.. || تجهيزات عرائس ( ليبيا ) لشهر ربيع الثاني 1431 - 2010 م / الجزء = 9 || ..

تانكس ياهيوله هلبه

مشكوره ياهيوله الصراحه هايله بالحق:087::087:

هايلة موضوع حلوووووو هلبة و شكرا على المجهود اني و الله استفدت منك لاني ما ريتش next بليز وين مكانه بالظبط

صباح الخيرات علي عرايسنا الحلوات
كيف حالكم بنات احلى ترحيب لكل العرايس الجدد ميوسين و بنغازية لسبهاوي انستونا
دايموند مشترياتك رهييبة ومش عادية تتهني فيهم انشاء الله و ميوسن الف مبروك وربي يتمم على خير عجبتني طريقة تفكيرك وترتيب تجهيزاتك

نرجوسة وعروس ليبيا وبيسا كيف حالكم ربي يحفظكم ويعاونكم ومشكورة يا بيسا علي مجهوداتك والصور اللي تحطي فيهم
عروسة ليبيا ربي يحفظك و يرزقك الدرية الصالحة بإدن الله ومشكورة حبيبة علي النصائح وكل المعلومات وبنسألك علي موضوع المزينات يعني لما نمشي نرفع معايا مكياجي بالكامل باهي لو المزينة قالت لا انا عندي ماركة معينة بنخدم بيها والا نمشي قبل بوقت وهي تقولي اللي تبيه وانا نجيبه ليها

اي عروسة من سبها تقولي علي احسن مزينة

مدام غادة صباح الفل كيف حالك ياغالية
روح الوليد ماشاء الله عليك خبيرة في قصص العربي والصدرة ياريت تحطي صورة لعقد الدفة لاني سألت عليه هني في سبها مالقيتاش واني من زمان حاطة في بالي كم حاجة فضة بمية دهب بنشريها من طرابلس  

ياحلوة بام الخال يااحلى صبية .. قلبي بعت مرسال ردي عليا

اهلين بناويت كيفكون اليوم


نبي نسأل اما احسن اندير في الحفلة كيكة ولا كنافة امتع الركن الشرقي اللي بكريمة شانتي

ولو فيه من يعرف وين نلقة كيكات رخيصات يعني حتى امعتع 50 قرش واتكون حلوة اتقولي
اني غولة راهو حبيبتكم ساعدوني يلا ماتعطلوش عليا

دايموند حاجات حلووووووات احلى من حاجاتي ااانااااااااااااااااااااااهاهاهاهاهاه
اسمعي منين شريتها البيجامة الزرقاء الكم وبقداش :02:



وحتى هادي من وين وبكم :013:

جوهرة2010;11709432:
نرجوسة وعروس ليبيا وبيسا كيف حالكم ربي يحفظكم ويعاونكم ومشكورة يا بيسا علي مجهوداتك والصور اللي تحطي فيهم


عروسة ليبيا ربي يحفظك و يرزقك الدرية الصالحة بإدن الله ومشكورة حبيبة علي النصائح وكل المعلومات وبنسألك علي موضوع المزينات يعني لما نمشي نرفع معايا مكياجي بالكامل باهي لو المزينة قالت لا انا عندي ماركة معينة بنخدم بيها والا نمشي قبل بوقت وهي تقولي اللي تبيه وانا نجيبه ليها

:016:ايسلمك يا روحي و ان شاءالله نفرحوا بيك قريب :072:
بالنسبة للمكياج عادي انتي حرة بتاخدي مكياجك الخاص او مكياج المزين و هي مش حتفرض عليك بتقوليلها نبي المكياج الفلاني اتقولك جيبي مكياجك معاك ع العكس هي بتفرح توفري عليها مكياجها لعروس تانية :085::085::085:راهن هالكوفيرات عندهن جو و تفكير مش عادي :066:لولا الحاجة ما تعاملنا معاهن بس في منهن الكويسات :057:

جوهرة2010;11709509:
مدام غادة صباح الفل كيف حالك ياغالية


روح الوليد ماشاء الله عليك خبيرة في قصص العربي والصدرة ياريت تحطي صورة لعقد الدفة لاني سألت عليه هني في سبها مالقيتاش واني من زمان حاطة في بالي كم حاجة فضة بمية دهب بنشريها من طرابلس

اخر مستجداتي ديرت بروفا ع الفيلو و ركبت الجيبونات و بعد البروفا فكيتهن اه ركبت و فكيت الجيبونات وحدي

Ghado;11709801:

غويلة: صباح الورد يا ورد..

حبيبتي الكيكة أحسن الصراحة .. و أرخص الحق

و بالنسبة للمحلات عندك محل المهلهل في شارع بن ناجي حلو و رخيص .. و فيه محل القصر الجوري في غوط الشعال رخييييص هلبة و حاجاته معقولة جداً
و الأحسن انك اديريهم مشكلات مش نفس النوع

صباح القرنفل والجوري

صحيتي غادو :087::087: معليشي ممكن اتقوليل وين القصر الجوري بالزبط
لان خوي حضرت جنابه مايحبش اللف والدوران تنعتيه لمكان يمشي طول سمله عليه يتعب بعدين لايخلي الواحد يمشي بروحه ولا اهو ايديرلك الحاجة بوسعة بال اااوووف وخلاص

Ghado;11709936:

غويلة:

تعرفي صالات غوط الشعال؟؟؟ قبلهم على اليمين..

أو طريق غوط الشعال يجيك مجمع زرقاء اليمامة للكمبيوتر على اليمين هو بعده على طول جاي على الطريق الرئيسي بالضبط قبل مصرف الواحة ..

ايه ايه زبطه مغسي بوكو غادو مغسي بارك الله فيكي لايسنوغشفغ فرنسيس الله غالبااانننننننننننننااااههاهاهاهاهاها :083:

شريت اليوم شريط هدايا و اصفار بنبدا انغلف عادي انغلف توا والله مزال بكري

نرجس الشرق;11709804:
اخر مستجداتي ديرت بروفا ع الفيلو و ركبت الجيبونات و بعد البروفا فكيتهن اه ركبت و فكيت الجيبونات وحدي

بناويت في التغليف قالولي ما تغليفش كل حاجة يعني الاجزة الكهربائية متلا ما تغلفيهنش و طاقم العشاء الصيني ما تغلفيشي اربطي عليهن شريط هدايا و و وردات و خلاص ...شن رايكن