.. || تجهيزات عرائس ( البحرين ) لشهر ربيع الثاني 1431 - 2010 م / الجزء = 63 || ..

نيغار;11617461:
ايسكريمة حبيبتي اني كل ما يقرب الموعد يجيني توتر مو طبيعي.. و غير هالشي ما عندي برايد ميد:091: و فستاني شثقله و باقة في يدي و علي الزي المغربي و الطرحة مثبته كل هالاشياء و اني نفرة وحدة:057:

نيغار الظاهر موضة الفساتين الثقال هالايام
أنا بعد فستاني ثقيل وبلبس كعب عالي الله يسهل ويستر :040:
بخطوبتي كان الفستان خفيف وانا امشي اليد وراي

الله يسهل أمور الجميع ويسهل أمورنا :083:

أم الساادة;11617382:
سلااام بنااات شخباركم

اممم بقول حقكم عن تقريري حق امس

طبعاً امس رحت هوم ستور في مجمع البحرين عشان غرفة نوم

وعجبووني منهم تقريباً 6 وحدات

4 وحدات سعرهم ب 500 تقريبا بكل شئ بس صناعتها صينية ويكون الخشب مضغووط

و2 غيرهم سعرهم ب 825 من غير الماترييس بس صناعتها ماليزية على قولة الا تشتغل ان الخشب يعادل الخشب البحريني بس صراحة حسيت السرير مو

قوي وزوجي وعمتي عاجبتنهم الحجرة واني بعد بس حسيت انها ماتسوى هالسعر لأنها صغيرة فقاعدة افكر اخبر خطيبي ان نفصل لنا والحجم بيكون صغير

لأن اني بسكن في غرفة وحمام وماابي غرفة كبيرررة

فا ابي منكم بنات ديزاينات بسييييييطة وفيها فخامة شوووي واذا تدلوني على محلات نجارة في حدود 700 إلى 800 بالكثييير

واكون شاكرة للكم

لان صراحة مزاجي متعكر والسبب ان خطيبي يبي جاهزة وحاطين في بالهم ان التفصيل كله بالف وفوق

وانتون تعرفون حجم الغرف الصغيرة والنازلة مو صح يابنات

واتمنى تفيدووووني

حاستنه هم على قلبي

ويعطيكم العافية صراحة

امممممممم جوفي انا نفسج حاليا بقعد في غرفة وعزج الله حمام لين يطلع اخوه من الشقه

وقاعده ادور غرفه جاهزه وتكون صغيره وكلاسيك

ترا موضة هالغرف الصينين وانا عندي الجاهز احسن بوايد

يعني روحي جوفي هو سنتر انا رحت وبصراحه عجبوني وااااااايد واحلى من هوم ستور

وانشالله الشهر الياي بنروح نختار وحده ونحجز غرفة النوم

انتي جوفي هوم سنتر / الستي سنتر وبعدين قرري اذا تبين تفصيل او لا

بالتوفيق :083:

بجعة;11617393:
بالتوفيق بنات
تسلمييين ايسكرييم ع الرد الحين بطلع بروح حق ام عباس اجوف الالبومااات : )

بالتوفيق وخبرينا اذا رجعتي :083:

حلآتى بعبآتى;11617451:

صباااااااااااااااحكم عسل يا عسولات

:013::013::013::013::013:

ايوووه ايوووه

:013::013::013::013::013:

تقريري مال السعودية امس كالتالي :

وصلنا اهناك تقريبا على الساعه 5وربع والمحطة الاولى كانت ايكيا
شريت لي الاختراعات يلي يحطونها في الكبت وتنظم العفسه يلي تصير داخل
لان ناويه عقب اسبوع اودي اغراااضي وثيابي لعش الزوجية :041:

وااااي كل مااتذكر اني بخلي غرفتي وبترك طقووسي الليليه اتييني الصيحه اوووف :091::091:

خلصنا من ايكيا وطيران على الفستان ...
بس قبل خذت لفه في الخبر بلازا وشريت لي جلابيه فضيييعه

الفستاااااان طلع حده عجيب ونعوومي نفس ماكنت اتخيله

فستاااان باااااربي:083:

بس عند الجتف ماكان مسوي خياطة تنظيف حق الدانتيل والخيوط كانت طالعه
امي كانت تبي ترجعه عليه بس انه مارضييت لأن اذن العشا وبنقعنا قلت هذا اي خياط في البحرين بسويه وشغلة 10 دقايق بس

عقب رحت فينيسا اخذت لي تاااج لأن طرحتي فرنسيه .. وكان سعره 24 دينار بالغصب بس فكرته نفس الصور يلي كنتو عارضينها في التجمع يلي طاف

وشريت لي عطور للفواحات من زهور الريف مسوين عليهم تخفيض كله بدنيار ونص

احب فواحاتي .. :016: وناسه تشغللين الشموع وعطر يطلع واااااااااااو

وبس رجعنا البحرين يمكن على الساعه 10ونص وماشاء الله ابوي واخووي ماقصرووو

مسوين زفة من الجسر للبيبت ومشغلين دنجر السياااره:085::085::085:

واول ماوصلنا البيت لبست الجيبووون وقعدت افتررر فيه مثل اليهال مابي افصخه

واهما مستانسين بعد ويصفقون ويطبلوون :013::013:

اخر شي امي زفتنا ... وكل واحد شال قشه ودش غرفته ورقدناا :085::085:

مشكووورين كل البنات يلي ردو علي بخصوص العطوور
خصوصا حلم وفي بعض العطور انه استخدمتها وعندي وبعضها سجلتها بروح اشمهم واذا عجبوني بشتريهم

سووويت لكم زوووبعة .. طلعتو تموتون في العطور نفسي :041::041:

صباح النوووووووور

الاااااي حلاتي الحمدالله والف مبروووووووووك مقدماً :013::093::013::093:

ووناسه وصج اذا بنتزوج انصير كأنه يهال هههههههههههههههههه اذا يلبسون فستانهم ومايرضون يفصخونه هههههههه :085::085:

وحلو التطبل والاغاني عاد انتي قريب من حقهم انا باقي ثلاث شهور وانا كل ماجافوني قعدو غنو ونادوني بالعروس هههههههههههههه

امس بس سويتها مطنزه مع اخوي على بطاقات الدعوه وشنو بكتب فيهم ههههه :085:

يالله خيوو اهم شي الفستان طلع مضبووط وفتكيتي من اكبر هم والله يتمم لج كل شي على خير يارب

بالتوفيق :087:

نيغار;11617461:
ايسكريمة حبيبتي اني كل ما يقرب الموعد يجيني توتر مو طبيعي.. و غير هالشي ما عندي برايد ميد:091: و فستاني شثقله و باقة في يدي و علي الزي المغربي و الطرحة مثبته كل هالاشياء و اني نفرة وحدة:057:

اي لازم التوتر عيل شبتسوين وقت مابتدخلين الصاله بتجوفين قلبج طبول هههه :085:

وفستانج ليش ثقيل؟؟ والباقه قد ماتقدرين سويها بطريقه بحيث انج تقرين تحملينها بسهولة

لانه صج صج اتغربل الباقه والطرحه مابتحسين فيها

والزي المغربي انتي مسويته طويل او نص؟؟

ميمي3;11617480:
ههههههههههههههههههههه فديتج والله حمدالله على السلامه صج ابوج واخوج فن زفوج من الحين عادي مافصختي الفستان كل دي تسوين بروفا ههههههههه ولخيوط اللي تقصدينها فهمت قصدج هاي مو مال خياط انا بعد فستاني كان مسوي لي جدي يازعم عندهم حركه حلوة هناك بس انا قلت له ماابيه
الله ييسر لج امورج ان شاء الله وتفتكين مثل ماافتكيت وملبوس العافيه حبيبتي :014:

مها البحرين;11616482:
كما وصلني ...


تم افتتاح صالون يديد للأظافر في الرفاع اسمه نيل لونج. الثيم ماله خضر إينن و شرح و نظيف. حاليا يقدمون خدمة الأظافر و جريب بيكون عندهم الشعر باستخدام منتجات لوريال و خدمة الحفاف.


تم افتتاح صالون يديد للأظافر في الرفاع اسمه نيل لونج. الثيم ماله خضر إينن و شرح و نظيف. حاليا يقدمون خدمة الأظافر و جريب بيكون عندهم الشعر باستخدام منتجات لوريال و خدمة الحفاف.

ميزاني وايد نحيس

[SIZE=4]طولوا بالكم عليه [/SIZE]

مهاوي مشكوره ع هالخبر هالصالون حده جريب من بيتنا حذفت حصاه ع قوله امي :085:

أظافري الي تعبت عليهم فترة كل يوم واحد ينكسر
صار شكلهم مو حلو شسوي الحين :091:

ميمي3;11617456:
ولد خالتي سوه غرفته ب700 كأنه عند واحد بشوف لج رقمه بس ذكريني على العصر او المغرب على الخاص وقت طلعتي من الشغل

اوكي خيوو قبل لا اطلع من الدوام بخمس دقايق بخبرش ان شاء الله ولاتنسيني عاااد

زمن الطفولة;11617471:
مفروشات ليلى \\ الرفااع

اسعاره جدن زينة بالنسبة لباقي المحلات

اعرف ناس مسوين عنده تفصال ناعمه ب450 دينار

وهناك في غرف قالي سعرهم على 550 \\ وبعضهم على 600

يعني كلش اوكى السعر كونش تبغين ناعمه وتفصال بحريني

مشكوورة خيووو زمن الطفووولة بس وين يصير هذا بالضبط؟؟؟؟

آيسكريم;11617539:
امممممممم جوفي انا نفسج حاليا بقعد في غرفة وعزج الله حمام لين يطلع اخوه من الشقه

وقاعده ادور غرفه جاهزه وتكون صغيره وكلاسيك

ترا موضة هالغرف الصينين وانا عندي الجاهز احسن بوايد

يعني روحي جوفي هو سنتر انا رحت وبصراحه عجبوني وااااااايد واحلى من هوم ستور

وانشالله الشهر الياي بنروح نختار وحده ونحجز غرفة النوم

انتي جوفي هوم سنتر / الستي سنتر وبعدين قرري اذا تبين تفصيل او لا

بالتوفيق :083:

خيو ايسكريييم احنا بعد اول شئ في الغرفة والحمام وعندنا ارض بنبني عليها ان شا الله

المهم خيوووو اي اني كنت ابي اروح هوم سنتر بس خطيبي عليه شغل اخر ليل

فاليوم ان شاء الله بروح وياه على المغرب بما إن هو إجازة وادري بعد مثل ماقلتين الحين موضة

الصينين بس احس ان بيجي يوم وبتروح موضتهم فأني في بالي شئ فخم وناعم وبسيييط

بحيث تظل جم سنة ومايصير موديلها قدددديم

ومشكورووين بناات كلكم واتمنى تساعدووني بعد

وتقريري في بداية صفحة 92 خخخخخخخخخخخخخ

إحساس قلمـ;11617595:
أظافري الي تعبت عليهم فترة كل يوم واحد ينكسر
صار شكلهم مو حلو شسوي الحين :091:

حلاتي بعباتي

لو ادري انج رايحة السعودية كان خبرتج تجربين "مبسوس الماجد"
أنا خذيته صدفة جالسة انتظر الأهل وكانوا مسوين عليه عرض
يوم استخدمته طلعت حلوة ريحته وايد لغرفة النوم ولفستانج وليوم الزواج

حلآتى بعبآتى;11617613:

مالج الا التركيب ... طيري صيدلية ناصر واخذي لج وركبيهم احسن واضمن:ok:

يبي لي اجيك مع اني حابة أظافري الطبيعيين
ماشاء الله عليهم لونهم أبيض،
أنا قلت بقصهم من جديد وبطولهم بس خفت مايمديني:014:
يالله الحمدلله رب العالمين

بسألج انتي جربتيهم ؟

حلآتى بعبآتى;11617555:

الله يسلمج حبيبتي ... ويسلم لي قلبج يالغلا على هلدعوات الحلووه

ويبطون جبدي السعودين يلي في محلات الفساتين يطلعون بطلعات
علبالهم ايلي صعب ولا فالنتينو

وابووي واخوي بروحهم برنااامج

وانه ياريت لابسه الفستان كله واسوي بروفا بس الجيبوون .. وافتر اسووي دائرره والجيبون يفتر وياي وناسه:085::085:

ولايفوتج قالبين الدبة مالت كولر الماي ويطبلون وانه افتر واتررقص معاهم :085::085::085:

لما سندرنا امي وزفتنا :013::013::013:

أم الساادة;11617608:



مشكوورة خيووو زمن الطفووولة بس وين يصير هذا بالضبط؟؟؟؟

اللفة الا تجي قبل سوق الرفااع

ايسكريمة ما اعرف ليش الفستان ثقيل يمكن من الكرستالات او الجيبون بس لما لبسته حسيته وايد شقيل و الاظافر التركيب الي بركبهم شكلهم بيتكسرون من ثقله خخخخخ:085:

على فكرة سمعت انه فيه محل ما نيلز في المحرق و قبل جم يوم كأن وحدة من البنات عارضتنه بس دورته ما حصلته خبركم تركضون بالردود:041:.. لانه انه بركب لي اضافر في نايس نيلز جريب منا على شارع البديع بس انا ابي اشيل النيلز التركيب يوم ثاني و ما اقدر ارجع البديع لانه بنروح فندق اليت سبا قريب المحرق عشان من الفندق دايركت المطار.. فابي محل يشيل لي الاظافر في المحرق او ضواحيها:08:

بنااااااااااااااااااااااااااااااااااااااااات فزعتكم .:009::009::009::009:
الله اخليكم ابي احد امكيج حلو وناعم بالضبط بالضبط نفس مكياج هيفاء وهبي بعرسها بليييييييييييييييييييييييييييييييييييييييييييز ارجووكم الله اخليكم ردو علي

إحساس قلمـ;11617616:
حلاتي بعباتي

لو ادري انج رايحة السعودية كان خبرتج تجربين "مبسوس الماجد"
أنا خذيته صدفة جالسة انتظر الأهل وكانوا مسوين عليه عرض
يوم استخدمته طلعت حلوة ريحته وايد لغرفة النوم ولفستانج وليوم الزواج

إحساس قلمـ;11617637:
يبي لي اجيك مع اني حابة أظافري الطبيعيين
ماشاء الله عليهم لونهم أبيض،
أنا قلت بقصهم من جديد وبطولهم بس خفت مايمديني:014:
يالله الحمدلله رب العالمين

بسألج انتي جربتيهم ؟

زمن الطفولة;11617679:
اللفة الا تجي قبل سوق الرفااع

مشكووورة خيوووو

والله يوفقش يارب

آيسكريم;11612129:
:02:احنه بعد نبي انعرف << ياربي ملقوفه هههههه :085:

وااااااااو حدهم عجيبين وفي جم وحده منهم استخدمتهم وكنت برشحهم لها بس وكنت انتظر ارجع البيت


يالله حلاتي طبي وتخيري بين هالعطور واول ثنتين هذلين عجيييييييييييبين لزواج وحق ليلة العرس

يعطيج العافيه حلم حتى انا استفدت وخشيت لي جم عطر <<< شدعوه خشيت ههههه :085:

اقصد يعني سيفت لي جم صورة عطر عشان وقت التشري


مع انه كان خاطري انضم لهم بس ماقدرت

تسلميـن !..

كلج ذوق :02:

ههههه وعليج بـ آلف عافية

/
/

ملكة الغروب;11612202:


من وين شريتنه وبكـــم ؟؟؟

تتهنين بالعطور حلمـــ

تسلميـن .,

الله يسلمج أنا أشتريه من عطورات ( سفاري ) >> سوق واقف

وعادةً كل يعطيني أسعار مخفضة , كوني أتشرى من عنده كمية

هذي أخذه بـ 14 BD

/
/

ميمي3;11612224:
ماعتقد لان بنات وايد مشاركين واني حاولت بكل الطرق انضم ماصار :039:

القروبات عادةً

إما إنها تكون مفتوحة , كل من يقدر يشترك

أو إنها تكون سرية .. بـ حيث لازم مشرفة القروب أظنتي تدز لج دعوة للإشتراك

أهو الإشتراك عادي !..

بس سوها سرية لإنها خاصة بـ بنات البحرين

فأعتقد لازم القروب ليدر تدز لج دعوة .. وتنضمين :ok:

/
/

بعثـرة;11613171:
سؤال ثاني
الحناية ام سجاد + ام شهد + زينب مدينة حمد
بكم يحنون؟

أم سجاد = 30 دينار + 5 جارج مواصلات

أم شهد = تبتدي من 40 دينار إلى 50 دينار .. يعتمد على طول الحنة ومتطلبات العروس :041:

زينب السماهيجية = 45 دينار

ولمزيد من المعلومات والصور << حبيتها :085:

- حياج الله هني -

cherry pie;11613190:
مشكوورين للكل اللي رد علي

سويت اقتباس مادري وين راحت .. الله وياه خخخخ

بقول لكم شنو سويت امس .. رحت سكوب دفعت لهم المبلغ الباقي عشان ما اتوهق .. لان قلت لكم ان لازم ندفع حق قبل الحفلة بـ 5 ايام

اليوم الصبح سوويت حمام مغربي في بيت الصحة .. يمكن هذا مكان جديد عليكم .. وعلي انا بعد

خذيت اللي بـ 26 .. 4 دينار سعر الليفة .. مدة الحمام ساعتين
و خلصت وقبل ما اروح عطوني وردة الاااي

كلفني 34 دينار فقط

26 الحمام المغربي

8 منيكير وبديكير

وباجر المغرب باسوي حلاوة جسمي ان شاء الله في صالون اصيلة

والله يسهل ان شاء الله امووري زواجي يارب

ووالجميييع ان شاء الله

آلاااااي !..

شنو ذوق ..

في وحدة من العرايس , من زمان تكلمت

عن تجربتها في باكج العرايس بـ هالصالون

وأهو تابع حق دكتورة أعتقد , وقالت أسمها

قريب مني , وحاطته على اللستة المستقبلية

ويبي لنا تجربة قريبة

نعيماً

وعليج بآلف عافية

وربي ييسر أمورج .. ويتمم لج على خير إن شاء الله

حبيت التقرير , وخصوصاً سالفة الوردة :065:

/
/

بجعة;11613829:
حبيبااااتي من جربت تصويرر ام عباس او جاافت شغلها؟

بليز ردووو

تنصحوني احجزها واللي بكم الباكج اخذ؟

أم عباس .,

مصورة ممتازة جداً .. أخلاقها عالية .. وتعاملها عسل ويريح كل عروس

تصويرها حلو , وحركاتها متنوعة

وحتى تعديلها بـ الفوتوشوب نعومي ومرتب وايد

وتطورت جداً عن قبل

خصوصاً إني جربتها من قبل سنتين تقريباً , وجبناها في مناسبة عائلية من حوالي أشهر

فـ كان فرق حلو

عندها كذا باكج

من الرخيص إلى الغالي

وكل باكج له ميزة معينة

أنصحج تروحين لها

تشوفين تصويرها وتسآلينها عن الباكجات إلي عندها

عجبج !..

توكلي وحجزيها

ما عجبج .. أكو وايد مصورات غيرها :014:

/
/

.. الجوهره ..;11615007:

مشكورررررررره الي ردت ..

حلومه انا من شارع البديع

عندج في الدراز .. حفافة أسمها ( صبيحة )

هذي معروفة وحفافها كشوخي جداً

صديقتي من يوم هي عروس إلى يومج ما تحف إلا عندها ,

و وايد سمعت فيها من قبل !..

عندج في البديع تحديداً .. صالون ( لطيفة )

حفافاتهم هنديات وكلهم على مستوى وفاهمين شغلهم زين ما زين

بس للعرايس عادةً

ما تنحجز إلا ( وردة )

هذيلا القريبيـن ومنج , وممتازين :ok:

/
/

cherry pie;11615167:
بنات اغنية اليسا عبالي حبيبي تصلح لوقت الدبل او عرض الصوور ؟؟

آآآآخ!..

هـ الأغنية تعور القلب من حلاوتها :085:

حدها رومانتيك

وضروري كل وحدة تحطها بـ عرسها

سواء كـ إهداء أو تقطيع الكيك .. إلخ

/
/

مها البحرين;11616427:
كل ماسويت موضوع ينحذف ..

:( :( :( :( :(

المنتدى متشدد بـ القوانين

فـ أي موضوع مخالف على طول ينحذف

قبل لا تنزلين أي شي

تآكدي إنه سليم وما فيه أي مخالفات

وصدقيني محد بيحذفه ولا حد بيسوي له شي !..

أنا ياما وياما أنحذفت مواضيع لي

وحسيت بـ قهر مب طبيعي

على تعبي كله

بس بعدها حفظت لستة القوانين , وكل شي تمام :094:

/
/

نيغار;11617105:
حلومة انتي رحتي اعراس في صالة الانوار من قبل صح؟؟ معاهم الخدم مال الضيافة او لا؟ امس امي تقول كأنه مافي:057: اني انصدمت:047: من بوزع الاكل؟؟!!!:091:

و الديجي تقول الماما لما قلت ليه عن راعية الديجي تعلثم .. تقول الماما اضنتي مافيه وحدة للديجي! شكلنا بروحنا نحط السيديات:091:

حلومة اذا تعرفين احد سوا في قاعة الانوار بليز اسأليه عن الديجي:040:

هههههههههههه

أنا ترى مب خبرة في الصالة :040:

خصوصاً إني بس كنت حاضرة

يعني محد من أهلي أخذها

حضرتها قبل التعديل وبعد التعديل

وجداً حبيتها بعد التعديل والتوسعة وخصوصاً إن راعيها تعب صج عليها

حضرتها إسلامي فقط

فـ ما عندي أي أدنى فكرة عن ديجي الأغاني

وتوي أدري منج إن عادي أغاني , عسبالي ما يصير :085:

السنتر بيس !..

أمرمهم جداً سهل

لأسباب وايد

وأول سبب أنهم مب كلش مهميـن :042:

الصالة بسيطة ومتواضعة وما اظن الناس بتدقق في هيك شغلات

وإنتي قلتي إن حفلتج شبه عائلية , يعني ما بتعزمين الكل

بس إذا إنتي لج خاطر

روحي محل تنسيق حفلات وخليهم ينسقون لج السنتر بيس عن خاطرج

وأكيد ما بتكلفج وايد .. وايد

/
/

والسيرفس ,

أستفسري من راعي الصالة , هل يوفر لكم سيرفس ولا لا ؟!..

إذا قالج عندنا خذيها ويمكن عليها جارج

وإذا ما عندهم

ترى عااااااااااااااااادي

تقدرين تجيبين وحدة أو 2 من برى

وما ياخذون وايد يعني 40-60 دينار كأنه

يعني لا تكدرين روحج وتكرهين عمرج بـ الصالة على شي ما يسوى :057:

ترى أهم شي تستانسين في حفلتج

ولا تخلين شي يعكر صفوج :087:

remy2008;11617725:
بنااااااااااااااااااااااااااااااااااااااااات فزعتكم .:009::009::009::009:
الله اخليكم ابي احد امكيج حلو وناعم بالضبط بالضبط نفس مكياج هيفاء وهبي بعرسها بليييييييييييييييييييييييييييييييييييييييييييز ارجووكم الله اخليكم ردو علي

ستايل ولوك ( هيفاء ) كان السموكي " الميك آب الدخاني "

وعادةً هيفاء دائماً هذي لوكها :094:

ويناسبها بقووووة

<< زين شكو قاعدة تحلليـن :085:

عندج الماكيرة :

- عايشة الريس

تضبط لج مثل هـ الستايل وبقوة بعد ,

لأن من صوبها الأشياءات النعومية & الوسط

- فردوس الحلواجي

تعرف للسموكي عدل .. لأنه تقريباً ستايلها , هم بعد تضبطه لج

:065:

فتيات العضوه
عروووس فريجهم كلمتني اليوم
وقالت لي بتيييب تاجها لي اليوم بالليل فاللي تحب تشوفه

مثل ماوعدتكم تخبرني وتقول مابتختلف وياكم بشي

أم الساادة;11617382:
سلااام بنااات شخباركم

اممم بقول حقكم عن تقريري حق امس

طبعاً امس رحت هوم ستور في مجمع البحرين عشان غرفة نوم

وعجبووني منهم تقريباً 6 وحدات

4 وحدات سعرهم ب 500 تقريبا بكل شئ بس صناعتها صينية ويكون الخشب مضغووط

و2 غيرهم سعرهم ب 825 من غير الماترييس بس صناعتها ماليزية على قولة الا تشتغل ان الخشب يعادل الخشب البحريني بس صراحة حسيت السرير مو

قوي وزوجي وعمتي عاجبتنهم الحجرة واني بعد بس حسيت انها ماتسوى هالسعر لأنها صغيرة فقاعدة افكر اخبر خطيبي ان نفصل لنا والحجم بيكون صغير

لأن اني بسكن في غرفة وحمام وماابي غرفة كبيرررة

فا ابي منكم بنات ديزاينات بسييييييطة وفيها فخامة شوووي واذا تدلوني على محلات نجارة في حدود 700 إلى 800 بالكثييير

واكون شاكرة للكم

لان صراحة مزاجي متعكر والسبب ان خطيبي يبي جاهزة وحاطين في بالهم ان التفصيل كله بالف وفوق

وانتون تعرفون حجم الغرف الصغيرة والنازلة مو صح يابنات

واتمنى تفيدووووني

حاستنه هم على قلبي

ويعطيكم العافية صراحة

حبيبتي شوفي آنا كان خطيبي وده يسوي تفصيل قلت له مو كل من يصيد الموديل لهذا آنا مالي خلق كل يوم أروح وأشوف خلنا نشتري جاهز ومن أحمد شريف بسعر 900 بعد التخفيض بـ 890 روحي وشوفي عندهم تخفيضات وغرف نومهم حلوووة

حلآتى بعبآتى;11617451:

صباااااااااااااااحكم عسل يا عسولات

:013::013::013::013::013:

ايوووه ايوووه

:013::013::013::013::013:

تقريري مال السعودية امس كالتالي :

وصلنا اهناك تقريبا على الساعه 5وربع والمحطة الاولى كانت ايكيا
شريت لي الاختراعات يلي يحطونها في الكبت وتنظم العفسه يلي تصير داخل
لان ناويه عقب اسبوع اودي اغراااضي وثيابي لعش الزوجية :041:

وااااي كل مااتذكر اني بخلي غرفتي وبترك طقووسي الليليه اتييني الصيحه اوووف :091::091:

خلصنا من ايكيا وطيران على الفستان ...
بس قبل خذت لفه في الخبر بلازا وشريت لي جلابيه فضيييعه

الفستاااااان طلع حده عجيب ونعوومي نفس ماكنت اتخيله

فستاااان باااااربي:083:

بس عند الجتف ماكان مسوي خياطة تنظيف حق الدانتيل والخيوط كانت طالعه
امي كانت تبي ترجعه عليه بس انه مارضييت لأن اذن العشا وبنقعنا قلت هذا اي خياط في البحرين بسويه وشغلة 10 دقايق بس

عقب رحت فينيسا اخذت لي تاااج لأن طرحتي فرنسيه .. وكان سعره 24 دينار بالغصب بس فكرته نفس الصور يلي كنتو عارضينها في التجمع يلي طاف

وشريت لي عطور للفواحات من زهور الريف مسوين عليهم تخفيض كله بدنيار ونص

احب فواحاتي .. :016: وناسه تشغللين الشموع وعطر يطلع واااااااااااو

وبس رجعنا البحرين يمكن على الساعه 10ونص وماشاء الله ابوي واخووي ماقصرووو

مسوين زفة من الجسر للبيبت ومشغلين دنجر السياااره:085::085::085:

واول ماوصلنا البيت لبست الجيبووون وقعدت افتررر فيه مثل اليهال مابي افصخه

واهما مستانسين بعد ويصفقون ويطبلوون :013::013:

اخر شي امي زفتنا ... وكل واحد شال قشه ودش غرفته ورقدناا :085::085:

مشكووورين كل البنات يلي ردو علي بخصوص العطوور
خصوصا حلم وفي بعض العطور انه استخدمتها وعندي وبعضها سجلتها بروح اشمهم واذا عجبوني بشتريهم

سووويت لكم زوووبعة .. طلعتو تموتون في العطور نفسي :041::041:

تسلميييييين على التقرير الحلو مثلج وبالعافية الفستان حبيبتي :032:

إحساس قلمـ;11617502:

غير هذا الشئ انا اذا يصير عندي نقص تصير عندي شحنات كهربائية :057:

بيييييييييييييه آنا بعد كل فيني كهربة أشوط على الكل هههههههههههه :085:

الترجيه;11617861:
فتيات العضوه
عروووس فريجهم كلمتني اليوم
وقالت لي بتيييب تاجها لي اليوم بالليل فاللي تحب تشوفه

مثل ماوعدتكم تخبرني وتقول مابتختلف وياكم بشي

حبيبتي ترااااااااجي توني كنت بسألج إلا شفتج كاتبة عن التاج
آبي أشوفه حبيبتي وبجم تأجره.؟؟.

مريييمي يابعدهم
اول مايوصل باقولج عن سعره
لان في بالي شغله ابي اوصلها لها بس اكيد ماراح تقول شي باذن الله حدها طيوبه البنت مثلج وشرواج

وبحط صوره هني للي يحب يشوفه او يطلب صورته بالخاص افضل