التجمع الحادي عشر للحوامل اللاتي يلدن في شهر 3 ( مارس/آذار ) 2010 م - بإذن الله

انا بعد ولدي بالغصب يتجدى وكل يزوع ما يدري ان الحليب اللي يشربه بالغصب يتكون ما اخلي شي ما آكله وكل شوي فيه بوفاق يعورون القلب والله بس يقووولون انه مفيد لليهال انا من لما كان في بطني كنت احس اذا فيه بوفاق

شوشو باقي جم يوم وترجع امج الدوام صح؟

هلا بنات

ولدي يمي مغطيته ونايم .. يقوم شوي وينام شوي ههههه
ريلي مو مقصر يالس يلعب بلايستيشين
توه يايبين الغساله .. حطيت ثياب عبادي

زم انتي عودتي ولدج على الشيل خليه يصيح مدام مبدل وراضع يصيح يبي الشيل خليه شوي وبيسكت انا في ولدي تعبت معاه علمته على اليد لدرجة امشي وانا نايمه امشيه اما بنتي الحين حزاتاخليها تصيح ماشيلها لانه ادري مافيها شي تبي اليد

engineera83;11848025:
شوشو باقي جم يوم وترجع امج الدوام صح؟

لاااااا تذكريني انجنيرا بانتحر امي بتداوم يوم الاحد خلاص وبيروح الدلع :(

بس باتم في بيتنا لي نهاية شهر 6 وشهر 7 بارجع شقتي مع اجازه زوجي

جود مبروك على الغسالة اليديدة

شوشو بعد الاربعين يتعدل نومهم شوي يصير احسن لا تحاتيين

بحرينية اشوفج متابعة بصمت ما يندرى حالتج مثل حالتي ولا غير انا اقرى واكتب ويسافي في حضني يرضع

مرحبا أمهات

شخباااااركم؟؟

صار لي شهر و12 يوم من ولدت .. وللحين الكرشة موجودة .. وحاليا استخدم كريم كوركشن عشان اثار التمدد الجلدي

خفت استخدم المشد لأن قرأت لنه له تأثيرات على الكلى وأشياء ثانية!!


شنو الحل؟؟؟

بحرينية بحرينية;11849212:
مرحبا أمهات

شخباااااركم؟؟

صار لي شهر و12 يوم من ولدت .. وللحين الكرشة موجودة .. وحاليا استخدم كريم كوركشن عشان اثار التمدد الجلدي

خفت استخدم المشد لأن قرأت لنه له تأثيرات على الكلى وأشياء ثانية!!


شنو الحل؟؟؟

اعتقد ان الحل المشي وتمارين البطن

engineera83;11849118:
بحرينية اشوفج متابعة بصمت ما يندرى حالتج مثل حالتي ولا غير انا اقرى واكتب ويسافي في حضني يرضع

أهلييين >> توني شايفة الرد..

والله طفشانة من الملل وشهوودة متغير عليها المكان وماتسكت .. توني البارحة راجعة الشقة ..

حنيت لبيت الماما والدلع ههههه

عيــ المها ــون;11848215:
زم انتي عودتي ولدج على الشيل خليه يصيح مدام مبدل وراضع يصيح يبي الشيل خليه شوي وبيسكت انا في ولدي تعبت معاه علمته على اليد لدرجة امشي وانا نايمه امشيه اما بنتي الحين حزاتاخليها تصيح ماشيلها لانه ادري مافيها شي تبي اليد

ايي والله .. اني السبب .. تعود على الايد والحضن .. ماينام الا في حضني من اشيله يقعد ويصيح

јǿđ;11848214:
هلا بنات

ولدي يمي مغطيته ونايم .. يقوم شوي وينام شوي ههههه
ريلي مو مقصر يالس يلعب بلايستيشين
توه يايبين الغساله .. حطيت ثياب عبادي

مبروك عليش الغساله الجديده

هذا هم نومتهم اقل من 5 دقايق .. :091:

زمو انتي عودتيه على الشيل
وانا عودته على المصاصه هههههههههههه

ام يوسف الله يبارك فيج

јǿđ;11850561:
زمو انتي عودتيه على الشيل
وانا عودته على المصاصه هههههههههههه

هههههههه اي والله

اني كنت ابي اعطيه المصااصه بس امي وعمتي مارضوو

يقولوون مو زيين لللثه .. بعدين ضروسهم تطلع مو مرتبه يعني على بعض واحد داخل وواحد على بره .. او مشنصين خخخخخخخخخ .. مافيني شده بعد حق تقويم عقب خخخخخ :085:

http://forums.3roos.com/showthread.php?t=528403

لاتنسون اخواتكم من دعواتكم

ZM143;11850725:
هههههههه اي والله

اني كنت ابي اعطيه المصااصه بس امي وعمتي مارضوو

يقولوون مو زيين لللثه .. بعدين ضروسهم تطلع مو مرتبه يعني على بعض واحد داخل وواحد على بره .. او مشنصين خخخخخخخخخ .. مافيني شده بعد حق تقويم عقب خخخخخ :085:

ايه هذاني ابي اخفف عن المصاصه ابتكر طرق يديدة
وعلى الله

جود انه ابي اعود عبودي على المصاصة مب حابها كلش على الاقل ابي شي يسكته اذا يصيح غير سدري :(

بسالكم عيالكم ماطلع لهم حرار في ويهم؟؟ انه ولدي وايد طالع له حتى في قرعته طالع له حرار ههههههههه سالت جم وحده وقاو لي عادي اليهال في الاربعين يطلع لهم وابوي يقول يمكن من الحر مع اني اشك دايما اشغل المكيف بس يقول يمكن يعرق واهو يرضع!!؟؟

shosho84;11851906:
جود انه ابي اعود عبودي على المصاصة مب حابها كلش على الاقل ابي شي يسكته اذا يصيح غير سدري :(

بسالكم عيالكم ماطلع لهم حرار في ويهم؟؟ انه ولدي وايد طالع له حتى في قرعته طالع له حرار ههههههههه سالت جم وحده وقاو لي عادي اليهال في الاربعين يطلع لهم وابوي يقول يمكن من الحر مع اني اشك دايما اشغل المكيف بس يقول يمكن يعرق واهو يرضع!!؟؟

انا بعد طالع له !!
بروح اليوم المركز الصحي
نزلت موضوع بالتربيه والطفل
قالوا لي حساسيه

شوشو انا بعد لما كنت في الاربعين طلع في ويه ولدي حرار وايد انا قلت يمكن من الحر لاني ما اشغل المكيف وبعدين قمت اشغله له والحمدلله خف الحرار بس خالتي تقول عادي يطلع لهم حرار هذا من بخار الجسم

زين طمنتيني انجنيرا لان صج الحرار الي في ويهه يخرع وسالت كذا وحده كل من قال عيالهم بعد طلع لهم حرار في الاربعين ... يلاا ان شاء الله يروح الحرار عقب الاربعين بقى لي اسبوع واطلع من الاربعين واول طلعه باروح حفلة طيور الجنه باودي اختي الصغيره ههههههههههههه

ريلي ميت من القهر يقول اول طلعه من الاربعين لازم معاي قلت له معلي باطلع اختي اول عشان ماتزعل بعدين لاحق علي ههههههههههههه