رابطة امهات واطفال مصر لشهر ربيع الثاني (كل عام وانتم بخير واحسن حال)....

دة فعلا كانك هتفطميه يا ايمان

بصي بقي اعتبرى نفسك بتفطمي من اول وجديد

وواحدة واحدة قللي المرات اللى بتديله فيها اللبن والمايه

وطالما انه الكميه كدة بتنزل فى البول يبقي مش بيشرب عطش لا دة زيادة عن حاجه جسمه

وعلى فكرة كمان

هو كدة هيصحي الصبح نفسه مسدودة عن الفطار ومش حاسس بالجوع

لكن لما يتفطم هيقوم جعان ويفطر ونظام اكله هيتنظم باقي اليوم

*Om Mo3az*;11769087:
انا بفكر يا رعشة اني الايام دي فعلا احاول افطمه من موضوع الشرب ده وهو بعد كده مش هيصحى بالليل غير مرة مثلا وساعتها اعرضه ع الحمام
هو بيصحى يشرب لبن وميه ههههههههههههههه

انا عاوزة الايام اللي جاية دي هيبقى لابس بامبرز بالليل فانا احاول اني اقلل من الشرب بس هو بيفضل يعيط جامد اوي ولازم يشرب لبن وبعدين ميه
وكمان لما الجو حرر شوية الاول كان بياخد بؤ صغنن اوي لبن وزيه ميه دلوقتي بقى بيشرب كتير يعني كباية اللبن على ما الصبح ييجي بتكون الكابيتين خلصو اللبن والميه
طبعا ده كتير جداااااااااا وعشان كده بيعمل بي بي كتير يعني انا لازم اول ما يصحى اغير له البامبرز مع اني ببقى عارفة انه هيعمل بي بي ولازم يغير بس هو كده لازم يغير اول ما يصحى ومافيش نص ساعة ويكون عمل بي بي وبغير له تاني

كأنك بتتكلمى على محمود فى موضوع الشرب بالليل
وكمان اول مايصحى اغير واول ما ياكل يعمل واغير تانى حاجة تزهق
ربنا يهديهم ويتعلمو بقه

*Om Mo3az*;11769093:
يا حبيبي يا حمودي
سالي ابقي حطي مخدة كده بطول الحيطة عشان مش يتخبط
ربنا يهديه يارب وينام مدة طويلة المرة دي

يارب يا ايمان انتى متخيلة انا بصحى كام مرة فى الليلة بسببه وكام مرة بسبب انى انا بدخل التواليت طبعا انتو عارفين الحمل والله يمكن كل نص ساعه ادخل ولو كملت ساعه او ساعتين بصحى على اخرى ببقى خلاص هنقط فى الطرقه ههههههههههههههههه

أم حموودى القمر;11769115:
كأنك بتتكلمى على محمود فى موضوع الشرب بالليل
وكمان اول مايصحى اغير واول ما ياكل يعمل واغير تانى حاجة تزهق
ربنا يهديهم ويتعلمو بقه



يارب يا ايمان انتى متخيلة انا بصحى كام مرة فى الليلة بسببه وكام مرة بسبب انى انا بدخل التواليت طبعا انتو عارفين الحمل والله يمكن كل نص ساعه ادخل ولو كملت ساعه او ساعتين بصحى على اخرى ببقى خلاص هنقط فى الطرقه ههههههههههههههههه

حاسة بك يا سالي

الموضوع متعب فعلا

ربنا يهديهم يااااااااااااااااااااااااااااااارب

انا بدأت فعلا افطم محمود من اللبن بالليل بحط جمبى كوباية ماية بس
بس بقولكم بيصحى 10 مرات مثلا فى الليل وكل مايصحى يشاور على الكمودينو على كوباية المية
وميرضاش ينام غير لما يشرب لو حتى بق صغير

فعلا يا رعشة والله ده اللي بيحصل
طقة الفطار دي ممنوعة
ده ممكن اول ما ادخل المطبخ احضر الفطار الاقيه يقوم مرجع طبعا خلاص بقى يبقى مافيش اكل دلوقتي ولو اكل هم قطمتين والله وخلاص واوقات يشرب نص كباية شاي بلبن وخلاص على كده ويفضل ساعتين ولا تلاتة وبعد كده يتغدى بقى

عشان انتو لما فطمتوهم استبدلتو الرضعه بكوبايه المايه

فهما كمان تعلقهم بالرضعة اتحول لتعلق بكبايه الماية

زي معاذ يا سالي
يفضل برضو يشاور لي عشان يشرب ولو فيه ميه بس مش بيرضى ويقعد يعيط لازم لبن الاول وبعد كده ميه

ربنا يسهل بجد هحاول انهرده كده اسيب اللبن والميه في المطبخ واجرب لو ماقدرتش عليه بقى هجيبهم وامري لله

*Om Mo3az*;11769140:
زي معاذ يا سالي
يفضل برضو يشاور لي عشان يشرب ولو فيه ميه بس مش بيرضى ويقعد يعيط لازم لبن الاول وبعد كده ميه

ربنا يسهل بجد هحاول انهرده كده اسيب اللبن والميه في المطبخ واجرب لو ماقدرتش عليه بقى هجيبهم وامري لله

لا يا ايمان مش مرة واحدة كدة

انتي قللي عدد المرات وبالتدريج هينسي الموضوع

يعنى مرة تديله ومرة تسيبيه يعيط شوية وينام

زى مافطمناهم من رضاعه بليل بالظبط

وكمان تعرفو لو واكلين كويس قبل النوم مش هيقدرو يقومو ويشربو حاجه

والاكل هيخليهم ينامو بعمق

اخرو وجبة العشا وخلهم يشبعو منها اوى وربنا يهديهم كلهم يارب

*Om Mo3az*;11769132:
فعلا يا رعشة والله ده اللي بيحصل
طقة الفطار دي ممنوعة
ده ممكن اول ما ادخل المطبخ احضر الفطار الاقيه يقوم مرجع طبعا خلاص بقى يبقى مافيش اكل دلوقتي ولو اكل هم قطمتين والله وخلاص واوقات يشرب نص كباية شاي بلبن وخلاص على كده ويفضل ساعتين ولا تلاتة وبعد كده يتغدى بقى

دا كده محمود هو اللى هيبقى توأم معاذ يا ايمان مش حسن
برده محمود مش بيرضى يفطر بيستنى ساعتين تلاته واول وجبة تكون الغدا على طول
وانا مش عاوزة كده بصراحة نفسى يتعود يفطر
بس مش علشان بيبقى شبعان يا شوشو لانه بقاله يومين مش بيشرب لبن طول الليل وبرضه لما بيصحى مش بيفطر

رعشة قلب;11769162:
لا يا ايمان مش مرة واحدة كدة

انتي قللي عدد المرات وبالتدريج هينسي الموضوع

يعنى مرة تديله ومرة تسيبيه يعيط شوية وينام

زى مافطمناهم من رضاعه بليل بالظبط

وكمان تعرفو لو واكلين كويس قبل النوم مش هيقدرو يقومو ويشربو حاجه

والاكل هيخليهم ينامو بعمق

اخرو وجبة العشا وخلهم يشبعو منها اوى وربنا يهديهم كلهم يارب

طب واللى مش بيرضى يتعشى كويس بقه اعمل فيه ايه؟؟

ساعات بيبقى شبعان والله يا رعشة بس هو اتعود انه يصحى يشرب لبن فبيصحى
وساعات الكباية بتخلص مثلا بدري هو بيصحى يفضل يعيط وعاوز يشرب يلاقي الكباية فاضية يقعد يعيط وانا افضل اقول له بح ومافيش وهو يعيط ومصمم يشرب لحد ما اقوم مزعقة له بقى يقوم حاضني ونايم ههههههههههههههه


سالي ده بيبقى تعود على فكرة معاذ كان كده الاول زي باباه مافيش حاجة اسمها يصحو من النوم ويفطرو بس معاذ بدا يتعود شوية انه ياكل حاجة اول ما يصحى حتى لو حاجة بسيطة وخفيفة المهم انه يفطر لان وجبة الفطار دي اهم وجبة

وممكن يتعشى مرة كويس وبرده يصحى 50 مرة
نفسى اعرف ايه اللى بيقلقه كل شوية كده
المفروض انه كبر بقه وينام متواصل

أم حموودى القمر;11769169:
دا كده محمود هو اللى هيبقى توأم معاذ يا ايمان مش حسن
برده محمود مش بيرضى يفطر بيستنى ساعتين تلاته واول وجبة تكون الغدا على طول
وانا مش عاوزة كده بصراحة نفسى يتعود يفطر
بس مش علشان بيبقى شبعان يا شوشو لانه بقاله يومين مش بيشرب لبن طول الليل وبرضه لما بيصحى مش بيفطر

عشان اتعود مايفطرش ياسالي

انتى عوديه يفطر اي حاجه حتى

اى حاجه يكون بيحبها

المهم انه يتعود انه لما يقوم من النوم فى حاجه اسمها فطار

ان شالله حتى لقمه واحدة

وبالتعود الوجبة هتكبر

شربيه كباية لبن يا سالي
اللبن بيشبع والله ويغني عن وجبة العشا

البت مها كانت عند حماتها النهاردة وشكلها رجعت نامت كانت بتقول انها تعبانة ومرهقة وعاوزة تنام
القعدة ناقصاها والله

*Om Mo3az*;11769185:
ساعات بيبقى شبعان والله يا رعشة بس هو اتعود انه يصحى يشرب لبن فبيصحى
وساعات الكباية بتخلص مثلا بدري هو بيصحى يفضل يعيط وعاوز يشرب يلاقي الكباية فاضية يقعد يعيط وانا افضل اقول له بح ومافيش وهو يعيط ومصمم يشرب لحد ما اقوم مزعقة له بقى يقوم حاضني ونايم ههههههههههههههه


سالي ده بيبقى تعود على فكرة معاذ كان كده الاول زي باباه مافيش حاجة اسمها يصحو من النوم ويفطرو بس معاذ بدا يتعود شوية انه ياكل حاجة اول ما يصحى حتى لو حاجة بسيطة وخفيفة المهم انه يفطر لان وجبة الفطار دي اهم وجبة

بصو طالما كدة

يبقي قصه انهم يقومو ويشربو بليل دي تعود كانها رضعه بالظبط

عايزين يتفطمو منها

رعشة قلب;11769189:
عشان اتعود مايفطرش ياسالي

انتى عوديه يفطر اي حاجه حتى

اى حاجه يكون بيحبها

المهم انه يتعود انه لما يقوم من النوم فى حاجه اسمها فطار

ان شالله حتى لقمه واحدة

وبالتعود الوجبة هتكبر

انا بعرض عليه والله بس ساعات مش بيرضى وساعات ياكل بقسماط ياكل حته وييكسر الباقى وساعات زبادى كده يعنى
بس انا بحاول والله مش بطنش

هما كلهم متعبين فى موضوع الاكل دة

ماعرفش ليييييه مش بيحبو فكرة انهم ياكلو

ودايما يحسسوك انك بتعذبيهم بالاكل وانهم قاعدين غصب

الله يهديهم كلهم يااااااااااااااااااااااااااااااااااااااااااااااااارب

كنت لسة هسال عليها يا سالي
بس يارب فعلا تكون عارفة تنام من اروى ههههههههههههههه

ربنا يهديهم يارب كلهم

رعشة قلب;11769202:
بصو طالما كدة

يبقي قصه انهم يقومو ويشربو بليل دي تعود كانها رضعه بالظبط

عايزين يتفطمو منها

طب تعرفى انه ساعات لما بيصحى انا تلقائيا بديله يشرب لانه اتعود الاقيه يزق ايدى ومش عاوز ويقعد يفلفص منى ومش عاوزنى اخده فى حضنى ويتشنج ويخبط راسه فى الحيطة
هو صاحى ينكد عليا ويقرفنى بعياطه وخلاص
بقوم سايباه مع نفسه وادور وشى














بس بلاقى كف ايده على وشى بيفوقنى والله اقوم مصالحاه

:085::085::085::085::085::085::085: