رابطة امهات واطفال مصر لشهر ربيع الثاني (كل عام وانتم بخير واحسن حال)....

معاذ انهرده من الصبح عمال يقول لي ايمي
طالعة منه زي العسل
مع ان محدش قال له قول كده بس باباه دايما يقول لي ايمي فهو لقطها منه هههههههههههههههههه

مش عارفة يا شوشو والله بس حاسة من غيرها انه هيبقى اسهل
بصي احنا هنجرب واللي هيتعودو عليه ويبقى اسهل بالنسبة لينا وليهم نكمل بيه

*Om Mo3az*;11768456:
طب ومامتك يا شوشو قالت لك ايه على موضوع المشمع ده
انا شايفة انها هتشيل عنك كتير وهتساعدك يعني

الله المستعاااااااان

ماما بتقولى لازم يحس بالبلل

عمره ماهيتعلم وهو لابس البامبرز

ودى فعلا حقيقه واقعه

بس ماهو انا لو شيلت السجاجيد ماقدرش اشيل الكراسي والانتري

طيب الامهات بتعمل ايه؟؟؟؟

معقول بتسيب الاطفال كدة فى كل حته

اصل صعب اوى تسيطري على تحركات الطفل والموضوع اصلا بيكون في توتر للام والطفل يعنى مش محتاج ازود اسباب جديدة للتوتر انى احدد اقامته وكدة

ا ايمان وشوشو الله يعينكم بجد
وانا كمان نفسى اعمل اى خطوة بس حاسة انى هابذل مجهود على الفاضى واول ما اولد هانسى محمود شوية واللى عملته هايضيع

*Om Mo3az*;11768463:
معاذ انهرده من الصبح عمال يقول لي ايمي
طالعة منه زي العسل
مع ان محدش قال له قول كده بس باباه دايما يقول لي ايمي فهو لقطها منه هههههههههههههههههه

يا روووحي

ربنا يحفظه ياااارب

وياااااااارب ينطقووو بقي

موضوع الكلام اللى متاخرين فيه دة كمان حفله لوحده

كل اللي يشوف حسن يقولى متاخر فى الكلام ولازم تودي لدكتور

هو ممكن زي ما انا هعمل بقى
تفضي مكان وتقعدو فيه طول اليوم ويكون قريب للحمام
يعني انا شلت سجادة الترقة بقى لي كام اسبوع كده ولما اروح ان شاء الله هشيل سجادة الصالة والحمدلله انها فاضية عندي مش عارفة لو كان فيها انتريه ولا حاجة كنت هعمل ايه بصراحة
والا بقى كنا نفضل في الحمام 24 ساعة هههههههههههههههه

طب انتي فعلا هتعملي ايه مافيش حل بقى غير المشمع اللي بتقولي عليه ده

أم حموودى القمر;11768495:
ا ايمان وشوشو الله يعينكم بجد
وانا كمان نفسى اعمل اى خطوة بس حاسة انى هابذل مجهود على الفاضى واول ما اولد هانسى محمود شوية واللى عملته هايضيع

اصلي انتى قربتي تولدى يا سالي

وفعلا الموضوع عايزة فترة تركيز وتفرغ زهنى معاه عشان يتعلم تماما

خصوصا كمان انه لسه صغير شويه عن حسن ومعاذ

عارفة يا سالي لو بداتي وحستي ان محمود بقى بيتعلم
ممكن لما تولدي ان شاء الله مامتك او اختك اللي يتولو امر محمود في الحمام على ما انتي تشدي حيلك شوية لانه لو اتعلم حاجة بجد بلاش تخليه ينسى لانه هيكون حراااااااام


يارب يا شيماء
بس مش محتاجين دكاترة والله
كان فيه واحدة بتتصل دكتور انهرده على قناة الرحمة هو اخصائي اطفال بس مش عارفة اسمه ايه
المهم ابنها عنده سنتين ونص ولسة مش بيقول كل الكلام
فالدكتور قال لها طالما بيقول بعض كلمات يبقى مافيش اي قلق خالص الخوف لما يكون في السن ده ومش بيقول ولا كلمة انما لما بيكون فيه تطور ولو بسيط بيبقى طبيعي
مش كل الاطفال زي بعض

*Om Mo3az*;11768517:
هو ممكن زي ما انا هعمل بقى
تفضي مكان وتقعدو فيه طول اليوم ويكون قريب للحمام
يعني انا شلت سجادة الترقة بقى لي كام اسبوع كده ولما اروح ان شاء الله هشيل سجادة الصالة والحمدلله انها فاضية عندي مش عارفة لو كان فيها انتريه ولا حاجة كنت هعمل ايه بصراحة
والا بقى كنا نفضل في الحمام 24 ساعة هههههههههههههههه

طب انتي فعلا هتعملي ايه مافيش حل بقى غير المشمع اللي بتقولي عليه ده

طيب يا ايمان افرضي انتى مثلا شيلااه او مثلا هينام الظهر او مقعدة على رجلك وبتاكليه ؟؟

ماهو كدة بيهدلك معاه

دة احنا كدة عايزين نشترى غيارات لينا احنا كمان معاهم

*Om Mo3az*;11768536:


يارب يا شيماء
بس مش محتاجين دكاترة والله
كان فيه واحدة بتتصل دكتور انهرده على قناة الرحمة هو اخصائي اطفال بس مش عارفة اسمه ايه
المهم ابنها عنده سنتين ونص ولسة مش بيقول كل الكلام
فالدكتور قال لها طالما بيقول بعض كلمات يبقى مافيش اي قلق خالص الخوف لما يكون في السن ده ومش بيقول ولا كلمة انما لما بيكون فيه تطور ولو بسيط بيبقى طبيعي
مش كل الاطفال زي بعض

طب يا ايمان انا خايفه التطور دة معاهم يكون بطئ

يعنى يوصلو 3 سنين وكلامهم مكسر ومش واضح

لانهم فعلا مش بيتطورو بسرعه فى الكلام

كل فين وفين لما تطلع كلمه جديدة

هههههههههههههههههههههه
اه والله يا رعشة احنا كمان عاوزين غيارات
بصي لما ييجي ينام اولا بالنهار مش هلبسه بامبرز ولما ييجي وقت النوم مش هخليه ينام غير لما يعمي بي بي الاول وانا جبت مشمع كبير خحطه تحت ملاية السرير عشان الميه مش تيجي على المرتبة
وهبقى اغير الملاية بقى لو عمل وده الطبيعي انه هيعمل يعني
وكمان مش هخليه ينام كتير هصحيه يدخل الحمام

احنا عاوزين غيارات ليهم ولينا وللسراير ههههههههههههههههه
بس انا ان شاء الله نويت بجد ومش مهم البهدلة حتى جوزي قال لي لو جيت ولقيت الاكل لسة ماخلصش عادي هنام شوية ولما اصحى نبقى ناكل المغرب ولا حاجة مش مهم
ربنا يعينا بقى بجد ع الموضوع ده

رعشة قلب;11768563:
طب يا ايمان انا خايفه التطور دة معاهم يكون بطئ

يعنى يوصلو 3 سنين وكلامهم مكسر ومش واضح

لانهم فعلا مش بيتطورو بسرعه فى الكلام

كل فين وفين لما تطلع كلمه جديدة

عادي يا رعشة والله
هو الدكتور يقول ماينفعش تقارني ابنك باي طفل تاني خااااااااااالص
انا شايفة الموضوع عادي يعني وهييجي لهم يوم ويبقو لكلك هههههههههههههه

ما انا بقول عشان كده
ومها برده قالتلى هتعب نفسى على الفاضى وهو لسه صغير
الله المستعان بقه
واللى ربنا عاوزه يكون ان شاء الله

انتى عارفه يا ايمان

انتى ماتحطيش المشمع تحت ملايه السرير الاساسيه


انتى ممكن تعملى كدة ملايه سرير تكون مثلا مستهلكه شويه او مش قيمه او كدة

وتحطيها فوق المشمع وقت النوم عشان ماتهلكيش الاطقم بتاعتك بكتر الغسيل

وكمان عشان الاوضه تبقي دايما مرتبه وانتى نفسيا مماتحسيش بالفوضي فى كل مكان حتى فى اوض النوم

بصي يا سالي انتى الفترة دى قاعدة انتى وحمودى لوحدكم

استغليها انك حتى تعلميه يقعد على البوتي

مش لازم تعلنى حاله الطوارئ وتدخلى حاله الاستعداد القصوى

بس مجرد انه يعرف ان البوتي دي للحمام بيسهل عليك خطوات كتيييير

وانتى دلوقتى فاضيه ولوحدكم يعنى فرصه حلوة انك تشغلي نفسك بالموضوع دة وتحسي انك بتعملى حاجه ايجابيه

والله نفسيتك هتبقي احسن كتيييير

فعلا يا سالي محمود صغير ومش هيفهم الموضوع
انتي تستني بعد ما تولدي بتلات اربع شهور كده هيكون هو كمل سنتين او اقل كمان وتعلمي محمود على الحمام والبيبي الجديد تعلميه ع البوتي ههههههههههههههههه
بس ربنا معاكي بقى في الاتنين ههههههههههههههههههههه


انا فكرت في كده فعلا يا رعشة انا عندي ملاية واحدة مش بحب افرشها ومش قيمة وسادة كده ممكن استخدمها بس اكيد مش هتبقى كفاية يعني لو اتغسلت هبدل معاها في ايه
ربنا يسهل بقى ساعتها تبقى تدبر بس انا مش مهم عندي البهدلة اليومين دول لاني بجد نفسي يتعلم بقى
وان شاء الله الموضوع يبقى سهل

فعلا يا سالي
كلام رعشة صح جدا
انتي ممكن كل يوم اول ما تصحو تقعديه ع البوتي وواحدة واحدة هتيجي معاه ويبقى يعمل فيها
على الاقل لما تيجي تعلميه ع الحمام الموضوع هيبقى اسهل بكتير

ايوة يا ايمان

مانا قلتلك قبل كدة

الراحه اللى ارتحناها فى البامبرز والغسيل اللى اترحمنا منه شكله كدة هيطلع علينا بس البيت كله بقي

ههههههههههههههههههههههههه

يعنى البيت كله هيتاخد فومين كل يوم

هههههههههههههههههه
ربنا ييسر يا رعشة يارب
انا الحاجة اللي مزعلاني اني مش هعرف اخرج ولا حتى اجي عند ماما
مش عارفة هقضي الفترة ازاي لواحدي كده
وكمان في بهدلة وتوتر اعصاب

طب انا لازم هخرج

اعمل ايه بقي

لانى عندى الاسبوع دة معاد للمتابعه

وبعدين هو الموضوع هياخد اسبوع واحد؟

معتقدش





ههههههههههههههههههههههههههههههههه

ايمان انا حاسه اننا كل يوم ندخل نعقد الناس اللى هنا

نطلع من الحمام ندخل فى الكلام نرجع للحمام

هو ماحدش خلف غيرنا ولا ايه