هل هناك عُقد ؟ .. للمتزوجات من البشره السمراء

مع العلم بأني اتمتع بجمال جذاب .. مغري
وطولي وجسمي .. فاتن
وشعري ايضا ناعم وطويل ..
وغمزات تعلو وجهي .. وعيون ناعسه



اسم الله على الجمال

ياغلاتي السمااااار كل الجمال :092::062:


بعدي عنك الافكار المب حلوه بعدين هذا توتر طبيعي قبل العرس اساليني انا قبل 6 اشهر كانت حالتي حاله :085: :037:

بس الحمدلله وماشاء الله كل شئ صار حلو بفضل الله :072:

البنات ما قصروا بالردود :014:

هذا تفكير قديييييييييييييييييييييييييييم الحين الرجال يموتون على السمار

انا اخوان زوجي متزوجين بيض و انا الوحيده سمره فاتحه و بالعكس ما اتمنى اكون بيضا احس سماري مميز

و زوجي يموت على لون بشرتي و يتمنى ولدنا يصير مثلي

شيلي هالتفكير من بالج لو مو مقتنع فيج ما اخطبج

بالعكس حبيبتي
انا اشوووف ان السمار فيه جاذبيييييييييه اكثر من البياض
و حلو ان انتي الوحيدة اللي سمرا تتميزيين عنهم
وريلج بيحس ان زوجته غير عن حريم اخوانه مميزه
وبعدين انتي زيدي من جاذبيه سمارج بالميكب البرونز الخفييف
خصووووصا اذا انتي حلوه فهالشي بيزيد من حلاتج
شوفي مواضيع قسم الميكب فيها لوكات برونز حلوه

وشوفي الممثلات الهنووود سمر لكن فيهم جاذبيه محد يختلف عليها
زيدي ثقتج بنفسج وعمر الشكل مايكون سبب في المشاكل :)

اختي سمرا بيضا صفرا المهم الاخلاق هي الي بتفرق بين الناس

لا تهتمين لكلام الناس

انت راضية وهو راضي ايش تفكرين !!

الله يوفك يارب

دانة المغرب:
انا معاج اختي الحبيبه .. لكن التفاهم شيء والشكل شيء آخر !!

لمسة دفيء:
ايوة وهذا خوفي المقارنه .. وانا سم ضروسي هذا الشيء .. وحتى لو اهتميت ماراح اوصل لدرجه البياض .. فاهمه قصدي!

sugar
فديتج والله ياقلبي .. تسلمين على هالكلام التشجيعي . . الله لايحرمج من غالي

مشتاقه ليك :
تسلمين حبيبتي على هالطله اللي ترد الروح .. والله ان شاء الله الثقه ماتنهز .. الله لايحرمج غالي ياحلوة

la esperanza
واااااو ماشاء الله .. الله لايحرمج من زوجج .. واسأل الله بأن يسخره لج .. تسلمي حياتو على هذا الكلام الطيب

ارجواان
هلاااااااااااااا وغلا والله .. فديتج حبيبتي .. تسلمي لي على هالطله يغاليه ..والله انج فرحتيني بكلامج .. ولما قارنتي بين نسوان عيالكم .. الله يزوجج يارب الرجال الصالح اللي يدلعج ويحطج بعيونه ويكووون اسمررررر ههه
حياتي انتي لاخلا ولاعدم ..

كل الأنوثه :
المشكله ان البيئه عندنا احس انها اهم شيء بياض ..!! .. تسلمي ياقلبي ع الطله ..

وشيقريه
انا معاج اهم شيء الأخلاق .. وهذا محد يختلف عليه .. لكن تعرفي انا بنت وطبعي حساس .. يعني لابد اتأثر !

نارنج
فديتج ياخاله .. تسلمي والله على هالطله اللي ردت لي روحي .. بصراحه حسستيني تافهه من قلب
ماتقصرين والله ونصيحتج بعلقها بقلبي وعقلي .. الله يوفقج ويحفظ لج كل غالي ..

ليليان
فديتج ياقمر .. اسأل الله ان يتمم لج على خير .. وان يسعدج دنيا وآخرة .. مرورج اسعدني ورجع لي الأبتسامه ..

نور العرب .
الله يسعدج قولي آمين .. والله ماتقصرين على هذا الكلام الحلو .. والله يسمع منج يارب .. تسلمي ع الطله

ice cream
يعني تتوقعي السبب في العقد على السمر ان العرب ملوا ..؟ .. تسلمي ياقلبي ع النصيحه.. ان شاء الله بتكون في عين الأعتبار

رينا :
لما نكون متضايقين .. تفكيرنا بيكون اكبر من اننا ننتبه كثير .. ولما الوحده تطرح تساؤل فتساؤلاتها تكون اشمل
حتى تبين الجوانب كلها .. من اهل الخبرة .. فتأملي يارينا .. ووسعي نضرتج دائما وابدا ..


ام زيوني ..
هههه هاذي المقوله عند الأمريكان والا العرب ههه ^_* .. تسلمي قلبووو .. مرورج مفرح وخفيف دم ماتقصرين ..

رقة ورد :
مرات الحب ماله دخل في الشكل .. ولايربطه اي رابط ؟

soft touch famel
تسلمي ياقلبي.. والله دائما مااحاول اغير فكري بهذا الكلام .. الله يفتح عليج ان شاء الله

نظرة امل :
فديت السمرا انا ؛_؛ .. تسلمي ياقلبي على هذا المرور اللي رجع لي الأمل .. ماتقصرين ..

حورية البحر
صحيح اسم على مسمى .. الله لايحرمج من غالي .. وتسلمي ياقلبي .. والله تواجدج اسعدني

s4everk
ايه يابنت الحلال .. صرنا في دنيا ثانيه .. صار مشكله ونصف . . حتى لو ماكان فيج شيء واحلى من الحلا لكن السمرا صارت في عيون الدنيا الجديدة .. وحش مرعب الله المستعان .. وتسلمي والله على التكاتف ..


زوجي حبيبي قلبي
حياتي انت تسلمي ^_^ .. والله يسخر لج زوجج يارب

منى القلب رؤياك
تسلمي حياتي على هالطله .. والله يسمع منج ويكون بس من باب توتر !,., المشكله اني صرت اهم هالموضوع بشكل غير طبيعي ..

الحلوة
وانتي ماقصرتي بالتواجد

دموع الورد
وش اقول .. والا وش الرد المناسب اللي يعطيج حقج ومقامج وحضورج .. مااقول الا اسأل الله ان يفرج عنج كل مكروة
وان يحفظج لغاليج يارب .. والله ان ردج الجمني من الرد عليج .. والله ماتقصرين .. شكرا شكرا

دلوعة بوحسون
تجربتج وهداية الله .. ماتقصرين ياعيوني على هالطله البهيه .. والله يحفظ لج زوجج ويسخرة لج .. وتولدين بالسلامه يارب

Miss Reem
حياتي انتي .. الله لايحرمج غالي .. تسلمين والله على هالمرور اللي اسعدني .. ولاتهونين ياغاليه

نور الهدى
الدنيا وصخه .. تتغير واحنا .. نركض وراها .. بشر وش تقولين !!




مشاعر خجوله :
ان شاء الله اشل هالتفكير الغبي من راسي .. ماتقصرين حياتو على المرور البهي

لا اعرف كيف تفكرين بهذه الطريقه يا اختي
هل تريدين ان تفسخي الخطوبة بسبب لون البشره.؟؟!!ا
ثم انكي قلتي انكي تتمتعين بجمال جذاب

فإذا كانو زوجات اخيه يتمتعن ببياض اكثر منكي ربما انتي تمتعين بجمال اكثر منهن
وليس الجمال هو جمال الشكل انما الجمال جمال الروح فانتي تستطعين ان تجعلي نفسك اجمل منهن باخلاقك وروحك المرحه
اتمني ان تكون المعلومه قد وصلتك

الـهادية;11636503:
مساء الفل .. والنرجس والياسمين مساء بعبق الرياحين

اخواتي الغاليات جميعا اشكركم على المجهود الواضح ..

وكم استفدت معكن .. من خلال تجاربكم وخلطاتكم

وبعد ..

قررت التسجيل معاكم .. لأن حان الموعد .. وقُرب ..

أنا فتاه سأكمل ال 19 من عمري في شهر 10 ..

مخطوبة وبعد سنة ونص زواجي بأذن الله ..

سؤالي ؟؟ يمكن البعض يضحك منه .. لكنه سؤال واقعي


انا يااخوات بشرة خطيبي سمرا ..

والمشكله ايضا ان انا بعد بشرتي سمرا .. لكن افتح منه بشي قليل ..

وللتوضيح البعض لما اذكر سمرا يحسبوا انني من السُمر !!

لا لا .. فقط جسمي وبشرتي لونهم اسمر

عموما ارجع لمشكلتي

بصراحه هذه الأيام اصبح التردد واضح علي في رفضه ..

فأنا اما اتزوج بواحد اغمق مني بكثير .. او لاادري مالحل ..

والمشكله اكبر .. اذ ان اخوة الأكبر متزوج مع اختي .. واختي بشرتها بيضاء

اما عني .. فأنا لستُ بيضاء .. بل سمرا ولوني مقبول ..

لكن لم اتوقع ان الذي يتزوجني لايختلف عن لوني كثيرا ..

اي لونه قريب من لوني .. والفرق بسيط ؟؟؟


فأرجوكم ارشدوني .. فأنا استحي ان اتحدث مع امي واخواتي ..

هل ارفضه ام .. ان الأمر طبيعي

خصوصا المتزوجات ذوات البشرة السمراء .. كيف يرون الأمر .. هل هناك عقد او فروقات

ارجوكن .. اريد اجابه ..

مع العلم بأني اتمتع بجمال جذاب .. مغري
وطولي وجسمي .. فاتن
وشعري ايضا ناعم وطويل ..
وغمزات تعلو وجهي .. وعيون ناعسه

لكن المشكله في لوني فهو اسمر ..
وانا سأكون الوحيده من زوجات ابناءهم بهذا اللون
فكلهم بيض .. ومن بينهم اختي

ارشدوني والله اني محتارة


تحياتي .. الهاديه من قطر .. :065:

لاتهتمين ياقلبي والله ان صديقتي زوجه ولدها سمرا وهو ابيض بس مشالله شخصيه ورزه رازه نفسها وتلبس احسن لبس مشالله ومغطيه عللى اهل زوجها مع انهم بيض مشالله

شدعوة حبوبة ~

يعني ماوصلت انج تعيدين حساباتج عشان لون البشرة

انا ريلي افتح مني ولآعمري فكرت ان فيه فرق او سبب يدعو للمقارنه

وبعدين من جاءكم من ترضون دينه وخلقه فزوجوهـ ..

حاولي تكونين عقلانية ولاتترددين بسبب هالشي ~

اختي بقولك كلمه خليها فبالك دامك واثقه من نفسك ماعليك من الناس وكلامهم! انا امي لبنانيه واحنا بيض اخوي تزوج وحده مو سمرا لا سودا! يعني اذا تعرفين بيونسيه المغنيه الاجنبيه بلونها واحنا بيض بالعكس كنا نشوفها جذاابه وهي اهتمامها بنفسها وكشختها كان يخلونها توووب يعني محد يقدر يقول نص كلمه عليها وهي بعد كانت ماشاء الله عليها واثقه بنفسها واحنا كنا نحبها مثل ماهي! ماعليك من كلام احد الناس ماراح يسكتون بيضا سمرا صفرا بيتكلمون بيتكلمون خلك واثقه من نفسك واذا الرجال زين ومايعيبه شي اخلاق ودين خلااص توكلي على ربك ربي يوفقك لكل خير ان شاء الله =)

حبيبتي ما عليك من الشكل أهم شيء خايف الله ورسوله وخلوق ومؤدب
وأن كان اسمر يا بخته طقته الملح والقبله
ربي بارك لكم

حبوبه

اولا" يارب يوفقك مع هالانسان وسخره لك ويتمم زواجكم بكل خير وحب وتفاهم

اما من ناحية مشكلتك



ابدا" ابدا" ابدا" لا ارى هناك اي مشكله بالعكس


الوضع عادي ولا تفكرين في هالموضوع مجرد تفكير


اذا حبك زوجك لذاتك راح يشوفك ملكة الحسن كله

لا تتركين المظاهر تأثر عليك ابدا"

خاصة" وانك ماشاالله تملكين مقومات الجمال الكثيره حسب ما قرأت

فلا يأثر عليك الشيطان بوساوسه واتركي ثقتك بنفسك اعلى من كل شي


ويارب يتمم زواجك على خير ونشوفك عروسا

ويسخر لك زوجك وينزل مودته ورحمته بينكم النه على كل شي قدير

تقبلي مروري السريع يالغلا

والبنات ماقصروا معك


دمتي بحفظ الرحمن

الغاليه انت الحين تركتي صفاتج الحلوه ( الشعر الناعم والطويل ووالجسم الفاتن ع قولتج والغمزات ) ومسكتي لون البشره؟؟؟؟؟؟؟

ترى البشرة ما تفرق واللون عمره ما كان عيب
اهم شي الاهتمام والنظافة والسنع والروح الحلوه

وبعدين احسن بتتميزين عنهم ........ خذيها من هالناحيه

ركزي في الايجابيات ونعمة الجمال اللي اعطاج اياها ربي

ايه المسكله سمراء

هو فيه اجمل من السمار..
وزي ما بتقولي انتي جميله وجذابه كل اللي قولتيه دا مع السمار يبقي حلو
.وافتكري هيفاء وهبي ماهي سمراء وزي القمر