عندك طفل ((خديج ))أو ((وزنة قليل ))تعالي نتشارك التجارب والنصايح ونفيد بعضنا

وعليكم السلام ورحمة الله ..
الحمدلله على سلامتك ..ما عرفت انك ولدتي ..كيف اطفالك على ما يبدو ولدتي قبل التاسع ..
انا جاوبت على اسئلتك واي استفسار تاني من عيوني ..

wjdan;11589435:

السلام عليكم

اتمنى الاقي نفاعل يا أخواتي اللي عندها طفل مولود بوزن قليل أو مولود قبل وقته

ياليت تشاركنا بخبرتها ونتناقش بجميع أمورهم من جوانب كثيره منها مثلا :

كيف هي مناعته وهل صحيح ان قليل الوزن الولادي تكون مناعته اقل بحسب كلام الطبيب؟
صحيح انه مناعته بتكون اقل ..ولازم تبعدي عن اي حدا مريض حتى لو رشح خفيف ..

مع العلم وزن طفليي الآن كيلو فقط
ان شاء الله بكره بيكبر وبتشوفيه عريس ..

وكيف نحممهم ونتخلص من القشور المزعجة على اجسامهم ؟
مع زيادة وزنهم بتروح القشره اللي على الجسم ما تقلقي ..حتى جلدهم بيكون احمر كتير وكأنه مجعد بس مع زيادة الوزن بيرجع طبيعي ..
هل طفلك كثير الشرقه : يطلع الحليب من انفه ؟ وماهي الحلول الانسب لهالحالة؟ومااسبابها ؟
اطفالي كانوا اذا اخدوا الحليب دفعه واحده يرجعوها كلها ..اهم شي كل تعطي حليب شوي شوي وتريحي وتخليه يتجشأ (ما بعرف كيف بتقوليها )
وماذا عن الفيتامينات ؟
مطلوب منك بالاشهر االاولى تعطيه فيتامين د وبعد الست شهور حديد ..
وماتجربتك بالغازات المزعجة للطفل وبكاءه المتواصل والتقلصات التي يعاني منها الطفل بسببها؟
الغازات ممكن تعطي اعشاب مهدئه متل اليانسون .

وهل يصلح لهذه الفئة من الاطفال اية اعشاب معالجة للمغص او الغازات مثل الكمون واليانسون ....الخ ؟
نعم بينفع ..بس لو سالتي الطبيب رح يقول لأ ..انا كنت استخدمهم .
وشاركونا تجاربكم في رضاعتهم البطيئة .. قال لي الطبيب ان المواليد الاقل وزن من الطبيعي يكون

عندهم

ضعف في عضلات الحنك وبناء عليه يتعلمون المص بالتدريج ويكون بطئ لانهم يتعبون منه .. ؟
ميه بالميه صحيح من تجربتي اطفالي كانوا يحتاجوا لساعه كامله عشان يخلصوا 60 ملم حليب ..وبالليل كنت اعاني انه كل ساعتين اقوم اعطيهم رضعتهم وكل مره تاخد مني القصه ساعه ..بس زوجي كان يساعدني ..كل ما كبروا بتصير رضاعتهم افضل وطريقة المص احسن بكتير ..
وحابه ردود مجربات جزاكن الله خير

ايضا الختان متى انسب وزن يكون للطفل ؟ واقصى عمر ممكن يتأخر عنده المولود ؟
للولد الختان او الطهور متل ما بنقوله لازم بعد ما يصير وزنه فوق ال 2 كيلو ونص ما بينفع قبل هيك ..

وكم يفترض لهذا الطفل حديث الولاده ان يخرج باليوم من مره (يتبرز) ؟
حسب الطفل ..اطفالي كانوا من اربع الى خمس مرات يوميا لحد اول شهر بعد هيك صار اقل ..

متى راح يطلع طفلي من المستشفى ادا كمل كم من الوزن؟
بأذن الله بس يصير وزنه 2 كيلو ويكون تنفسه تمام ووزنه بيزيد منيح بيطلعوه من المستشفى ..
ماذا عن نقص دم الطفل
ما عندي فكره عن هالموضوع ..
ياليت نطرح تساؤلاتنا ونحاول ايجاد الحلول لها لان معاناتنا قريبه من بعضنا والعشم بالمجربات ربنا لايحرمنا من وقفتهم ولايحرمهم اجر ذلك

ريحانة القدس;11590287:
وعليكم السلام ورحمة الله ..
الحمدلله على سلامتك ..ما عرفت انك ولدتي ..كيف اطفالك على ما يبدو ولدتي قبل التاسع ..
انا جاوبت على اسئلتك واي استفسار تاني من عيوني ..

اهلين وسهلين الله يسلمج ويخليج

اي ولدت في السابع

مشكوره ماقصرتين :025:

јǿđ;11591823:

بما اني انا نفسج ام لولد خديج

فـ بجاوب على اللي اعرفه وولدي لين الحين بالشيشه
وان شاء الله يا رب يقر عيني بشوفته قريب
بحضني ويقر عينج بشوفه مولودج يا رب : :032:

اهلين خيو جوود

شخبار ولدج الحين وفي اي مستشفى انتي؟

كيف هي مناعته وهل صحيح ان قليل الوزن الولادي تكون مناعته اقل بحسب كلام الطبيب؟

هذا صحيح .. طبعاً اذا بلغ من عمر الشهرين بيعطونه
تطعيمة الشهرين .. وبعد بيكون مناعته قليله
لأنه انولد في سابق اوانه

مع العلم وزن طفليي الآن كيلو فقط

ان شاء الله بيزيد من وزنه لا تحاتين
دوم ادعي له

كم وصل وزن ولدج حاليا وكم صار لج من ولدتين؟

وكيف نحممهم ونتخلص من القشور المزعجة على اجسامهم ؟

انا اللي عرفته انج تحممينهم على السريع
وما تطولين بتحميمهم عشان ما يمرضون لا سمح الله
وغير كذا المكان لازم يكون دافي
فأنا قلت بسوي زي المستشفى
اسبحهم بمكانهم من دون لا انقله للحمام ربي يعزج
والقشور تلقائيا تروح

هل طفلك كثير الشرقه : يطلع الحليب من انفه ؟ وماهي الحلول الانسب لهالحالة؟ومااسبابها ؟

عن انفه لا الحمدلله ما صارت .. بس اول ما تعطينه حليب
لازم شوي شوي ما تغصبينه على البلع
لأنه البلع عندهم بطيئ جداً حتى احيانا ينامون يوم ترضعينهم
سواء من صدرج او من المرضعه .. فـ ناديهم بالاسم
او امسحي على طرف انفه وراح يبدأ عمليه المص
مرة ثانية .. ولزما يوم تخلصين من الرضاعه
تحطينه على صدرج وتمسحين على ظهره لين ما يتشجأ
وتحاولين تحطينه على ظهره وما تحركينه وايد
تقريبا ساعه عشان ما يرجع الحليب اللي شربه

وماذا عن الفيتامينات ؟

راح يوصفون لج اياه قبل ما يرخصون البيبي

وماتجربتك بالغازات المزعجة للطفل وبكاءه المتواصل والتقلصات التي يعاني منها الطفل بسببها؟

الطفل يرتاح لا نومتيه على بطنه شوي ومسحتي على ظهره
يقولون انه مخفف للغازات

وهل يصلح لهذه الفئة من الاطفال اية اعشاب معالجة للمغص او الغازات مثل الكمون واليانسون ....الخ ؟

سمعت عن اليانسون \ مغلي النعناع
اسألي الدكتورة افضل

وشاركونا تجاربكم في رضاعتهم البطيئة .. قال لي الطبيب ان المواليد الاقل وزن من الطبيعي يكون

عندهم

ضعف في عضلات الحنك وبناء عليه يتعلمون المص بالتدريج ويكون بطئ لانهم يتعبون منه .. ؟

صحيح هالشي الرضاعه الطبيعيه من صدرج
ما راح يجربون معاه الا لما يوصل 1,600 تقريباُ
لأنه اذا قبل ياخذ عمليه جهد وبذلك بيقل
من وزنه
1,500 راح يعطونه خلال كوب هو يبلع
ويوم يتدرب على البلع يجربون معاه المرضعه
اذا شافوا اقباله للمص ممتاز يجربون الصدر
ويعودونه عليه هاللي سووه مع ولدي

اممم جربو مع ولدج الكوب والطفل قاعد يتقبل يشرب من الكوب؟

وحابه ردود مجربات جزاكن الله خير

ايضا الختان متى انسب وزن يكون للطفل ؟ واقصى عمر ممكن يتأخر عنده المولود ؟

لين الحين ما اعرف اذا تم ترخيص ولدي
راح اسأل الدكتورة بإذذن الله

متى قالو لج راح يرخصونه؟

وكم يفترض لهذا الطفل حديث الولاده ان يخرج باليوم من مره (يتبرز) ؟

النرس قالت لي خلال اليوم الواحد نبدله 8 مرات

متى راح يطلع طفلي من المستشفى ادا كمل كم من الوزن؟

انا راح يرخصونه بين 1.800 او 1.850
لما يشوفون وضعه تمام وكل شي
اقل من هالوزن ما راح يرخصونه

اهمشي كلشي تمام فيه ؟

ماذا عن نقص دم الطفل

شي طبيعي ينقص لأنه يكبر الطفل
في هالمدة بس اول ما يوصل للوزن الطبيعي
راح يتجدد الدم تلقائياً عنده

اهااا يوم نقص دم ولدج ركبو عليه دم ؟

:025::025::025:

هلا وجدان حبيبتي .. انا حبيت اضيف لج تجربتي .. انا ربيت على الاسبوع ال 25 .. يعني كان باقيلي 10 ايام تقريبا واخلص السادس ...

جبت ولد .. وسميته جاسم ... كان وزنه 760 غرام .. في اول اسبوع نزل لين 620 وبعدين رد يرتفع ..

wjdan;11589435:

السلام عليكم

اتمنى الاقي نفاعل يا أخواتي اللي عندها طفل مولود بوزن قليل أو مولود قبل وقته

ياليت تشاركنا بخبرتها ونتناقش بجميع أمورهم من جوانب كثيره منها مثلا :

كيف هي مناعته وهل صحيح ان قليل الوزن الولادي تكون مناعته اقل بحسب كلام الطبيب؟
مع العلم وزن طفليي الآن كيلو فقط

الصراحه موضوع المناعه بتتعبين فيه شوي .. انا لحد الحين وبعد سنه ونص ما اقدر اطلع اي مكان او اطلع اي وقت .. حتى فجمعة العيلة عندنا اذا اي احد مريض ما اروح لان بسرعه جاسم ياخذ العدوى ,,,

وكيف نحممهم ونتخلص من القشور المزعجة على اجسامهم ؟

موضوع القشور موضوع سهل .. لا تخافين ما راح يطول .. حاولي دايما تمسدين لهم بالزيت ..

هل طفلك كثير الشرقه : يطلع الحليب من انفه ؟ وماهي الحلول الانسب لهالحالة؟ومااسبابها ؟

جاسم تم يشرب شهرين بالانبوبه .. وبعدها بدا يمص .. بس كان يشرب 100 مل تقريبا لمده ساعه وزياده وهاي احسن طريقة .. ان يشرب بطيييء.. وبعد الشرب تخلينه ساعه على الاقل نايم على بطنه

وماذا عن الفيتامينات ؟
الفيتامينات اول ما تطلعين من المستشفى بيعطونج اياها .. وبتعطينه على الوصفة وخلاص ..

وماتجربتك بالغازات المزعجة للطفل وبكاءه المتواصل والتقلصات التي يعاني منها الطفل بسببها؟

انا الحمد لله كنت استخدم له منقوع التمر .. وكان مرتاح عليه ..

وهل يصلح لهذه الفئة من الاطفال اية اعشاب معالجة للمغص او الغازات مثل الكمون واليانسون ....الخ ؟

انا انصحج تستشيرين الدكتور اول .. لان عندي بنت حماي عطوها يانسون وكان فيها حساسية منه .. فلما عطوها تعبت وايد ... ومن سنه وهي كل شهر تاخذ ابره حساسيه .. فاستشيري الدكتور احسن خاصه ان طفلج مناعته ضعيفه ..

وشاركونا تجاربكم في رضاعتهم البطيئة .. قال لي الطبيب ان المواليد الاقل وزن من الطبيعي يكون

عندهم

ضعف في عضلات الحنك وبناء عليه يتعلمون المص بالتدريج ويكون بطئ لانهم يتعبون منه .. ؟

لا تخافين .. الموضوع يبيلي وقت وصبر .. شوي شوي بيتعلم ..

وحابه ردود مجربات جزاكن الله خير

انا تجربتي كان يمص على اقل من مهله .. ويتعب ويوقف شوي .. واحسه مرات ينسى .. فاحك له بصبعي ورا اذونه فيرد يمص

ايضا الختان متى انسب وزن يكون للطفل ؟ واقصى عمر ممكن يتأخر عنده المولود ؟
انا جسوم بعد ما طلع من المستشفى كان وزنه 1800 .. وختنوه بعد شهرين وشوي .. وعادي اذا تاخر .. حتى لو سار سنتين او ثلاث مو مشكلة

وكم يفترض لهذا الطفل حديث الولاده ان يخرج باليوم من مره (يتبرز) ؟

والله يعتمد .. بس اقل شي كل يوم ..

متى راح يطلع طفلي من المستشفى ادا كمل كم من الوزن؟

اهم شي وزنه ما يكون تحت 1800 .. ويعرف يمص ( يرضع ) الحليب عدل ..

ماذا عن نقص دم الطفل

والله انا جاسم انقلو له دم تقريبا 5 مرات ..

ياليت نطرح تساؤلاتنا ونحاول ايجاد الحلول لها لان معاناتنا قريبه من بعضنا والعشم بالمجربات ربنا لايحرمنا من وقفتهم ولايحرمهم اجر ذلك

أحب اضيف بعد .. ان جاسم تم في العناية شهرين وفي الحضانه شهر .. قبل ما يطلع من العناية ويروح الحضانه سوو له عمليه ليزر في عيونه الثنتين .. وتم 3 ايام تحت تاثير البنج .. لا ياكل ولا يشرب من التعب . بعدين تدريجيا تحسنت حالته ..

وبعد ما طلع من المستشفى سوو له عملية افتاق في الخصية .. وختنوه مره وحده مع العملية..

والحين بعد سنه ونص قرروا له نظاره لان عنده قصر في النظر ..

واذا في اي سؤال انا حاضره

الله يقر عينكم بشوفه عيالكم وهم في حضنكم

و الاخت وجدان ان شاء الله التوأم بخير و عافيه شنو سبب ولادتك بالسابع؟

فرح الهوى;11595106:
هلا وجدان حبيبتي .. انا حبيت اضيف لج تجربتي .. انا ربيت على الاسبوع ال 25 .. يعني كان باقيلي 10 ايام تقريبا واخلص السادس ...

جبت ولد .. وسميته جاسم ... كان وزنه 760 غرام .. في اول اسبوع نزل لين 620 وبعدين رد يرتفع ..

اهلييييييييييييين فروحه

شكرا حبيبتي والله يخلي لج ولدج ان شاء الله

:025::025:

مراوي;11595517:
الله يقر عينكم بشوفه عيالكم وهم في حضنكم

و الاخت وجدان ان شاء الله التوأم بخير و عافيه شنو سبب ولادتك بالسابع؟

اهلين حبيبتي :065:

ويخليج ويحفضج ياااااااااااارب:083:

الحمدلله بخير ولادتي كانت بسبب تمزق عنق الرحم من الربط وطلق مبكر كان من السادس بس الله الحمدلله كتب اني اولد بالسابع:096:

јǿđ;11596598:

اهلين خيو جوود

شخبار ولدج الحين وفي اي مستشفى انتي؟

الحمدلله ولدي بخير .. هو كان بالسلمانية ونقلوه
جدحفص عشان زيادة الوزن وتحسين الرضاعه

اهلين حبيبتي

الحمدلله انه بخير

كان وزنه كم يوم ينقلونه جدحفص؟

كم وصل وزن ولدج حاليا وكم صار لج من ولدتين؟

الحين ما شاء الله اللهم صل على محمد
وزنه 1.680 كغ .. تاريخ 25\2 بكمل شهرين

الحمدلله على كل حال والصبر من عند الله

اممم جربو مع ولدج الكوب والطفل قاعد يتقبل يشرب من الكوب؟

ايه الحمدلله جربوا معاه قبل لا يبدون المرضعه
والحمدلله كان يتقبل

الحمدلله الحمدلله

متى قالو لج راح يرخصونه؟

يوم يوصل وزنه ما بين 1.800 او 1.850 كغ

ان شاء الله على خير يرتفع وتشوفينه بين ايديش يااااااااااااارب

اهمشي كلشي تمام فيه ؟

ايه الحمدلله كل شي فيه تمام

الحمدلله

اهااا يوم نقص دم ولدج ركبو عليه دم ؟

ايه ركبوا له دم من نفس فصيله دمه وفصيلة دمي
لا تحاتين عن موضوع الدم
لو تخلين احد من قرايبج يتبرع يكون اضمن
اذا بتمين تحاتين يعني
انا ما كان عندي احد وكنت اتوكل على الله ربي الحافظ

اي ركبو له مره من المستشفى وعلى الله

كان وزنه 1.510 يوم نقلوه هناك بس اول 4 ايام كان ينقص
وبعدين صار اوكي

\

تصدقي وجدان دفعه بلا لج ولهم ولزوجج
وقبل لا تعطين احد الفلوس اي مبلغ كان لو ان شاء الله 500 فلس
قولي يا رب سهل على مواليدي ويطلعون بالسلامه ويا رب يزيد وزنهم
حتى لو شفتي عامل نظافه ينظف بالشارع
وتمي دوم ادعي ادعيه وبتشوفين الخير ان شاء الله


امس الدكتورة قالت لي ما بنرخصه االا اذا وصل 1.880 او 1.900
وربي يعين ويسهل

јǿđ;11607510:
كان وزنه 1.510 يوم نقلوه هناك بس اول 4 ايام كان ينقص
وبعدين صار اوكي


اها يارب ان شاء الله يعطونج اياه في القريب الآجل

تصدقي وجدان دفعه بلا لج ولهم ولزوجج
وقبل لا تعطين احد الفلوس اي مبلغ كان لو ان شاء الله 500 فلس
قولي يا رب سهل على مواليدي ويطلعون بالسلامه ويا رب يزيد وزنهم
حتى لو شفتي عامل نظافه ينظف بالشارع
وتمي دوم ادعي ادعيه وبتشوفين الخير ان شاء الله

اي حتى لو حطيته في صندوق الصدقات او التبرعات عادي له ؟


امس الدكتورة قالت لي ما بنرخصه االا اذا وصل 1.880 او 1.900
وربي يعين ويسهل

الحمدلله على كل حال يالله بطلعة ولدش يودون اولادي جدحفص ان شاء الله

بسئلش كم تم ولدش في السلمانيه ؟

وكم صار ليه في جدحفص؟

خلونا نتعرف على بعض اكثر ونجاوب على هالاسئله الي يت في بالي



بأي أسبوع ولدتيه ؟

سبب الولاده المبكره ؟

كم كان وزنه ؟

هل تعرض لتنفس صناعي وهل أثر عليه او على نموه ؟

هل اخذتي ابرة الكورتيزون (الي تساعد على سرعة اكتمال رئة الجنين) ؟

كم عمره الان ؟ وكم وزنه ؟

شو الاثار الصحيه الي صابته بسبب الولاده المبكره ؟ وكيف تتعاملين معاها؟

هل تحسين انه في فرق بينه وبين الطفل الكامل (الي نولد فالتاسع) ؟

كيف كانت عنايتج له بعد ماطلع من الشيشه او المستشفى ؟


والي في بالها اي سؤال تطرحه

وياليت كل ام مرت بهالتجربه او اي وحده تعرف حد مر فيها تخبرنا عنها

يعني لاطنشون الموضوع ويستوي مهجور الله يخليكم يعني غصب عطونا ويه

http://forums.3roos.com/showthread.php?t=438815

wjdan;11618343:
خلونا نتعرف على بعض اكثر ونجاوب على هالاسئله الي يت في بالي


هلا حبيبتي وجدان ..


بأي أسبوع ولدتيه ؟
25


سبب الولاده المبكره ؟
الاتهابات ... الله يجير كل وحده منها

كم كان وزنه ؟
760 غرام

هل تعرض لتنفس صناعي وهل أثر عليه او على نموه ؟
تم شهر ونص على التنفس الكامل .... وتدريجيا قاموا يشلونه ويعودونه على الي بالخشم .. واكيد اثر عليه .. كنت احس حيله مهدود
هل اخذتي ابرة الكورتيزون (الي تساعد على سرعة اكتمال رئة الجنين) ؟
الحمد لله آخر وحده خذيتها قبل ما اولده ب 48 ساعه

كم عمره الان ؟ وكم وزنه ؟
عمره سنه و7 شهور فديته ووزنه 10 كيلو ..

شو الاثار الصحيه الي صابته بسبب الولاده المبكره ؟ وكيف تتعاملين معاها؟
صار معاه نزيف في العين .. سوو له ليزر بعد الولاده بشهرين ..
والحين احاول وياه بالغصب عشان يلبس النظارة لان طلع فيع قصر نظر
الشي الثاني الافتاق .. والحمد لله انحل بالعملية.. ولما وديته اخر مره للدكتور يقول ان الخصية توها ما انزلت عدل .. يعني لما يمشي شهرين وزياده بتتعدل

هل تحسين انه في فرق بينه وبين الطفل الكامل (الي نولد فالتاسع) ؟
اكييييييييد احس فوايد اشياء .. من ناحيه الصحة يفرق وايد .. هو يبيله عناية خاصه مو نفس الاطفال العاديين ..
بس تصدقين ان اشوفه ينتبه ويركز اكثر من الاطفال العادييين .. سبحان الله !!

كيف كانت عنايتج له بعد ماطلع من الشيشه او المستشفى ؟
الله يخلي الوالده .. تم عندها 9 شهور ... وايد ساعدتني وتمت تسهر عليه وياي ..


والي في بالها اي سؤال تطرحه

وياليت كل ام مرت بهالتجربه او اي وحده تعرف حد مر فيها تخبرنا عنها

يعني لاطنشون الموضوع ويستوي مهجور الله يخليكم يعني غصب عطونا ويه

ولا يهمج .. انا وياج .. :02::02: وان شاء الله المره الجايه بحط لكم صورة في NICU

بأي أسبوع ولدتيه ؟

كنت 31 اسبوع و3 ايام .. بس حسبوه لي 32 اسبوع

سبب الولاده المبكره ؟

خلل بأداء المشيمة ما كانت توصل الاكسجين \ الغذاء والدم الكافي له
وغير كذا الماي كان حوالينه ناقص


كم كان وزنه ؟

اول ما طلع 740 كغ

هل تعرض لتنفس صناعي وهل أثر عليه او على نموه ؟

لا الحمدلله ركبوا له اول يوم بعدها شالوه ثاني يوم
تبارك الرحمن ما كان محتاج له وتنفسه طبيعي الحمد والشكر لله

هل اخذتي ابرة الكورتيزون (الي تساعد على سرعة اكتمال رئة الجنين) ؟

ايه خذيتها قبل اسبوع من العمليه تقريباً على نحو دفعتين

كم عمره الان ؟ وكم وزنه ؟

عمره الحين الله يحفظه بكرة بيكمل شهرين .. ووزنه اللهم صل على محمد
1.800 كغ وربي يزيد ويبارك

شو الاثار الصحيه الي صابته بسبب الولاده المبكره ؟ وكيف تتعاملين معاها؟

سألت الدكتورة اليوم قالت لي الحمدلله ما صادته لحد الآن مضاعفات
وان شاء الله يا رب ما تصير له

هل تحسين انه في فرق بينه وبين الطفل الكامل (الي نولد فالتاسع) ؟

اكيد الخديج معروف انه يبي له عنايه اكثر من المولود طبيعي
خاصه انه ما اكتملوا اجهزته داخلياً بالرحم فـ يتكونون بالشيشه
وغير كذا وضعه يكون حساس جداً وقابليه للعدوى بشكل كبير
وهذا كلام الدكتورة وبحث من الانترنت بخصوص العنايه بالخديجيين

كيف كانت عنايتج له بعد ماطلع من الشيشه او المستشفى ؟

ان شاء الله يطلع بالسلامه الاسبوع الياي بإذن الله وبقولج

الحمدلله ربي حمدا كثيرا ادعو لاطفالي ان شاء الله بالصحه والعافيه

الحمد لله على السلامة
وان شاء الله يطلعون عيالج بالسلامة وتجوفينهم بحضنج

حمد لله على السلامه مشاء الله البنات ما قصرو بس حبيت اضيف بدل النعناع او اليانسون استخدمي نقاط اديفلات افضل اسالي عنها دكتور الاطفال