.. || تجهيزات عرائس ( البحرين ) لشهر ربيع الثاني 1431 - 2010 م / الجزء = 63 || ..

الترجيه;11578462:


بتيخه
امممم يعني تبين تاجرين او تشترين
اذا تشترين روحي رامز اخذي مناظر

والرمامين تلقين منهم في تايلوس

والسناحات شفت بنات ياجرون بمنتديات ثانيه بحاول القى لج مواضيعهم

دلوعة بنكية;11576031:
بنات من اتعرف محل العطورات العالمية عطوراته قويه
جربت دبنهامز وسيفورا و فيسسز والله العطورات القوية العالمية يروحون وله كأن شي
شاسوي حق تجهيزاتي من وين آآخذهم
وشنو تنصحوني بالعطورات انا صعبة المنال وكل مرة أغير واخاف اندم هالمرة !!!!!!!
دايما ما استغنى عن جيفنشي فري ارزيستبيل و اونج او ديمون هاي الثنتين ما استغنى عنهم

فوفو البحرين;11577269:
السلااام
شخباركم عرايس:087:
اليوم يبت لكم تقرير خطوبتي الي صارت من اسبوع :049:

اول شي قعدت من الصبح كلش صليت وجهزت اغراضي وسبحت وكل شي وبعدين رحت الرونق سوو لي سشوار جففو شعري وقالو لي انتظري لين وحيده تخلص عروس 1 :060:
قعدت اسوي اظافري هناك وحطيت فيهم كرستال
ومر الوقت وانا انتظر انتظر واهلي كلهم خلصو شعرهم ومشو وراحو للمكياج قمت صليت وتميت انتظر وبعدين جا دوري
راويتها صورت التسريحه الي ابيها وقلت لها شنو ابغي بالظبط وقلت لها حطي لي ورود استانست :085: تقول اهي دايما تقنع العرايس يحطون ورود بس مايبون
كانت وايد طيبه وتمت تسولف معاي ومر الوقت بسرعه مع انها خذت وقت وايد في شعري
وصج طلعتني حلوه التسريحه كانت كلش راقيه وفخمه والورود الي حطتهم ماكانو اوفر بالعكس كلش ناعمين حتى اول شي ماعجبوها الورود تقول كبار قامت فتقتهم ونادت الفلبينيات يخيطون معاها وبعدين لصقو عليهم كرستالات صغار
تسريحتي كانت مثل هذي بالظبط راويتها هذي الصوره
بس انه كانو ورودي اوف وايت وبدون اغصان واوراق :085:


بعدين مر علي خطيبي ورحت البيت اخذت فستاني ولبست عدساتي ورحت صالون ايلاف
وكان بس انه وامي هناك مافي عرايس غير .. غيرت رايي في اخر لحظه وقلت خلاص مابروح صالون ليلو للمكياج اخاف ينقعوني عندهم عروس غير لأن و جم وحده للعادي
عقب شوي يات فردوس وبدت فيني
سألتني عن لون الباقه بس قالت بدخل الوان ثانيه انه ماحب اتقيد بشي معين قلت لها على راحتج
وتمت تسولف معاي طول الوقت خذت فيني تقريبا ساعه وربع
بعدين لما كملت مكياجي كان حده حده فظيييع وحلووو وماكان خفيف مثل ماانه خايفه بلعكس كان احلى من الي توقعت
حطت لي سموكي اسود وازرق ودخلت معاهم البطيخي والذهبي على الاوف وايت
وتحت العين حطت لي ازرق والروج والبلشر بطيخي على برونزي
فستاني كان اوف وايت وفيه شك بطيخي وكرستالات شفافه وبيضه
نزلت تحت وحطو لي الفلبينيات بودره الجسم وساعدوني عشان البس فستاني وثبتو لي الطرحه وتعطرت وحطيت لي دهن العود وحطيت لي لمعه على جسمي :049:اللمعه اهي غلتر بيجمنت لونه ابيض على لؤلؤي حطيته بفرشات البلشر :037:
وطلعت عجيبه عجيبه كأني اميره :02:الحمدلله كنت راضيه عن شكلي وكل الي في الصالون عجبتهم وقالو وايد حلوه والفلبينيات خذو تلفوني وقامو يصوروني مساكين :085:بدون ماقولهم صوروني
بعدين مر علي خطيبي لبست مثل غطاء ليلى والذئب ينربط صوب الرقبه وفقه ازرارين عشان اغطي شعري وصدري لما اطلع وطلعت من الصالون ورحنا الاستوديو
ماعجبني معاملت الاستوديو يقهرون الفلبينيات :039: وماسوت لنا حركات وايد وكله حركات سخيفه ومكرره مأساه الوضع كان :060:

نسيت اتكلم عن الباقه كانت من مزاهير بس كانت وايد ناعمه :049:ولا ذبلت ولا تغيرت ولا شي بس لكن على نهايت الحفله طاحت ورده وحده من كثر الشيل والحط :085: كانت نازله بس حجمها صغير نوعا ما
اخترت لون الوردي الفاتح كلش والاوف وايت والبطيخي المايل على الوردي وفيها كرستالات شفافه بس طبعا ترسوها جلتر :060: اذا مايحطون جلتر مايكونون مزاهير :085::085: بس اشوه ماذبلت :085:
والستاند كان مشابه للباقه بنفس الالوان وكان بسيط وحلوو
وطقم العصير والكيك بعد نفس الشي من عندهم وناعمين واايد اخترت اشياء سمبل :049:

بعدين طلعنا ورحنا الصاله :049:تميت في الحجره انتظر الا يات الفلبينيه الي تصور
وسوت لنا حركات ولقطات عجيبه :037: اشوه بردت قلبي عن البقره الي هناك الي ماتفهم شي :085:
بعدين دخلنا الصاله على زفه اسلاميه وكان وايد الفستان يغربلني من جدام ماكنت اقدر امشي عدل :091: وطول الوقت مجندسه مو عارفه كان وايد ثقيل وكان كل حين يحتاج تعديل ولا احد يه وعدله لي :060:
بس اشوه وصلت المسرح على خير :049:
الكل كان يجي يسلم علي يمدح فيني اشوه عجبت نفسي وعجبت خطيبي واهلي وعجبت الكل
وكل من يسأل عن مكياجي وشعري في وين :037: المكياج صراحه كان شي خياال واايد روعه بدون مبالغه :049: والتسريحه بعد كانت روعه وكان كل شي متناسق الشعر والمكياج والفستان والباقه
وخلااص بعدين طبعا كملت الحفله
طبعا الحنه تحنيت قبل بيومين حنتني زهره سلطان واايد عجيب حناها وحدها طيبه وحبوبه وسريعه ماشاء الله عليها

الحمدلله عدت على خير
عقبال باقي البنات :025:
ومشكورين كل وحده ساعدتني في التجهيزات :065:

لؤلؤة المحرق;11577677:


في محل والله فاتح في المحرق توه يديد ..

حلوين فساتينه .. بس لي زيـآره له .. مآدري بجم اسعآره .. جآن قلت لج خخخخ

بس ذكرتيني وقلت باقول لج يمكن تستفيدين ..


وفي العدليـه بس مو طويله وسمبل اييونج يعني مو وآيد فيهآ اشيـآء ..

أم فهادي;11578826:

صباح الخيــــــرات ..

بنــــــــــــات .. متوهقه مادري اي حنايه اختار"منيــــــــرة -مقابه" او "زهره المحـاري" ؟!؟!؟
جفت شغل الثنتين وعاجبني وقلت اللي بيصير لها التصويت اكثر باخذها <<<ستار اكاديمي خخخخ

انزين من جافت شغل مهديه مادري في وين بيتهم بس يمدحون لي فيها ....؟؟

بلييييييييييييز جاوبوني ...

أنثى النقآء;11578925:

بنات الله يخليكم ابي مكان شغله مضبوط لتضييق الفستان ضروري


باقي يومين على الملجة وفستاني مو مضبوط :'(

أم فهادي;11578826:

صباح الخيــــــرات ..

بنــــــــــــات .. متوهقه مادري اي حنايه اختار"منيــــــــرة -مقابه" او "زهره المحـاري" ؟!؟!؟
جفت شغل الثنتين وعاجبني وقلت اللي بيصير لها التصويت اكثر باخذها <<<ستار اكاديمي خخخخ

انزين من جافت شغل مهديه مادري في وين بيتهم بس يمدحون لي فيها ....؟؟

بلييييييييييييز جاوبوني ...

أنثى النقآء;11579033:

لا ما تحنيت كنسلت الحجز خذيت وحدة غير
اهي يوم تراويني الصور كان في وحدة حده غامق بس قالت ان ما تبي تنشر الصور من جذي ما خليتها

أنثى النقآء;11579097:

مادري خلتني اتردد بنت خالتي وحجزت ليي وحدة غير اسمها اسماء من سترة

أنثى النقآء;11579078:

همسات صوب شنو يصير هالمحل ؟

الترجيه;11578462:
لؤلؤه
اسمحي لي برد على هذيان

حبوبه ماي هوم عنده فرعين في محرق

الاول اذا كنتي يايه عند ماكس المحرق بتلقينه دايركت بالصفه اللي مجابلته

والثاني في الشارع اللي فيه مدرسه طارق بالتحديد عند خياط فنطاس

أم فهادي;11578826:
جفت شغل الثنتين وعاجبني وقلت اللي بيصير لها التصويت اكثر باخذها <<<ستار اكاديمي خخخخ