لمة الليبيات لشهر ربيع التاني 1431 ه ....

عروس ليبيا;11782157:
خيرات عليكن عرايسنا الحلوات

حبيت ندخل نعزمكن كلكن على عرسي الاربعاء الجايه على بركه الله ان شاء الله

الدعوة عامه ومرحبتين فيكن كلكن يشرفني حضوركن

:083:الف الف مبروك وربي يتمم بخير:083:

هو وهران مانقول حرام

بس انا يعني حتي نفسيا .. تحسيه هو اكبر وانتي الصغيرة لولز

يعني انا مثلا اثنين واحد اصغر مني واخلاقه اوكي و واحد اكبر مني اخلاقه اوكي اكيد باخد اللي اكبر

انا ع هدا اتكلم

بس طبعا لو الكبير اخلاقه مش اوكي خلاص خودي الصغير

بس اتكلم عن العمر بس .. بغض النضر عن الافكار وكله

القلب الملهوف شخبار البيبي.

سلام حلوااااااااااات

انا ليبية عايشة في سويسرا

كنت زمان نعرف كام وحدة ليبية بس انقطعت فترة عالمنتدى والان رجعت

حابة نتعرف عالقروب الجديد

وياريت ايكون في حد من القروب القديم

سلام

وتوا

سلالالالالالالالالالالالالالالالام

يا روز مرات انى حتى اتكونى اصغر منها وشكلك ايبان كبير . هاذى هلبة ناس هكى هما اصغر منها ويبونوا اكبر من راجلتهم والله . انتى غير لما اتجى ليبيا توا اتشوفى النسواين والبنات بعينك. تعرفى انتى توا عمرك عشرين واقسم بالله انى عمرى 23 باهى. واقسملك بالله اللى خير منى ومنك عندى ناس اقارب حوش عمى تعرفى بنتاهم مواليد90 و92 و95 . يبانوا اكبر منى حتى بنات عمى يضحكوا عليا ايقولولى الصغار يبونوا اكبر منك اللى انت اكبر منهم . واقسم بالله تشبحيهم اتقولى اعمارها 26 سنة مش 18 سنة والله.وانى اصلا كلهم الناس يحسبونى قاعدة نقرا فى التانوى وانى متخرجة من الجامعة . والحمد لله انها ديما نشكر فى ربى انى عطينى هبة انى نبان طفولية فهمتى روز. وبنقولك حاجة تانية اختى عمرها 25 سنة والله مشيت لعرس سألتها بنت انتى تقرى وين اختى قاللتها قول انتى الاول . البنت قللتلها انتى اكيد تقرى اول اعدادى واختى للعلم متخرجة من جامعة ناصر لغة انجليزية وتخدم فى شركة واقسملك بالله زى ما انقولك توا.

دلوعة حبيبها;11783089:
سلام حلوااااااااااات

انا ليبية عايشة في سويسرا

كنت زمان نعرف كام وحدة ليبية بس انقطعت فترة عالمنتدى والان رجعت

حابة نتعرف عالقروب الجديد

وياريت ايكون في حد من القروب القديم

سلام

ياهلا وينك غير وين كنتى وين بس

بعتلك هداكا اليوم في التجمع الازرق.
وشخبارك ؟

:072::072::072::072:
وتشرفي وتانسي
والعقبة لي د لمار وسمية وام ايهم ام ادم ويييييييييييينه ووين اياماتهم .

:093::093::093::093::093::093:

اي هو اكيد هكي

بس زي ماقتلك في البداية تبان صغيرة ويقول اوكي بس بعدين هي المرا تكبر اسرع من الراجل يعني يبان عليها الكبر ..

انا اتكلم بصفة عامة بس اكيد في ناس رجالتهم اكبر منهم بهلبا وهي تبان اكبر منه

بس انا اتكلم عن يعني بصفة عامة

بس انتي قصدك يعني .. تبي واحد اصغر منك لازم !!! يعني حتي لو خطبوك اثنين نفس الموصفات واحد اكبر و واحد اصغر منك تاخدي الاصغر ؟؟؟

دلوعة حبيبها;11783089:
سلام حلوااااااااااات

انا ليبية عايشة في سويسرا

كنت زمان نعرف كام وحدة ليبية بس انقطعت فترة عالمنتدى والان رجعت

حابة نتعرف عالقروب الجديد

وياريت ايكون في حد من القروب القديم

سلام

اهلين كيف الحال انتي ام البنتين التوام صح والا لا تورتي اللمة

صحة غداكم انى توا كيف كملت غداى لانى تغديت متاخر اليوم انى اصلا ليا بايتة فى حوشنا من يوم الخميس واليوم انشاء الله نبى نروح
تانيا انى عندى راى بخصوص فرق العمر فى الزواج انى نحب نتزوج واحد قريب منى فى السن حتى نتقدرو نتفاهمو وتفكيرنا واحد واصلا الفرق بينى وبين زوجى 4 سنين والمشكلة مش فينا المشكلة فى تفكير مجتمعنا العقيم الى يحكموا على المراة بعمرها مش بشكلها

.......................

حبيبتاى وتوا القهيوة والشاهى والحلو .
عا الله باالحلو المقوم .
نستادن ومع السبعة انشاء الله ندخل .
عروسة ليبيا ؟ نبيك عاالماسنجر عندى ليك وصية من أم( أ)

ام نانى قصدى انتى عادى انه واحدة تاخد واحد اصغر منها مش بهلبة لاكن بسنتين او تلات هكى نقصد انى . عادى او حرام ولا

حبيباتى انى بنمشى انصلى العصر وبنشرب نسكافيه مع ماما واخوى وبنوالى بعدين فى العشية يلا باى توا.

========================

يابختكم تحبو الشاهى والقهوة والله ما نحبهم ولا نشرب فيهم حتى راجلى ديما يضحك عليا ويقولى كيف تتكيفى

السلام عليكم ....منورين يدوم عليكم الصحه والعافيه ....ما شاء الله 12 العضو ....متجمعين عند النبي انشاء الله