Eng. BoB;11498971:
ما شاء الله يا كتكوتة الحاجة جميلة
قوليلى سعر البنبونى واللف بيبقى بكام؟؟؟
انا ماجبتش اعشاب للبيبى خالص وقولت استنى بعد الولادة اشوف الدكتور هيقولى ايه كده صح ولا غلط؟؟؟
وايه بقى احسن اعشاب ليه من تجربتكم؟؟؟ انتوا بتقولوا اسماء كتير بيبى درينك وبيبى كالم وماء غريب
تسلمي يا بيبو، بصي الشكل كده كله علي بعضه بلفته بكل حاجة زي ما شوفتيه كده ب 5ونص، وفيه ارخص وفيه اغلي.
بس احنا لما روحنا سألنا اول مرة قبل الولادة اكتشفنا انهم بيجروا رجلنا بس وبيقولوا اسعار تانية غير وقت الشراء الفعلي، او بمعني اصح بيقولك سعر ولسه مضافش عليه باقي الحاجات رغم انه ساعتها بيفهمك انه كده السعر الاجمالي شامل كل حاجة.
يعني بصي اللعبة بسعر ونوع الملبس بيختلف سعره والشيكولاتة ونوع التل والشريطة كمان وطريقة الكتابة كل حاجة فيه منها سعرين او اكتر مثلا وانتي بتختاري بقي.
انا بردو مجبتش اعشاب خالص وقلت لما الدكتور يقول، وللأسف معرفتش اشوف دكتور الاطفال يومها في المستشفي وكنت متغاظة اوي من كده، وروحت بقي لدكتور اطفال بره بس بعد اسبوع في نفس اليوم اللي رحت فيه للدكتورة بتاعتي عشان الجرح، المهم قاللي انتي متأخرة كده ليه مفروض من تاني يوم تبقي عندي، وقاللي علي طريقة الرضاعة الصح وتنظيم مواعيدها وكده وقاللي بيبي درينك او شاي ميلوبا والاطفال بتفضل بيبي درينك ده كله كلامها، وبتبقي بردو بنسب معينة بسيطة خالص مش تملي الببرونة لأ وفي اوقات معينة وكمان قاللي مش بالببرونة لأ بالسرنجة، فقلتله انا جايبة قطارة تنفع، قاللي اه تمام تبقي كويسة اوي.
وكتبلي نقط للمغص بردو ليها.
