صوت العيون;11802636:
اه يا جميله قط ونص اصلها بتزهق من اللبس الكتير الحمد لله
بس بحسها عندها برد فى معدتها امبارح فضلت تصرخ مهما اعمل لما كنت هتجنن مش عارفه من ايه كدا يارب خير يارب يارب يارب
هو انتى بدأتى تودى للدكتور امتى ان شاء الله
والبيتادين كنت بخففه بمايه وكل لما اغير استخدمه بس بقالى كام يوم بكسل الحمد لله
وكنت بغير بيه بدون تخفيف على الجرح زى ما الدكتور كان بيغيرلى وخلاص هو حددلى ابطل امتى والحمد لله
طيب خللي بالك بردو انهم بيبردوا عننا، فدايما كده شوفيها وحسب الجو عندك ظبطي اللبس.
ممكن مغص الفترة دي الاغلبية العظمي من الاطفال بيجيلهم مغص وحش اوي وخصوصا فترة بالليل وبيستمر ل 3 شهور كده تقريبا وبعدين يروح، بس تنظيم الرضاعة بيقلل منه وبيظبطه شوية إلا حد ما بس اللي تقدر بقي وتعرف تنفذ عشان بتبقي صعبة الصراحة بجد.
المغص بيجي يا إما من هوا دخل بطنها مع الرضاعة سواء من البريست عندك او من الببرونة، عشان كده الدكاترة بيأكدوا انك تدخلي النيبلز وجزء من الهالة اللي حواليها كمان ساعة الرضاعة عشان منعا لدخول الهوا ده والببرونة طبعا يفضل تجيبي النوع اللي فيه الفتحة بتاعة الاير سيستم دي وكمان متخليهاش في بقها فترة بعد ما تخلص اللي فيها عشان متاخدش هوا علي الفاضي، وبيجي بردو لما ترضع في فترات كتيرة قريبة من بعدها يعني في اقل من ساعتين فرق بين كل رضعة والتانية عشان كده الدكتور الاولاني قاللي لازم تنظيم الرضاعة بس انا حاولت معاها ومنفعش بصراحة بس هجرب تاني ان شاء الله، ممكن تديها اعشاب في الفترة اللي بين الرضاعات دي لكن لبن لأ لأنه بيزود ساعتها المغص والتعب بتاع معدتها.
وتديها دوا الانتفاخ بيبقي نقط كده وفيه دوا للمغص بردو وكل ده الدكتور هيقولك عليه، وانا ودتها بعد اسبوع بالظبط في نفس اليوم اللي رحت فكيت فيه البلاستر، وكده الدكتور قاللي انتي اتاخرتي ليه مفروض من تاني يوم عالطول وانا بردو كنت عايزة كده بس مكنش نافع انزل خالص ساعتها.
فانتي لو مكنتيش رحتي يبقي الحقي بقي عشان يديكي كل النصايح المفيدة ليكي وليها وتمشي عليها قبل ما اي حاجة تلحق تتلخبط ليهان وكمان عشان يتابع الوزن بتاعها ده مهم اوي اول شهر عشان الزيادة مفروض بتبقي اسبوعية غير الشهور اللي بعد كده.
هو انتي لسه مفكتيش البلاستر؟