خطيبي طلع متزوج 2

om_salma;11507218:

أختى نعومة

أوكيه معاكى فى إنك متمسكة بيه ولما تكون

البنت مرتبطة عاطفيا بخطيبها بيبقى صعب جدا

تفكر مجرد تفكير فى إنها تتركه حتى لو ظهر لها إنه

سىء الطباع جدا

لكن تعالى فكرى معايا شوية

أول شىء هو ليه لما تقدم ليكى ما صارحك بإنه

متزوج هل كان خايف إنه يفقدك ليه هو كان يعرفك

قبل كده أعتقد لا يعنى لو كان ما يعرفك قبل ما

يتقدم لخطبتك ومع ذلك كتم أمر زواجه فهذا يدل

على إنه كان ينوى الخداع منذ البداية سواء معك أو

مع غيرك

فرضا قلتى لى إنكم كنتم عارفين بعض قبل ما

يخطبك وهو فعلا خاف يخبرك بحقيقة زواجه خوفا

من فقدانك

ماشى طب تعالى نفكر فى واقع الرجل ده الحالى

ده إنسان متزوج وتقريبا كنتى قلتى إن أهله ما

يعرفوش عن زواجه ده وإنتى لولا القدر ما كنتى

عرفتى شىء

إنسان قدر يخدع كل الكم ده من الناس

هل يمكن ان تثقى فيه بعد ذلك وأن تأتمنيه على

نفسك وحياتك

إنسان زى ده بسهولة جدا ممكن يبيعك حتى

ملابسك اللى عليكى من غير ما تدرى

لأنه يتقن الكذب والخديعة

صدقينى من ألعن الصفات فى أى إنسان وخاصة

لما يكون رجل الكذب وده بدأ حياته معك بالكذب

تانى شىء ده إنسان أنانى جدا جدا جدا

هتقولى لى لييييييه

أقول لك مافكرش فى حالك إنتى وسعادتك إنتى

كل اللى فكر فيه إنه عايز يتهنى وينبسط بأى

طريقة مش مهم

مافكرش إنه من حقك توافقى او ترفضى بالزواج

من نصف رجل ....أيوا نصف رجل عارفة ليه

لأن فى زوجة أولى هتشاركك فى نصف حقوقك بل

سيكون لها حقوق إضافية عنك إذا كان لها

أولاد

أليس من حقك أن تعلمى بحقيقة الأمر حتى يكون

لكى حرية الإختيار سواء بالموافقة أو الرفض على

ذلك الوضع

لكن كل الذى فكر فيه هو أنه يريد أن يتزوج بكى

ويعيش السعادة التى يتمناها ولما لا فهو لن يخسر

شىء هو المستفيد فى جميع الأحوال جميع ايام

الأسبوع لن يقضيها وحيدا سيجد دائما الأنيس له

لكن أنتى فقط من ستأتى عليها أيام لا تستطيعين

النوم فيها من الخوف لبقائك وحدك فى بيتك

نعومة الموضوع الآن ليس كأى مشاجرة أو إختلاف

بين خطيبين الافضل أن يحلاها وحدهمادون تدخل

الاهل

الأمر الآن مرتبط بمستقبلك مع ذلك الشخص الذى

خدعك وكما خدعك فى البداية يستطيع أن يخدعك

مرارا وتكرارا قد يوهمك بأمور كثيرة تجعلك تتعاطفين

معه وقد يقنعك بان لا تخبرى احد من أهلك بالأمر

حتى لا يفسدون الأمر عليكما

صدقينى معرفة اهلك الآن وليس أى شخص بل

شخص حكيم وعاقل من أولياء أمرك

تقصدينه وتخبريه بكل ماحدث وتطلبين منه النصيحة

والوقوف بجانبك أثناء شرح خطيبك الموقف لكى

صدقينى أنتى مازلتى صغيرة وهناك أمور كثيرة قد

لا تستوعبينها ولا تعرفين ما حقيقتها وما الذى

يمكن ان يطرأ عليها من تغيير لذا لابد من

وجود شخص حكيم من أهلك(أبوكى

،أخوكى،عمك ،خالك،زوج خالتك ،زوج عمتك) معك

أثناء وجود خطيبك ليخبرك بالحقيقة وما هو الواقع

الحالى والمنتظر بإذن الله حتى يستطيع ذلك

الشخص أن ينصحك النصيحة الصادقة وأن يبين لكى

مكامن الخطر فى واقع خطيبك

وأوصيكى اولا وأخيرا بصلاة الإستخارة قبل الإقدام

على أى أمر ثم بعدها ما يتيسر وتسير إليه الأمور

هو الخير لكى سواء كان بإنفصالك أو إكمالك مع

خطيبك

ربنا يكتب لكى الخير حيث كان ثم يرضيكى به

أختك فى الله أم سلمى