التجمع الحادي عشر للحوامل اللاتي يلدن في شهر 3 ( مارس/آذار ) 2010 م - بإذن الله

بروكولي;11632478:
مساء الخيير
شخباركم

الحمد لله على سلامة حنين ام

كيفكم شمسويين

شوشو
الحمد لله على سلامتج
السهر حدث ولا حرج وبالنسبة للرضاعة انا لو الود ودي ما ارضعه طبيعي لاني ملولة ومافيني حليب زين كلش قليل من جذي ولدي يبي بس في حلجه حتى لو مايمص اهم شي انه في حلجه جان شوي يسكت وبالنسبة للرضاعة الصناعية مايتقبلها زين بس تقريبا مرة باليوم ارضعه وان شاء الله يتعود اكثر عليه جان شوي يثقل راسه ويرقد خخخخ

وبعد بغيت اقول لكم اللي ماولدو لسة لاتسوون نفس غلطتي خذيت ثلاث مراضع وكلهم بلاستك ولا وحدة زجاج يزعم عجبوني اشكال البلاستك احلى بس صج مضرين واحنا نعرف مضار البلاستك وخصوصا مع الغسل والتعقيم بالماي الحار البلاستك يفرز المواد السامة واليوم قلبت الرضاعة وتحت في المثلث اللي يجي تحت كل علب البلاستك وجفت مكتوب في داخله رقم سبعة يعني بس حق سبعة استخدامات فقط

وان شاء الله بكرة باخذ له الزجاج افضل

وبعد ادعو حق ولدي بكرة قررت اطهره وجدا خايفة وخصوصا انه مريض وطول اليوم يرجع لان عنده التهاب في اذاينه وتكرمون فيه بلغم كله نازل في بلاعيمه وصدره

هلا بروكولي شخبارج!
احنا بخير
\

سلامات ما يشوف شر ولدج
وعن مراضع البلاستيك زين قلتي لي قبل لا اخذ
خلاص باخذ زجاج وذكرتيني مراضع المستشفى زجاج مو بلاستيك
اللي اييون جاهز بالحليب الصناعي
اما الباقي بلاستيك !!

اهلين جود الحمد لله ان ولدج ان شاء الله قريب راح يشرفكم بطلته في بيتكم
انتي توكلتي على الله والله ماخيب املج وان شاء الله تجوفينه بأعلى المراكز وتجوفينه معرس يارب

دلوعة
الحمد لله انج تطمنتي على جوجو وعلى نفسج ومثل ماقلت لكم من قبل انا شقد قالو لي البيبي كبير لان يجوفون بطني وايد عود لان فيني كرش من قبل ومع الحمل زاد الحجم وقالو لي وزنه 3.6 قبل الولادة باسبوعين واخر شي يوم ولدته طلع نتفة مايتعدة 2.800 طلع اصغر واحد ولدته وحتى انه قصير طوله 47 وبنتي وولدي ولدتهم بنتي 52 وولدي 53 من جذي عقب يوم جفته بهالحجم خفت قلت يمكن غلطانين بواحد ثاني ولانه طلع فلبينو حده في البداية

بروكلي انتي روحي المستشفى وشوفي شنو يقولون لج ؟؟ تطهرينة او لا

اهلين يتوم كيف نبراسي؟
اي انا اليوم اتصلت في العيادة وقالت لي ان الدكتور اول بفحصه وبجوف اذا اوكي او لا

الحمد لله نبراسي بخير ... و لانة وحدة ودت ولدها وعمرة شهرين قال لها الدكتور ليش توج بتطهرينة قالت لانة مريض مصخن طول هالفترة فقال لها لازم تجيبينة اول نشووف يمكن عادي ..

بنات اشلونكم ؟؟؟؟؟

اهليييييييين شخباركم

ببشركم انا ولدت تاريخ 22/3 وجبت ولد وسميته راشد

الف مبروك للي ولدووووو والحمد الله على السلامه

وان شاء الله قريب اكتب لكم قصة ولاتي ...

صباح الخير بنوتات شلونكم؟؟

جفتو ضريبة الامومة شتسوي؟؟ سهر ومافي نووووووووووووووم :(

ولدي فيه بوصفار خفيف وقاعده احاتية وكل من اساله يقولون لي المستشفى مايسون شي بس عطيه ماي :(

shosho84;11634553:
صباح الخير بنوتات شلونكم؟؟

جفتو ضريبة الامومة شتسوي؟؟ سهر ومافي نووووووووووووووم :(

ولدي فيه بوصفار خفيف وقاعده احاتية وكل من اساله يقولون لي المستشفى مايسون شي بس عطيه ماي :(

حمدالله على سلامتج

اللي اعرفه انه يعطونه ماي وسكر نبات ويعرضونه في الصباح للشمس

السلام عليكم مبروك للي ولدوا وعقبالنا احس هالاسبوع اطول اسبوع لانه فيه الالام وتنتظرين الطلق ومن ادش الحمام اجيك نزل علي شي ولا لا حتى دخلت اخر الليل اجيك معنه عويني مغمضه بالزور ابطلها عشان اتاكد لوعت جبد وامس ريلي مزكم وبلاعيم وبوادر سخونه وماقدرت انام عدل اسمعه مايتنفس عدل وكاسر خاطري قلت اما يجيني الطلق الحين والاخ وايد تعبان بس عدى اليوم ههههههههه
بنات اللي ولدوا شلون بدى الطلق هل مرة وحده وانتوا قاعدين وجى الم قوي انا اشوف طلق البنت وايد بارد اما في ولدي كان 4 ايام والطلق كله حامي يوصل 90 كل 5 دقايق مادري هالحملة شلون يكون الطلق

يتوم;11626196:
صباح الخير وان شاء الله كلكم تولدون طبيعي ياارب والله يسهل عليكم بإذن الله

انا امس موعد ولدي وديتة عند دكتور محمد الرفاعي والله طلع خووش دكتوور ارتحت لة وعطاني بعض النصائح وعطاني جل حق الفطريات اللي في فم نبراسي ...

يتوم أنه بنتي بعد متجمع لها الحليب على لسانها يعني فطريات وخايفه تزيد

اعطيه ماء الحيج او الحلوة
زين واجد حق ابو صفار وفصخيه ثيابه
وعرضيه لشمس لاتخلينه ملوت عن لا يعرق

عيــ المها ــون;11635982:
السلام عليكم مبروك للي ولدوا وعقبالنا احس هالاسبوع اطول اسبوع لانه فيه الالام وتنتظرين الطلق ومن ادش الحمام اجيك نزل علي شي ولا لا حتى دخلت اخر الليل اجيك معنه عويني مغمضه بالزور ابطلها عشان اتاكد لوعت جبد وامس ريلي مزكم وبلاعيم وبوادر سخونه وماقدرت انام عدل اسمعه مايتنفس عدل وكاسر خاطري قلت اما يجيني الطلق الحين والاخ وايد تعبان بس عدى اليوم ههههههههه
بنات اللي ولدوا شلون بدى الطلق هل مرة وحده وانتوا قاعدين وجى الم قوي انا اشوف طلق البنت وايد بارد اما في ولدي كان 4 ايام والطلق كله حامي يوصل 90 كل 5 دقايق مادري هالحملة شلون يكون الطلق

الطلق بارد يصير
اني صراحة لللحين ما ولدت ولا جتني بوادر ولادة
وباجر موعد ولادتي المتوقع
شكلي بعوشر
ههههههه
الطلق يختفي
يروح ويجي
ويختفي
مدري شسالفة

الله يستر
ويسهل علينا ياربي

مساء الورد كروشات وامهات مارس ، شخباركم اليوم؟

انا اليوم سويت لي برنامج من الصبح طلعت ويا ريلي بما ان اجازته اليوم رحنا الستي نتمشى حسيت روحي صج من زمان ماخذت لي ثياب ، بس عاد قلت قبل لا اداوم باسبوع جذي يبيلي ثياب يديده حق الشغل ماكانت حزة مشترى كلش وبعدين تغدينا في لانترنس وقلت لهم يزيدون حرارة الأكل شوي لكن صج تعبت من المشي والأكل الحار كله احس بحرررررر :041:

والبارحه صادتني تقلصات قويه وايد ورا بعض يعني بينها ربع ساعه لي عشر دقايق وريلي كان تعبان ومزكم حالته حاله يقول لي نطري لي باجر او يوم الجمعه ههههههههه جنه على كيفي قلت له عاد انا شكلي بعد موعدي بولد و بس شربت ماي زمزم جان تختفي كل التقلصات :091:

shosho84;11634553:
صباح الخير بنوتات شلونكم؟؟

جفتو ضريبة الامومة شتسوي؟؟ سهر ومافي نووووووووووووووم :(

ولدي فيه بوصفار خفيف وقاعده احاتية وكل من اساله يقولون لي المستشفى مايسون شي بس عطيه ماي :(

الصبح فتحي الدريشة وخلي اشعه الشمس على الخفيف تصيده وبيروح عنه

السلام عليكم

شخباركم!

ابشركم بكرة بيرخصون ولدي
بروح الظهر باخذه
والحمدلله واايد مستانسه

јǿđ;11637720:
السلام عليكم

شخباركم!

ابشركم بكرة بيرخصون ولدي
بروح الظهر باخذه
والحمدلله واايد مستانسه

مبرووووووووووووووك جوود

بس لا تنسيين باجر لي رخصوه توصفين لنا شعورج

مبرووك حبيبتي جود والله فرحت لج وااااايد :)

بنات الي والدين قيصرية انه اليوم لي تاسع وماينزل مني دم خير شر بس اول يومين شوي طبيعي هالشي ولا لا؟؟

هلا

شخباركم

دلوعة نفس ريلي يقولي نطري لين الصبح واهو تعبان اقولة لو بدي ابي الحين