تجهيزات واستفسارات حوامل وامهات مصر... بارت 2

CuTie KaTkOoTa;11761913:
بصو ده البامبرز التركي اسمه كونفي اللي قلتلكم عليه وانا بستدخمه حاليا معاها وحلو اوي معاها.

حلوين قوى يا كتكت والفوط انا جيبه زيهم بالظبط والماركه ديه حلوه
اما الحفاضات انا اول مره اشوفهم انتى جيباهم منين وبكام

وعلى فكره حلو قوى الصالون ماشاء الله زوقه حلو قى هو ده بتاعك :ok:

السلام عليكم ورحمة الله

ازيكم ياقمرات

ادعولى ربنا ييسرلى ساعة سهلة انا خلاص على وشك

صحيح كنت هنسى حاجه هو انا لما بلبس لبس العمليات اللى هولد بيه ده بغيره امتى
وامتى اقدر اقف على رجلى واخد شاور؟

انا اصلى حاطه فى شنطه المستشفى طقم واحد ليا اللى هلبسه بعد الشاور يعنى عشان ماخدش حاجات كتير مالهاش لزمة

ياريت تجاوبونى بسرعه يا حبايبى

crazy ananas;11761982:
حلوين قوى يا كتكت والفوط انا جيبه زيهم بالظبط والماركه ديه حلوه
اما الحفاضات انا اول مره اشوفهم انتى جيباهم منين وبكام

وعلى فكره حلو قوى الصالون ماشاء الله زوقه حلو قى هو ده بتاعك :ok:

:085::085::085::085::085::085::085::085: ضحكتيني يا انوس والله تسلمي ربنا يخليكي اه بتاعي ، هو انتي مشوفتيش صور شقتي ولا إيه؟

انا كنت حطتهم بالتفصيل الممل قبل كده.

بصي الفوط فعلا حلوة اوي وبتشرب كويس وبتقعد فترة عشان سميكة شوية مش رفيعة وكمان حجمها حلو والاحلي منها بقي كمان واحدة بس للأسف عشان هي طقم مع البشكير اللي كنت جيباه عشان مربعة بس كبيرة مش صغيرة ومش مستطيلة زي دول وخامتها بردو بتشرب حلو اوي اوي.

كونفي ده بقي 48 واحدة ب 33 من المحل اللي عندي هنا ده اللي جبت منه اللوتس بردو ب 12ز5

*عروس حبيبى*;11762053:
السلام عليكم ورحمة الله

ازيكم ياقمرات

ادعولى ربنا ييسرلى ساعة سهلة انا خلاص على وشك

صحيح كنت هنسى حاجه هو انا لما بلبس لبس العمليات اللى هولد بيه ده بغيره امتى
وامتى اقدر اقف على رجلى واخد شاور؟

انا اصلى حاطه فى شنطه المستشفى طقم واحد ليا اللى هلبسه بعد الشاور يعنى عشان ماخدش حاجات كتير مالهاش لزمة

ياريت تجاوبونى بسرعه يا حبايبى

ربنا يقومك بالسلامة يارب ان شاء الله يا سونسون

بصي خدي طقمين مش واحد احتياطي يعني عشان لو اتوسخ او جه عليه اي حاجة بس كتري من الداخلي بقي عشان لما تغيري الفوطة وكده.
وانتي مش بتاخدي شاور لوحدك ده لو قيصري يعني لا قدر الله هما اللي بيدوكي هناك وبيبقي تشطيف كده مش شاور كامل وده بيكون بعد ما تفوقي من البنج بشوية كده.

لكن لو طبيعي بقي مش هقدر افيدك بجد بس انا اختي كانت بتولد وتيجي بعدها عالطول ما شاء الله مش بتقعد في المستشفي بس كانت بصراحة بتيجي مقتولة من التعب وكمان قلة النوم قبلها لن كل ولادتها كانت الفجر او الصبح بدري وكمان عشان تعب الطلق فكانت تقريبا بترجع تنام الاول ولا تصحي بقي تظبط نفسها بس مش فاكرة اوي طبعا عشان كنت صغيرة.
ولو قيصري مش بتاخدي شاور كامل إلا بعد ما تفكي البلاستر عشان ميجيش علي الجرح مية.

كتكوتة البامبرز سعرة حلو اوووووووووى
انا دلوقتى بجرب انواع تانية عشان اوفر عاااااااااا
جبت بامبي اول تجربة ولسةمش غيرت لدودو عشان اعرف النتيجة جبت 19 قطعة ب 15 جنية

طيب فى من كونفي دا الصغير؟ و سعرة كام عشان اجربة

m@hy;11762140:
كتكوتة البامبرز سعرة حلو اوووووووووى
انا دلوقتى بجرب انواع تانية عشان اوفر عاااااااااا
جبت بامبي اول تجربة ولسةمش غيرت لدودو عشان اعرف النتيجة جبت 19 قطعة ب 15 جنية

طيب فى من كونفي دا الصغير؟ و سعرة كام عشان اجربة

مش عارفة والله فيه اصغر ولا لأ بس هو المقاس ده صغير اصلا وحجمه حلو مش واسع خالص هو من 3 ل 6 كيلو والبامبرزاية نفسها حلوة وماسكة عليها كويس غير مقاس 2 في انواع تانية بيبقي اكبر من ده بكتير.

فيه عروض في كارفور علي فكرة دلوقتي علي حاجات اطفال لبس ومنتجات عناية وبامبرز ولعب وكله كله، شوفي كده لو لقيتي حاجة سعرها مناسب ليكي.

انا بردو بقعد افكر واشوف ايه اللي سعره كويس ومتوسط مش غالي اوي وفي نفس الوقت يكون حلو بردو ، عشان فعلا في انواع غالية مووووت ودي استحالة اقدر اتواصل معاها خالص.

انا جربت فايني وحلو بردو وبيبي جوي طبعا.

وجربت اتنين بالعدد بامبرز نفسه بقي كانوا هدية كده

ميرسي يا كتكوتة
انا قصدى الصغير فى عدد الحفاضات مش المقاس ياقمر

و دا الجروب بتاع كونفي عالفيس بوك
http://go.3roos.com/lrIY7AodH2j

m@hy;11762195:
ميرسي يا كتكوتة
انا قصدى الصغير فى عدد الحفاضات مش المقاس ياقمر

و دا الجروب بتاع كونفي عالفيس بوك
http://go.3roos.com/lrIY7AodH2j

اها هسألك حاضر انا نسيت اصلي كان فيه صغير ولا لأ بس هشوف بكرة بإذن الله.

عاملينله جروب كمان يا حلاوة :085::085::085: مكنتش اعرف خالص، انتي عارفة ان فيه اضافة مبعوتالي علي الفيس من "حفاظات فيتى Fitti"
عمرك سمعتي عنها دي، وكمان عرفوا منين اني عندي بيبي عشان يبعتولي اضافة بس هو مش جروب لأ ده كانه بروفايل عادي خالص وباعت اضافة لبنتي كمان علي الاكونت بتاعها متقصدنا بقي :085::085::085:

ماهي نسيت اقولك انا قبل ما اجيب العبوة الكبيرة دي جبت 5 اجربهم الاول فرداني كده ولما لقتهم حلوين بقي ولقيت سعر الباكيدج الكبيرة حلو فجبتها عالطول

ههههههههه لا والله اول مرة اسمع عنها فيتى دى

اية دا كوا كونفى دا كمان بيتباع فرط
هجربة ان شاء الله

انا جبت الشيالة دى كميلة اوى وممكن كمان ترضعى البيبي فيها

m@hy;11762239:
ههههههههه لا والله اول مرة اسمع عنها فيتى دى

اية دا كوا كونفى دا كمان بيتباع فرط
هجربة ان شاء الله

انا جبت الشيالة دى كميلة اوى وممكن كمان ترضعى البيبي فيها

حلوة اوي يا ماهي بجد وفعلا اول مرة اشوفها وحلو انها ليها شماسة او الغطاء دي يعني كمان وشكلها متين.

بكام بقي ومنين؟

علي فكرة كونفي ممكن ميكونش بيبتاع كده في كل الاماكن، بس ساعتها جوزي هو اللي نزل وقلتله شوفلي ايه اللي عندهم وبكام والوزن كام وكده عشان احدد، المهم قالولي فيه كذا وكذا ومن ضمن بقي كان كونفي ده وقالوله حلو وتركي وممكن تاخد منه بالواحدة تجربه لكن مقالوش علي الحاجات التانية كده مش عارفة بقي

الشيالة ب 125 من اليكس عندنا بالصدفة لقيتها عالنت لما اروح هصور العلبة بالاوضاع

و اة الشماسة دى حلوة فعلا و هيا بتتشال و بتتركب حسب انتى عاوزة اية

اية يا جميل جوجو مسهراكى ولا اية:)

كتكوته جوجو بسم الله ماشاء الله ملامحها ظهرت ماشاء الله زى القمر ربنا يخلهالك ياارب انا عايزة اعرف بقى انتى حاطاها في ايه ده كاريكوت ولا لحاف اصل بجد شكله امووور اوى

m@hy;11762322:
الشيالة ب 125 من اليكس عندنا بالصدفة لقيتها عالنت لما اروح هصور العلبة بالاوضاع

و اة الشماسة دى حلوة فعلا و هيا بتتشال و بتتركب حسب انتى عاوزة اية

اية يا جميل جوجو مسهراكى ولا اية:)

لا نايمة وانا سهرانة معاكم شفتي بقي :040::040::040::040:

وانا هموت وانام اصلا بس وحشتوني وهدخل دلوقتي واكيد هي هتصحي حالا عكسي دايما.

بنت من الزمن ده;11762329:
كتكوته جوجو بسم الله ماشاء الله ملامحها ظهرت ماشاء الله زى القمر ربنا يخلهالك ياارب انا عايزة اعرف بقى انتى حاطاها في ايه ده كاريكوت ولا لحاف اصل بجد شكله امووور اوى

تسلمي يا قمر، ده بورت شتوي وممكن تفتحيه وتغطيها به كأنه لحاف وكان من لافلي.

Bossy22;11761739:
جبتى لوتس منين يا توتا انا مش لاقياها
كتكت وحستينى ازيك وازى جوجو
طب هم فى المستشفى لما بينضفو البيبى منغير مايحموه مبيبقاش ليه ريحة مش حلوة اصلى مش متخيلة انه ميستحماش
واخد كريم البامبرز معايا المستشفى
بنات اللى معاه نمرة ميرووو بليز يكلمها و يطمننا ضروررررى

يا بوسي يا نساية مانا قلتلك جبته من رويال هاوس ملقتش غير هناك و لو مش عارفة رويال هو سوبر ماركت اودام الميريلاند تنزليله بسلم كدة و فوقيه رويال كيتشن و سيراميكا كليوباترا ولو بعيد عليكى اسألى فى سيف و العزبي و الصيدليات الكبيرة اعتقد اكيد عندهم

ميرفى50;11740454:

هو ده السليب باج الشتوى اللى انا كنت جايبه فى بقى منه الصيفى لسن جوجو هى عندها دلوقتى 7 شهور

ماشاء الله حلو قوى ياميرفى
انا عارفه انك كنتى جايباه من زمان
بس كنت عايزه اعرف
كنتى جايباه منين وبكام؟

CuTie KaTkOoTa;11762058:

كونفي ده بقي 48 واحدة ب 33 من المحل اللي عندي هنا ده اللي جبت منه اللوتس بردو ب 12ز5

كنتى جايباه منين ياايمى؟

:085::085::085:
ما انتى عارفة الزهايمر يا توتا الحمد لله انى فاكرة اسمى بفتكره بالعافية دلوقتى انا عايزة حتة تكون فى مدينة نصر كده اجيب منها هو انتى يا كتكت ايه المحل اللى قريب منك ده فين مش انتى ساكنة فى مدينة نصر بردوووو؟؟؟

m@hy;11762239:
ههههههههه لا والله اول مرة اسمع عنها فيتى دى

اية دا كوا كونفى دا كمان بيتباع فرط
هجربة ان شاء الله

انا جبت الشيالة دى كميلة اوى وممكن كمان ترضعى البيبي فيها

مش ابلتاع دى اللى بتشيلى فيها البيبى على بطنك والحزام ده بيتلف على وسطك صح لو كده
قوليلى ده بنستخدمها للبيبى امتى وسن كام شهر لانى شفتها هنا وكان فى الوان منها حلو وعجبتنى وكنت خلاص هجبها وبعدين افتكرت انى البيبى مش معقول هستخدمها ليه قبل 5 شهور صح وكمان سؤال انا شفت كذا نوع كان فى نوع ب 45 درهم ونوع ب 160 درهم ايه الفرق مثلا وكمان اعرف ازى انه متينة ومش ممكن تفك اصل تبقى مصيبة لو فكت ياريت تردوا عليا عشان لو كده اجبها مع العلم انى ان شاء الله هنزل اولد فى مصر وهرجع الامارات والبيبى عنده 3 شهور فاانا بجيب الحاجات اللى هيستخدمها لحد سن 3 شهور مش من اللبس لا من الحاجات اللى زى دى عشان استخدمها فى مصر وكمان مش عاوزة اجيب حاجات متنكنشى هتستخدم قبل 3 شهور عشان مشلشى من هنا وارجع بيها تانى الامارات فهمتونى

وكمان انا كنت سالتكم السؤال ده ومحدش رد عليا انا ميعد ولادتى المفروض 30-9 ان شاء الله الفترة دى هتبقى حر ولا جوها عامل ايه واللبس اللى هجيبة للبيى يكون صيفى ولا شتوى يعنى قوله اول 10 كده فياريت تقلولى عشان اخد بالى وانا بشترى
وياريت تردوا على اسالتى بقى منتظرة ردكم

سالى بصى الشهر دة لابيبقى حر اوى ولا شتا اوى بس خلى باللك البيبى بيبقى جسموا ضعيق فبلاش تجيبى هدوم شفتشى اوى يعنى خفيفة هاتى اللى هو وسط والتقيل اوى لانك بعد كدة داخلة على شهور الشتا اللى هى 11و12و1 فهيبقى الجو بررد