دموع الملائكه;11407308:
ههههههههههههههههه لايابيتو انا بكالوريوس تجاره سعادتك بس انا كنت بشتغل محفظه فى دار كده قريبه منى واتخنقت م العيال وزورى وجعنى وقلت اوفر صحتى لولادى افضل وبعد كده جوزى قالى لا بلاش وسبتها
ايمى باباكى زى اخويا الكبير مش وحش على فكره على فكره بيتهيالك هوا عايزك تبقى ناشفه ومش متوتره وبيخاف عليكى بس مش بيبينلك بيقويكى بالعكس بجد ربنا يباركلك فيه
صدقينى ده شكله راجل عسول اوى
لا بس بزيادة اوي يا رورو بجد بيعمل بجد ضغط مش طبيعي علي اعصابي من زمان ومن وانا صغيرة والله ده انا حتي خايفة علي البنت لما تيجي وتكبر وتبتدي تدخل المدرسة ان شاء الله، وكلنا عاملينحساب اليوم ده مش هايسيبها في حالها، والمشكلة اني في وشه بقي مش زي ولاد اخواتي بعاد فمحميين شوية ، ولما بيشوفهم بس بيقعد بقي وراهم، لكن انا هابقي قدامه.
بصي يقعد يقولي مالك او مثلا يلاحظ ان صوتي او شكلي متغير، يالهوي لو قلت مخنوقة، الدنيا اتقلبت، وكمان انا مش بحب التدخل اوي ده ، وساعات والواحد بيبقي عايز يقعد مع نفسه كده ويستجم ومن غير كلام او اسئلة وممكن تكون حاجات شخصية مش ينفع احكيها او مش عايزة او علي الاقل في الوقت الحالي بس علي مين ازاي ، بلاش بابا محب للثقافة وللعلم بشكل اوفر اوي، ودي حاجة طبعا كويسة بس لما تبقي بزيادة كده بتخنق جدا، طيب هو حر في نفسه لكن مش يفرض علي اللي حواليه كمان ويبقي بالغصب، يعني تخيلي من واحنا صغيرين يبقي مستكتر اجازة الصيف دي اوي ومتضايق وعايز المدرسة ترجع ، وعايزنا نقعد نذاكر ونقرا في الاجازة.
وامثلة كتيرة بقي، وبردو مثلا حاجة تانية، ابقي واقفة مثلا بكلمه والواقفة طولت فبريح رجلي كده اللي هو اميل سنة علي رجل منهم يعني، مش بخلص بردو، اقفي عدل كده غلط ويدخل في كلام طبي، مش عارفة اقعدي ارفعي كتفك اعملي مش عارفة ايه، عالطول عالطول، لما اتخنقت بس اتعودت يعني هعمل ايه، والمشكلة ان اخواتي اتجوزا وانا صغيرة وانا بقي اللي فضلت في البيت، فطبعا فايق عليا وموجهه كل حماسه معايا.
انا ما صدقت يا بنتي اتجوزت الحمدلله وبقي ليا بيتي وحياتي الخاصة وبردو مخلصتش بيتدخل فيها وفي حياة جوزي كمان وتصرفاتنا ونازلين وجايين وامتي وفين وليه ومش عارف مين.