تجهيزات واستفسارات حوامل وامهات مصر... بارت 2

هانا اوبا;11654091:
ازيكم ياحلوين انا ولدت خلاص وجبت يوسف
كتكوتة انا تعبت من الرضاعة اوى ويوسف مغلبنى هو الشفاط ابو ببرونة جبتية منين وبكام؟؟؟؟؟؟؟؟؟؟؟؟؟؟

الف مبروك يا حبيبتى وحمد لله على سلامتك انتى ويوسف ربنا يخلهولك يارب

صوت العيون;11639156:
جزاك الله خير يا جميله
طيب قوليلى اجيب ماء غريب وبيتادين غسول دلوقتى ان شاء الله
وصحيح هو وانتى رايحه تولدى بتكونى صايمه ان شاء الله

لأ مش لازم تجيبى حاجة من دلوقتى
لما هتولدى بالسلامة ان شاء الله دكتور الاطفال فى المستشفى هيكتب ليكوا روشتة للبيبى مليانة حاجات والدكتور بتاعك هيكتبلك روشتة بكل الادوية بتاعتك برضه ماتقلقيش خالص من الموضوع ده

والصيام لو قيصرى لازم تبقى صايمة طبعا .. انا صومت اكتر من 12 ساعة .. المشكلة فى الاكل ان البنج بيغمم النفس فممكن لا قدر الله وانتى تحت تأثير البنج ترجعى والاكل يدخل فى القصبة الهوائية ودى بتبقى مصيبة .. فمعلش استحملى وصومى وبعد الولادة بيعلقولك جلوكوز مش هتحسى بالجوع خاااالص

roro8484;11640080:
ازيكم يا بنات عاملين ايه
عجبنى شنطه للبيبى اشتريتها وعايزة رايكم



واشتريت دول كمان

ما شاء الله الحاجات جميلة قوى مبروكين عليكى انتى والنونوو

صوت العيون;11637311:
جزاكم الله خير
كلكم رديتوا عليا ربنا يخليكم
طيب اشتريت خلاص البيبى كالم اعمل ايه ارجعه واجيب بيبى درنك
جبته على اساس انه مش مسكر والنونو مش يتعود على المسكر اعمل ايه بقا
وكمان هو لو شربت اعشاب ان شاء الله على مايه بارده زى ما توتى بتقول مش توجعلها بطنها كدا

بصى يا مورو شكلك قلقان جامد من الموضوع ده
انا بعد الولادة واليوم اللى بعديه كله كنت تعبانة جدااا وماكنتش شايفة قدامى اصلا وماكنتش باكل فماكنتش قادرة اشيل البيبى ولا فى لبن اصلا .. قعدت يومين ارضعها صناعى وبيبى كالم والحمد لله دلوقتى بدأت تتعود على صدرى عادى .. ولغاية دلوقتى بديها بيبى كالم بس مش كتير يعنى ومش بترفض صدرى ولا حاجة الحمد لله
والاعشاب لو انتى عملتيها وبردت منك ممكن تحطيها فى حمام ماية دافية عشان تسخن حبة بس بشرط ان البيبى مايكونش اخد منها .. الرضعة اللى البيبى يشرب منها ومايكملهاش تترمى سواء بقى رضعة اعشاب او لبن صناعى

*عروس حبيبى*;11641673:
السلام عليكم ورحمة الله وبركاته

ازيكم يا قمرات

كان فيه بنوته هنا حطت صورة ماء غريب المستورد ياريت لو حد يعرف يجيبهالى او لو فيه بنوته ساكنه فى الرياض تقوللى جابته منين عشان انا جبت واحد بعد ماجيت لقيته مصنوع فى مصر وعاوزة ارجعه
وهو بيتحط فى الببرونه وللا بيتعطى بالمعلقه؟؟

ماء غريب المستورد موجود فى مصر عادى بس مش عارفة بكام جوزى اللى جابه

هانا اوبا;11654091:
ازيكم ياحلوين انا ولدت خلاص وجبت يوسف
كتكوتة انا تعبت من الرضاعة اوى ويوسف مغلبنى هو الشفاط ابو ببرونة جبتية منين وبكام؟؟؟؟؟؟؟؟؟؟؟؟؟؟

الف مبروووووك يا هانا ويتربى فى عزك يارب
معلش الرضاعة فى الاول صعبة انا برضه تعبانة معاها بس لازم نستحمل

ليه يا بيبو صناعي بس كده، طيب الدكتور هو اللي قالك كده ولا انتي عملتي كده من نفسك؟

ده السرسوب ده اهم حاجة والله وكان لازم تحاولي كذا مرة معاها وانتي كمان كنتي تستحملي وتحاولي معلش اول تلات ايام دول مهمين جدا.

roro8484;11653075:
سمايه عيد دى عيدتها فى ساميه الجمل عند الاديب بتاع الالبان يا لايف ولا فين

ايوة يا رورو هيا دى

CuTie KaTkOoTa;11655847:
ليه يا بيبو صناعي بس كده، طيب الدكتور هو اللي قالك كده ولا انتي عملتي كده من نفسك؟

ده السرسوب ده اهم حاجة والله وكان لازم تحاولي كذا مرة معاها وانتي كمان كنتي تستحملي وتحاولي معلش اول تلات ايام دول مهمين جدا.

بيييييييبو حمدلله على السلامة
وكتكت معاها كل الحق

دارين د;11652951:
ازيكم يابنات وحشتوني ونفسي ابقي معاكم كتير بس واللة مش بلاقي وقت خالص كنت عايزة اسالكم ممكن الاقي فين بدلة للبيبي جاكيت وبنطلون وكرافتا عشان فرح صاحبتي عايزاها مقاس 6شهور ممكن الاقيها فين سواء في القاهرة او المنصورة وبتبقي في حدود كام ياريت تردو عليا ضرووووووووووووووي اوي يابنات

اه ياحبيبتى هتلاقيها عند سنتر الشوا فى المنصورةوسعرها تحفة وب 45 جنيه والله العظيم جميلة جدا وشيك
وفى مقاس 6 شهور

ميرسي ياام حمودي علي ردك عليا بس ممكن اعرف دة سالوبيت ولا بدلة اصلي كنت جيبالو في السبوع سالوبيت ببيونة وجيلية علية دة اللي تقصدية وكان فعلا من الشوا انا اقصد بدلة مش سلوبيت

ميرسي ياهوبي طيب ممكن الاقي فين حاجة شيك وحلوة؟

ماميهات هو انا امتي اعرف اني لازم اقيس الحرارة لجوجو، يعني لو حسيت بإيه او شفت ايه عليها اقيس بقي.

ولا لو لقتها سخنة او دافية بزيادة ولا ايه ولا لازم اتابع عالطول من غير حاجة؟

انا بتابع من غير حاجة يا ايمي يعني كل مافتكر اجيب الترمومتر واشوف

http://forums.3roos.com/showthread.php?t=523193

CuTie KaTkOoTa;11655847:
ليه يا بيبو صناعي بس كده، طيب الدكتور هو اللي قالك كده ولا انتي عملتي كده من نفسك؟

ده السرسوب ده اهم حاجة والله وكان لازم تحاولي كذا مرة معاها وانتي كمان كنتي تستحملي وتحاولي معلش اول تلات ايام دول مهمين جدا.

فى المستشفى هم اللى ادوها
انا فضلت مزغللة ومش شايفة حاجة والسرسوب مانزلش منى الا تانى يوم بالليل ادتهولها

طب انا لحد دلوقتى لسة مانزلش منى لبن ابيض كده اللى نزل منى ابيض فاتح قوى زى مايكون شفاف كده ده عادى ولا ايه؟؟

ايوة يا بيبو عادى
مش زى اللبن اللى بنشربه
شفاف شوية

طيب الحمد لله :)

انا سألت ماما على موضوع السرسوب ده قالتلى كده كده هو اول حاجة هتنزل لانه هيفضل متخزن جواكى لحد ما هى تاخده سواء اول يوم او تانى او تالت
وان شاء الله كده كده هروح بكرة للدكتور بتاعها ابقى اتأكد منه تانى على الموضوع ده


صحيح جبت تيتينة ماركة pur عشان وقت الزنقة والرخامة .. باكت فيه اتنين تمنه 11.25 مكشوطة وبالغطا بتاعها والبنت اخدتها ماضايقتهاش .. بس مش بستعملها غير فى الشديد القوى ..

sosiii-cat;11659477:
انا بتابع من غير حاجة يا ايمي يعني كل مافتكر اجيب الترمومتر واشوف

http://forums.3roos.com/showthread.php?t=523193

تسلمي يا قمر

Eng. BoB;11661676:
فى المستشفى هم اللى ادوها
انا فضلت مزغللة ومش شايفة حاجة والسرسوب مانزلش منى الا تانى يوم بالليل ادتهولها

طب انا لحد دلوقتى لسة مانزلش منى لبن ابيض كده اللى نزل منى ابيض فاتح قوى زى مايكون شفاف كده ده عادى ولا ايه؟؟

بتهرجي ادوها صناعي؟
انا اعرف اه يدوا جلوكوز لكن كده غريبة اوي، يلا معلش حصل خير، بس هو فعلا بيبقي كده شفاف في الاول وشوية بردو بتلاقيه يبقي ابيض اكتر ، انا بلاقيه لونه ظهر اكتر لو كان اللبن مليان ساعتها.

Eng. BoB;11662350:
طيب الحمد لله :)

انا سألت ماما على موضوع السرسوب ده قالتلى كده كده هو اول حاجة هتنزل لانه هيفضل متخزن جواكى لحد ما هى تاخده سواء اول يوم او تانى او تالت
وان شاء الله كده كده هروح بكرة للدكتور بتاعها ابقى اتأكد منه تانى على الموضوع ده


صحيح جبت تيتينة ماركة pur عشان وقت الزنقة والرخامة .. باكت فيه اتنين تمنه 11.25 مكشوطة وبالغطا بتاعها والبنت اخدتها ماضايقتهاش .. بس مش بستعملها غير فى الشديد القوى ..

انا بردو كنت جبت الشفاط اليدوي ماركة سفاري بالببرونة ب 45 وبردو اخدتها ومرفضتهاش بس هي مش مقشوطة بس مش كبيرة حلوة، بس استغربت بقي كل ما بغليها واطول شوية، لما طلعتها لقتها اللون الشفاف بتاعها بقي كأنه عليه بخار ثابت او تراب كده بس باللون يعني ابيض شوية من بره، مش عارفة بقي ده عشان النوع مش جامد يعني ولا ايه.

عايزة اجرب اديها النك تاني بقي واحاول اعودها عليها عشان مهما كان احسنلها من دي.

CuTie KaTkOoTa;11662514:
تسلمي يا قمر


بتهرجي ادوها صناعي؟
انا اعرف اه يدوا جلوكوز لكن كده غريبة اوي، يلا معلش حصل خير، بس هو فعلا بيبقي كده شفاف في الاول وشوية بردو بتلاقيه يبقي ابيض اكتر ، انا بلاقيه لونه ظهر اكتر لو كان اللبن مليان ساعتها.



انا بردو كنت جبت الشفاط اليدوي ماركة سفاري بالببرونة ب 45 وبردو اخدتها ومرفضتهاش بس هي مش مقشوطة بس مش كبيرة حلوة، بس استغربت بقي كل ما بغليها واطول شوية، لما طلعتها لقتها اللون الشفاف بتاعها بقي كأنه عليه بخار ثابت او تراب كده بس باللون يعني ابيض شوية من بره، مش عارفة بقي ده عشان النوع مش جامد يعني ولا ايه.

عايزة اجرب اديها النك تاني بقي واحاول اعودها عليها عشان مهما كان احسنلها من دي.

ايمي انا عندي بيبرونة سفاري عملت كدة برضو
الايفنت احسن منها بكتييير وزعلانة عليها اوي علشان 125 ملل وخلاص شوية ومش هاستخدمها تاني
بصراحة ندمت اني ماجبتش البيبرونة 300 ملل مرة واحدة واستخدمتها علي طول

sosiii-cat;11662675:
ايمي انا عندي بيبرونة سفاري عملت كدة برضو
الايفنت احسن منها بكتييير وزعلانة عليها اوي علشان 125 ملل وخلاص شوية ومش هاستخدمها تاني
بصراحة ندمت اني ماجبتش البيبرونة 300 ملل مرة واحدة واستخدمتها علي طول

يعني العيب في الماركة بقي صح.

بس الدكتور قايلي لغاية دلوقتي اديها 50 مللي للبيبي درينك لكن لو ميلوبا او بيبي كالم يبقي 100

هي ممكن تزيد اكتر من كده امتي بقي؟

CuTie KaTkOoTa;11663040:
يعني العيب في الماركة بقي صح.

بس الدكتور قايلي لغاية دلوقتي اديها 50 مللي للبيبي درينك لكن لو ميلوبا او بيبي كالم يبقي 100

هي ممكن تزيد اكتر من كده امتي بقي؟

لالا يا قمر اصل انا برضع صناعي وطبيعي فقصدي علي رضعة اللبن انما الاعشاب زي ماهي
بيبي درينك 50 وبيبي كالم 150
علي فكرة لو عايزة تزودي رضعة بيبي درينك علشان تعتبريها رضعة وتشبعها وترتاحي انتي شوية ممكن تعملي 2 باكيت علي 100ملل

sosiii-cat;11663250:
لالا يا قمر اصل انا برضع صناعي وطبيعي فقصدي علي رضعة اللبن انما الاعشاب زي ماهي
بيبي درينك 50 وبيبي كالم 150
علي فكرة لو عايزة تزودي رضعة بيبي درينك علشان تعتبريها رضعة وتشبعها وترتاحي انتي شوية ممكن تعملي 2 باكيت علي 100ملل

اه عشان كده معلش بقي الواحد لازم يجرب لغاية ما يعرف الدنيا ماشية ازاي، بس كده كده كويس ان فيه واحدة صغيرة للأعشاب وواحدة تانية كبيرة للبن بقي.

انا كنت فعلا عايزة اسأل الدكتور المرة الجاية علي موضوع اني اخلي الجرعة دابل كده عشان مش بتشبع من ال 50 دول خالص ولازم ترضع بعدها بردو.

يا بنات كنت عايزة أسأل من تجربتكو خاصة اللي ولدوا آخر كلام أجيب كام ببرونة و كل ببرونة كام مللي

يا بنات عايزة اعرف اجيب كاريكوووت وللا ملوش لازمة انا بسمع ناس تقول ملوش لازمة و الاقى الناس اللى لسة والدين عند الدكتور كلهم ماسكينه محتارة اوى
و هو اسعاره بتبتدى من كام لغاية كام؟؟؟

أمة الله ترجو رضاه;11665071:
يا بنات كنت عايزة أسأل من تجربتكو خاصة اللي ولدوا آخر كلام أجيب كام ببرونة و كل ببرونة كام مللي

انا لغاية دلوقتي ماستخدمتش الا بيبرونة واحدة للاعشاب واللبن وكله علما باني برضع صناعي مع الطبيعي يعني مالوش لازمة البيبرونات الكتير ممكن لو عايزة تجيبي واحدة 120 وواحدة 300 ماشي انما الصغيرة بتاعت الاعشاب دي مالهاش لازمة خالص

Bossy22;11665594:
يا بنات عايزة اعرف اجيب كاريكوووت وللا ملوش لازمة انا بسمع ناس تقول ملوش لازمة و الاقى الناس اللى لسة والدين عند الدكتور كلهم ماسكينه محتارة اوى
و هو اسعاره بتبتدى من كام لغاية كام؟؟؟

والكاريكوت كمان بحس انه مالوش لازمة
وبيلخم اكتر يعني لو شيلتي البيبي علي ايدك احسن ماتشيليه في الكاريكوت
انا مابحبوش وماجبتوش بس لما ولدت اخت جوزي اداتني بتاعها وماما خدت البنت فيه تطعمها ورجعت قالتلي دة وحش اوي وبيلخم مش هاخدها فيه تاني
كمان هاتروح عليه بسرعة يعني اخره شهرين وهاتحسي ان البيبي كبر بقي علي انه يتحط كدة

بالنسبالي عربية البيبي افيد بكتيييييير طبعا ونفعاني جدا لما بخرج اتمشي او اشتري حاجات مثلا بتبقي مريحة وبتحطي فيها البيبي وشنطته وشنطتك انتي كمان وكله وتعرفي تتحركي
بس خلي بالك هاتيها من 0
اللي هي تنيمي الكرسي بتاعها خالص علشان يبقي ممكن تستخدميها من والبيبي عنده يوم حتي
وانتي واللي يريحك طبعا يا قمر