امس طلعت من الدوام من الساعة 10 و نص و مريت على ماما عودة اله يحفظها و يطول بعمرها .. بعدين رحت مخبز الرسالة اتأكد من كيكتي بيسوونها بالشكل المظبوط.. و بعدين رحت المنار دفعت بقية فلوس البارسلات.. و عطوني كيكة فروت على قلب , فقلت زييين حق الحنة اليوم لانه بيجون خالاتي و هاي صورتها
رحت البيت قعدت شوي مع امي ارتب الحجرة الي بيكون فيها الحنة و ارتب صينية الجلوة الي ما اعرف شلون لازم تكون لانه و لا مرة في حياتي حضرت جلوة و هاي صورتها انشالله جذي صح؟؟!!:042:
بعدين صليت و نمت قعدت 3 نفس المزهوقة لانه الحناية بتجي 4 و نص رحت اتسبح و بعدين حطيت ميك اب اخضر خخخ صار عجيبون و سشورت شعري :049:و لبست ثوب النشل و اكسسواراته و هاذي صورته
الحناية ما جت الا الساعة 5 و نص.. كانت ام نور( ليلى) و ما قصرت:087:
كانت جايبة معاها ثنتين عشان يحنون الجماعة بدت فيني 6 و نص و كملت اتوقع 9 بس من جد تكسرررت و كان الكل مساتنس و يرقصون قدامي و انا اطالعهم و منقهرررة مو قادرة اتحرك:039:.. و بعدين حطينا العشا و الكل يحرني و هو ياكل و انا اطالعهم من بعيد اقولهم جذي هادين العروس بس اختي حبيبتي جتني تأكلني لقمة و تاكل لقمة:087:.. وبعدين مشوا الخالات و انا ما نشف حنه رجولي بس لاعت جبدي للساعة 11 قمت و طيرته و حطيت زيت و نمت:050: بس ما شالله اليوم صبغ عجيييب من كثر ما حرقني البارحة خخخخخ.
و هاي الصورة الحنة اليوم و بتلاحظون انه فيه كيبورد لاني في الشغل خخخخ:085: ما احلل اي احد ينقل صوري او يحفظه بجهازه
