدي , قالتلي مرة واحدة هندية باللي على حساب الدم تع الانسان تخرج الحنة , شكلها الحنة و دمي ما يتفاهموش و انا نموووت على الحنة بصح الله غالب :'(:'(:'(:'( :'(
و زيد هدوك اللي يلصقو تقدري تديريهم غير في راحة اليد و انا حابة تكون في اليد من الفوق ,
واحدة كانت جارتنا بكري هية من الجلفة قالتلي بلي راح تديرهالي و ناس الصحراء معروفين بالحنة انتاعهم صافي راني فرحاااااااااااااانة ههههه حكيت قصة حياتي

عندك حق أختي هاشمية أنا معلبليش وقتاش نروح كل شيء راه في يدين الإدارة الفرنسية و الله و أعلم وقتاش يعطيونا ok نتاعهم قادر يكون على شهر وقادر يكون على 6 أشهر الله و أعلم أحنا عندنا 7 أشهر ملي درنا le dossier بصح مازال الرد نتاعهم هوما يقولو مكسيموم 6 أشهر بصح قادرين يقعدو plus و من بعد كي يقبلوا زيدي استناي الفيزا يعني مام ندير العرس نتاعي من بعد رمضان انشاء الله انا شايفة روحي باقية حتان ديسمبر انشاء الله وهذا اذا كانت الاجابة بوزيتيف المهم ادعيلي ربي يسهل انشاء الله أما بالنسبة لشعري نغسلو 2 خطرات في الأسبوع المشكل ماشي في الغسيل بصح في المشيط و أنا شعري طويل و ماشي دايره حجاب لازم يتمشط و هذا واش نكره و شكرا على الرد.

Marseille;12051526:
عندك حق أختي هاشمية أنا معلبليش وقتاش نروح كل شيء راه في يدين الإدارة الفرنسية و الله و أعلم وقتاش يعطيونا ok نتاعهم قادر يكون على شهر وقادر يكون على 6 أشهر الله و أعلم أحنا عندنا 7 أشهر ملي درنا le dossier بصح مازال الرد نتاعهم هوما يقولو مكسيموم 6 أشهر بصح قادرين يقعدو plus و من بعد كي يقبلوا زيدي استناي الفيزا يعني مام ندير العرس نتاعي من بعد رمضان انشاء الله انا شايفة روحي باقية حتان ديسمبر انشاء الله وهذا اذا كانت الاجابة بوزيتيف المهم ادعيلي ربي يسهل انشاء الله أما بالنسبة لشعري نغسلو 2 خطرات في الأسبوع المشكل ماشي في الغسيل بصح في المشيط و أنا شعري طويل و ماشي دايره حجاب لازم يتمشط و هذا واش نكره و شكرا على الرد.

ربي يسهلك اختي مارساي راني عارفة السفارات يعييو الواحد و هو رايح جاي ليهم و ما يعطوكش ابدا الرسمي , ربي يلحقك و يجمعك بزوجك في القريب العاجل .
و ما شاء الله على طول شعرك , انتي برك سيي ما تمشطيهش كي يكون مشمخ لاخاطش الشعر يكون هش و يتقطع بالخف , و لازم تقصيه من وقت لوقت باه ما يتعمرش لي فورش و باه يزيد يطوال , قصي منو غير شوي , و كي تقصيه لمي الشعر المقصوص و ادفنيه و هادي سنة الرسول صلى الله عليه و سلم ( خوفا من السحر الله لا يقدر ) خصوصا انك قلتي انو شعرك طويل الله يبارك , و الله يحرصك من العين ( سورتو عللي راكي رايحة للخارج حنا في الدزاير اللي تتزوج في الخارج يشوفوها طالعة للسماء ) حصني روحك مليح قبل ما تروحي للحفافة
:thumbs_up:

مساء الخير أختي هاشمية على النصائح انا شعري صح طويل مي ماشي بزاف بزاف نورمال حتان نصف الظهر أما بالنسبة للحسد معندي مانقولك كتلني و ليحسدوني بينين صديقات العمل لتكوني معاهم نهار طول هما ليعرفو سرك و يحسدوك مزيا كامل متزوجات و عندهم ولاد بصح متخميش واحد معلبالو بلي تزوجت راني مخبيا عليهم والحفافة تهنيت أختي حفافة و خبيرة تجميل الحمد الله.

السلام عليكم ورحمة الله وبركاته

ان شاء الله تكونو الكل بخير حبوبات..

اعدروني كنت غايبة في الايام اللي فاتت بصح كانت ظروفي صعببة..

المهم..

هاشمية حبوبة..حوايجك رووعة ماشاء الله.. ربي يهنيكي بيهم ان شاء الله..وتلبسي وتقطعي كيما يقولو..



وعجبتني هده الفكرة...



مارساي..بصحتك كل الهدايا اللي جابلك راجلك..وان شاء الله يوجدولكم الاوراق في اقرب وقت وتتزوجي وتروحي مع راجلك في اقرب وقت..

حبوبتي حلم وامل..ماشاء الله الدهب تاعك روووعة..عجبني دوقك راقي..

وربي يحفظلك ابوكي ويوفقو ان شاء الله..دوقه رووعة..

حلم و أمل;12048572:

السلام عليكـم حبيباتي،

وشـراكم يامزيانات السعـد <=الجدة وصلت هههههه
الهاشمية، اليوم جيتيـني على الوتر الحساس:biggrin:، العطورات و الكريمـات
خاصة Cacharel هذا عطـري المفـضل، و عطري nina ricci و Jean paul le gauthier لوكان نلقى نشربهم باش ريحتهم تسكن فيا ههههه<= صح راني مهبولة عطوووور
المهم، عجـبوني كلهـم، بالصحـة عليك، حتى أول عـطر يبان هـايل، ماجـربتوش، بصح لازم نجربو لأن الياسميـن و مشتقاته(كيما حليب و مشتقاته ههههه) نموت على ريحته:adore:
مارساي، إن شاء الله تكون بخير و مهنية ياربي مع خطيبك، راني نستنى في الصور، ماتنسايـش
لونا! طق طق طق، أين أنت أيتها الهرابـةُ(تاء مربوطة صح) لووول، إن شاء الله تكوني بخير
ماريمار، جارتي المستقبلية، عاش من شافك يالعزيزة، كاش جديد معاك؟ وجهازك وين وصلتي بيه؟
ميمي،،،، وين راكي، خلاص دخلتي الملتقى و سينـييييتي كونترا معانا حتى لزواجك إن شاء لله، رانا نستناو فيك.
المتجـسسات الجزائريات على الملتقى، راني حكـمتكم ههههه، سجلو و ادخلو معانا، والله مرحبا بكم تنورونا إن شاء الله.

:L::L::L::L:
:L::L::L:
:L::L:

:L:

اهلا حبوبة..

والله مارانيش هاربة لكن ظروفي في الايام اللي فاتت ماخلاتنيش ندخل..

والله ربي عالم تواحشتكم ..

&#4326; MiMi &#4326;;12049741:

راني جييييت

سلام البنات واشراكم توحشتكم

و أخيرا كملت امتحان واحد بصح مازال بش نجوز اللي بقاو

اهلين لونا

وين راكي ماراكيش قع تباني

عندك الحق كل مانبدا بكري كل ما خير و انا وياك كيف كيف نروحو في 2012 ان شاء الله

ماما ماراهيش هنا درك مسافرة و كي تجي ان شاء الله نهبلها :D بش نبدا من درك

فكرة الاجندة مليحة بزااف عجبتني :thumbs_up: يا ريت تقوليلي وش درتي فيها على خاطر راني مخلطة :confused:

ما علاباليش بواش نبدا و شحال الكمية

يعطيك الصحة على ردك و ربي يسهلك ان شاء الله F:

اهلا بيكي حبيبتي..

ان شاء الله اول ما تجي امك ابداي بالجهاز هداك هو ما تكملي..

والاجندة انا بزاف فادتني..

وباش تبداي..
انا بديت بحوايج الدار كيما قلتلكم..الفراشات والمناشف وهدو الحوايج..

وساعات نخطف حاجة ليا..يعني صباط ولا حاجة اللي تعجبني.

بصح راني نقضي بعقلي لان مازال عرسي..

قالتلي ماما بعد رمضان ان شاء الله تروح للخياطة باش تبدى تعملي حوايج التصديرة..

والكميات درك نطلع نجيب الاجندة تاعي ونكتبلكم الكميات الي حطيت..

ابقاي معانا حبيبتي


واي سؤال اسألي وان شاء الله تلقاي الاجوبة لكل سؤال..