خطيبي طلع متزوج 2

واضح انك تبين تعطينه فرصه ثانيه وشكلك متردده تتركينه والدليل انج تبين تسمعين تبريره
حبيبتي تركيه والله يعوضك بغيره
وماتدرين يمكن زوجته الاولى مو سهله وتقدر تسحبه منك

انتي بنوته توك صغيره مو محتاجه لرجال متزوج وامرأه تشاركك فيه

الله يسهل امورج امين ..

يا اختي انت صغيره حرام تضيعين نفسك معاه
المساله نفسيه يبغاله وقت شوي
انت مو قادره تتركينه لانك متعلقه فيه بس داخلك مو راضيه
انت الحين مشتته
بس والله دام كذب عليك مره وفي موضوع مستحيل يتخبى
راح يكذب عليك الف مره
انت لك القرار اهلك لازم يعرفون وبإذن الله ربي يعوضك وتعيشين احلى حياه مع الانسان إلي يستحقك
الله يسهلك يارب

والله غريبة كيف سمح لنفسه يخبي مثل هيك خبر عنك...المفروض يقول لكم من البداية

بنات الله يسعدكم
ريحتوا قلبي

شوفي حبيبتي المشكله إنه خبأ عليك زواجه يعني اللي هذا أوله ينعاف تاليه
أهم شي بالحياه الزوجيه الصراحه وإذا سوى كذا مالك إلا تبلغين أهلك علشان يعرفوا أنتي ليش رافضه

لو كنت مكانج ما اقعد معاه دقيقه وحده
وانتي صغيره وو جذاب من اولا جذب!! شلون تعيشين معاه
الامر راجع لج
بس فكرررري مليون مرره لاتستعيين بعدج صغيره
والله يوفقج

معليش اضغطي على نفسك ولا ترتبطين فيه لانه كذاب وشكله مو قد المسؤليه

بسالك كم سؤال

واتمنى تجاوبيني

الحين انتي وين تعرفتي عليه ؟؟؟ وهل حبيتيه قبل لا يخطبك او عن طريق الاهل

الشي الثاني والاهم ان اهلك لازم يعرفوووو لانه كذاب

وبس مرررره انقهرت لان موقفك صعب بصراحه والي حسيته انك مره تحبيه الله يعينك

يضرب الحب شر بيزل

ماصار شي الى الان,خلصي نفسك من زواج فاشل,انت صغيره والحياة الحلوة تنتظرك مع شاب ماعنده مشاكل زوجيه او غيره,واهلك لازم يكون عندهم خبر ترى الاهل عزوه.

والله يا أختي انتي راضيه ومقرره تعطي فرصة ليش السؤال؟

ربنا يوفقك

حبيبتي الرياييل في هالزمن مايخافون الا من الوحده اللي ظهرها قوي

لاااااااااازم اتعلمين هلك

هذا مايخاف من الله ويقص عليك

اتركيه يولي ولاتنخدعين بكلمتين

الكلام ببلاش مب بفلوس

الحل بيد رب العالمين و بيدج




صلي صلاة الاستخارة و قولي هل اطلب الانفصال عن هالرجل و للا لأ؟

و لاااااااازم تعلمين اهلج عن السالفة .. الحين يشوفج بروحج و يستقوي عليج





و ان شاءالله الله يكتب لج اللي فيه الخير

لومكانك مااوافق
استخيري الله والله زميلتي اختها طلع قبلها متزوج 2 ومخلف 5 وماقلهم بالصدفه اكتشفوا
وانفصلت والحمدلله هاالحين متزوجه وعندها بنت

اختتتي سمعي مننه ..بس مو كلللشي تصدقيينه لاان لرجاال يعرفوون يكذبوون

حبيبتي لازم تعطين اهلك خبر ما يسير هم كمان لهم الحق في الرفض لانه خدعهم جا خطبك وما قالهم انه متزوج وكذب في مواضيع المفروض ما يسير فيها غش وخداع ... حبيبتي فكري بعقلك مو بقلبك .. ما ادري ليه متمسكه فيه له الدرجه ؟؟ انسان كذاب مخادع وكمان خان زوجته الاوليه اكيييييييييد انه بيخونك ايا كان وضعه اللي كذب مره يكذب الف بعدها ..

مساء الخير، صدقيني يانعومة على كلام ام سلمى جزاها الله خير مافيه بعد.

يا حبيبتى الله يكون فى عونك
بس الرسول عليه الصلاة والسلام قال من ترضون دينه وخلقة
ومن كلامك إنك إنتى نفسك مش راضية الأثنين
حتتزوجى وتفرحى يومين... طيب وباقى العمر؟
حتعيشى فى قلق وخوف
وكلنا بنتجوز عشان نكون فى قوامة رجل نحس معاه بالأمان
ودة مفيش معاه أمان من بدايتها
وطبعا إستخيرى
وربنا يكتبلك الخير ويرزقك الزوج الصالح إللى يهنيكى

اختي المفروض تخبرين اهلش ، مو تسكتين عن هذا الشي

اذا ماخبرتينهم والله لا يقول طلقش ، او صارت مشاجرة بينش وبين زوجته او بينه وبين زوجته الاولية ، بعدين طلقش او شي بقول السبب منش

لازم هو من قبل يقول لج ، وحتى لو قالج هو متمسك فيج ، ومادري شنو ، مو تقولين يبين عليه يباني واكو قالي متمسك فيني الرجال هالزمن ماليهم أماان

انتين حبيتينه وهو حباج ، لكن ليش توه قايل لج ...!!!

الله يساعدج ، والله يوفقج

انتي احمدي ربك انك عرفتي بالسالفة قبل لاترتبطون

ونصيحتي انا مثل البنات انفصلي عنة ..لانك توك صغيرة وش لك بواحد مرتبط وعندة عيال

اذا انتي عمرك 21 سنه وهو 31 سنه على كلامك انه اكبر منك ب10سنوات ليش يكذب على اهله ويخبي زواجه منها الا انه واحد لعاااااااااااااااب ومعروف من اوله فلا تمضين حياتك معاه بهم وغم ونكد انتي توك على بر الامان
نصيحه من اخت