التجمع الحادي عشر للحوامل اللاتي يلدن في شهر 3 ( مارس/آذار ) 2010 م - بإذن الله

ما عليج شر بروكلي الله يقومج ويقوم اوليدج بالسلامة

شخباركم بنات اختي بكره بتسافر بتروح ماليزا وبتخلي ولدها عندنا عاد امي بتنام معاي بالغرفة حق الياهل

јǿđ;11690427:
السلام عليكم

شخباركم!

احس ما في فايدة من جلستي بيت هلي
انا اللي اسهر معاه وانا اللي اتعب
امي بس تجي شوي وقت ما تكون فاضيه وما عندها مسؤوليه البيت
تشيله عني وتسكته اذا يصيح او احيانا تنومه
و تسبحه واحيانا تعطيه المرضعه عن خاطرها

نويت ارجع بنص الشهر لشقتي
عشان اتعود عليه واخلي زوجي يتعود بعد لأنه احس اني لحالي
والله احيانا ازهق ودي اصيح اشوف نفسي لحالي اداري هالمسؤوليه

في بداية الايام انا كنت مثلج احس ان المسئولية وااايد كبيرة علي وحتى ما كنت حاسة بفرحة الامومة بس شوي شوي تعودت على الوضع وصار الموضوع عادي

وخلاص لازم الوحدة تتعود على المسئولية لان كل مرحلها وفيها صعوبتها احنا نقول خل يكبر شوي عشان نرتاح لين بدى ينقلب نخاف عليه يطيح ولين حبى نفس الشي بنخاف عليه ولين مشى بنخاف عليه اكثر ولازم نحط بالنا منه ولين دخل المدرسة بنشيل هم دراسته و ...... ما بنخلص الا لما يخلص عمرنا بس الامومة نعمة من رب العالمين لازم نحمده ونشكره عليها

عيــ المها ــون;11690991:
شخباركم بنات اختي بكره بتسافر بتروح ماليزا وبتخلي ولدها عندنا عاد امي بتنام معاي بالغرفة حق الياهل

هذي اختج اللي توها والدة ؟؟ اذا هي شلون بتخليه المسكين توه صغير يرضع طبيعي ولا صناعي؟؟

بروكلي لااااا وايد 5 اشوه ماعطيتية

الدكتور قالي 2 مل لي مايكمل شهرين :)

نورتي التجمع بحرينية ووووينج وين هالغبة ؟؟

قلنا ولدتي وصرتي ام عاد مو كلش تهدينا :(

بحرينية هلا والله انتي بعد وحشتينا

اشوف معظم اللي ولدوا نسونا

قلب البتول وزم مالهم حس

انجنيرا الحين كملتي الاربعين رجعتي شقتج ومتى بتداومين؟؟ وشنو النيو لوك عقب النفاس؟؟ هههههه

هلا بنات .. ابتديت على روحي واليوم سويت حمام مغربي يا سلام احس نفسي فررررررررررررررررش بس جسمي يألمني شوي ..

بكرة بحط حنة في شعري لانة اخاف من الصبغ وبالحنة شعري يصير عجيب :) وبسوي حلاااااوة ومنكير بدكير وبصير عرووووووووس هههههههه

حلااااا يتوم زين تسوووين والله :)

انه الحين صار لي 16 يوم والده وللحين مشيتي بطيئة من القيصرية جني بشة وبقى تقريبا شهر اكمل النفاس وانتظر متى اكمل بفارغ الصبر ابي اطلع اشم هواا شوي

مع اني ناوية اتم لي شهر 7 في بيت امي لاني باداوم شهر 8 الشغل عاد باتم هني مالي سالفة ارجع الشقة وزوجي الصبح في الدوام باتملل

ما شاء الله شوشو وايد .. زوجج بيتملل صدقيني يبي وحدة يمة يرجع من الشغل يلاقيها يمة ... ترى انا سمعت انة في ناس اذا مالقوا الزوجة يكلمون بنات غير وان شاء الله زوجج مو منهم بس تحملي وقعدي معاه مو بس البيبي اهو بعد :)

انا ابي اسوي له ليلة حلوة بس مب عارفة :(

مشكلة زوجي ما يطلع من البيت وايد اكثر شيء شغلة على الكمبيوتر فتشوفينة ملازم البيت اربعة وعشرين ساعة وكلة على النت .. واذا يطلع ياخذني وياه حتى لو رايح حق شغل بعد ياخذني هههههههههههههه

يتوم;11698323:
ما شاء الله شوشو وايد .. زوجج بيتملل صدقيني يبي وحدة يمة يرجع من الشغل يلاقيها يمة ... ترى انا سمعت انة في ناس اذا مالقوا الزوجة يكلمون بنات غير وان شاء الله زوجج مو منهم بس تحملي وقعدي معاه مو بس البيبي اهو بعد :)

لااا يتوم لاتوصين من هالناحية انه مب سهله هههههههه مخليتة ينام معاي يعني منتقل حاليا معاي في بيت امي لى قولته ابي اتعود على صياح عبودي من الحين واذا فكر انه يرجع الشقة وتملل من بيت امي باروح معاه بس ماعتقد يسويها ههههه بس صح كلامج الرياييل وايد منهم يبونها من الله المره تفج عنهم شوي عشان يلعب في راسهم ابليس..

انه امس اقول حق زوجي دخيل الله اذا كملت الاربعين خل نروح السعودية مع اني ماحبها بس نحجز في فندق ليلة كتغيير جو قال لاا باحجز فندق ليلة في البحرين ولاا السعودية وعبودي خليه في بيت امج مانبي يهالو معانه ههههههههه

سلام عليكم

بنات بدون مقدمات لاني جدا مستعجلة
عندكم فكرة اي عيادو اسنان فاتحة الحين بنتي وااايد تتالم وتصرخ بليييز

shosho84;11697794:
انجنيرا الحين كملتي الاربعين رجعتي شقتج ومتى بتداومين؟؟ وشنو النيو لوك عقب النفاس؟؟ هههههه

اي خلصت الاربعين وانا عايشة مع زوجي في بيت امي يعني مكاني ما تغير بس امي رجعت تنام في غرفتها وريلي رجع ينام عندي ان شاء الله بداوم على بداية العطلة الصيفية

بالنسبة للوك الجديد مالي بارض اسوي شي يسافي طول الوقت يصيح امي تقولي روحي تحني ما عندي وقت بس حفيت اليوم وكان خاطري اقص شعري بس ريلي ما يرضى اي صح كفاية كرشتنا مخططة هذي احلى لوك خخخخخخ

هلا بنات شخباركم انا لاهيه مع البنت ماقدر اشبك وايد بس باقولكم الحين بنتي احسها ماترضع وايد ولين عطيتها من صدري حزات اقل من 10 دقايق اتم وبعدين تشيل حلجها ماتبي احاول معنه في حليب بس ماتبي هل هاذي يكفيها حاولت اعطيها حليب من برع ماتحب الا الصدر
وشنو تعطون عيالكم بعد انا ابي اسوي لها تمربس بطنها يمشي هاليومين والتمر يسهل قلت بانطر
على طاري اختي رايحه اسبوع ماليزا لانه ريلها عند اجازه واهي الباقي مال اجازة النفاس بترجع الخميس ان شاء الله وموديةالشفاطه معاه عشان مايوقف الحليب ولدها عادي يشرب صناعي
اما امس بالليل صج حسيت كاني جايبه توم اسكت بنتي وبعدين ولدها لانه امي كسرت خاطري مانامت كلش

السلام عليكم شخباركم!
امس عصبت زفيت امي واختي بالغلط
رايحه اخذه شاور وقلت لأمي ترقده
لين ما اطلع واختي اتيي اتطق باب الحمام يلا طلعي
عبادي يصيح يوعان
بعدها ما ادري شنو صار امي يلست تزف جان اعصب
انا بروحي رايحه اخذ شاور اهدئ فيه اعصابي وما لحقت بسرعه بسرعه

تم مسكين يصيح من الساعه 10 ونص لين 1ونص
تخيلوا مو راضي يسكت او ينام
كله من بطنه وغير انه مو ماشي بطنه
هذا ثالث يوم له
اتصلت حق زوجي وعلى طول طواري السلمانية
والدكتور شافه ووصف له دوى حق الغازات
وعن اللي ما يمشي بطنه على قولته طبيعي
بس الريدي يوم الاربعا عندي موعد مع الدكتورة
ان شا ءالله يمشي بطنه ويرتاح مسكين عبوودي
كسر خاطري امس وامي تمت سهرانه لين ما رجعنا البيت
واعتذرت لأختي وامي عرفت انه كان مزاجي زفت
فـ سكتت عني

بنات نصيحه
دوم لبسوا عيالكم مشابيك
لا تلبسونه بس الملابس الداخليه
يوم تشوفون حر او شي
امس انا الغبيه ملبسته ملابس داخليه ولو انه قمطته وفوقه بلانكيت فطن ثقيل
وكان بمنطقه الجفير هوى مو طبيعي
ولو اني مغطيته عدل ورحنا لأخوه وقعدنا ويوم رجعنا البيت
تم يصيح ولا يسكت
قلت بلبسه اوفررول وقت روحتي للمستشفى وصج تم ساكت بالسيارة
ما صاح
كل هذا كان عشان بردان !!!
يمكن دش فيه هوى وانا ما ادري
فـ نصيحه لكم بنات لبسوا عيالكم اوفررولز اول 3 شهور بعدين عادي
اي لبس

جود اذا تبين يمشيه بطنه عطيه حلوة وحطي فيه نباتة ما عليج من كلام الدكاترة لانه ينفع ما يضر حتى خيار شمبر بعد يمشي البطن

واذا على لصياح امس يسافي من الساعة 2 الظهر لين الساعة 2:30 بالليل وهو يصيح تميت اصيح معاه مو عارفة شفيه والحمدلله بعدين نام