لمة الليبيات لشهر ربيع التاني 1431 ه ....

مساء الورد عالوردات بنات بلادي السمحات

سامحونى توا شوية لان بنتى تبكى نمشى نديرلها شيشة هيا اليوم جوها ملخبط

مساء الورد عليك يا عروسة اشرف

محل عروس الاندلس وين يجي بالضبط؟؟

ياصبايا حطوا ام بي سي ون
وشوفوا حركات الصبايا

عروسة ليبيا;11652666:

روح الوليد

ووووووووووووووووالله فقدتك وسالت عليكي وين هاربه حبوبتي

اسمعي بعدين نحكي انا وياك علا نعومي
ف الماسنجررررررررررررررررررررررررررر

حبيبتي تسلميلي والله .
واوكى
بس عطيني موعد اوكى ؟بيش نكون موجودة:072::072::072:

روح الوليد شن صااااااااااااااااار ؟؟ فى الكريمة

الننس;11652694:

أم ناني،هايلة،ايمي،نوهيدة،مدام غادة
قولولي صغاركم لما يطلعو في السنون كيف ايديروا و انتم كيف اتديرو معاهم
بنتي الباين انها بتطلع في السنون تبدا اتنقرس طول الليل و الله طووووووووووووول الليل ما نرقد و حتى بنتي ما ترقد
امس شفت سن صغنوووووووووونة كيف بدت بتطلع
و قلت نسألكم لما تطلع السن خلاص البيبي يهدا و يولي زي قبل ولا كيف؟

متخافيش ننس .. فترة وتمر .. توا مدام السن طلعت خلاص حتهدا المدا هادى .. بس ديما خلى عندك زرابيط الحرارة لان هيا تبكى من حرارة السنون وكانا مقدرتش ترقد عطيها زربوت ..

بس اكيد فترة وحترجعلها الحالة لان مازال الفترة هادى كلها فترة تسنين

عروس أشرف;11652504:
محل عروس الاندلس وين يجي بالضبط؟؟

اهلين ياعروسة عندي احساس انك حرجانة مني مش عارفة علاش
المهم المحل يجي بعد بيتزا هاوس طريق قرقارش

الف مبروووووووووووووووووووووك و انشاء الله تطلعي فيه احلى غولة نتخايل فيك يوم الحفلة بتديري العار مش مصدقة انك بتعدي هاديو و تمشي برقة ههههه:085: :085: :085:

تصدقي يا غولة اني عندي نفس المشكلة اني نكره الحنة و ما نحبهاش بكل و خطيبي نفس القصة لكن ماما و عزوزتي قالو لازم منها انتي شن بتديري باش ندير زيك و كان كثرو معاي نقوللهم الغولة حتى هي هكي درات :042:  

Hayela;11653098:
متخافيش ننس .. فترة وتمر .. توا مدام السن طلعت خلاص حتهدا المدا هادى .. بس ديما خلى عندك زرابيط الحرارة لان هيا تبكى من حرارة السنون وكانا مقدرتش ترقد عطيها زربوت ..

بس اكيد فترة وحترجعلها الحالة لان مازال الفترة هادى كلها فترة تسنين

ننس هده اصعب مرحله ربي يعين وخلاص حتا انا توا ولدي يسنن والله لانرقد انا لاهو

لكن لما نعطيه المسكن يرتاح ويرقد سبحان الله وبعد يمشي مفعوله يولي يعيط زي قبل

انتي عطيها اي مسكن متاع اطفال( شروبو) بندول او اي نوع بس ماتخافي بعد يطلعن

السنينات ح ترتاح وتولي زي قبل هده فتره وتعدي ربي يعطينا الصبر وانشالله اجر لينا حنا هالسهر والتعب

غوله مبروك عليك الفيلو ربي يتمملك بخير انشالله

عروسه ضياء مبروك التخرج الف مبروك

روز مبروك عليك الخطوبه يااارب وعقبال العرس

روح الوليد معاش تغيبي علينا واجد مكانك فاضي قعد

طرابلسيه لسرتاوي حتا انتي معاد اتطولي الغياب نحب نقرا ردودك

عروسه ليبيا مشكوره عالمجهود الرائع وزيدينا من ابداعاتك

القلب الملهوف نجيك ليا وخلاص انتي الوحيده الي سالتي عني

حطو ام بي سي فور
وتعلموا مشس الكعب العالى براحة

خلاص حبايب قلبي انا تعلمتها وحنعلمكم
وبتقولولي ماكلنا نلبسوا كعب عالى ونمشوا بيه

لالالالالالالالالالالالالالالالالالالالالالالالالالالالالالالالالالالا
عارفة ماهوا حتى انا
اوبرا جايبة اخصائية اليوم . واخر شي تكلمت ع المشي بالكعب العالي وحطت صورتها وخى داخلة لللأستوديو (اوبرا)
وكانت شايلة كندرتها في ايديها . قالت ان فيه كنادر مصنوعة بيش نقعدوا بيها مش باش نمشوا بيها المهم
ياحناتى قالت ان اشفطي بطنك لداخل وقيمي اكتافك ةخلى طهرك منحنى قوس للداخل . يعني امشوا مشية cat walk>فهمتونى بس بشكل تريحوا بيه ظهركم .

روح سفهتيني في الام بي سي استاحشتها ماعنديش الا القنوات الاجنبيه مادرتش العربي لاني نبي نتعلم لغه

بس تعرفي برامجهم حلوات امس خشيت ندوش في الليل نسمع في ابو الشباب يناديلي يقولي اطلعي بسرعه

طلعت نجري نحساب الصغار خيرهم قولي شن لقيت؟؟؟؟ لقيتا حاط عل قنات البي بي سي جايبين فيها برنامج

عل ليبيا وعل سبها بالتحديد يتكلم عن السياحه وجايبين ( قبر عون) ومناضر من ليبيا وااااااو فرحت حسيت بالفخر

والمديع يشكر في الجو غادي وحالته حاله !!!!

ايمي2009;11653809:
غوله مبروك عليك الفيلو ربي يتمملك بخير انشالله

مبروك عليك احبيبة وربي يتمم بخير يارب


روح الوليد معاش تغيبي علينا واجد مكانك فاضي قعد

حبيبة ياايمي حاضر نحاول مرة تانية منغيبش تسلميلي يارب

القلب الملهوف نجيك ليا وخلاص انتي الوحيده الي سالتي عني

شخبار البيبي ياالقلب الملهوف وحق بديتي تتوحمى؟واحكيلنا نبوا تفاصيل راه

ياروحي ياايمي
يارب يخليلك ابو الشباب وترجعى لليبيا انت واياه والصغار يارب
بس قوليلي
شن جو السايلس امتاع اللالكترونيات عندكم ؟

جولي صحيتي على جولة العطور بارك الله فيك