عندك طفل ((خديج ))أو ((وزنة قليل ))تعالي نتشارك التجارب والنصايح ونفيد بعضنا

وجدان اذا شفتي مواضيع عن اهتمام الطفل الخديج
حطيهم بهالموضوع

هلا ..حبيباتي..أنا حابة انضم لكم..عشان نستفيد ونفيد بعض..

ونخلي هالموضوع تجمعنا..اللي نناقش فيه مواضيع أطفالنا..

الله يخليهم لنا..ونشوفهم معاريس..

الشوق كم عمر ولدج او بنتج؟
بأي اسبوع يبتيها
هذا موضوع عادي مو تجمع

јǿđ;11846054:
هلا حبيبتي مرات مرتين مرات 3 مرات يعتمد على الوضع
والحين صا ر له
3 اسابيع و 3 ايام

هااا شخبارش وياه متأقلمه ويه الوضع لو صعب ؟

јǿđ;11846079:
وجدان اذا شفتي مواضيع عن اهتمام الطفل الخديج
حطيهم بهالموضوع

اوكي من عيونيي وانتي بعد ادا شفتي ضيفي

wjdan;11858565:
هااا شخبارش وياه متأقلمه ويه الوضع لو صعب ؟

لا الحمدلله ولدي هادئ بس يصيح يو يصيده غازات او امساك

ابقولج حطي سورة البقرة في تلفونج وكل مرة تروحين شغلي
ترى وايد زين انا كنت اسوي جذي

јǿđ;11859609:
لا الحمدلله ولدي هادئ بس يصيح يو يصيده غازات او امساك

ابقولج حطي سورة البقرة في تلفونج وكل مرة تروحين شغلي
ترى وايد زين انا كنت اسوي جذي

الحمدلله ان شاء الله دووووووووووووووم


بقولج اولادي اوزانهم تقريبا كيلو ونص تعتقدين باقي عليهم كم عشان يطلعون ؟

هلا اختي .. الله يقوم اولادك بالسلامه ان شاء الله وتقر عينك فيهم ..

بس حبيت اخبرك علشان الغازات وانتي بكرامه .. انا عيزت مع ولدي بجميع انواع الاعشاب وماكو فايده..

بس وصف له الدكتور دواء عن الغازات فتره وماعاد تاثر فيه وانا قلت احسن عن لا يتعود على الادويه ..

بس الي مشى معاه والحمدلله قطعة قماش يبيعونها اسمها "هبي تومي" مره ارتاح لها ..

http://www.onestepahead.com/catalog/product.jsp?productId=523777&parentCategoryId=85180&categoryId=85200

وهذا الرابط حقها واهي قماشه فيها قطعه حراريه براحى البابونج والليمون والنعناع تهدىء البطن ..

وبتحسين بالفرق على طول .. جتني فتره حتى وقت النوم اخيها عليه .. والحمدلله الحين اهو بخير و عدء هالفتره ..

وعلشان الشرقه .. انا جته اول اسبوع تقريبا لانه كان بالع ماء موصخ من الرحم فسووا له تنظيف وحطوا عليها الاكسجين لمدة 5 ايام ..

بعدها قالوا لي انه يمكن يخرج من انفه ويبلع هواء واجد ..

فوصاني اني اخليه ينام على الكار سيت حقه لين يتحسن علشان لا يختنق من الشرقه..

واذا ماعند كار سيت استخدمي الهم جلاسات عاديه بس تكون سيفتي وبطنيها بشيء ناعم علشان الظهر لا يتعب ..

والله يعافي ويشافي اولادكم جكيع ان شاء الله ..

وادعوا لولدي بالصحه والهدايه..

جود ووجدااان الله يعينكم ويساعدكم

ويرد عيالكم بحضنكم وتقر عيونكم بشوفتهم

كلها بتصير ذكرى

بنتي الحين الحمد لله قريب تكمل سنة

جبتها بنهاية السابع 30 اسبوع

وترى لا تقرون شي من النت كله هراااااااااار ويخليكم تحاتون وتخافون

وهو كلش عادي وطبيعي

شاركواا بمنتديات وسوا لكم تجمعات احنا الحمد لله عندنا تجمع امهات الخدج على هالرابط حياكم تفيدون وتستفيدون

http://go.3roos.com/e6MaxcxXb8j

واي شي حابين تسالون عنه تراني حااضرة

يقااااااال صاارت عندي خبرة

ليش ما يطلع اسمي ؟؟؟؟؟؟؟؟؟؟؟؟؟؟؟

صباح الخير بنات ..

من وين احصل هابي تامي هذي ؟؟

wjdan;11760366:
هلا والله اولادي في السلمانيه الله يحفضهم

اهاا بس كم كان وزنه يو تولديه وكم بقى في المستشفى الى ما زاد وزنه؟

الله يخليه لج ولا يحرمج من شوفته ياااااااااااارب:025:

كان وزنة 1.800 وبعدين وصل 1.600 وبعدين 1.500 وبعدين رد زاد الى 1.700 إلين ما وصل 1.900 عطوني اياة :) ظل تقريباً ثلاثة اسابيع في المستشفى ..

كيف هي مناعته وهل صحيح ان قليل الوزن الولادي تكون مناعته اقل بحسب كلام الطبيب؟ انا ولددت ابني بالثامن ومناعته اقل يتحسس من اي احد يصيبه زكام او كحه هو الحين عمره 8 اشهر

وكيف نحممهم ونتخلص من القشور المزعجة على اجسامهم ؟
كنت اجيب قطع قطن واحطهم فماء فيه صابون وشوي شوي امسح عليه

هل طفلك كثير الشرقه : يطلع الحليب من انفه ؟ وماهي الحلول الانسب لهالحالة؟ومااسبابها ؟
ايوا كان كثير الشرقه وكنت بعد ما اعطيه الحليب ارفعه ع كتفي عشان يطلع الغازات منه

وماذا عن الفيتامينات ؟
الفيتامينات كثيرر مفيده تفتح شهيته وخليه كل شوي يشرب حليب وبكذا بيزيد وزنه ان شاء الله

وماتجربتك بالغازات المزعجة للطفل وبكاءه المتواصل والتقلصات التي يعاني منها الطفل بسببها؟

وهل يصلح لهذه الفئة من الاطفال اية اعشاب معالجة للمغص او الغازات مثل الكمون واليانسون ....الخ ؟
انا كثير كنت اسوي له كمون ويانسون مع بعض اغليه فماي واخففه واعطيه يشربه
وشاركونا تجاربكم في رضاعتهم البطيئة .. قال لي الطبيب ان المواليد الاقل وزن من الطبيعي يكون

عندهم

ضعف في عضلات الحنك وبناء عليه يتعلمون المص بالتدريج ويكون بطئ لانهم يتعبون منه .. ؟

وحابه ردود مجربات جزاكن الله خير

ايضا الختان متى انسب وزن يكون للطفل ؟ واقصى عمر ممكن يتأخر عنده المولود ؟ انا الدكاتره قالوا لي انسب وقت لما يدخل التاسع بس متعب كثير ولدي الأسبوع الجاي بيجرو له العمليه

وكم يفترض لهذا الطفل حديث الولاده ان يخرج باليوم من مره (يتبرز) ؟
مرتين كان ولدي بس
متى راح يطلع طفلي من المستشفى ادا كمل كم من الوزن؟ انا ولدي طلع كليو و700 يعتمد ع حسب المستشفى

ماذا عن نقص دم الطفل
ولدي كان ناقص دمه ولحد الحين اعطيه دواء الحديد وبعد عنده انيميا نقص الخميره

كيف هي مناعته وهل صحيح ان قليل الوزن الولادي تكون مناعته اقل بحسب كلام الطبيب؟ انا ولدتة بالثامن وللحين ما ادري اذا مناعتة ضعيفة او لا بس عندة حساسية في جسمة

وكيف نحممهم ونتخلص من القشور المزعجة على اجسامهم ؟
عادي اجيب بانيو سباحة وعمتي تمسكة وتفركة وانا اصب الماي علية

هل طفلك كثير الشرقه : يطلع الحليب من انفه ؟ وماهي الحلول الانسب لهالحالة؟ومااسبابها ؟
مو وايد قليل شفتها مرتين او ثلاث بس

وماذا عن الفيتامينات ؟
انا عطيتة الفيتامينات بس اللحين صايرة كسولة ما اعطية على طول

وماتجربتك بالغازات المزعجة للطفل وبكاءه المتواصل والتقلصات التي يعاني منها الطفل بسببها؟

وهل يصلح لهذه الفئة من الاطفال اية اعشاب معالجة للمغص او الغازات مثل الكمون واليانسون ....الخ ؟
اااااااااه على المغص للحين يعاني منة جربت كل شيء بس اللي شوي نفع معاي اهو بانسون من هملايا وولدي ما يخرج على طول :(
اعطية مرقدوش مخفف وماي الحلوة مخفف وماي اللقاح مخفف بعد مافي فايدة .. عطيتة قطرات من سيناميل اعتقد جذي اسمة بعد مافي فايدة وارفعة اذا رضع ونفس العملية مافي فايدة .. يتعصر على طول
وشاركونا تجاربكم في رضاعتهم البطيئة .. قال لي الطبيب ان المواليد الاقل وزن من الطبيعي يكون

عندهم

ضعف في عضلات الحنك وبناء عليه يتعلمون المص بالتدريج ويكون بطئ لانهم يتعبون منه .. ؟
اي فعلاً بس اول الايام بس بعدين عادي اوكي يصير
وحابه ردود مجربات جزاكن الله خير

ايضا الختان متى انسب وزن يكون للطفل ؟ واقصى عمر ممكن يتأخر عنده المولود ؟ انا الدكاتره قالوا لي ما ادري بس انا من بعد ما طلعوة من الشيشة وعطوني اياه ختنتة وسألت الدكتور قال لي عادي يعني كل ما كان الطفل عمرة اصغر كل ما كان احسن لانة اذا شوي كبير ويفهم بيعوورة ..
وكم يفترض لهذا الطفل حديث الولاده ان يخرج باليوم من مره (يتبرز) ؟
المفروض مرتين او ثلاث بس ولدي خير شر ما يخرج :( وتعبت معاه والدكتور يقول طبيعي بس ما احسة طبيعي كلش لانة ما يخرج الا اذا حطيت لة حقنة :(
متى راح يطلع طفلي من المستشفى ادا كمل كم من الوزن؟
ولدي طلع ووزنة 1.900
ماذا عن نقص دم الطفل
ولدي مو ناقص دمة بس عندة نقص الخميرة وهذا عادي ..

اي الحمدلله على كل حال

اففففففف اشتقت ليهم واجد وتمللت من النطره ياربييي

سأصبر حتى يعجز الصبر من صبري .. واصبر حتى يأذن الله في امري .. سأصبر حتى يعلم الصبر اني صابر .. على شئ امر من الصبر

الحمدلله الحمدلله الحمدلله شكرا لك ربي شكرا كثيرا

الله يفرح قلوبكم فيهم

اختي يتوم .. انا شارتنه من امريكا من نفس الرابط الي حاطته لكم ..

بس ماادري اذا يتوفر في دول الخليج او لا

عزيزتي وعن تجربه انا بنتي الصغيره اجت وزنها كيلو وانولدت 7 شهور وحتى اظافر ما كان عندها
هو انسان طبيعي ميه الميه بس بدك تديري بالك منه في اول الفتره وخصوصا من البرد وانا كنت احممها عادي وبس ازيد من ترضيعها صحيح انها في اول الفتره مهما رضعتها ما كانت بتكبر بس بعدين تحسنت وكبرت وما شاء الله عليها
زيها زي غيرها من اخوتها واحسن كمان الحمد لله

السلام عليكم

مرحبا وجدان اخبارك! واخبار عيالك!

اغلب الظن 1.850 او 1.900 راح يطلعونهم
انتي بس لا تحاتين وكل شي بيكون تمام

\

يتوم ترى مو زين الكسل بيأثر عليه بعدين داومي بالفيتامينات
انا احيانا انسى ويعورني قلبي عليه