هل هناك عُقد ؟ .. للمتزوجات من البشره السمراء

هههههه حياتي الحين الموضه البرونز والكل هاب فيه !!! استغربت انه فروقج وحيرتج على اختلافات سطحيه ولونيه على فكره قرار الرفض على الشكل شي سيئ فكري فيه اهو شنو امه اذا مب عاجبج عشان اللون ابشرج اشكثثثر ناس يتمنون البشره السمراء وانا وحده بييييييضه بشكل لوني اقرب لبياض الشاميات بس اتمنى يكون زوج المستقبل اسمراني وطبعا مايهمني ابيض ولا اسمر المهم افكر فيه من ناحيه الشخصيه و العقليه هاي اهم شي اذا كنا متطابقين يعني نصيحتي اذا مرتاحتله اقبليه ولاتشوفين الفرق في اللون

ماشوفها مشكلهـ بصراحهـ لدرجة ترفضي الزواج وافقي واستخيري ولاتحطي هالاشياء براسكـ موووووووووفقــــــــــــــــهـ

لا فرق بين عربي واعجمي الا بالتقوى والسمار لا عيب ولا حرام دام أخلاقه كويسة والسمار ملح وقبلة لا تخربي حياتك على شي ما يستاهل والله يوفقك يا رب

حبيبتي لو مب عاجبتهم ماخطبوج ولو مب عالوصف الي يبيه جان ما وافق عليج
تعوذي من ابليس ولاتغيرين رايج

اكيد هو عارف واشايفك

ولو ماعجبتيه ماخطبك ياقلبي

يعدين العالم مقطعين نفسهم على البرونزاج لانه حلو

وعلى فكره ترا في خلطات تفتح لون البشره حاولي تجربيها

شوفي اختى سواء للرجل او للمرأة اذا كنتى بتختارين زوجج بس عشان شكله فهذى مشكلتج ياوخيتى شدراج يمكن هذا الاسمر يعاملج كأنج اميرة وتعيشين معاه بسعادة ويريحج بكل شي ترى الشكل مو كل شي ياوخيتى خصوصا بالنسبة للريال لان ياما في رييايل حلوين مثل القمر بس في داخلهم عقد ومساوى تخلي المرة تكره حياتها انها تزوجت واحد مثله .....الشكل مو كل شي في الانسان وهم اقول نفس الكلام لكل ريال رايح يخطب مرة مو شرط المرة البيضاء الجميلة تقدر تسعده شوفي الواحد يركز على المضمون احسن لان حتى اذا كان الشكل حلو وابيض كلها كم شهر ويتعود الواحد على شكلة وهم لو انتي مو عاجبتهم جان ماخطبوج حق ولدهم بعدين في رييايل وايد يحبون البنت السمراء خلي ثقتج بنفسج كبيرة وبعدين هذا رزق رب العالمين لج احمدي ربج على كل شي اهم شي الصحة والعافية ياعمري..
بس اذا انتي من داخل مو متقبله هذا الشي لاتجبرين نفسج على شي وتتسرعين كل واحد وتفكيره وقناعاته يا اختى اختاري الشي اللي انتي ترغبين له وحكمي عقلج وقلبج

اتمنى لج السعادة

مو مهم حبيتي الشكل توكلي على الله وصدكي هذ موضوع تافه واحلى شي همة السمر

الشكل مو مهم وياما ناس سمران بس شحلاتهم

توكلي على الله ولا توسوسين

كانك تتكلمي عن صحبتي مواصفااتها نفس مواصفاتك وتزوجت رجل اسمر منها بكثيير لانه اخوه متزوج من اختها وهي بيضه

يعني عاادي حبيبتي اهم شي اخلااقه ثم اخلاقه ثم اخلاقه والله يوفقك حبيبتي

الحين كلكم قاعدين تمدحون السمار وتقولون فيه اشعار بعد

عيل ليش هارييني في ركن البشره في مواضيع التبييض
:039::039:

ترى اتغشمر :085:

الـهادية;11695253:


رينا :
لما نكون متضايقين .. تفكيرنا بيكون اكبر من اننا ننتبه كثير .. ولما الوحده تطرح تساؤل فتساؤلاتها تكون اشمل
حتى تبين الجوانب كلها .. من اهل الخبرة .. فتأملي يارينا .. ووسعي نضرتج دائما وابدا ..

عزيزتي الهاديه

الانسان لما يتضايق او يعصب يكون تفكيره مشوش ويمكن يقول حاجه او يتصرف تصرف

ما يكون على طبيعته ويندم عليه بعدين

القصد من كلامي التنبيه والنصح فقط ولو ماكانت نظرتي شموليه ماكان تطرقت لهالموضوع

واحنا في الاخير خوات واكيد كل وحده ردت على هالموضوع وانا اولهم نبي لج الخير

دمتي بحفظ الرحمن

انا خطيبي اسمراني و انا افتح منه بشوي
بس ابدااااا ما فكرت بهالشي
وهو متجنن علي وعلى لوني
اهم شي الأخلاق

بصراحة انا استغربت من كلامك

انا اصلا حنطية اللون والشخص الذى يريدونى ابيض ونحن متفاهمين

ليش باللون والشكل والعمر اى اثر فى الزواج . خلى عقلك اكبر من كده احسن والله

بالعكس مفروض تكونى واثقة من نفسك انك احلى واحدة فيهم . والسمار من ربى العالى واقتنعى بما اته الله لكى

وشكرا

بيحة بحرانيه
لاعدمناج ياغاليه .. تواجدج يرد الروح .. فكوني بالقرب دائما

بنت علمي
تسلمي ياغاليه على الطله .. ولكن تعرفي المجتمع مايخلي احد بحاله .. يعني تخافي كلمه منا والا منا ..
شكرا لتشجيعج وان شاء الله اكون اقوي

moon bride
لاء شكلج فهمتيني غلط .. انا افكر بالرفض ومترددة بسبب اني راح اكون الوحيدة سمرا .. وهو مايختلف عن لوني كثير .. يعني الوحده لما تحط في بالها انها خلاص اكيد بتاخذ واحد اغمق منها بكثير .. فتنصدم بالنتايج ..
ويمكن خوفي وسببي الرئيسي للكتابه .. هو خوفي من مقارنته .. لأن مث ماذكرت نسوان اخوانه كلهم بيض
يعني اكيد بيقارن او شيء؟


ام مسفر ..
تسلمي ياقمر ع الطله .. ونبهتيني على حاجه مهمه .. ماتقصري

الشيخه ..
فديتج ياقمر اسأل الله بأن يسخر لج زوجج .. تسلمين ع الدعم المعنوي

sendrella
تسلمي ياحلوة .. ايه والله صح كلامك .. لاخلا ولاعدم

احلى حلوة ..
الله يوفقج ويوفق اخوج .. ماقصرتي على الطله الحلوة .. واللي بها رفع من المعنويات

ام فطومه
تسلمي ع الطله


دقات قلبي
فديتج والله ماتقصرين ياقمر .. كلامج مثل العسل الصافي .. الله لايحرمج من غالي قولي آمين

hend
هلا والله عزيزتي .. حلو كلامج .. اخذيها من الأيجابيات .. شورج وهداية الله .. ماتقصرين والله على هالتواجد

mitcy
تسلمي ياقلبي .. لكن هيفاء يعني مو سمرا ههه .. شكرا ياحلوة ع التواجد

عيون خياله ..
ركزت في كلامج .. وان شاء الله ابعد هالقلق مني .. تسلمي لي ..

الأمبراطورة
تسلمي ياعمري .. بأذن الله اشيل هالغباء

جنونيه ..
انا لمشكله فالنقد والمجتمع .. مش في سمارة هو !

محرقيه حتى النخاع
هلا والله . . يازينج ويازين صوتج (كناري لااله الا الله ) .. فديتج والله .. كلامج كله امل تفاؤل الله لايحرمج غالي
وافااا والله عليج .. من اول المعزومين ان قاله الله ..



دلوعه قطريه
هذا البلاء .. الحين هو مقتنع وكل شي تمام .. لكن الخوف في المستقبل .. لما يبتدي يلاحظ ويقارن ..
شكرا لمرورج الحي ..

عيون وليد
تسلمي ياحلوة .. وان تم لتفتيح .. فليس لدرجة البياض .. شكرا للتواجد

نون
هي مش السالفه .. شكله .. انا اتكلم عن نفسي .. ان اخاف من المقارنات سواء منه او من المحيط اللي حولي ؟
تسلمي ع الطله

العروس النائمه
فديتج والله شكرا على هذا التواجد المفرح

روان ..
الله لايحرمج من غالي تسلمي والله على الكلام الحلو

بنت القمر
صحيح والا ؟ .. سبحان الله .. تسلمي والله مرورج بحد ذاته قلب لي نفسيتي ..


رينا
هههه هلا والله غاليتي .. انا فاهمه قصدج .. وادري والله .. لكن تقدري تقولي تبريرات مالها طعم

قطر الندى
والله تسلمي .. صحصحتيني تمااام .. الله لايحرمج غالي

لمعة عيون
الله يخليكم لبعض يارب . تسلمي ع الطله



وهران ..
صحيح لكن االمجتمع بعد مشكله .. تسلمي حبوبه ع التواجد

كثير من الأوقات بتلقي السمرا احسن من البيضة
في وايد امووور
لكن هذا ما معناته ان البيضات مو زينات
بس المقصد من كلامي ان اللون مو كل شي
التفاهم والاحترام والحب والمودة والوفاء هو اهم شي
وهو اللي يكسبك حب زوجك وحب الجميع وليس اللون
وبعدين انتي من وصفك واضح انك حلووة
يعني حتى اذا نتي سمرا جمالك يطغي على لونك
وبالتالي الناس بيشوفوك حلوووة وسمارتك تزيدك حـلآ ..
والأهم انك في نظر زوجك ملاكـ
أتمنى فعلا انك ما تخلين لون بشرتك تأثر ع قراراتك
المهمة في حياتكـ

واللـهـ يوفقكـ .. ويسعدكـ مع زوجكـ ..

وين المشكله حبيبتي كونك سمرا
نص حريم العالم سمر ومتزوجات وسعيدات
من قلك السمار يمنع السعاده وانه شبح واصلا بنات الجزيره العربيه كلهم سمر او فاتحين بشئ بسيط حبيبتي السمااار نص الجمال ولعلمك السمار حلوو مع الشعر الناعم والعيون الناعسه الله يهديكي بس تدوروا على الهم دواااره يا بنات الجيل ده
تزوجي وانبسطي ولو سمارك مو عاجبه كان ماخطبك من اساسه

شرقاوية
تسلمي والله عالطله ,, لكن ماادري ليش الموضوع يشغلني .. يمكن لأن حاسه بأنه ماراح يعجبه الوضع
خصوصا ان نسوان اخونه كلهم بيض ومش اي بياض بعد .. قشطه ومن بينهم اختي ! الله المستعان

عيون زين
فديتج والله يمكن صحيح احنا ندور ع الهم ,, لكن احسه بأنه شيء واقعي .. يعني لامفر ,,
صحيح مرات اسمع تعليقات مثل يابخته انتي احلاهم ,, او نتي اطولهم ,,
لكن في بعضهم اسمعهم يقولوا بس الله يعينج كلهم بيض !
يعني تحسي خلوا السالفه في راسي ! ,, تسلمي ع التواجد

حسبي الله على بليسج

لاتفكرين جذي اصلا بالعكس بتكونين مميزة وش زينج

انا سمراء وزوجي افتح مني والموضوع عاادي اهم شي ثقتج بنفسج لا تخلين الموضوع ياثر على مستقبلج

يا حليلج والله ضحكتيني

عليك حركات بس. تعوذي من أبليس