التجمع الحادي عشر للحوامل اللاتي يلدن في شهر 3 ( مارس/آذار ) 2010 م - بإذن الله

ههه جود اي والله هذا اللي نحاتية الحمل اللحين .. بس احاول اعطية من صدري لو بس يمص علشان يمكن يزيد بالمص ..

الا تعالي جود بدى علاووي يضحك لو للحين ؟؟ وهل يراغي اللحين او لا ؟؟

والمغص اشوف خف عن ولدي شووووي بسبب اني اعطية شاي الشمر من الصيدلية شريتة

engineera83;11907391:
انا كتبلي طبيب الاطفال ميكوسات ( MYCOSAT ) حق لسان ولدي وقالي احط على لسانه نص ملي كل ست ساعات وللحين ما بديت فيه لان توني راجعة من المستشفى

نسيت اسمة بس اهو كريم على شكل جل .. لونة ابيض واخضر لون العلبة

يتوم;11913450:
نسيت اسمة بس اهو كريم على شكل جل .. لونة ابيض واخضر لون العلبة

لا انا سائل اعطيه اياه نفس القطارة لون العلبة اصفر وابيض بس صديقة امي تعطي بنتها جل الجلسرين

لوليكي;11907462:
مرحبا امهات كيفكم؟
اما لولو مجننتني صار لها كم يوم بتسهر من 11 ونص لل7 ونص الصبح

الله يعينك على لولو بس ان شاء كلها جم يوم ويتعدل نومها وبتنسيين السهر والتعب كله يهون عشان عيون لولو

الحلم الأزرق;11909118:

مساء الخير بنات شخباركم

وحشتوني واجد وأدري إني صرت قاطعة وماقمت أدخل التجمع بس إنتوا في بالي وما نسيتكم بس كانت الفترة إلي فاتت أموري كلها متخربطة من فطومة بعد روحي سهر بالليل ونوم الصبح ولين بغيت انام جتني ندوية الله يحفظه فحياتي كانت كلها مو طبيعية ألحين فطومة نايمة قلت بدخل بسأل عنكم

هلا والله بام ندى والله وحشتينا وو حشتنا ايام قبل الحين المنتدى صاير خامل

دلوعة ورايقة الله يكون في عونج اكره شي الواحد ينتقل من مكان لي مكان بس ان شاء الله تكون نقلتج فيها خير عليج

اي هذا القطاارة ما عجبني لانة ولدي يبلعة وما يظل في حلجة شيء ..

engineera83;11914305:
هلا والله بام ندى والله وحشتينا وو حشتنا ايام قبل الحين المنتدى صاير خامل

هلا بيج أم يساف شخبارج حبيبتي وشخبار يساف القمر إنشاء الله بخير

شخباركم امهات انا برجع بيتي يوم الاربعاء خلصنا من الدلع ااااااااه ياامي والله اني تدلعت عندها كثير الله يحفظها ويخليها لي يارب

يتوم

انا لين الحين
ههههههه شكله يبي له وقت

انا شريت له الموسيقى اللي تتركب بالسرير فيها اشكال حيوانات كيوت وايد قلت يمكن يركز شوي فيها
ويخليه ينتبه


ايه صح بنات عن اللسان اللي فيه ابيض انا ولدي بعد جذي
وديته عند الدكتور قال عادي طبيعي من الحليب
والنرس قالت لي احط له 3 قطرات او قطرتين من العنب
على لسانه ويروح وبجرب معاه ان شاء الله هالخميس
قالت لي لا تطعمينه لا بس قطري بحلجه

صباح الخير بنات اخباركم ياحلوات


شكلي اللحين بروح المستشفى
لان اشك ان خلود تعبان
مايرضع رضاعه كلش واذا رضاعته صدري يستفرغه علطول
وباين من وجهه انه تعبان
والله خايفه عليه
وكبدي لايعه مره
مره موقادره اكل ولا شي
وخايفه اسوي تحليل يطلع لي شرطين وانجن
لو لاسمح الله فيه حمل
الحليب اللي بصدري يضر خالد ولا لا

بالعكس يفيده بس انتي حاولي تاكلين فواكه وخضروات وبروتينات
عشان يروح له

\
ماييشوف شر طمنينا عنه

الشر مايجيك يالغلا

انشاءالله
يكون بخير خلوده

الرجاء المرور للأهميه

http://forums.3roos.com/showthread.php?t=530926

شخباركم بنات انا احس عمري للحين ضايعه وماعندي نظام في بيتي وابي اروح اشتري كبت حق الاغراض لانه مكاني كلش ضيق وثيابي للحين في الشناط وولدي صاير يستفزني يسوي حركات غربيه مرة يسويها بثيابه ولين ارضع بنتي يقوم يقطط كل شي اصرخ عليه وادري انه غسرة بس شاسوي امس دش علي ريلي وانا ارضع والبق في نفس الوقت واصارخ عليه جاتني الصيحه يوم في بيت امي ولدي لاهي مع امي الحين لا علي وحتى التغذية هناك غير معني اتريق واتغدى بس مب نفس بيتنا

الحلم الأزرق;11917801:
هلا بيج أم يساف شخبارج حبيبتي وشخبار يساف القمر إنشاء الله بخير

هلا والله انا الحمدلله بخير ويسافي بعد بخير طمنينا عنج وعن بنوتاتج

عيــ المها ــون;11923508:
شخباركم بنات انا احس عمري للحين ضايعه وماعندي نظام في بيتي وابي اروح اشتري كبت حق الاغراض لانه مكاني كلش ضيق وثيابي للحين في الشناط وولدي صاير يستفزني يسوي حركات غربيه مرة يسويها بثيابه ولين ارضع بنتي يقوم يقطط كل شي اصرخ عليه وادري انه غسرة بس شاسوي امس دش علي ريلي وانا ارضع والبق في نفس الوقت واصارخ عليه جاتني الصيحه يوم في بيت امي ولدي لاهي مع امي الحين لا علي وحتى التغذية هناك غير معني اتريق واتغدى بس مب نفس بيتنا

الله يكون في عونج كلها جم يوم وتتأقلمين مع الوضع الجديد

*دلوعه ورايقه*;11921393:
صباح الخير بنات اخباركم ياحلوات


شكلي اللحين بروح المستشفى
لان اشك ان خلود تعبان
مايرضع رضاعه كلش واذا رضاعته صدري يستفرغه علطول
وباين من وجهه انه تعبان
والله خايفه عليه
وكبدي لايعه مره
مره موقادره اكل ولا شي
وخايفه اسوي تحليل يطلع لي شرطين وانجن
لو لاسمح الله فيه حمل
الحليب اللي بصدري يضر خالد ولا لا

ما عليه شر ان شاء الله طمنينا عليه

شلونكم بنات شو اخباركم
شخبار البنات اللي اختفو محد عنده خبر عنهم
شقورة من ولدت كلش مابينت مسكينة قالو عنها تعبت في الولادة


عيون المها
الله يساعدج ويساعدنا والله انا الحين جوفي من متى مكن رجعت شقتي ولحد الحين مو قادرة احس صعب تربية ثلاثة اطفال ماشاء الله تعب تعب والشقة ضييييقة علينا ماعندنا مكان نقعد فيه وادرس بنتي في صف الاول وتنظيف البيت والشغالة لحد الحين ماوصلت الله يجيبها وتبرد قلبي ماتطلع علة او فيها شي ويعوض علي عن كل هالتأخير

بقول لكم بالنسبة عن الرضاعة انا كلش كلش مافيني حليب من ارضعه شوي خلاص ينشف بالمرة حدي اربع دقايق وخلاص وولدي يضل عطشان اخذت له حليب صناعي من البداية وكان يشرب ملعقة وحدة مرة او مرتين باليوم لانه يتعبني مايعرف يمص حلمة المرضة الا بعد مدة والحين صاير كلش مايعرف يمص حلمة المرضعة بالمرة صار له اسبوع وطول الوقت معصب ويعصب على صدري بعد لانه يمص ومايطلع له وطول اليوم يصرخ غيرت له الرضاعة من بيجون الى جونيور نوعين وديزني وبعد نوع اسمه باات ومافي فايدة من يبي يمص حلمتهم توصل له لبلاعيمه ويغص ويرجع
عندكم فكرة اذا في نوع مضمون من الحلمات سهلة المص للبيبي واعم شي مو طويلة حتى ماتوصل لبلاعيمه؟؟؟

امهات شلونكم وشخباركم؟؟

وحشتوني وايد ماقدرت ادخل من يوم الخميس الاب توب في المصحه هههههههه مخرف شوي

بالنسبة حق طاري الحمل انه رحت حق دكتوره وسالتها وكتبت لي حبوب منع الحمل خاص حق الرضاعة لان الانواع الثانية كلها تنشف الحليب وقالت لي افضل انج تستخدمين الحبوب لي مده سنة لاني والده قيصرية واحتمال يكون في مضاعفات اذا الله لايقول حملت بالغلط وان شاء الله اول يوم تييني الدوره بابتدي اخذ الحبوب :)

وحبيت اخبركم اني بكره ان شاء الله باروح العمره مع زوجي وباخلي عبوي عند امي ادري بيوحشني وايد بس وايد محتاجة اروح وباودي الشفاطة معاي عشان مايذبحني سدري من الالم وعشان ماينشف الحليب وان شاء الله ماتعب في العمره باسوي العمره على الويل جير لاني قيصرية والله بيسهل ان شاء الله وماباتعب روحي :)