لمة الليبيات لشهر ربيع التاني 1431 ه ....

باهي خطيبك عايش في ليبيا و لا غادي ؟؟

خطيبي
مولود في بريطانيا و عاش كم سنة اهناية لما صغير بعدين روحو ليبيا
قري جامعة سنة غادي .. معجباش الجو قال مافيش اقراية لولز
ف جي اهناية قعد ٨ سنوات .. قري جامعة وكمل واقعد اهني وتوا ليه سنة روح ليبيا
وبس

كيف تعرفتوا ؟؟ حشيشتي التقصقيص خاصة على قصص الحب هههه

ههههه ومن قال ان قصة حب ههه
خطيبي كان يقرا في مدينة تانية .. بس اختي ساكنة غادي و راجل اختي صاحبه هلبا وبما انه كان خطيبي عزابي ف سريك مريك ع حوش اختي ياكل ههه
واحني ديما نمشو لي اختي .. شايفته كم مرة بس
ولما روح ليبيا تذكر انه يبي يخطبني ههه وبس ..

اه يعني اعجاب و حب من جهته هو مادام قرر يخطبك
و انتي بيني و بينك ما كانش عاجبك و تفكري فيه ؟؟:086:

ههه لا انا يعني مش شايفته هلبا
بس بنت اختي الصغيرة دايما كان يلعبها لما يمشي لي حوش اختي
ف ديما لما تجي حوشنا تحكيلي علي صاحبها ههه اللي هو خطيبي ههه

بس هو توا قالي ههه كان خايف يخطبني .. كان متوقع اني اقول لا ههه بس اانا لما خطبني كنت سوووووووووو هابي ههه

-----

هههههههههه تفكيرك شرير انتي حرام عليك اكيد هو كان يبي يتاكد من مشاعره بس

999999999999999999999999999

احلى لحظات الايام الاولى طبعا فكرتيني باول ايام و اول مكالمة بيني و بين خطيبي كنت متعاركة معاه توة اتصلت بيه من كلامك حرك احساسي :02:

هههه
اوووه كيوت
انتي كم عمرك ؟.؟؟ وكيف تعرفتي ع خطيبك ؟؟

اني 25

نحكيلك تضحكي مشيت اني و اختي لمحل نشري لبابا ترمس للشاهي لمكتبه اوكي لقينا صاحبة ماما سلمنا عليها بعد ما شرت حاجاتها و احني خدينا شن نبوا كلمت ولد اختها هو جايبها قتله كملت تعاله طلع معاي الحاجات طبعا الباشا جيه عرفاته علينا سلم و طالعين دار شو الشهامة حطلي الحاجات في سيارتي و مشي كل واحد على حاله روحت لماما نتسهوك قلتلها صاحبتك ولد اختها طرف شكله يجنن تاني يوم كلمتني بنت خالته و قتلي يبيك و اعجب بيك شيط ريقة طبعا بش كلمته و اول مكالمة بينا صار زي ما صار معاك اتاكدت اني موافقة عليه و نبيه بس و توتة توتة بدت الحدوتة هههههههه

oh bless ,,
الله يخليكم لي بعض
وهو كم عمره .. طبعا هالسؤال لازم
وكم ليكم مخطوبين
وامتي العرس؟

تانكس على الدعوة الحلوة و انشاء الله ربي يجمعك انتي و خطيبك باسرع وقت و تنجحي في قرايتك و تتخرجي و تفتكي من القراية

حتى اني صار معاي نفس الشي بصراحة وافقت عليه اني لما عرفته و بعدها طول جي كلم بابا فضانيتي كانت 13 / 8 اللي فات و بياني كان يوم 25 / 10 و العرس

شهر 9 هذا بعد رمضان انشاء الله

امييييين
اوه .. قريب يعني .. ربي يتمم علي خير

:025::025::025::025::025::025::025::025::025::025::025::025::025::025::025::025::025::025::025::025::025::025::025::025::025:

اوكي سؤؤؤؤال ليكم كلكم ههه اضني سألته زمان مانذكرش
لو سألته جاوبو تاني ههه
--
كل وحدة اكيد كانت تتمني شيء .. لقبل تنخطب يعني تتزوج واحد اكبر منها بستنين بس وطووويل ولا قصصييير وعرررريض ولا شعره ازرق وعيونه طرطاريات
يعني كل وحدة عندها شيء
ف هل خطيبكم او راجلكم نفس الموصفات اطلع ولا لاء ؟ ههه

تانكس يا روز و انتي لبستي الدايموند رينق و لا مازال ؟؟

لا قاعدة بلا دبلة ههه
ان شاء الله في الصيف بيجي هو وخواته وامه وابوه وبنديرو حفلة الخطوبة يعني بيان ع قولتكم ههه