:: سبب خلاني راح افطمـ بنتي الغاليه ::

الله يقويج اختي ويصبرج ويصبرني لاني الحين احاول افطم بنتي لاني حامل... بس بنتي اصغر من بنتج ( سنة وشهر)وحتى حليب صناعي ما تشرب ..... ومب عارفة اشلون ابتدي وياها خصوصا بالليل لازم تبي ترضع من صدري

يعني الحمد لله بنتج سنها مناسب حق الفطام والله يسهل ان شا ءالله.....

الوان سحرية;11557308:

اوكي مو متعودة ع الصناعي ..

هي صارت متعودة ع الاكل والشرب

اعطيها حليب في كــاس .. قبل النــوم ..

وخلي الحليب في الرضاعــة علشان اذا صحت بالليل ..

امممم وكثير عليها الاكلات .. وكمان في الليل او المغرب خليها تلعب كثير

لحد ما تتعب ويمكن ساعتها بتنــام لفترة طويلة وما بتصحي تبكي تريد حليب

بخصوص فترة العلاج او الكورس . انا ما اعرف كم مدتــه .. بس بنتك سنها خلاص قرب لسن الفطام .. يعني اذا تعودت انها ما ترضع منــك وبعدين رجعتها لك .. يمكن راح تسبب لك مشاكل بعدين .. وتحسي انه صعب عليك تقطعي الحليب عليها مرة ثانيــة ..

انتي شوفي وضعها اول .. وما اعتقد بتحتاجي ترجعي ترضعيها مرة ثانية اذا فطمتيها من اول مرة ..

ان شاءالله خيتي

راح اخذ كلامج بعين الاعتبار

والكورس الله يسلمج اسبوع

والله يعينها

حبيبتي اني الدكتورة قالتلي لازم دائما اشفط حليب واخليه في اكياس خاصة واحطه في المجمد ممكن يبقى لمدة سنة
يعني لو مرضت لاسامح الله مااكون في مشكلة

بحرينيه عز;11557323:
مثل ماقالت ام علااوي بنتج الحين كبيرة وفي سن حلو ان تفطمينها

كثري لها الاكل وعطيها حليب في اكوااب صح صعب الفطاام عليج

وعليهاا وبتتعبين اول شي وبتتعب بس ان شاء الله فترة قصيره وبتعدي

ويرجع النظام طبيبعي انتي حاولي تلعبين وياها على طول وتسلينهاا عشان

تنسى وعلى صدرج سوي لج كماداات على طووول لان كريه اذا تمر

جم ساعه ومارضعتي يألم حاسه باحسااج ..

الله يخلي لج البنوووووووته ياارب ..

ايي

هي الحمدلله تأكل كل شي

بس كل الحكاية انه هالشي جديد عليي

وهي معورة قلبي

وان شاءالله راح اجرب الكمادات واي صح كلامج صدري احسه متحجر

ويخليج يا رب ويخلي عيالج

sally2007;11557334:
بصى ياقمر انتى لو عاوزة طريقة تفطميها بيها ممكن تحطى بن من بتاع القهوة على حلمة صدرك او صبار ولما تيجى ترضع مش تحب الطعم
وعوضيها باكل تانى لانها المفروض انها بتاكل اكل عادى حاليا هما كل الاطفال بيتاثروا اول كام يوم وبعد كده بيبقى عادى لما تيجوا تنامى شوفيها بتحب مين من اهلك او اهل جوزها ولو حبت ترضع قوللها نامى عشان اوديكى عند فلانة بكرة الهيها بحاجة تانية حلوة وكده يعنى وان شاء الله هتبقى كويسة انا اختى فاطمة ابنها من شهر وهو برضه عنده سنة و8 شهور وعملت معاه كده ودى تجربتها ويارب تنفع مع بنتك

ايي

اي هي تاكل عادي

بس اليوم نامت لما كنت رايحه السوبر ماركت نامت على حضن ابوها

اليوم صار الوضع مستتب

وخايفة لما تصحى تتطلب تشرب مني !

ام علاوووي;11557340:
حبيبتي لا تعودينها على المرضعه وتسوين لج سالفه بعد بعدين,

وتعالي فطميها مره ثانيه راح تلقين صعووبه بعد ..!!

تاكل وتشرب خلاص اهم شي ,

:

كثري لها الاكل والشرب ,

يعني عصااير + حليب + الاكل ..

مثل ما قلت بكاس او حتى حليب الا يجي مثل العصير,

منه انواع المراعي و لا السعووديه ولا ندى ..!!

ويكون حليب سااده , وفي حليب بنكهاات حليب فراوله حليب موز الخ ,

وكل مشتقات الالبان من حليب و جبن و لبن والخ ..!!

:

ماله داعي ترجعين ترضعينها ,

او حتى تعودينها على الرضاعه صناعيه ,

بجذي راح تتعبين ازيد ,

ويكون روجعها الى الشي بعدين اصعب, و ترجع تتركه حتى نفسيا تتاثر .!!

توكلي على الله ..!,

مشكورة عمري على الكلام الحلوو

وريحتيني وايد

وتسلمين وايد

عبَق;11557348:
خيو كلش مايصلح انج ترجعين ترضعينها مرة ثانية

صدق اول الايام بتتعبش اشوي بعدين بتنسى

ان شاءالله راح اعود روحي على هالشي

والله يسمع منج

**ام يارا**;11557367:
اول شي الله يشفيكي حبيبتي ,,,

وماتشوفين شر ,,, والله يخليكي للاموره يااارب ,,,

مثل ماقالت لك الاخت الوان سحريه ,,,

بنتك قربت من سن الفطام ,,,

وحتى لو ماكنتي مريضه لازم تبدين من اللحين تعودينها عن بديل لصدرك ,,,

وانتبهي بعد مايتنهي كورس العلاج ,,, ترجعين ترضعينها ,,,

لا خلاص اقطعي عنها ,,,

اسبوع واحد بس رح تتعبين معاها وبعدين خلاص بتتعود ,,,

اكليها خليه تشبع وماارح تتطلب صدرك ,,,

شوفت تجربه وحده من الامهات كانت تبي تفطم بنتها حطت مناكير احمر كانه دم ,,,

والبنت خاافت ومعااد رضعت ,,,

الله يعينك معا الفطام وان شاء الله فتره وتعدي ,,, والف سلامه عليكي,,,

الشر ما اييج حبيبتي

هي ما شاءالله عليها تاكل

ان شاءالله خير

والله يعيني بس كاسرة خاطري ما كملت وياها السنتين :(

زهرة السعادة;11557383:
الله يعينج حبيبتي و يشفيج ان شاء الله

بالنسبة لبنوتة ما شاء الله عمرها زين للفطام
و عشان ما تعبج واجد في هالمرحلة ركزي على
* تكثري لها في الاكل و تشبعينها عدل المغرب
* تلعبينها قبل ساعة او ساعتين من موعد نومها الاصلي حق تدوخ و تنام
* تكونين مجهزة لها مرضعة حليب بعد اللعب مباشرة تشربها و راح تنام

نصيحة مني حبيبتي
اذا فطمتيها احين لا تفكري نهائي تردين تشربينها من صدرج
لانج راح تسوين لها لخبطة في عقلها ما بين ان خلاص و ما بين مو خلاص
و انتي نفسيا و جسديا بتتعبين لما راح تفطمينها المرة الثانية مع البنوتة

و ربي يشفيج ان شاء الله

تسلمين يالغاليه ..

اي ان شاءالله ..

راح اخذ بنصيحتج ان شاءالله خيوو

والله يسلمج ويحفظج

مسز عادل;11559039:
مرحبا

ما أحس إن في مشكله إنتي الي مكبره الموضوع بنتش خلاص سنها قرب لسن الفطام باقي لها 6 شهور يعني ما بينتهي العالم لو فطمتينها من الحين و الي بتمر فيه الحين اكيد كانت بتمر فيه عاجلاً ام آجلاً

عني فطمت ولدي بعمر سنه و 8 شهور شريت لي دواء من الصيدليه لمص الأصبع عند الأطفال يعني طلبت من الصيدلانيه شي يساعد

على الفطام و عطتني هالدواء هو مثل صبغ الأظافر و طعمه مر جداً

و اكيد تعذبت بداية الأيام بس خلاص تعود وعمره ما طلب مني بعدين

و اهم شي ان ما تعودينها على المرضعه لأن بتصير لش سالفه ثانيه علشان تقطعينها عنها عوديها على شرب الحليب في كوب او من العلبه مباشره

و عن آلام الصدر روحي المستشفى الدكتوره بتعطيش حبوب لتنشيف الحليب علشان ما يتجمع و يتحجر صدرش

و ما تشوفين شر ان شاء الله

هلا مراحب مسوزة

اي اني قلت بجرب المره

اني البارحة جربت اعطيها حليب بالفراولة وشربته بعد معاناة فظيعة

ولا سكتت من الصياح وعورت قلبي عدل

قعدت لي البارحة ثلاث مرات

يعني ما اشفط الحليب !!

الشر ما اييش خيوو :087:

يا ريت;11559666:
ما تشوفين شر
نصيحة مني اذا فطمتي بنتك لا تشربين حبوب الفطام مو زينة اصبري عالألم وحطي لج كمادات دافئة و3 أيام و بتنسى

الشر ما ييج خيو

يعني ما اشفط الحليب

لانه صدري متحجر عدل وماني قادرة يعورني

بنت الاصايل;11559828:
الله يعطيج العافية والصحة ان شاء الله

مدام بنتج كملت سنة ونص .. يعني عمرها مناسب للفطام.. لأنها تقدر تاكل كل شي.. والحليب حتى لو ما ترضع صناعي عطيها بكاس او بالعود..
انا بنتي ما كانت ترضع صناعي كلش.. ويوم فطمتها من صدري ما حاولت اعطيها صناعي.. اعطيها حليب السعودية العادي.. وتشربه.. وتقدرين تعطينها البان مثل الجبن واللبن والروب حق تعوضين الكالسيوم..

لا تخافين من هالناحية..

وفرصة لج انج تكملين فطامها بهالعمر وتفتكين.. بتشوفين حتى اكلها بيتغير ونفسيتها له بتزيد.. ونومها بينتظم زود وبترتاحين ان شاء الله..

اول اسبوع او 10 ايام بتكون صعبة عليكم انتوا الثنتين.. بس ينشف الحليب من صدرج خلاص بتتحسنين.. وهي بتحس ان خلاص هالشي ما بتحصله حتى لو صاحت..

حاولي اذا تيبس صدرج تتسبحين بماي ساخن يخفف عليج الالم.. واذا شفتي ان الالم وايد اخذي بندول .. بس تحملي تشربين حبوب تنشف الحليب.. لأن هذي الحبوب عبارة عن هرمونات.. تفتكين من شغلة وتطلع لج شغلة ثانية بعد.. خليه بروحه هو ينشف من صدرج!

وبالنسبة لبنتج.. خليها تتعشى عدل قبل وقت نومها بشوي حق يثقل راسها والعبي وياها وايد لين تدوخ.. ادري بزنتهم وحنتهم لين بغوا ما يسكتون.. بس تصبري لين تتعود..

وما انصحج ترجعين ترضعينها بعد كورس العلاج.. وحتى هي يمكن خلاص تعيف صدرج..

والله يسهل لج ان شاء الله...

ان شاءالله راح اعودها على حليب المراعي او اي نوع ثاني بس اني افضل المراعي :)

اي الله يعين البارحة ما قدرت ارقد منها ولا اني عارفه شلون انسيها الموضوع

وقعدت لي ثلاث مرات واستلمتني إلى الفجر اهي تضرخ مسكينه واني اقعد في ابوها وقوليه قوم ساعدني شويه بس حقرني خخ

لا ان شاءالله ما راح اخذه

اي امس رحت وديتها إلى ولاد خالتي وخليتها تلعب وياهم وقعدت العب وياهم واليوم بدور لي مكان او بوديها تروح تلعب في مكان

ومشكورة يالغاليه

وش تنصحيني خيوو حقها للعشا او الغدا ؟

الله يعين

وتسلمين حبيبتي ما قصرتين كفتين ووفين وريحتين بالي بكلامج العسل :087:

الحمدلله البارحه بنتي الله يحفظها

ما تعبتني وايد

ونمت شويه مرتاحه

الله يحفظها ويخليها لي ياااااااارب :)

شوي وراح تتعود بس لو انك متدرجة معاها افضل لها ولصدرك دائما سوي كمادات دافية ولو شفطتيه وتدرجتي افضل
الله يصبرك ويعينك ويهدي الأمورة وعلى فكرة كل ام تفطم طفلها تحس بتأنيب لكن امر لابد منه

مرحلة الفطام جدا متعبة
الله يعينج
ماتشوفين شر حبيبتي

ايسمار;11573384:
شوي وراح تتعود بس لو انك متدرجة معاها افضل لها ولصدرك دائما سوي كمادات دافية ولو شفطتيه وتدرجتي افضل
الله يصبرك ويعينك ويهدي الأمورة وعلى فكرة كل ام تفطم طفلها تحس بتأنيب لكن امر لابد منه

تسلمين يالغاليه على النصيحة ..

اي والله ضميري مأنبني

على الاقل لو كملت سنتين شويه اهون عليي بس ما باليد حيلة

الله كريم خيوو

والله يحفظها ليي :072:

زوجي حبيب قلبي;11574037:
مرحلة الفطام جدا متعبة
الله يعينج
ماتشوفين شر حبيبتي

اي والله حتى احسها اصعب من تعليم الطفل على الحمام

والشر ما اييج حبيبتي

الله يشافيج ويعافيج يارب... بنتك الحين ماشاء الله كبيرة وخلاص كلها كم شهر ولازم تنفطم يعني اول كم يوم راح تتعبين من حنتها وزنتها بس خلاص عقب بتتعود.. تقدرين خلاص تعطينها حليب بالفراولة تبع المراعي او الدانينو راح يعوضها عن حليبج إن شاء الله.. وهي أكيد تاكل خلاص زيدي لها كمية الأكل وراح تشبع وتنسى سالفة الصدر....

رانيا البحرينية;11576597:
الله يشافيج ويعافيج يارب... بنتك الحين ماشاء الله كبيرة وخلاص كلها كم شهر ولازم تنفطم يعني اول كم يوم راح تتعبين من حنتها وزنتها بس خلاص عقب بتتعود.. تقدرين خلاص تعطينها حليب بالفراولة تبع المراعي او الدانينو راح يعوضها عن حليبج إن شاء الله.. وهي أكيد تاكل خلاص زيدي لها كمية الأكل وراح تشبع وتنسى سالفة الصدر....

تسلمين يا ام عبدالله ..

اي عدل كلامج :)

اي شحنت الثلاجة من هالعصاير واللبن والحليب

والحمدلله رب العالمين ما شاءالله عليها تأكل الحين وايد زين