.. || تجهيزات عرائس ( البحرين ) لشهر ربيع الثاني 1431 - 2010 م / الجزء = 63 || ..

:)
الله يسهل

:)
الله يسهل

فاطمة09;11672723:
مرحبا بالنسبة لفساتين السهرات ..

في خياط اسمه ام نواف في توبلي .. إذا انتي عندج موديل تضبطه معاج ..

أنا اتعامل معاها في فساتين السهرات إذا أبي أفصل ..

بس أنا دائما أختار الموديلات البسيطة عشان تضبطها .. بس شفت كذا وحدة مفصلة عندها وخياطها حلو واسعارها زينة تبدأ ب 25 دينار ,,,

وفي خياط الأولى في المحرق .. هذا حق الشك حلو .. بس اسعاره غالية شوي ..

وفي محل جديد في جد علي يخيط فساتين اعراس ومناسبات ويأجر ..

إسمه أمور .. فيه بنتين بحرينيتين .. إذا عندش موديل يضبطهم ..

مشكورة حبيبتي انا بعد سمعت عن ام نواف بس أبي وصف للمكان
ووصف محل أمور اذا ماعليج أمر وأجدد شكري لج ولتعاونج معاي

عندج خيايط اللي في توبلي كلهم خياطهم مرتب
انصحج برتيبه والشرف واللي يمه ...

مشكورة أختي شوشو بس بغيت وصف للمحلات اللي ذكرتيها

صدى دمعة;11675966:

السلام عليكم..

حلوووووومه بغيت ملف التجهيزات .. إذا ممكن ..

شوشو 87;11674274:
الحمدالله انج حصلتي الفستان وعاجبج أهم شي أفتكيتي وموفقه ياررررب ..

تسلمين ابوي مشكورة :083:

.. الجوهره ..;11674591:

سلاااااااااام ..

شخباررركم بنوتاااات ..

جيت لكم مع تقريري الى طلعة اليووووم ..

اول شي لازم اقول لكم ان خطوبتي تأجلت الى تاريخ 3\5 :091:

لأن احتمال كبير يصادف تاريخ 27 وفاة السيده فاطمة الزهراء (ع) ..

رحنا و غيرنا الحجزز ..

وحجزت الاستديو بعد لأني ماابي صحاري , حجزت سكوووب ..

و بعدين ابتدأ الشوبنق :03:

رحت اول شي مجمع اللولو , ماعجبني ولا شي خخخخ

ضيعت وقت بس

و بعدين رحت مجمع البحرين ..

اول محل دخلته ساعة الصفوه , اشتريت ساعه لـ :032: لأن عيد ميلاده قريب ..

بعدين توجهت الى العطور ,, صراحه افتر مخي !

انا ماحب العطور العربيه , و يقولون لي حلات العروس بالعطور العربيه و في النهايه ماشريت شي , قلت بسأل الترجيه عن عطر عربي حلووو و يصلح لعروس :037: لأنها ماشاء الله عليها خبررره بالعطور العربيه ..

شفت عند اجمل عرض الى عطرين رجالي و عطرين نسائي بـ25 دينار ..
الي تبي من البنات تروووح تجيك , و كلها جديده على حسب كلامه ..

و اذن و انا عند العطوور رجعت البيت صلينا و انطلقنا الى السيتييي ..

او محل دخلته رجالي اسمه pierre cardin غني عن التعريف طبعاً ..

كان عندهم سيل فضييييييييع صراحه 75% ..

يعني الاقمصه الي كانت 50 دينار صارت 12و نص فقط ..

هالمحل عجيييييب واذا سوه تخفيض اسوي بالهبل
وانشالله انا ناويه آخذ لخطيبي حق عيد ميلاده
من هالمحل

و كل شي عندهم راقي و حلووو ..

شريت قميص و تاي و كبكاات ..

و بعدين رحت ماكس , شريت ملابس داخليه والله يستر من الكواليتي خخخخ

بنات الي جربت الملابس الداخليه لماكس تعطيني خبررر ..

شريت بـ15 دينار و عطوني فوجر بـ3 دينار , عندهم عرض بعد , بس ماشريت شي كنت مستعيله قلت مره ثانيه اذا رحت بشتري بالفوجر ..

و بعدين رحت سنتربوينت ,, عشان الميكب ..

ماكثرت صراحه و فيه اشياء عليها سيل بعد 20% ..

شريت قلوزين و 3 روج و الوانهم كانت واااااووو

الله يذكر انا الشوق بالخيررر ويوفقها ياارب كانت تمدح ماركة NYX و خذت منها الوان حلوووه على مدحها الماركه امريكيه و رخيصه اسعارها ..

و بعد شريت من لوريال قلووز و من ميبي لين مووس و بعد شريت محدد لحمي ..

و انا عندي ميكب عشان جذي ماكثرت ..

و بعد لي روحه قريبه الى MAC ان شاء الله ..

و خلاص يت 10 و المحلات سكررت ..

و طفو علينا الليتات خخخ و طلعت و رحنا تعشينا ..

دعواتكم حبوبات بالتوفيق و التيسيررر

يعطيج العافيه على التقرير الحلو

.. الجوهره ..;11674621:

عسكررريمه ..

خاطري اشوف الفستان على وصفج .. شكله واااااااو ..

ربي يوفقج و يتمم لج على خيير ..

و مثل ما قلتي 3 شهور ماراح تأثرر ..

انشالله اراويكم اياه اول مااستلمه

بس مابارويكم اياه كامل بس جزء منه هههههه << نحاسه :013:

عشان مايروح موديله وزهوته لا خلوه للعرس اتجوفونه احلى :041:

.. الجوهره ..;11674723:

ايه صح نسيت اقول لكم بنات ..

خلاص استقريت على الماكييره ابتسام كمال و حجزت عندها و بس لحد الان مادفعت عربون ..

ابتسام رح تكون ميكب و عايده النعيمي شعرر ..

و قالت لي 3 و نص اروح لهااا

و بتخلصني ع الـ8 ..

شرايكم حلوو التوقيت او لا ؟؟

:01:

انا ماانصح عروس اتخلص هالوقت المفروض 6 او 6 ونص بالكثير انتي خلاص خلصتي وجاهزه

وعن سالفة تدخلين الصاله الساعه 11 وايد متأخره دخلي 10 ونص احسن

ترا وراج لويه في الصاله من تصوير ولبس الدبل والطقم وتقطيع الكيك وغيره وغيره

يعني احس مو اوكي

بس مادري يعني الي يريحج خيتو

هذيــان;11674892:
نصيحة من اخت لاختها قد ماتقدرين لا تاخذين موعد متاخر
لا في الاستوديو ولا الصالون
كان موعدي للتصوير في الاستوديو 7 .. بس لما رحت لهم 6 الا تقريبا والمكان فاضي دخلوني
والتصوير طبعا ياخذ وقت .. لان يصورونش صور الدنيا والدين وعقب تختارين
وتعالي كل حين غيري طريقة اللقطة .. ويصوروش بروحش وخطيبش بروحه وانتون مع بعض
ويصورون الطقم والذهب و و و .. فـ تعرفين يعني كم بتاخذون في التصوير

اذا رحتين الاستوديو 9 متى بتخلصين ومتى بتروحين الصالة وبتدشين
11 وقت متاخر بالنسبة لي .. ما احب العروس تدخل وقت متاخر ..
احسها ماتشبع من ليلتها .. وغير هذا ماتبين تصورين في الصالة؟
متى بيمديش تدخلين وتصورين والاوادم تسلم عليش؟

اذا تقدرين قدمي موعد الصالون والاستوديو عالاقل ساعه ..
جان 10 تكونين في الصالة و10 ونص داشه .. :014:


في خطوبتي دشيت 10 .. واحس ما استانست :057:
ربعي جايين يسلمون عليي والفلبينية مالت الاستوديو معصبة لان تبي تصور
وتميت الى 1 الفجر في الصالة وياهم يصورون فيني .. حتى على اخر الوقت كان مبين علي التعب في الصور

>> كأني هذرت وااجد ؟ :040:

وانا مع كلاج :ok::087:

°&#1109;&#965;&#1109;&#1085;&#1111;flo&#969;&#949;&#1103;°;11675200:

آيسكريم فديتج:087:
ومبروك حصلتي الفستان زين افتكيتي بروحه هم شكبره:057:..بس بقولج عميتيني بخطج مو واضح :023:

اي والله الفستان هم شكبره والحمدالله افتكيت منه وارتحت

ههههههه اسملع عليج من العماي

غيرت الخط هلون زييين؟؟

يمكن من اللون بس عشانج بسويه جذي اوكي؟؟

وجــ ــود;11675706:

خلق تايقر

اتوقع بتحصلين في محلات مجمع مدن .. هناك محلات العرادية .. وفلاح حسن

تصدقين من طلعت موضة التايقر ما لبست منه شي

صار خاطري في شيفون تايقر اسويه فستان ناعم :03:

ااااااي وانا نفسج من طلعت هالموضه ماقمت البس مع اني من عشاق التايقر
وتصدقين راحو عن بالي هالمحلات
اكييييد بحصل عند العراديه

يبيلي روحه :013:

وانا بعد بسوي لي فستان قصير ناعم من الشيفون على تايقر وجم شغله
اذا خذيت الخلق براويكم اياه وبقولكم عن الموديلات الي بسويها
وبس يجهزون اراويكم اياهم :094:

الحمد لله .. اهم شي افتكيتي من الفستان

اهم شي المحل اهني في البحرين ... يعني مافيه روحه وردة السعودية

ودام مقاسه مضبوط عليج هذا احسن شي .. بس هاااا :047:

هالله هالله في ثبات الوزن .. حاولي خلال هالـ3 شهور
ما يزيد وزنج او ينقص:014:

دام ان الفستان صار عليج مرتب وانتي جذي خلاص .. لاتقولين بسوي ريجيم او تاكلين فوق المعدل :014:

عليج اللحين باقي الحجوزات .. وان شاء الله كل امورج بتتيسر

للحين اذكر لما قلتي (( خلاص ما بسوي عرس ولا شي )) :085::085::085:

جفتي شلون كل الامور انحلت وتيسرت .. وبتسوين احلا عرس بعد

من وصفج صار خاطري اجوف الفستان :02: شكله روعه

عليج بالعافيه فييييه .. :072:

اي اهم شي من هالهم افتكيت

وانا الله يسلمج نو ويه اروح السعوديه حق فستان زواجي

مو عشان شي بس اولا انا مااحب اروح السعوديه وايد
وثاني شي بقعد احاتي شصير شمايصير

وفوق هذا مادري احس الفستان مو حلو يكون من برا

والبحرين ماشالله فيه محلات وايد وعدله وحلوه

تصدقين امس يوم كنت عندها في المحل يت وحده مسويه اوردر لفستان لها من امريكا تخيلي

بس الفستان بصراحه كرييه حتى صاحبة المحل قالت بس ماقالت قدامها يعني تعرفين عروس حرام

ويايبته لها تبي طرحه اتغطي الفستان مايبين

يعني جوف الصدمه شلون مو حرام خسرة على فستان وطلع مو لهناك وبتخسر على الطرحه الحين جوفي جم

عالعموم مو موضوعنا وايد اندمجت ههههههه :085:

وعن الوزن الله يسلمج سكتي خلاااااااااااص بوقف عن الاكل

صاير اذا انقهر او متضايقه اطلع حرتي في الاكل بس لا مابي جذي موزين هههههه :085:

وخلاص قررت اوقف واسوي اتشونة رجيم

بس استانست دام جسمي نفس جسم العارضات هههههههههههه في امل يعني

واي يختج جفتي من كنسلت ومابسوي عرس
وجوفي شلون الحين الحمدالله رب العالمين

وبراويكم الفستان اول مااستلمه

بس جزء منه مابراوكيم اياه كامل :041:

[/CENTER]