آيسكريم;11809736:
بكتب لكم تقرير امس
اول ماطلعت من الشغل رحت وديت فستاني كنت ابي شغله فيه يسونها
وبعدين انطلقت الى الستي سنتر مع زوجة اخوي طبعاً مو بروحي :094:
لانه مااحب ولااعرف اتسوق بروحي اله اذا بروح حق شغله وحده وسريع واطلع اوكي
المهم ماعلينا من الهذره :037:
وجان ادخل الستي وادور محلات اتبيع فساتين ناعمه وشغلات حق اعياد ميلاد يعني وجمعت بنات
لانه يوم الخميس بروح السعودية عيدميلاد اعيال اختي وبسونها في ( مزرعه) عاد اهم مزارعهم غير هنااااااك وناسه حدهم شي وراقين المهم وكل الأهل بكونون موجودين
وانا من انخطبت للحين ماجافوني :057: :094: لانه ماروح السعودية وايد مااحب
واهمه يياتهم قليله ماعلينه
فازم ابي اكشخ اشويونات
بنات لكن الستي مافيه ولااااااااااااااا شي كل شي خماام يعني بس حصلت في محل ريفا دورت شي بـ 30 ماحصلت قلت باخذ ماكسمم 40 هم ماحصلت اسعارهم كلها 56 و 60 ورايح
يعني انا مابي بهالسعر بصراحه لاني اوشكت على الافلاااااااس :094:
المهم وجان واحنه نمشي وقفتني وحده عشان انجرب عطر وانا طلعت من الشغل ناسيه عطري في البيت وكنت ابي اتعطر فيعني حجه في حاجه وقفت عناد :094:
لكن ريحت العطر شنوووووووو رووووووووعه تهبل استخفيت عليها بس ماخذيت مع انه سعرها روعه وريحتها ثابته اكا للحين ريحتها في عباتي وكأني توني راشه لي منها
اسمها الزرقاء وحط بخور عود اتقول تايلندي لكن ريحته فضيييعه وشممتني عطر ثانيه بعد بس نسيت اسمها لون الغرشه بنية
على العموم اهم اعتقد تبع عطور دار الطيب لمحت مكتوب شي جذي
وبس وجان اطلع من هناك حزينه :( ماخذيت شي وباجر بروح السعودية ومايمديني
حتى 1002 رحته ومافي شي
عاد بروح اليوم فيليا وبنجوف اكيد بحصل لي شي منهم واذا ماحصلت قمة الاحباط بتصيدني
:091:
وبس هذا تقرير حق امس
كله هذره مو :037:
يعطيش العافيه عالتقرير :037:
وردالروان;11810413:
صباحكم عسل ،عدنا والعود أحمد مع اول تقرير بس قبل كل ما احلل اي وحدة تنقل موضوعي او صوري خارج منتدى عروس لانه اهداء لهم ..
تقرير الجلوة
اولا الجلوة كانت في مكان عود وحطيت مسرح كبير تقريبا 5 متر وستايله مكس يشمل هندي +تراثي
ثانيا الملاية اهي بسام
ثالثا التوزيعات عندي اشكال منها واتمنى تكون افكاري جديدة وحلوة للكل
بما ان الجلوة تراثية فحبيت كلشي يكون تراثي حتى التوزيعات
*التوزيعة الاولى :
المفروض نحط الكاكو مثل المعتاد بس قلت لكم تراثية (اشياء قديمة فقط) فبدلت الكاكو بالتمر ،وهاي شكله:
واخذت غراش الماي ورد الصغار اللي هابين فيهم بس استخدمتهم بطريقة غير
والشي الثالث اخذت شبة وبخور وفصلتهم وبعين صريتهم في قماش مال لول بس للأسف ماعندي صورته
المهم واخذت هالثلاثة الاشية وحطيتهم في جفير صغير وصريته بقماش مال لول زري ومن نوع ثاني وهاللون طبعا مثل لون ثيابي وهاي صورته
*التوزيعة الثانية كانت مكسرات في قماش زري جاهز
*التوزيعة الثالثة: حنة خليتها في شي مصنوع من سعف وداخلها مبطن بالطربال عشان الحنة مايلعوز
*التوزيعة الرابعة:شي مصنوع من السعف وبعد داخله اشية قديمة بس ما املك ولا صورة
المهم طلبت من هلي يلبسون اثواب نشل بما ان الجلوة تراثية وانه كنت بلبس ثوب نشل بس الله كاتب ان اغير والبس شي ما كان في خاطري بس عشان اتميز فيه
فلبست بنجابي من خلق الساري المشكوك وخليت موديله غريب مو مثل المعتاد بحكم طبعي لان ما احب الشكل الروتيني والمعتاد ولبست معاه صندل جنه طقم مع الخلق لدرجة الكل اعجب فيه ههههههههه وكل من يتكلم عنه
سويت شعري تسريحة هندية واطرافها مرتفعة طبعا ما اعرف اشرحها ولبست اكسسوارات عروس هندية طقم كامل (جفين ،تراجي وعقد والسلسلة من الشعر للخشم بس استخدمتها بطريقة ثانية ،واللي على الراس)
والميكب بطريقة هندية وجريء لان احمر
وبما ان الجلوة تراثية فخليت الدخلة او الدزة تراثية بحيث تغطيت بمشمر مال عروس لول وغطيت ويهي وما كان يبين البنجابي فصرت طقم مع هلي اللي ماقصروا فديتهم كلهم اثواب نشل ويننون
المهم ودخلت في بداية الدزة 2 يهال من عايلتي (ربي يحفظهم )لابسين ثوب نشل وعليهم قبقب
بعدهم اختي (الله يخليها)حاملة شي من سعف محطوط فيه الشموع الغريبة تتناسب مع الستايل الهندي ونفس لون ثيابي وفي الوسط بين الشمعتين اناء شفاف فيه الماي ورد بالزعفران (حاليا صورته مو عندي لكن عقب ان شاء الله احطها للي يطلبها)
بعدهم انه وميودتني نور عيني والله يحفظها ويسلمها امي الغالية
وبعدي اللي يخلي بنت خالي اللي ماقصرت (ربي يعطيها مناها) ورتبت البنات وراي لانهم حاملين التوزيعات في جفير وسلال من سعف كبار وسوتهم لي صفات صفات
وصلت المسرح وجابلتهم وهم يتحركون بالترتيب (صراحة انبهرت بهالحركة المرتبة)
وبعدها فصخوني المشمر والكل جافني وماصدقت عشان اجوف لمة الكل واللي حزتها صارت عيني تدمع من الفرحة بطريقة اخفيتها وتميت اصيح داخلي وانه اطالعهم حواليني من اليمين لليسار كلهم حلوين ومرتبين
بعدها جلتني الملاية ورجوعوني للمسرح وشوي تغطيت ودخلوا المعرس للمتيرب لأن في الصالة ماراح يتوربوني
دخل المعرس يمينه اختي عليها ثوب نشل ويساره اخته عليها ثوب نشل وثنتينهم نفس اللون بس المفاجأة اهو كان لابس بنجابي بيج على رملي وفيه شك نفس لون ثيابي جنه طقم وياي (الله يحفظ زوجي ويبعد عنه الحساد يارب)وحسيت في دخلته هيبة وكان واثق من نفسه ومسوي شعره بطريقة هندية هههههههههه وكان لايق عليه(ماشاء الله)
وياني المسرح وتوربونه وخلصنه احلى ليلة
وادعوا لي الله يحفظنه ويبارك لنه وان شاء الله ربي يقدرني وانزل تقرير ثاني
ألف مبروك للمرة الخامسة والسادسة :094:
ننتظر التقرير الثاني :ok:
أنا الشوق;11813366:
تارجي وعذبو بينخطبون؟؟؟
حلفوا عاد
:013::013::013::013::013::013::013::013:
بنوتات كلكم الله يبارك فيكم ويسلمكم
طبعا ماقدرت اقرا كل الردود
بس برد على اللي اتذكره الحين
اللي سالت عن البوفيه الهندي، اتوقع الترجيه،، سمرقند عنده أكلات هنديه :ok:
اممم بعد وحده سألت عن شبكات اللولو
مادري اذا تقصدين اللولو الكبار ولا القماش؟؟؟
القماش اللي هو اللولو الصغار في وايد محلات عندهم، عندج ديلو في سوق الرفاع، ومنحلات مدينة الذهب في المنامه والمحلات اللي في القضيبيه واسعارهم مب غاليه بعد
أما اللولو الكبار فهاذي طبعا أسعارهم أغلى بس اتوقع تقدرين تحصلين شي سعره زين اذا ماكان مشحون لولو،، جم لولوه بس
ومب لازم ألماس تقدرين زركون
أنا حدي خاطري في عقد لولو خالي وكنت مابي شبكه وابي اشتري لي بس طبعا الاسعار هني غاليه لأن يازعم طبيعي وماتلقين الا بحريني لأن ممنوع اللولو المزروع يدخلونه هني
واللي في محل الذهب نصحني بعد قال لي لا تاخذين ومايسوى وماييب لج سعر كلش كلش بعدين،، مع اني مافكر اني ابيعه
المهم، الخلاصه يعني ماخذت لي :037:
واعتقد في وحده سألت عن غيداء اللي في البسيتين،،، بنات خالتي تمكيجوا عندها حق عرسي ويوم بيحجزون أنا رحت وياهم عشان أجوف المكياج،، وكانت عندها بس وحده تتمكيج حق استقبالها وكان ناعم وبسيط مكياجها وكله من كريولان وأكثر شي عجبني غرفة مكياجها خخخخخخخخ وهي البنت حبوبه وصغيره بعد مب عوده
وجفت مكياجهم في العرس كان وايد بسيط ونعومي بس مغيرهم،، لأن احنا متعودين على ستايل معين من المكياج عليهم وهي حطت لهم شي غير
وأسعارها للمكياج العادي ب10 ومع الرموش ب15 ولازم الرموش من عندها لأن تقول هي تعرف تختار الشكل اللي يناسب العين
وبعد شنو؟؟
ماتذكر شي من الاستفسارات
ان شالله انزل لكم تقرير عن الحنه + العرس + السفر
واليوم بحاول قد ماقدر اني اسوي لكم تقرير مع اني من الحين فيني النوده :085::085::085::085::085:
لأن باجر دوام ،، يعلهم الشسمه
وبعدين بيصير كلش ماعندي وقت
ننتظر التقرير :013: