تجمع حوامل مصر القمرات لشهر ربيع الاول

او مكان اجيب منهخ اللحمه بتاعه مترو حلوه بس اغلي الكيلو 15 جنيه

اه ربنا معاها يارب ويقومها بالسلامه فوبيا يعنى ايه ياكتكت بتتعب يعنى ولا مرض ده ولا ايه؟

دموع الملائكه;11407119:
تلاقيه من التقل ياكتكت ما هو التاسع بيبقى كده نوم خفيف ومش بتعرفى تعملى حاجه يلا يارب الطلق يجيلك وتخلصى وتولدى قريب ان شاء الله شويه صبر بس كمان انا كنت بصبر نفسى واقول يارب بس اشوفها صحيحه ومعافيه مش مهم انا ربنا معاكى

تفتكري يا رورو ممكن يجي الطلق في الكام يوم اللي باقيين دول وبس، مش عارفة مش متفائلة والله بكده خالص، وكمان هي بكرة هتشوف نزلت الحوض ولا لأ وعلي اساسه هتقرر اذا كان اولد الاحد ان شاء الله ولا لأ قيصري، ده انا بس بقول لبابا لو كده اجألها يومين واخليها مع عيد ميلادي وهسأل الدكتورة لو الحالة تسمح وكده، ولسه بخلص الكلمة لقيته هب فيا وهزقني واتخانقنا وشدينا جامد.


صحيح عملت التحليل امبارح والنتيجة بقي هعدي اخدها وانا رايحة بكرة ان شاء الله، بس البنت منها لله عملتلي كدمة في دراعي ووجعاني اوي بس هديت عن امبارح الحمدلله

دموع الملائكه;11407124:
ابتهال اه انا عارفه بس استغربت شويه اه عارفه العملى

:037::037::037:
استغربتي اني بننزل حضانات
انا على فكرة بنزل من سنة اولى
التربية العملي دي
بس بيبقى اول سنتين مشاهدة بس
واخر سنتين بتشرحي وبتمسكي الفصل بقى

دموع الملائكه;11407139:
اه ربنا معاها يارب ويقومها بالسلامه فوبيا يعنى ايه ياكتكت بتتعب يعنى ولا مرض ده ولا ايه؟

فوبيا يعني خوف بالانجليزي يا رورو

sweetylolla85;11407131:
بصي ياستي عاوزه اعرف جزار نضيف كده في عين شمس
لان مترو بيبيع اللحمه غاليه موووووووووووووووووت

ما انتي منشنة علي اغلي السوبر ماركتات اللي موجودة اصلا :085::085::085:

انا كنت قلتلك قبل كده علي جزارة الجمهورية في احمد عصمت من اوله من ناحية عين شمس هنا، وانتي داخلة امشي كده شوية وهتلاقي علي شمالك، ده ماما بتجيب منه او بنجيب من البلد وده الاكتر يعني، بس لو خلصت ولسه مجبناش بنجيب منه او من سوبر ماركت ابو ذكري ومش فاكرة ايه تاني، بس لازم ماما بتنقي بنفسها كل حتة وتبص فيها كويس وفي لونها وكده عشان ساعات في اي حتة في الدنيا يعني التلاجة نفسها بتكون بايظة او مش مسقعة كويس فاللحمة بتكون وحشة وبايظة او غامقة كده، ومش بتحب انه يقطعها حتي ، بتاخدها علي بعضها كده وهي تقطع في البيت.

دموع الملائكه;11407139:
اه ربنا معاها يارب ويقومها بالسلامه فوبيا يعنى ايه ياكتكت بتتعب يعنى ولا مرض ده ولا ايه؟

لا بتترعب وتخاف يعني، وبتقول انها خافت حتي وهو بيعمل رسم قلب للجنين باين.

شموخـ الأمل;11407145:
:037::037::037:
استغربتي اني بننزل حضانات
انا على فكرة بنزل من سنة اولى
التربية العملي دي
بس بيبقى اول سنتين مشاهدة بس
واخر سنتين بتشرحي وبتمسكي الفصل بقى

طيب والمدارس او الحضانات دي بتختاريها انتي ولا الكلية هي اللي بتوديكي علي حاجات معينة وبتتغير كل سنة ولا هي واحدة دايما

وانتى بتقولى لبابا ليه اصلا ياكتكت
بصى والله الطلق ده بيييجى فى اى وقت ماتقلقيش واستنى براحتك خالص الا فى حاله واحده الدكتوره قالتلك ماعادش ينفع نستنى والميه ووزن البيبى وكده ساعتها مش مشكله اتوكلى على الله وماتوتريش نفسك ياكتكت خالص سلمى نفسك كده لله وهوا والله هييسلرهالك وهتقومى تلاقى بنوتك جمبك وهتبقى زى الفل ان شاء الله

طيب خلاص هاجرب جزار الجمهوريه ان شاء الله بس انتي مجرباه مضمون يعني ان شاء الله

ماشى يا ابله بيتوتو عشان تتدربى مع ولادك بقى ههههههههههههه
فوبيا يعنى فير الجهل وحش هههههههههههههه وانا برده بخاف مووووووووووووووووت وممكن اتعب فعلا من المستشفيات دنا عيطت عيييط وانا داخله الاوضه عشان اولد ههههههههههه والنيرس بتوعهم بيتكلمو انجليزى وخنقونى قاعدين يهدونى بالانجليزى وطبعا انا قاعده اكلم براحتى واشتم بالعربى وهما مش فاهمين ههههههههههههههههههههههههه

CuTie KaTkOoTa;11407170:
طيب والمدارس او الحضانات دي بتختاريها انتي ولا الكلية هي اللي بتوديكي علي حاجات معينة وبتتغير كل سنة ولا هي واحدة دايما

اول سنتين بيبقى التوزيع حسب القايمة
بس بعد كدة انتي بتختاري الحضانة اللي انتي عايزة تروحيها
بس الله يهديهم كنت مسجلة اسمي في حضانة نضيفة شوية
انا وصحباتي من سنة تانية عشان التسجيل بيبقى قبلها بسنة
لما دخلنا تالتة شالونا وقالوا نكتفي بهذا القدر
ونقلونا على حضانة تانية الله المستعان

بس عرفت بعد كدة انهم حطوا بنتين مكان اسمائنا
بلااااااوي نعملهم ايه

sweetylolla85;11406897:
انتي طلعتي حامل في ايه يادو عرفتي ؟
الثري دي ده طلع بجد احلي من السونار العادي؟
ردي بالله عليكي

انا جيت اهوووووووووووووو معلش كنت بشوف جوزى عشان كان عايزنى ونزل خلاااص
انا يا لولو هجيب بنوتههههههههههه ان شاء الله الثرى دى تحفه يجننننننننننننن بجددددددد كانك شايفاهاااا على الحقيقه لا يقارن اصلااا بالسونار العادى ده خاللللص ده يا بنتى ورانى صوابعهااا و ودنها و بءها وعنيها و مناحيرها وكل حاجه ما شاء الله انتى لسه مش عرفتى يا لولو ولا الدكتوره ادتك احتماال حتى ؟؟

sweetylolla85;11406903:
منار انا فرحنالك اوي انتي وبسبس يارب يارب يارب يجعلهملكو ذريه صالحه يارب اللهم امين

انا كمان فرحنالهم اوى والله وكل ما اشوف حد من اهلى اقولهم مش بسبس و مشمش ولدواااااااا ههههههههههههه

دموع الملائكه;11406913:
السلام عليكم ازيكم يابنات

وعليكم السلام ازيك انتى يا قمر

تاني حاجه بقي ماما ان شاء الله واخواتي معزومين عندي يوم الجمعه ان شاء الله
انا فكرت في الاتي
صينيه بطاطس في الفرن
ملوخيه
رز بالشعريه
لسان عصفور
سلطه خضراء
سلطه طحينه
لحمه
ومندي اللي هو رز بسمتي بالفراخ
زوديلي عليها بقي او نقصي قوليلي ايه رايك

دموع الملائكه;11407176:
وانتى بتقولى لبابا ليه اصلا ياكتكت
بصى والله الطلق ده بيييجى فى اى وقت ماتقلقيش واستنى براحتك خالص الا فى حاله واحده الدكتوره قالتلك ماعادش ينفع نستنى والميه ووزن البيبى وكده ساعتها مش مشكله اتوكلى على الله وماتوتريش نفسك ياكتكت خالص سلمى نفسك كده لله وهوا والله هييسلرهالك وهتقومى تلاقى بنوتك جمبك وهتبقى زى الفل ان شاء الله

ما هو ده كان قصدي فعلا، انا والله بقوله بسلامة نية وعادي بحكي يعني عشان هو كان عمال يناقشني اصلا في الولادة وكده، فبقول عادي زي ما بتكلم معاكم ومع اصحابي يعني، وبقول حتي هسألها لو ينفع، يعني مش بقوله مثلا انا قررت من دماغي هو انا غبية اوي كده يعني ولا همشي كلامي علي الدكتورة، انا مش عارفة هو فيه ايه بجد، بس يظهر هو شافها انها تفاهات وكمان ازاي يعني الدكتورة تقولي يوم وانا اقوله طيب ينفع مش عارفة ايه، فبقوله هو انا قررت ، انا بقول هسألها لو الوضح يسمح ومفيش مشاكل يبقي ايه الازمة يعني، وقعد بردو فتح فيا فاتحة مش عايزة تخلص وقفلنا يومها واحنا شادين جامد.

المشكلة ان الكبار واخدين فكرة ان ماينفعش الواحد اصلا تقريبا تقعد بعد ما تكون خلصت التاسع، ازاي يعني تزيد اسبوع او حاجة، وبيستغربوا جدا الكلام ده، حتي حماتي بتقولي لأ ازاي يا ايمان ماينفعش، هو هتدخلي في العاشر، قولتلها اه يا طنط بتحصل والله كتير ومش مسألة حسبة غلط، الحسبة الغلط دي اه هقولك لما تكون واحدة زادت اسبوعين او تلاتة لكن اسبوع دي عادي جدا مادام وضع الجنين والمية تمام الحمدلله يبقي خلاص.

ازيك يادو عامله ايه والبنوته السكر دى وءوءت جوه ولا لسه

du;11407211:
انا جيت اهوووووووووووووو معلش كنت بشوف جوزى عشان كان عايزنى ونزل خلاااص
انا يا لولو هجيب بنوتههههههههههه ان شاء الله الثرى دى تحفه يجننننننننننننن بجددددددد كانك شايفاهاااا على الحقيقه لا يقارن اصلااا بالسونار العادى ده خاللللص ده يا بنتى ورانى صوابعهااا و ودنها و بءها وعنيها و مناحيرها وكل حاجه ما شاء الله انتى لسه مش عرفتى يا لولو ولا الدكتوره ادتك احتماال حتى ؟؟


انا كمان فرحنالهم اوى والله وكل ما اشوف حد من اهلى اقولهم مش بسبس و مشمش ولدواااااااا ههههههههههههه

وعليكم السلام ازيك انتى يا قمر

قالتلي احتمال بسيط ولد طيب الدكتور فريد نجم ده لازم تحجزي قبلها وزحمه ولا ايه وكويس كده ولا لا

دموع الملائكه;11407201:
ماشى يا ابله بيتوتو عشان تتدربى مع ولادك بقى ههههههههههههه
فوبيا يعنى فير الجهل وحش هههههههههههههه وانا برده بخاف مووووووووووووووووت وممكن اتعب فعلا من المستشفيات دنا عيطت عيييط وانا داخله الاوضه عشان اولد ههههههههههه والنيرس بتوعهم بيتكلمو انجليزى وخنقونى قاعدين يهدونى بالانجليزى وطبعا انا قاعده اكلم براحتى واشتم بالعربى وهما مش فاهمين ههههههههههههههههههههههههه

ههههههههههه
اتعلم ايه
دول عيال متشردين
برجع دماغي مصدددع
وصوتي رايح
مع اني مش بحب ازعق للعيال
بس بيطروني ازعق واشخط
وجسمي مهدود كمان

بس التشرد بتاعهم الله المستعااااااان

اه يا ايمى والله انا كنت خايفه جدا كتير قالى انا ولدت بعد التاسع باسبوع والتانيه اسبوعين ده اللى خلانى استنى اصلا
بس هما شكلهم قلقانين عليكى برده يا ايمى اعزروهم يمكن ماشافوش حد كده وخايفين عليكى ربنا يخليهوملك ويباركلك فيهم

sweetylolla85;11407187:
طيب خلاص هاجرب جزار الجمهوريه ان شاء الله بس انتي مجرباه مضمون يعني ان شاء الله

انا سألتك ماما يومها وقالتلي انه كويس اه.
او شوفي في الماركت بس تتأكدي زي ما قلتلك كده مناللحمة ومش بقلقك ولا حاجة بس ما هو انتي لازم تبقي فاهمة بردو وتنقي زي الخضار بالظبط.

شموخـ الأمل;11407204:
اول سنتين بيبقى التوزيع حسب القايمة
بس بعد كدة انتي بتختاري الحضانة اللي انتي عايزة تروحيها
بس الله يهديهم كنت مسجلة اسمي في حضانة نضيفة شوية
انا وصحباتي من سنة تانية عشان التسجيل بيبقى قبلها بسنة
لما دخلنا تالتة شالونا وقالوا نكتفي بهذا القدر
ونقلونا على حضانة تانية الله المستعان

بس عرفت بعد كدة انهم حطوا بنتين مكان اسمائنا
بلااااااوي نعملهم ايه

حتي دي فيها وسايطوقرف، معلش يابنتي هانت خلاص.

sweetylolla85;11407212:
تاني حاجه بقي ماما ان شاء الله واخواتي معزومين عندي يوم الجمعه ان شاء الله
انا فكرت في الاتي
صينيه بطاطس في الفرن
ملوخيه
رز بالشعريه
لسان عصفور
سلطه خضراء
سلطه طحينه
لحمه
ومندي اللي هو رز بسمتي بالفراخ
زوديلي عليها بقي او نقصي قوليلي ايه رايك

حلو اوي كده، قصدك كبسة فراخ، كويس عشان يبقي فيه تنوع واللي بيحب اللحمة ياكل فراخ والعكس، بس حلو اوي كده. ومش لازم تكتري وتعملي اصناف كتيرة، المهم انه يكونالطعم مظبوط والامل يكفي ويتاكل عشان متركنيش كتير وفي الاخر يبوظ او ميتاكلش وكمان دول اهلك مش حد غريب وانتي حامل.

عارفاهم منا كنت ابله قبل كده سنتين وخصوصا العيال المقاريد الصغيرين دول الله يهديهم ههههههههه ربنا يعينك