بنات اكيد وحشتكم قووائم الاسئله مالتي :041::041:
تفضلووو
قائمة اسئلة حلآتى بعبآتى لليوم
1) مره من المرات كأني قريت عن وحده مسويه اوتجراف يعني دفتر صفحه فيه صور لها ولريلها وصفحه مجابلتها يكتبون فيها المعازيم ... ابي هلووون
او اذا عندكم فكره حق دفتر التواقيع ... او من يسوويهم دلووني عليهم بليز :02::02:
***********
2 )ابي مكان يبيعون فيه شمووع وحركات حلوه عشان اشتري للجلووه لحد يقولي الانوار او ربعه لأن رحت ومافي شي عدل .. حتى لايف ستايل رحت وماعندهم شي حلوو انه ابي ستاند واحط فيه الشمعه لاتحررق يدي اذا عندكم افكار او محلات قولو لي :014::014:
**********
3)وين يبيعون اقمصة نوم حلوه حق اول ليله .. نفس يلي في السعوديه فيهم روب دانتيل وطويل وهلحركات لاني مابي البس قصير وعاري وايد احس فشله من اول ليله اخرع الرياال :085::085::085: .. لحد يقولي نعومي ولاسنزا مابيييهم لاعت جبدي من بضاعتهم
***********
4) ابي قطع السجاد يلي حق الحمام الله يعزكم ... لاتقولون هوم ستور وهووم سنتر جيكتهم وماعندهم ابي لوون بني :037::037:
************
5)احين صباحية العرررس شنو يلبسوون .. مابي جلابيه لأن ماخذه جلابيات بس ابي البسهم حق المبارك عقب العرس .. صار خاطري في فستان شيفون ناعم في وين احصل ؟؟؟
*******
6) طبعن عمتي (ام خطيبي) ماتسمع اغاني والعرس كله اسلامي على شرفها :039::039:
كل مااعزم احد يقولون اسلامي مانبي ويقولون لي مابنحضرر
بنااات ياني اكتئااب من هلموضوع والقهر ريلي مو راضي يكلمها ان نخلي اسلامي في البداية وعقب منتصف الليل نقلب اغاااني
احين ابي شي حلوو حق دخلتي .. موسيقى حلووه
انه صار خاطري في شبي شبي (الزفة الايرانيه) بس الموسيقى في احد عنده
طرشوها لي بليز
وبس ان شاء الله ماثقلت عليكم والقى جواب لأسئلتي :083:
اقتباس
المشاركة الأساسية كتبها ملاكي الوحيد 
