:: سبب خلاني راح افطمـ بنتي الغاليه ::

ربنا يشفيكى يارب ويعافيكى هى عمرها قد ايه

اول شي هي عمرها سنه ونص ..

يعني اهوون من ان تكون اصغر وسنها قريب من فترة الفطام ,

والحين كثري لها الاكل اكثر وعطيها حليب تشررب بكااس ..!!

او حتى الحليب الا يجي مثل العصير من المراعي او السعووديه ..

في قطرات الفطام من الصيدليه حطي على صدرج وبتكره صدرج مع تكرار ..!

لانه مر كثيرر ,,

واكيد اول اسبوع بيكون صعب زنه وخربطه بالنووم وبكل النظام ..!

بس كلها اسبوع وبتتعوود ..

وبتشوفين الفرق باكلها وبكل شي بيصير احسن ,

عاد انا ما جربت الفطام الطبيعي بس اكيد راح تتالمين ..

لبسي ستيانه تكون مضبووطه علشان تضغط عليهم عدل ..

وسوي لج بين فتره و فتره كمادات تخفف الالم ..!

واكيد فتره وبتعدي وبترتاحيين ..!

ما عليج شر حبيبتي ..!!

sally2007;11557211:
ربنا يشفيكى يارب ويعافيكى هى عمرها قد ايه

سنة و7 شهور تقريبا

الوان سحرية;11557215:

الله يعينــك حبوبة ..

بصراحــة ما عندي فكرة عن موضوعك

بس بنوتــك فديتها صار عمرها سنة وستة اشهر ..

يعني صار وقت انك تفطميها ..

حاولي بكل الطرق .. وشوفي تجارب البنــات

انا اختي الله يحفظها كانت تحط ع صدرها فحم باللون الاسود .. وكانت تقول لاولادها .. شوفوا ماما متعورة

صح الصريخ والبكاء كان كبير وصعب عليها .. بس هي كانت تجهز لهم الحليب الصناعي في الرضاعة

لحد ما تعودوا انهم ما يشربون من ماماتهم

الله يحفظك ويخلي لك البنت وتكوني بخير ان شالله

الله يسلمج يالغاليه ..

على كلامج ونصيحتج وردج على الموضوع

المشكله هي ولا مره شربت صناعي كلا طبيعي !!

يعني خيوو تنصيحني ارجع ارضعها بعد كورس العلاج او لأ

ام علاوووي;11557230:
اول شي هي عمرها سنه ونص ..

يعني اهوون من ان تكون اصغر وسنها قريب من فترة الفطام ,

والحين كثري لها الاكل اكثر وعطيها حليب تشررب بكااس ..!!

او حتى الحليب الا يجي مثل العصير من المراعي او السعووديه ..

في قطرات الفطام من الصيدليه حطي على صدرج وبتكره صدرج مع تكرار ..!

لانه مر كثيرر ,,

واكيد اول اسبوع بيكون صعب زنه وخربطه بالنووم وبكل النظام ..!

بس كلها اسبوع وبتتعوود ..

وبتشوفين الفرق باكلها وبكل شي بيصير احسن ,

عاد انا ما جربت الفطام الطبيعي بس اكيد راح تتالمين ..

لبسي ستيانه تكون مضبووطه علشان تضغط عليهم عدل ..

وسوي لج بين فتره و فتره كمادات تخفف الالم ..!

واكيد فتره وبتعدي وبترتاحيين ..!

ما عليج شر حبيبتي ..!!

مشكورة عمري على النصايح

والله يعيني في الليل بس

الصبح والظهر والعصر شويه اهون

واقدر اطلع واخليها او اقعد العب وياها وانسيها الموضوع

بس الليل شويه صعب

الشر ما اييش حبيبتي ام علاوي

نــور العمــر;11557267:
الله يسلمج يالغاليه ..

على كلامج ونصيحتج وردج على الموضوع

المشكله هي ولا مره شربت صناعي كلا طبيعي !!

يعني خيوو تنصيحني ارجع ارضعها بعد كورس العلاج او لأ

مثل ماقالت ام علااوي بنتج الحين كبيرة وفي سن حلو ان تفطمينها

كثري لها الاكل وعطيها حليب في اكوااب صح صعب الفطاام عليج

وعليهاا وبتتعبين اول شي وبتتعب بس ان شاء الله فترة قصيره وبتعدي

ويرجع النظام طبيبعي انتي حاولي تلعبين وياها على طول وتسلينهاا عشان

تنسى وعلى صدرج سوي لج كماداات على طووول لان كريه اذا تمر

جم ساعه ومارضعتي يألم حاسه باحسااج ..

الله يخلي لج البنوووووووته ياارب ..

بصى ياقمر انتى لو عاوزة طريقة تفطميها بيها ممكن تحطى بن من بتاع القهوة على حلمة صدرك او صبار ولما تيجى ترضع مش تحب الطعم
وعوضيها باكل تانى لانها المفروض انها بتاكل اكل عادى حاليا هما كل الاطفال بيتاثروا اول كام يوم وبعد كده بيبقى عادى لما تيجوا تنامى شوفيها بتحب مين من اهلك او اهل جوزها ولو حبت ترضع قوللها نامى عشان اوديكى عند فلانة بكرة الهيها بحاجة تانية حلوة وكده يعنى وان شاء الله هتبقى كويسة انا اختى فاطمة ابنها من شهر وهو برضه عنده سنة و8 شهور وعملت معاه كده ودى تجربتها ويارب تنفع مع بنتك

حبيبتي لا تعودينها على المرضعه وتسوين لج سالفه بعد بعدين,

وتعالي فطميها مره ثانيه راح تلقين صعووبه بعد ..!!

تاكل وتشرب خلاص اهم شي ,

:

كثري لها الاكل والشرب ,

يعني عصااير + حليب + الاكل ..

مثل ما قلت بكاس او حتى حليب الا يجي مثل العصير,

منه انواع المراعي و لا السعووديه ولا ندى ..!!

ويكون حليب سااده , وفي حليب بنكهاات حليب فراوله حليب موز الخ ,

وكل مشتقات الالبان من حليب و جبن و لبن والخ ..!!

:

ماله داعي ترجعين ترضعينها ,

او حتى تعودينها على الرضاعه صناعيه ,

بجذي راح تتعبين ازيد ,

ويكون روجعها الى الشي بعدين اصعب, و ترجع تتركه حتى نفسيا تتاثر .!!

توكلي على الله ..!,

خيو كلش مايصلح انج ترجعين ترضعينها مرة ثانية

صدق اول الايام بتتعبش اشوي بعدين بتنسى

اول شي الله يشفيكي حبيبتي ,,,

وماتشوفين شر ,,, والله يخليكي للاموره يااارب ,,,

مثل ماقالت لك الاخت الوان سحريه ,,,

بنتك قربت من سن الفطام ,,,

وحتى لو ماكنتي مريضه لازم تبدين من اللحين تعودينها عن بديل لصدرك ,,,

وانتبهي بعد مايتنهي كورس العلاج ,,, ترجعين ترضعينها ,,,

لا خلاص اقطعي عنها ,,,

اسبوع واحد بس رح تتعبين معاها وبعدين خلاص بتتعود ,,,

اكليها خليه تشبع وماارح تتطلب صدرك ,,,

شوفت تجربه وحده من الامهات كانت تبي تفطم بنتها حطت مناكير احمر كانه دم ,,,

والبنت خاافت ومعااد رضعت ,,,

الله يعينك معا الفطام وان شاء الله فتره وتعدي ,,, والف سلامه عليكي,,,

الله يعينج حبيبتي و يشفيج ان شاء الله

بالنسبة لبنوتة ما شاء الله عمرها زين للفطام
و عشان ما تعبج واجد في هالمرحلة ركزي على
* تكثري لها في الاكل و تشبعينها عدل المغرب
* تلعبينها قبل ساعة او ساعتين من موعد نومها الاصلي حق تدوخ و تنام
* تكونين مجهزة لها مرضعة حليب بعد اللعب مباشرة تشربها و راح تنام

نصيحة مني حبيبتي
اذا فطمتيها احين لا تفكري نهائي تردين تشربينها من صدرج
لانج راح تسوين لها لخبطة في عقلها ما بين ان خلاص و ما بين مو خلاص
و انتي نفسيا و جسديا بتتعبين لما راح تفطمينها المرة الثانية مع البنوتة

و ربي يشفيج ان شاء الله

نفس عمر ابني ماشاء الله ولازم افطمه خلاص تعبت طول الليل يرضع ومخربط حياتي .الله يعينج وماعليج شر اختي

واي فديتها كبربنتي وانا زيج بنتي متعلقه فيني معني اعطيها حليب الي يجي بلمزاز مثل السعوديه والمراعي بس وقت النوم تبي صدري علشان تنام ومدري كيف افطمها

الله يعين بس ..........

مرحبا

ما أحس إن في مشكله إنتي الي مكبره الموضوع بنتش خلاص سنها قرب لسن الفطام باقي لها 6 شهور يعني ما بينتهي العالم لو فطمتينها من الحين و الي بتمر فيه الحين اكيد كانت بتمر فيه عاجلاً ام آجلاً

عني فطمت ولدي بعمر سنه و 8 شهور شريت لي دواء من الصيدليه لمص الأصبع عند الأطفال يعني طلبت من الصيدلانيه شي يساعد

على الفطام و عطتني هالدواء هو مثل صبغ الأظافر و طعمه مر جداً

و اكيد تعذبت بداية الأيام بس خلاص تعود وعمره ما طلب مني بعدين

و اهم شي ان ما تعودينها على المرضعه لأن بتصير لش سالفه ثانيه علشان تقطعينها عنها عوديها على شرب الحليب في كوب او من العلبه مباشره

و عن آلام الصدر روحي المستشفى الدكتوره بتعطيش حبوب لتنشيف الحليب علشان ما يتجمع و يتحجر صدرش

و ما تشوفين شر ان شاء الله

ما تشوفين شر
نصيحة مني اذا فطمتي بنتك لا تشربين حبوب الفطام مو زينة اصبري عالألم وحطي لج كمادات دافئة و3 أيام و بتنسى

الله يعطيج العافية والصحة ان شاء الله

مدام بنتج كملت سنة ونص .. يعني عمرها مناسب للفطام.. لأنها تقدر تاكل كل شي.. والحليب حتى لو ما ترضع صناعي عطيها بكاس او بالعود..
انا بنتي ما كانت ترضع صناعي كلش.. ويوم فطمتها من صدري ما حاولت اعطيها صناعي.. اعطيها حليب السعودية العادي.. وتشربه.. وتقدرين تعطينها البان مثل الجبن واللبن والروب حق تعوضين الكالسيوم..

لا تخافين من هالناحية..

وفرصة لج انج تكملين فطامها بهالعمر وتفتكين.. بتشوفين حتى اكلها بيتغير ونفسيتها له بتزيد.. ونومها بينتظم زود وبترتاحين ان شاء الله..

اول اسبوع او 10 ايام بتكون صعبة عليكم انتوا الثنتين.. بس ينشف الحليب من صدرج خلاص بتتحسنين.. وهي بتحس ان خلاص هالشي ما بتحصله حتى لو صاحت..

حاولي اذا تيبس صدرج تتسبحين بماي ساخن يخفف عليج الالم.. واذا شفتي ان الالم وايد اخذي بندول .. بس تحملي تشربين حبوب تنشف الحليب.. لأن هذي الحبوب عبارة عن هرمونات.. تفتكين من شغلة وتطلع لج شغلة ثانية بعد.. خليه بروحه هو ينشف من صدرج!

وبالنسبة لبنتج.. خليها تتعشى عدل قبل وقت نومها بشوي حق يثقل راسها والعبي وياها وايد لين تدوخ.. ادري بزنتهم وحنتهم لين بغوا ما يسكتون.. بس تصبري لين تتعود..

وما انصحج ترجعين ترضعينها بعد كورس العلاج.. وحتى هي يمكن خلاص تعيف صدرج..

والله يسهل لج ان شاء الله...