لمة الليبيات لشهر ربيع التاني 1431 ه ....

"حياة حلوة" بشاشة له فروع منهن
1- سوق الجريد .
2- عند جزيرة الجعب ((شارع دبي )).
3- المجمع التجاري .
هذين العناوين الي نعرفهن حاليا بس هو معروف اتخشي لسوق الجريد تسالي ايدلوك و تهايلي عنده موقع ع النت ...

يا بنات صارلي موقف والله ما ني عارفه انا غلطانة او لا ...بابا زعلان مني ع الاخر
امس كان دفع خويا و جاء عمي وزوج عمتي و ولد عمتي و ولد عمي قاعدين في المربوعة وهم كانوا بيعدو يعني مش جايين ايهدرزوا و بابا قالي اطلعي سلمي و انا ما نحبش نسلم ع الرجالة صح عمي محرم ليا بس التانين لا و انا كان ما مديت يدي يقعدوا ايعلقوا و يديروها قصة يعني في الحالتين واحلة شن ندير انا توا لبابا الزعلان مني و الله انا ما قصدي بس انا ما نحبش السلام ع الرجالة بس .. وحتي انا اصلا ما كنتش واتية كمنظر لاني نطلع اصلا ..

هونيده;11593405:

شوفي يانرجوسة امشي بوسي ايد بابا وراسة وفهميه انك ماتحبيش اتسلمي على الرجالة حتى لو كانوا اقارب والله مايجيب زعل

مشكلة والله السلام حتى لما انروح الي ليبيا نقعد انفكر في هل المشكلة لاني

حتى انا مانحب السلام على الرجالة

قتله اني ما نحب نسلم علي الرجالة بس هو ما يبيش يقتنع قالي كيف ماكي تخدمي في مكان فيه رجالة وتمشي للسوق و تشري من رجالة (( خايفة معش ايخليني نطلع بعدها ولا نمشي انكمل دبشي ))بس تعرفي اصلا هما راس المشكلة لانهم هم بروحهم يحكوا و المشكلة انك لما تمشيلهم تلقي سلامهم اما بارد او ما يعملوكش كويس سواء بناتهم او رجالتهم لكن شن ندير الله غالب

عادى يا نرجوسة المهم رضا ربى مش رضى الناس
تاسفى لبابا وقوليله وجهة نظرك واصلا مش موضوع ينزعل منه اكيد تقدرى ترضيه
وفهميها للعيلة باش تطلعى من هلبه مواقف محرجة
بارك الله فيك يا نرجوسة حلوة منك

بيكاتشو;11593459:
عادى يا نرجوسة المهم رضا ربى مش رضى الناس
تاسفى لبابا وقوليله وجهة نظرك واصلا مش موضوع ينزعل منه اكيد تقدرى ترضيه
وفهميها للعيلة باش تطلعى من هلبه مواقف محرجة
بارك الله فيك يا نرجوسة حلوة منك

شكرا يا بيكو بس انا عندي عيلة ما نحكيلك عليها بكل علي سبلة قاعدين (( من الاخير يديروا من الحبة قبة )) والله يا بنات بلا مبالغة مركزين علينا بشكل غريب و انا انحسها بايخة و ثقيلة انخش ع صالون فيه 4 رجالة و نمد يدي لهم بالواحد او انسلم علي عمي و التانين لا فاختصرت القصة هدي و ماخشيتش بكل و شوفوا بعدها شن صارلي

هونيده;11593506:

فهمية قوليلة انا نشتغل بس ما نسلمش على الرجالة والمحلات نمشي نشري بس قوليلة يابابا ترضها بنتك اتسلام على الرجالة

وتوا ياحنا في العشية دايري اي حاجة ايحبها وطويسة شاهي واطلبي من ماما تساعدك على شان تراضية ...
خطرتي عليا قصة لما كنت نشتغل المدير والمساعد انتعة في العمل دارو راسهم من راسي
دويت ياحنا لي بابا وجاني في العمل ودخل على المدير ومساعده وقال لهم شنو مشكلتكم مع بنتي قالوا له تخيل ماتسلمش وما تقوليش صباح الخير ...

ناض بابا قاللهم انا مش دازها بيش اتسلم عليكم وتصبح دازها تشتغل وكان هذا بس ليا الشرف بنتي هكي ....

توا انحاول يا هونيدة وربي يساعدني و تعرفي حتي انا عندي منه البرنامج هضا في العمل بس توا خدوا علي طبعي و كل واحد عارف حدوده مش عارفه انا طبعي واعر او شنو بالضبط بس في حاجات انا منحبش انديرهن و الناس ما يتفهموش

تعرفى حاجه يانرجوسه.. هى مشكله صح لكن نقوللك شن تديرى مره تانيه .. ديرى حل وسط لما يقوللك اطلعى سلمى .. اوقفى فى باب الصالون او فى بداية الصالون وقولى كيف حالكم وسلمى بالفم من بعيد وتخش معاك ماما متلا عشان ما يكونوش مركزين عليك انك شن لابسه ولا ما سلمتيش .. واطلعى يعنى بالكتير دقيقتين ,,, وبالنسبه لبابا ... هو مش حيرضى لين تعترفى انك غلطانه (( هما الاباء كلهم هكى )) فاعترفيله وبعدين قعمزيله وفهميه ..حبه حبه ..وقو ليله انى مش لازم كل من يجى من العيله نطلعله وقوله صح انا نخدم فى مكان فى رجاله ونتعامل مع رجاله فى السوق لكن ما نسلمش عليهم واحد واحد وهكى اقنعيه باسلوبك :014:

رموسة الحلوه;11593580:
تعرفى حاجه يانرجوسه.. هى مشكله صح لكن نقوللك شن تديرى مره تانيه .. ديرى حل وسط لما يقوللك اطلعى سلمى .. اوقفى فى باب الصالون او فى بداية الصالون وقولى كيف حالكم وسلمى بالفم من بعيد وتخش معاك ماما متلا عشان ما يكونوش مركزين عليك انك شن لابسه ولا ما سلمتيش .. واطلعى يعنى بالكتير دقيقتين ,,, وبالنسبه لبابا ... هو مش حيرضى لين تعترفى انك غلطانه (( هما الاباء كلهم هكى )) فاعترفيله وبعدين قعمزيله وفهميه ..حبه حبه ..وقو ليله انى مش لازم كل من يجى من العيله نطلعله وقوله صح انا نخدم فى مكان فى رجاله ونتعامل مع رجاله فى السوق لكن ما نسلمش عليهم واحد واحد وهكى اقنعيه باسلوبك :014:

شكرا يا رموسة هضا الي حيصير اليوم انقوله انا الغلطانة والغلط راكبني من ساسي لراسي كيف ما يقولوا خلني نخلص من هالقصة بعد انا بابا ما يتحمل فيهم شي خليني انمشيه ع جوه خير ما ايديرلي جو شين بعدين

هونيده;11593767:

سامحينا يانرجوسة حكينا على مشكلتك

وانسيت اانمبارك على دفع خوك ان شاء الله بسلامتة وطولة عمرة

وان شاء حط افلوسة وين يلقاهن في بنت الحلال تسعدة وتهنيه

ايسلمك والله ايبارك فيك و عقبال ما تفرحي باولادك و بخوتك وخواتك ان كان مش متزوجين و ان كان متزوجين ان شاءالله نفرحوا باولادهم :025:

يتصفح الموضوع حالياً: 3 (3 من الأعضاء و 0 من الزوار) ‏روح الوليد, ‏ايمي2009, ‏نرجس الشرق

صباح الورد

نرجوسه البنات كفن ووفن

بس شن معناها دفع خوك؟؟؟

روح الوليد صباح الفل

كيف حالك وشن تحكي ؟؟

شن جوك وعامله ايه؟؟

روح الوليد;11594093:
يتصفح الموضوع حالياً: 3 (3 من الأعضاء و 0 من الزوار) ‏روح الوليد, ‏ايمي2009, ‏نرجس الشرق

صباح الورد

صباح الفل و الورد و الياسمين

ايمي2009;11594108:
نرجوسه البنات كفن ووفن

بس شن معناها دفع خوك؟؟؟

دفع يعني اتفقوا وعطوا المهر وتفقوا ع الذهب

نرجوسة الف مبروك توا فهمت كنت بنسألك امبكرى مافهمتش شن هو

ايمى وروح الوليد
كيف الحال ؟

نرجوسة
ياحلو فوتى وحتى انا نفس موقفي معاهم لكنى مرات نلقي ايد واحد منهم في ايدي (اولاد عمى ) (مايفهموش ) من غير مانحس نبدا انسلم على عمى لاني انحبه هلبة ونبدا حالة فمى معاه ومن غير مانندري واعد من هدوكم العبط يمدوا ايدهم وانا مش لاهية معاهم لعند يبدا شكلي بايخ وهما ماعندهمش احساس طبعا عاد الله عادى وكان شيئا لم يكن .
فعشان هكى قلت ناخدها من الاخير وانقول السلام عليكم من الباب وكيف حالك ياعمى كيف حالكم ياشباب من بعيد لبعيد . وافضل واامن . خليكي بعيدة لكن الابتسامة من هون لهون . باش مايقولوش خيرها مكشره .
(نرجوسة اكيد واخدة برانى عليكم صح ؟)
وحتى انا نبي نعرف شن يعني دفع ؟ عموما لو حاجة يباركولها . الف الف مبروك ؟

ايمي ياحلو انت
انا كويسة وحايسة عاالاخر بيجونا اليوم حوش خالتى بهدرزو .
والوالد عنده ضيوف عاالغداء يعني حوسة لمية لف بس قلت نبي نطل عليكم قبل لا ندخل للمطبخ .
وسلمك نشادة والله .

الحياة حلوة .
مبروك ماشريتي ياعسل وربي يتمم بخير

عروس ليبيا .

الله يتمملك ويهنيك يارب . وماتزعليش روحك راهوا اللى تكسبيه في حوش اماليك احسن واحسن .
انا نتمنى اني تنزوج ووناخد وليد لكن نقعدوا انا وياه في داري ما نبعدش على حوشنا بكل ...........خخخ طماعة صح ؟