لمة الليبيات لشهر ربيع التاني 1431 ه ....

طرابلسية لسرتاوي;11806812:
بعيد السوء عليك حبيبتي أم أحمد ربي يهدي سرك حتي أنا زيك أقسم بالله

شكلي نوضت عيلكم همومكم....بس اني عارفه شن يفرحك ان شاء الله ربي يجمعك بسرتاوي عن قريب:094::025::087::087:

وهران;11807218:
وئام نبى منك نصائح بالله عليك

اسمعى هو بيقعد غادى مدة سنتين وسنة هاذى بيجى ليبيا بيقعد اسبوعين وبيرجع . نبيك اتقوليلى كيف نتصرف معاه

اول شي مادام هو بيجي لليبيا وبيقعد اسبوعين علاش هو مايديرش شي رسمي
انتي ترتاحي وتعرفي نصيرك خير ما تقعدي تستني والمصير مجهول

ا لانها كل ما نبعتله مسجات او نكلم فيه ع الايميل انحس فيه مع الوقت ما يدورش فيا فهمتنى

كيف مايدوؤش فيك انتي مش قلتيلي واتقه فيه وانسان محترم معناها كان يمشي اشبح وين
هيصون الحب اللي بينكم

قصدى كيف نتعامل معاها مش لازم انكلمها ديما .
كل كم وكم انكلمها او نبعتلها مسج؟
فهمتنى باش ما يمل منى او يتغير عليا

قوليلى بالله عليم وئام

اني عندي افضل حل الوسط انك ماتكتريش وفي نفس الوقت ماتكونيش لامباليه معاه
متلا الصبح ابعتيله رساله صباحيه وقبل ماترقدي حتى هو
حسسيه انه غالي عندك وهو هيتعود بالشي هددا ويقعد يستنى في رسايلك
لانه تعود انك تبعتيله
لكن في الوقت نفسه حتى هو يكون متجاوب معاك ويدور فيك

[QUOTE=عروسة ليبيا;11806673




















[/QUOTE]

وهران هو كلمك علي موضوع الخطبه والا لا...وحاجه تانيه مدام هو بيروح اسبوعين يقدر يكلم اهلك رسمي ويرد لفرنسا يكمل وبعدها تتجوزو ان شاء الله باش انتي تتريحي وهو كذلك يعني مش معقوله تقعدي سنتين تراجي مش عارفه شن يصير اولا فهمتيني واخيرا الدنيا نصيبات كان هو نصيبك حتاخديه باذن الله ان شاء الله ربي يقدملك اللي فيه الخير

والله كلامك زين وحلو

قصدى يا وئام لما قتلك يبدأ ما يدورش فيا لما انقولك وينك معاش تبعت رسائل او شى . يحلف ايقولى القراية هلبة لين انفذ فهمتنى هكى قصدى

لاكن انى بنديرا اللى قتليه عليه . معاش بنخلى روحى هلبة عليه ع الاقل ايحس انى مش موجودة ويحس بغيابى

شكرا على مساعدك ليا والله

ام احمد م;11807390:
وهران هو كلمك علي موضوع الخطبه والا لا...وحاجه تانيه مدام هو بيروح اسبوعين يقدر يكلم اهلك رسمي ويرد لفرنسا يكمل وبعدها تتجوزو ان شاء الله باش انتي تتريحي وهو كذلك يعني مش معقوله تقعدي سنتين تراجي مش عارفه يصير اولا فهمتيني واخيرا الدنيا نصيبات كان هو نصيبك حتاخديه بأذن الله ان شاء الله ربي يقدملك اللي فيه الخير

ايه يا ام احمد قبل ما يمشى لفرنسا قالى غير خلينا انروح وانكمل قريتى وانجى نخطبك
وديما نبعتله رسائل وهو اهنى انقولها بتمشى لفرنسا وتخلينى ايقولى ان شاء الله الايامات الجاية انكونوا مع بعض بالحلال

فهمتنى والله مش عارفة قالى لين انكمل قريتى

وهران;11807413:
والله كلامك زين وحلو

قصدى يا وئام لما قتلك يبدأ ما يدورش فيا لما انقولك وينك معاش تبعت رسائل او شى . يحلف ايقولى القراية هلبة لين انفذ فهمتنى هكى قصدى

باهي القرايه ماقلنا عليها شي
باهي المكالمه قداش بتاخد منه ولا مسج ماياخدوش حتى دقائق
هدا مش عدر

لاكن انى بنديرا اللى قتليه عليه . معاش بنخلى روحى هلبة عليه ع الاقل ايحس انى مش موجودة ويحس بغيابى

اهم شي ماطيحلاش هلبه وفي نفس الوقت ما تكونيش لامباليه خليك بين وبين

والاهم من هدا كله يديرلك حل لما يروح لي ليبيا تستريحي والله ياوهران

شكرا على مساعدك ليا والله

ماتجيش بيناتنا ياوخيتي كان مالقيناش بعضنا من بنلقو

تعرفى وئام كلامك مقنع

ربى ايخليك

اسمعى كان تبى تستفسرى ع اى شى انى حاضرة

هكى البنات الكويسة والا بلاش

وهران;11807520:
تعرفى وئام كلامك مقنع

ربى ايخليك



اسمعى كان تبى تستفسرى ع اى شى انى حاضرة

هكى البنات الكويسة والا بلاش

هكى كويس يا ام احمد

ان شاء الله يا رب يا العالى يحددوا لوئام يوم عرسها عاجل غير اجل امين يا رب العالمين

وهران;11807572:
هكى كويس يا ام احمد

كويس ما شاء الله عليك

وهران;11807587:
ان شاء الله يا رب يا العالى يحددوا لوئام يوم عرسها عاجل غير اجل امين يا رب العالمين

وئام انتي قالولك العرس السنه ومحددوش الموعد بالزبط كشهر ويوم او قاعد مش معروف ابدا

انشاء الله تقبل دعواتنا كلنا وما ننسوا نذكرو الله فى كل وقت,وانتى اللى ماشاء الله عليك يا ام احمد وكلكم ما شاء الله عليكم

ام احمد م;11807651:
وئام انتي قالولك العرس السنه ومحددوش الموعد بالزبط كشهر ويوم او قاعد مش معروف ابدا

هيا تصبحوا ع الف خير ونومتكم مريحة وتصحوا كلكم شباب وحيوية

وئـــام;11807659:

قالولي السنه هادي لاكن ماحددوليش اليوم والشهر

ان شاء الله يتحدد بالزبط اني عندي صاحبتي زيك مش معروف امتي لكن السنه يراجو في خطيبها لين يروح من السفر بس قالولها علي الاغلب بين شهر 9....11 تعرفي موتيه لروحها كل شئ معادا لبس الطلعات والمناسبات قالت في 7 تعرفي حتي علي الصالات دارت دوره وتوه مبدئيا مححد الصاله والعشي عند مني والمزين ...فلذلك تقدري حتي انتي تبدي في الحاجات البسيطه مدام العرس ان شاء الله السنه... خير ميجوك قبل شهرين ويحددو بعتالي تقعدي حايسه

ام احمد م;11807736:
ان شاء الله يتحدد بالزبط اني عندي صاحبتي زيك مش معروف امتي لكن السنه يراجو في خطيبها لين يروح من السفر بس قالولها علي الاغلب بين شهر 9....11 تعرفي موتيه لروحها كل شئ معادا لبس الطلعات والمناسبات قالت في 7 تعرفي حتي علي الصالات دارت دوره وتوه مبدئيا مححد الصاله والعشي عند مني والمزين ...فلذلك تقدري حتي انتي تبدي في الحاجات البسيطه مدام العرس ان شاء الله السنه